الأخبار
أخبار السودان
أسرة صبي سوداني تقاضي أمريكا بعد اتهامه بصنع قنبلة عائلة مراهق سوداني تقاضي مدينة أميركية
أسرة صبي سوداني تقاضي أمريكا بعد اتهامه بصنع قنبلة عائلة مراهق سوداني تقاضي مدينة أميركية


08-09-2016 07:50 PM

تقدّمت عائلة تلميذ سوداني بدعوى قضائية ضد مدرسة ومدينة دالاس التابعة لوكالة تكساس، بعدما اعتقل العام الماضي بسبب إحضاره إلى مدرسته ساعة مُصنّعة يدوياً، وقالت الأسرة إنّ المدرسة والمدينة انتهكتا الحقوق المدنية لابنها المراهق.
ورفع والد التلميذ أحمد محمد الصوفي، الدعوى في محكمة اتحادية نيابةً عن ابنه، وقال فيها إنّ المدرسة ومدينة إيفرينج ميّزتا في المعاملة ضد ابنه بسبب دينه، الذي يقول إنّه كان عاملاً وراء القبض عليه، ولم يتسنَّ الاتصال على الفور بالمدرسة للتعليق. وكانت الأسرة قد طالبت في السابق بتعويض قدره 15 مليون دولار من المدينة والمدرسة.
وخاض والد الطفل السوداني محمد الحسن الصوفي المعروف، الانتخابات الرئاسية في السودان2010.. ويبلغ عمر أحمد المهووس بالألعاب الإلكترونية 14 عاماً، وهو أميركي من أصل سوداني.. وكان القبض عليه العام الماضي قد أثار انتقادات شديدة على مواقع التواصل الاجتماعي، واتهمته شرطة إيفرينج بتصنيع قنبلة غير حقيقية.
وبعد أن عُرضت صورة أحمد وهو مُكبّل اليدين ويرتدي قميصاً عليه شعار إدارة الطيران والفضاء الأميركية ناسا، ظهر هاشتاغ "أنا أساند أحمد" وحُظي بإقبال في مُختلف أرجاء العالم.
وأشاد مارك زوكيربرغ مؤسس موقع "فيسبوك" بالمراهق وقال: "امتلاك القدرة والطموح لإنتاج شيء لطيف يدعو للتصفيق وليس للاعتقال"، وبعد بضعة أشهر من الواقعة انتقل أحمد وأسرته إلى قطر بعد أن قبل التلميذ عرضاً من المُؤسّسة القطرية للالتحاق بمشروعها لتشجيع صغار المخترعين.
وجاء إعلان السفر بعد ساعات من زيارة أحمد للبيت الأبيض لحُضُور أمسية عن الفضاء دعاه إليها الرئيس باراك أوباما، وعاد الصبي إلى الولايات المتحدة قبل بضعة أسابيع في العطلة الصيفية، وقال لصحيفة "دالاس مورنينغ نيوز" في حديث حصري، إنه يفتقد أصدقاءه في تكساس والتنوع الموجود في الولايات المتحدة.
وقال للصحيفة "فقط أريد أن أخترع (...) أريد أن أساعد العالم كثيراً وسيكون أمراً مُذهلاً أن أرى اختراعاتي تُطبّق".
-


التيار






تعليقات 22 | إهداء 0 | زيارات 6757

التعليقات
#1501986 [فحل المدينة]
5.00/5 (1 صوت)

08-11-2016 08:31 AM
ياخي عملتها بايخه جداً. تاني دق طار وشحده وتشهير بالولد المسكين كده بتفقد قيمتك الخايف عليها . اتقل اتقل شويه . ما تكون وزن الريشه.ههههههههههههه


#1501939 [البروف عوف]
5.00/5 (2 صوت)

08-11-2016 07:17 AM
قرداتي شحات حايم بقرده ويشحت و يتسول!! شيبة اخر عمرة طلعت خيبة و عيبة فعلاً !! الاستحو ماتو فعلاً!! حايم بالصبي بتاعه زي المتسول الاعمى الجاري ورا الشفقة!! اختراع قال!! دا تركيب زي الصيني المقلد فك وركب وشغل خارم بارم!! مش ناس قطر ادوكم كبة وعوضوكم!! تاني جارين ورا الشحاته وقلة الذوق!! هو كويس انو البوليس الامريكي ما فتح فيكم رصاص زي مابعمل مع الامريكان السمر ومن اصول افريقية!! اقعد غيظ في عمك سام لمن تلقاهو واقف قدام بابك بالرشاش والمسدسات وطلقه في الراس!! الطمع قل ما جمع وانت يا ابو الود عامل للسودانين المغتربين الشرفاء سمعة اسوء من المصريين البنشوفهم في الافلام بشحتو!! استحي مافضل لك شي في عمرك!!وخلي عندك عزة نفس وسيب الانهازية و الفارغة!!


#1501709 [Naseh]
0.00/5 (0 صوت)

08-10-2016 04:27 PM
(أُولَٰئِكَ الَّذِينَ لَعَنَهُمُ اللَّهُ ۖ وَمَن يَلْعَنِ اللَّهُ فَلَن تَجِدَ لَهُ نَصِيرًا (52) أَمْ لَهُمْ نَصِيبٌ مِّنَ الْمُلْكِ فَإِذًا لَّا يُؤْتُونَ النَّاسَ نَقِيرًا (53) أَمْ يَحْسُدُونَ النَّاسَ عَلَىٰ مَا آتَاهُمُ اللَّهُ مِن فَضْلِهِ ۖ فَقَدْ آتَيْنَا آلَ ...)


#1501563 [omer]
5.00/5 (1 صوت)

08-10-2016 11:13 AM
ما صدق لقى ليهو سبب عشان يتاجر بي ولدو


#1501546 [كاكا]
5.00/5 (1 صوت)

08-10-2016 10:39 AM
قطر ما نفعت ؟


#1501516 [كلمة حق]
5.00/5 (1 صوت)

08-10-2016 10:04 AM
الولد اصلا غير مخترع يعني ما ابتكر اختراع جديدة هي فقط تجميع لقطع ساعة يعني اختراع موجود اسمه الساعة يعني الولد ده لو قال انا اخترعت الساعة حيحاكم لانه تعتدي علي برائة اختراع ملك لشخص اخر من الاخير هو ليس مخترع كما يصفه البعض..اما عن موضوع التعويض فلديهم الحق في تصعيد القضية لانها فيها جانب عنصري تميزي مافي شك في ذلك ..وثقافة السودانيين داخل السودان معروفة بالاجاويد والتنازل عن الحقوق لذلك من الطبيعي ان نجد كثير من المعلقين يستهجن مطالبة اسرة الصبي بالتعويض ..


#1501492 [عدو الكيزان]
5.00/5 (1 صوت)

08-10-2016 09:28 AM
قايتو فرصه جاتك اضرب ضربتك


#1501445 [Free]
3.00/5 (2 صوت)

08-10-2016 08:32 AM
مستحيل كل الناس نازلين فى الراجل سلخ بما يحلو من أوصاف حلب و استغلال و تتاجر فى النهاية دى امريكا و دى طريقة حياة شعبها و ثانيا لو واحد كان فى أمريكا و خرشتو كديسة كان طار فرح عشان حياله لى بى 5000 دولار خلى 15 مليون بعدين انت اصلو متعودين تاخدو على قفاكم و تدنقروا اسا بعد كل القتل و التعذيب و السحل مشت المعارضة وقعت الحوار شعب لا يملك مبدأ و لا إرادة...خلو الراجل يغتنم فرصة العمر لى ولدى واذا غلط فى مقابلة البشير دا ما بمنع هذه فرصة خاصة به و لا يجب أن نستهجن لانو لو اتتك هذه الفرصة و لم تطلب بتعويضك فهذا يعنى انك أغبى مخلوقات الله


#1501432 [المتغرب الأبدي]
5.00/5 (1 صوت)

08-10-2016 08:15 AM
تاااااااااااني الزول الما بيخجل دا ظهر ؟؟


ردود على المتغرب الأبدي
[موردة حضارة] 08-10-2016 11:02 AM
I fed up too


#1501381 [Salah ALDeen P]
0.00/5 (0 صوت)

08-10-2016 06:41 AM
مع تعاطفي الشديد مع الولد لكن ابوهو عملها حامضة


#1501378 [المحسي]
5.00/5 (1 صوت)

08-10-2016 06:23 AM
باخوانا الناس ديل اتظلمو ودايرين حقهم ..المشكلة في شنو..اي واحد فيكم بتخيل انو بختو يدو في الكلباش وبدون ذنب


ردود على المحسي
European Union [PANADOL] 08-10-2016 06:59 PM
اصلا دة واحد انتهازي واستغلالي ..مزوج له واحدة في سن بناتو وسايق له طفل في عمر احفاده يتسول به بلا خجلة من حارة لحارة..


#1501367 [المتجهجه بسبب الانفصال]
0.00/5 (0 صوت)

08-10-2016 06:03 AM
يا جماعة فعلا الراجل بالمفاهيم السودانية مفاهيم الجودية وثقافة العيب انتهازي مافي شك،،، لكن بالمعايير والقيم الامريكية الرأسمالية المادية سلوكه صحيح ،، هسع سمعتو في أخطاء طبية في أمريكا بسيطة يموت بسببها الناس زي حقنة غلط أو بنج زائد زي ما بحصل في السودان طبعا لا ،، لأنو الغرامة كبيرة وده قانون في كل شيء ،، في أمريكا حقك طقلعوا في السودان شعار،،، فلنخت الكورة في الواطة ودعوا عنكم ثقافة العيب فامريكا كدولة لو دفعت ليك دولار تشيلو عشرة دولار أو تعمل ليك مشكلة تشيل بدل الدولار 100 دولار وهذا ما لم يقف عليه صلاح كرار في قصته مع الدولار الذي اتخذ طريقه في الهواء سرباً...


#1501334 [القذافي 40 سنة وصدام كم وعشرين والبشير لا زال ينتظر.]
4.75/5 (3 صوت)

08-10-2016 02:01 AM
هذا الوالد الانتهاذي الأحمق الفضيحه اظنه كوز ضل طريقه ووجد نفسه في أمريكا. لايخدعكم هذا المنافق أيها الشعب الأمريكي الطيب.


#1501318 [عشكبه]
4.88/5 (4 صوت)

08-10-2016 12:30 AM
كرهتنا زاتو ... شكلك أرزقي ... والله أولادنا
في المهجر فيهم كتيرين عباقرة لكن ما بنسوي سواتك دي لعنة الله عليك ... ما بتخجل تسوقو تقابل بيهو كمان بشه ...ياهو شبهك .... و اخرتها عايز تتاجر بالولد . عليك الله إختشي .


ردود على عشكبه
[الشانق طاقيتو] 08-11-2016 03:35 AM
يا abo Tika alzat واضح إنك كوز ما متربي ودى ما غريبة على أشكالكم دى..

[abo Tika alzat] 08-10-2016 05:44 PM
قل موتو بغيظم ايها السفلة الحاقدين اشباه الرجال وليس رجال الرجل حر يعمل مايريد انتو حاركم فين وبشه طلع اشرف منكم واتمني يحكم الي يوم القيامة

لو حصل لولادكم ماذا كنتم فاعلون ام انتم من تبعون شرفكم لاجل المال
معارضة اخر زمن


#1501299 [عبر الأثير]
4.50/5 (2 صوت)

08-09-2016 11:13 PM
الزول دة كان. بحلم يصبح رئيس السودان حتى يتثنى له خم ثروة السودان كما فعل الرئيس الراقص..
الان اصبح يساوم بقضية ابنه لحلب الدولارات السهلة من الحكومة الامريكية ... يا زول صحي ضميرك و خاف الله
اي زول اصبح يعرف عنك زول انتهازي فرص للكسب بكل الوسائل .. حسبي الله و نعم الوكيل


#1501295 [المهندس]
5.00/5 (2 صوت)

08-09-2016 10:53 PM
الراجل الحقير الاستغلالي الانتهازي المتسول دة تااااااااااااااااااانى ظهر من وين؟؟؟


#1501278 [الاستاذ]
4.75/5 (3 صوت)

08-09-2016 09:36 PM
ما حدث مع احمد وجد التعاطف من الجميع لولا تدخل اباه السخيف للمتاجره بالموقف لمصالحه الشخصيه . الان القضيه اصبحت قضية ابتزاز عاديه يمارسها الوالد المرشح السابق . كل من ساند احمد سيشعر بالندم لذلك والان كل الامريكيين يتفهمون تصرف الاستاذه التى ابلغت الشرطه لأن الساعه كانت لحد كبير تشبه القنبله يعنى قضيه خاسره لا محاله


#1501266 [ترباس]
4.75/5 (3 صوت)

08-09-2016 09:02 PM
ثاني الابو المجنون ده جاب ولدوا بتاع الساعة ده هيييي
ده راجل استغلالي ساكد ولا قرش يا ناس امريكا ما
تدوا ليه لعنه الله عليك وملبس الولد فنيلة مكتوب عليها
نا سا داير يعملوا عالم باي طريقة


ردود على ترباس
[observor] 08-10-2016 11:08 AM
انتوا ال بتعلقوا فوق ديل مالكم ومال الراجل ما تشوفوا شغلتكم . ديل امريكان الراكبين من فوق ليكم خليكم مع الحرامية الجد ال نهبوا البلد . حاجه تغرف . بتاعين تنظير بس . وبعدين الظاهر عليكم مفلسين . دي حساده منكم يا بهايم . عيونكم في الفيل وتطعنوا في ضلو



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة