الأخبار
أخبار إقليمية
نظام البشير يطالب أمريكا رفع السودان من قائمة الدول الراعية للإرهاب
نظام البشير يطالب أمريكا رفع السودان من قائمة الدول الراعية للإرهاب
نظام البشير يطالب أمريكا رفع السودان من قائمة الدول الراعية للإرهاب


08-11-2016 08:45 AM
كتب مركز حزب البشير الصحفي

جدد السودان مطالبته للولايات المتحدة الأمريكية برفع اسمه من قائمة الدول الراعية للإرهاب في وقت قال فيه بأنه لابد أن ينتهي عهد المبعوثين في السودان وأن تكون العلاقة مع الولايات المتحدة دبلوماسية كسائر الدول الأخرى.
وقال دكتور عبيدالله محمد عبيدالله وزير الدولة بوزارة الخارجية لـ(smc) إن السودان لا يعلم حتى الآن لماذا تتأخر الولايات المتحدة في التجاوب مع قضاياه المطروحة خاصة وأنها قطعت على نفسها وعوداً أكثر من مرة مقابل أن يحدث في السودان تحولاً وتطوراً في الشأن السياسي والتداول السلمي وغيرها إلا أن كل التزامات السودان التي أوفى بها لم يقابلها سوى المزيد من تمديد العقوبات.
وطالب عبيد الله أمريكا بإعادة النظر في العقوبات الأحادية القسرية المفروضة على السودان والتي قال بأنها تعد إنتهاكاً وفقاً للمعايير الدولية، مبيناً أن السودان أعلن استعداده منذ زمن بعيد للتعاون مع الولايات المتحدة الأمريكية لذلك لابد أن تقدم التنازلات تجاه العقوبات وقال عبيد الله السودان ليس لديه ما يقدمه أكثر مما التزم به وأوفى على حد تعبيره.


تعليقات 11 | إهداء 0 | زيارات 4813

التعليقات
#1502677 [ابوجلمبو]
0.00/5 (0 صوت)

08-12-2016 08:31 PM
امريكا والبشير زي العريس والعروس المعرسين بعض عرفي
قدام الناس يشاكلو بعض وجوه الغرفة يحضنو بعض


#1502496 [Alkarazy]
0.00/5 (0 صوت)

08-12-2016 07:57 AM
شهر ١٠ بعد المباحثات الجاريه الان مستعجلين ليه...كل شئ وله ثمن يلا ورونا إيش حتسو مع المعارضه علما انكم اعطيتم وعدا للا مريكان.اي لف ودوارن عكازه القذافي جاهزه بس المره دي امريكا جاهزه


#1502478 [خليل ابراهيم]
0.00/5 (0 صوت)

08-12-2016 05:55 AM
الحركة الاسلامية عاملة زى الحرامى الاطرش السرق الراديو وهو شغال وبيتعجب محل ما يدسه الناس سكنو.
فى زول فى الدنيا دى يستضيف اسامة بن لادن وايمن الظواهرى وعمر عبد الرحمن وكارلوس ومحمد على الجزولى وشيخ السديرة ويسلم الامركان عبر مطار الخرطوم كل العرب الافغان ويطالب بى شطب اسمو من قائمة الارهاب.
بطلوا سذاجة اسمكم مكتوب فى قائمة الارهاب بماء الذهب ومعلق على رقبة الرئيس الامريكى مع شفرة القنابل النووية وما اظنو يتشطب الا تتشطبو انتو من الحياة.


#1502222 [مارتـن لـوثر كـنج]
0.00/5 (0 صوت)

08-11-2016 02:49 PM
على الأدارة الأميركية أن تواصل وقوفها مع الشعب السودانى كما هى دائما وكما ينص دستورها بحرية الأنسان وتمتعه بكل حقوقه الأنسانية وتستمر فى مساعدته ونصره على هذا النظام الفاسد المجرم الأرهابى الذى هو وراء كل مصائب العالم بسبب مناصرته للمنظمات الأرهابية من الأسلاميين فى العالم اجمع والا تستجيب لهؤلاء اللصوص وبالعكس يجب ان تشدد عليهم الحصار وان تقبض على المجرم المطارد من العدالة وتسليمه الى محكمة الجنايات . ان الشعب السودانى المغلوب على أمره والمنكوب من هذا النظام عدو الأنسانية والحرية , يقدر ويثمن الدور الكبير الذى تقوم به اميركا فى نصرة الشعوب المظلومة والمقهورة من الأنظمة الدكتاتورية .


ردود على مارتـن لـوثر كـنج
[ابوجلمبو] 08-12-2016 08:28 PM
اكيد انت جاهل بامريكا ومستجد لجو من مصر لامريكا
امريكا ايها الغر لم تساعد اي شعب في حياتها
انصحك تمشي برونكس في نيويورك او ساوث ايست دي سي


#1502213 [أب شرارة]
0.00/5 (0 صوت)

08-11-2016 02:36 PM
وويييييييين شعارات أمريكا عذابك دن خلاص لحستوهو يا كلاب يا أنجاس الله ينتقم منكم زيادة كمان عذبتو شعب أبيّ لا يستحق العذاب لميتو كل لمامة العالم الإرهابية وجبتوها عندنا مارستو أبشع أنواع التعذيب مع الشعب الغلبان نهبتو البلد وقسمتوها واشعلتو الحروب الداخلية في كل مكان لا لسبب سوى أنكم تسعون لسياسة تمكين أكثر وأكثر لا يهمكم حال البلد وما أوصلتوها إليه من تشرذم وتمزق كل الهاميكم بطونكم وفروج النساء .. مهما تذللتو للإمريكان أسيادكم يا سفلة مافي رفع للحصار ولعلمكم نحن كشعب سوداني رافض لحكومة الكيزان أخوان الشيطان ما عندنا حاجة متضررين بشبب الحصار جوع وجعنا مرض ومرضنا عذاب وتعذبنا موت ومتنا إنحلال وإنحدار في الأخلاق وغطسنا فيه لي إضنينا المتضرر الوحيد من الحصار الإمريكي هو أنتم إخوان الشياطين السفلة عاوزين تنهبو لسّا الله لا كسبكم لا دنيا ولا آخرة وحقنا ما عافين نسأل الله أن ينتقم منكم بقدرت واحد أحد فرد صمد وأن يطيل الحصار الإمريكي علكيم لغاية ما تضوقو الضوقتونا ليه


#1502110 [sudani1000]
0.00/5 (0 صوت)

08-11-2016 12:24 PM
الطاغية الامريكان ليكم تدربنا الناس دي لازم يعرفو انو التدريب وقف ولا شغال؟


#1502109 [ساري الليل]
0.00/5 (0 صوت)

08-11-2016 12:22 PM
في اليوم الذي ترضى فيه امريكا عن هذه الحكومة وترفعها من قائمة الدول الراعية للأرهاب فعلى الشب السوداني - من غير الاسلاميين - ان يبحثوا لهم عن بلد أخر وسيكون باطن الارض خير لهم من ظاهرها

وسوف تستفرد الحركة الاسلامية بالشعب السوداني وتذيقه الامرين نعوذ بالله من شرورهم وان يكفينا الله شرورهم.


ردود على ساري الليل
[ابوجلمبو] 08-12-2016 08:29 PM
حقيقي ساذج
لولا امريكا ما قعد بشة 27 سنة راكبكم


#1502076 [قلام الفقر]
0.00/5 (0 صوت)

08-11-2016 11:35 AM
(نظام البشير يطالب أمريكا رفع السودان من قائمة الدول الراعية للإرهاب)
الشؤال ليييييييييييييييييييه, وعشااااااااااان شنوووووووووووووو.
يعلم الامريكان كما نعلم نحن, ان الحكومة السودانية الفاسدة هذه بقيادة افسد خلق الله وارزلهم, لهى راعية للارهاب 100%, مش الامريكان الكاشفينكم تماما وانتم معرين امامهم, نحن الشعب السودانى, نعلم ان حكومة الكيزان بالسودان لهى الراعى الاول عالميا للارهاب, مش كدة وبس, ان الارهاب من اساسة انطلق من السودان تحت ظل هذه الحكومة.
ثم ثانيا: كم مرة يا نظام البشير طلبتم من امريكا هذا الطلب, كم مرة من ذى قبل مش عشرات المرات وكانت النتيجة هى الرفض من الحكومة الامريكية, ليه: بطالبوا ثانيا: الاتغير شنو فيكم, انتو ياكم انتو.
والله: لو طلعتو القمرة وجيتو ولو حلفتو برب البيت للامريكان عشان يرفعوكم من قائمة الارهاب, مافى اى طريقة. واصلو البشير ونظامة لاعندكم ماء وجه ولاكرامة ولا نخوة, وانتم مصرين لتنظيف جزمة الامريكان بالسنتكم, لكن هيهات .. هيهات ..
مافى طريقة مافى طريقة, انتو قايلين الامريكان زى الشعب السودانى الصابر الكاتم الغيظ. الامريكان ديل صعبين وبنشفوا الريق, وانتم الان ريقكم محتطب ومتحجر من ضغط الامريكان, الذين نناشدهم بمزيد من التأزيم عليكم ومحاربتكم بشتى السبل والطرق التى يرونها مناسبة بكم وبافعالكم, و (التسوى كريت تلقا فى جلده), وشدوا حيالكم الايام القادمات اصعب وامر عليكم, الى ان يقضى الله فيكم امرا كان مفعولا.


#1502056 [صابر الصابر]
0.00/5 (0 صوت)

08-11-2016 11:17 AM
اذا لم تتركوا العبط والهبل والوساخة البتسوا فيها دي يافاشلين امريكا لن تعير لكم اي انتباه..


#1502045 [الناهه]
0.00/5 (0 صوت)

08-11-2016 11:06 AM
طلب ساذج من حيث التوقيت والموضوع حيث ما زالت الاسباب والدواعي ماثلة لبقاء السودان في قائمة الارهاب الامريكية وعلى حكومة المؤتمر الوطني ان تعيد تقييم الامور لان كل ما قامت به لا يفي بالمطلوبات الاساسية ولا معنى لتحجيم العلاقات بايران او المشاركة في عاصمة الحزم او غيرها .. نعم انها تستحق مكافأة ولكنها لا ترقى الى مستوى رفع العقوبات ورفع اسم السودان من قائمة الارهاب لان امريكا تقيس بمقياس الوضع الداخلى الذي لا ينفصم عن السياسة الخارجية وهما وحدة واحدة وليس امام حكومة المؤتمر الوطني الا الحوار الوطني فهي بين المطرقة والسندان فلا تبدد جهودها سدا فيما لايفيد ولا ينفع فان ماقدم حتى الان لا يفي بالمطلوب وهذا ما ظلت امريكا تردده مرارا وتكرارا


#1502032 [فيلق]
0.00/5 (0 صوت)

08-11-2016 10:50 AM
انتو ناس كذابين ومخادعين ومنافقين وعليكم فقط بالحل الاني الم تسالوا انفسكم لما جيتوا واستوليتو علي السلطة وقعدتو تكوركو بدون سبب (امريكيا روسيا قد دنا عذابها علي ان لاقيتها ضرابها) عليكم الله ده ماجن منكم ساي وعشان شنو نفختكم كانت ومالكم ومال امريكا ولا هي عنترية ساي وحمرة عين كان الافضل تهتموا بانسان البلد والبلد وتطوروها بدل الوصلتوهو لينا اسي وتعملوا من سكات يعني انتو ارجل من الدول دي كلها وغير كدا امريكا عملت ليكم شنو عشان تعادوها ياجهله
انتو ما راعيين للارهاب بس انتو الارهاب زاتو فتحتو البلد للمتطرفين مارستوا القتل والتعذيب علي ابناء السودان
نحن نطالب امريكا ان تعصركم عصر الزيت لمن تقولو الروب ياكلاب نحنا خلاص اكتر من كدا ماحا نتضرر من شنو جوع ومرض وفقر وانحلال اخلاقي واي شئ كعب
كلاب اولاد ام زقده حرامية ما عندكم دين ولا اخلاق


ردود على فيلق
[كاسـتـرو عـبدالحـمـيـد] 08-11-2016 08:23 PM
وحتعملوا شنو لما يجيكم دونالد ترمف ؟ غايتو لو جاتكم هيلارى كلنتون ووب ولو جاكم دونالد ترومف ووبين . يااولاد الكلب والله راجيكم يوم , حاتتمنوا فيه انكم امهاتكم ما ولدتكم .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة