الأخبار
أخبار السودان
الخرطوم تعتمد نظام جمع النفايات في حاويات بالاحياء والاسواق
الخرطوم تعتمد نظام جمع النفايات في حاويات بالاحياء والاسواق


اقرت بصعوبة الجمع من المنازل في الوقت الراهن
08-22-2016 09:55 AM



الخرطوم: عازة ابوعوف
اعلنت ولاية الخرطوم عن مراجعات شاملة لاوضاع النظافة بالولاية، ووجهت باعتماد نظام جمع النفايات في حاويات توضع وسط الاحياء والاسواق لصعوبة تنفيذ نظام الجمع من المنازل في الوقت الراهن.
وكشف والي الخرطوم الفريق اول مهندس ركن عبد الرحيم محمد حسين في اجتماع امس مع وزيري الصحة والمالية ورئيس المجلس الاعلى للبيئة والتنمية الحضرية والريفية، ومعتمدي المحليات بالولاية عن اجراء مراجعات شاملة لاوضاع النظافة واصحاح البيئة.
واشار رئيس المجلس الاعلى للبيئة عمر نمر خلال استعراضه تقريراً في الاجتماع الى طرق نقل النفايات ومعالجتها في الاسواق والشوارع والاحياء ومصارف الامطار، ورفع كفاءة المحطات الوسيطة، ولفت المعتمدون الى ان الحملات اسهمت في خفض نسبة الذباب والباعوض.
وفي السياق قرر الاجتماع اعتماد نظام جمع النفايات في حاويات توضع وسط الاحياء والاسواق لصعوبة تنفيذ نظام الجمع من المنازل في الوقت الراهن، وطالب جهات الاختصاص بالاسراع في تصنيع تلك الحاويات وادخالها الخدمة فوراً.
وشدد الاجتماع على ضرورة تفعيل محاكم البيئة لمواجهة الممارسات الخاطئة التي تؤدي الى تدهور صحة البيئة كالممارسات المتعلقة ببعثرة النفايات مايعرف بـ(البركته).
واعلن وزير المالية عادل محمد عثمان حسم موضوع استقرار واستبقاء الكوادر بصورة نهائية عن طريق استيعاب اصحاب طبيعة العمل الثابتة والمستمرة (السائقين) في وظائف ثابتة، واعتماد نظام التعاقد مع اصحاب طبيعة العمل المؤقتة مع اجازة لائحة صارمة تؤكد ضرورة الانضباط والالتزام بالواجبات.

الجريدة






تعليقات 20 | إهداء 0 | زيارات 3396

التعليقات
#1508658 [oolaish]
0.00/5 (0 صوت)

08-23-2016 10:11 AM
وهم فاكرين الحاويات دي لعبة و ما ليها مواصفات خاصة بحيث ترفع في شاحنات مصممة لتفريقها في مكانها وترفع الياً وتدور النفايات ميكانيكياً في نفس اللحظة قبل الذهاب بها الي المكبات . المفروض يطلعوا بلاد برة ويشوفوا الحكاية بتعمل كيف بعدين يقرروا مش كدة عشوائي ساكت ويقولوا وجهوا بتصنيعها و السلام.


#1508577 [الحلومر/خريج الابتدائية]
0.00/5 (0 صوت)

08-23-2016 08:03 AM
بالله عليكم ماتنسوا تصنيع حاويات
للبنقو والحشيش والقات خدرونا نحن خدرنا بقينا خردة
احكمونا 100 سنة ذي ما قال ممتاز عشان تمحو خريطة السودان


#1508513 [Lawrenceville]
0.00/5 (0 صوت)

08-23-2016 06:22 AM
صراحه لو حا تتنقل بشكل يومي ومنتظم مافي مشكله اطلاقا ودا حا يكون انسب حل، لانه الوضع الحالي خلق مكب للقمامه بعد كل عشرين ولا تلاتين متر وسط الأحياء ، ودا النظام المعمول بيه في كثير من الدول بما فيها بعض الولايات في امريكا ، اذكر ونحن صغار ونسكن في احياء امدرمان الشعبيه اذا جاز التعبير ، كنا نقوم برمي الأوساخ في حاويه او كما قال الاخوان ( الكوشه) وكانت حضور عربيه تفريغ الحاويه منتظم وأقسم بالله لم نكن نشاهد اي أوساخ ملقاء امام للمنازل كما هو الحال الان.
وضع جمع القمامه والأوساخ في الخرطوم عيب وعار ، ما افشل اي حكومه تعجز عن جمع أوساخ المنازل مع العلم بانها تتحصل رسوم مقابل ذلك العمل.
الله المستعان


#1508483 [Nabil Shoshone]
5.00/5 (1 صوت)

08-23-2016 04:11 AM
شكرًا حبيبا الوالي الغالي رجعتنا للكوشة تاني
كع كع كع ههههههههه
ياهو شبهكم وفهمكم
ما لقيتوا حته أسوة من الكوشة تجيبوها لينا
ياخي كوشة كوشة خلاص
ورونا الحصة الجاية شنو بعديها


#1508480 [كديس]
0.00/5 (0 صوت)

08-23-2016 03:50 AM
امشى الصين جيب حاويات ذى قطر الوالى وبصات الوالى بعدين نمر ده فاشل وعايز يبقب والى وهو اكبر حرامى سوق نمر واليسع و وبعدين التلفون رقم 1956 طلع اشاغه وكذب الوساخه ما بتتشال الا بالنقل اليومى صباح ومساء ووعى الناس برمى الزباله ووجود كناسين مربع 18 ابوسعد و16 و15 اوسخ مكان فى العالم توفو على الوالى والمعتمدين والعينهم


#1508418 [المتجهجه]
0.00/5 (0 صوت)

08-22-2016 10:43 PM
الحاويات دي مش الكوشه الزمان؟
طيب في داعي للتعب دا كلو


#1508372 [Sabah]
0.00/5 (0 صوت)

08-22-2016 08:00 PM
يا أهلنا. اذا. ما. رفعت. النفايات. ما فيشر. دفع. لرسوم النفايات،،،،،،لماذا. نظل. ندفع لخدمه. ليست. موجوده


#1508347 [جفال]
0.00/5 (0 صوت)

08-22-2016 06:42 PM
رجعنا لى كش كشجت الوسخ


#1508330 [ابو الدرداء]
0.00/5 (0 صوت)

08-22-2016 05:46 PM
اهبل ياخ


#1508281 [العاااازة]
0.00/5 (0 صوت)

08-22-2016 03:47 PM
اللعبة يا أخوان في من سيقوم بتصنيع هذه الحاويات .. سيلهط نص المبلغ طبعا وبالباقي ح يعمل حاويات تشتغل يومين وتلقاها مكسورة نصين .. قديمة يا أهبل يا أبو ريالة


#1508238 [boklo4]
0.00/5 (0 صوت)

08-22-2016 02:53 PM
ده المن زمان كان حاصل ايام البلدية ووزارة الصحة وضبط الصحة شغالين لكن جوه العاملين فيها مفتحين يتاعين الشركة اياها الماعارفين بتاعة منو عشان استغلو الناس وياخدو قروشهم انو حيشيلو النفايات من البيوت مباشرة وده حاجة مستحيلة خاصة في الاحياء الشعبية.


#1508221 [الراصد]
0.00/5 (0 صوت)

08-22-2016 02:26 PM
هذا هو الاصح الغريب فعلاااااا ان تجمع من المنازل... ثم أن عمر نمر هو جزء من أزمة نفايات الخرطوم فكيف يكون جزء من الحل...


#1508165 [ككك]
0.00/5 (0 صوت)

08-22-2016 01:12 PM
هل يوجد زمن محدد لأخذ الحاوية بعد الإمتلاء, أم تؤخذ الاوساخ وتكون الحاوية فى مكانها ( عودة الكوشة القديمة )؟ وبرضو دى حتفشلو فيها لعشوايتكم


#1508127 [قساس فادي]
3.00/5 (1 صوت)

08-22-2016 12:27 PM
ما يكون التمساح الفاتح خشمو وراه دة السمسار الحيورد الحاويات


#1508125 [قساس فادي]
5.00/5 (1 صوت)

08-22-2016 12:22 PM
بالله يا عبدالرحيم ورينا الجهة التي ستصنع هذه الحاويات والتكلفة والعطاءات كفاية دغمستونا 27 سنة . وانت تعرف مصداقيتكم زيرو عند الشعب السوداني


#1508107 [زول ساي]
5.00/5 (3 صوت)

08-22-2016 11:55 AM
صراحة دي انسب خطة لجمع النفايات بس لازم يكون في عملية تفريغ لحاويات النفايات بصورة يومية حتى لا تتحول الحاويات وما حولها الى كوش
ولقد اثبتت عملية جمع النفايات من المنازل فشلها وصعوبه تنفيذها .. ومعظم دول الخليج مثلا: لا تتم عملية جمع النفايات من المنازل بل من حاويات وضعت بالقرب من المنازل


ردود على زول ساي
[salah] 08-23-2016 01:26 PM
هذا كلام صحيح يا زول ساي مع العلم أن معظم دول الخليج تتم جمع النفايات على حاويات توضع فى أماكن معينةخاصة نرى هذا في السعودية وهنا في الرياض نجد في الأماكن أو الشارع الذي يوجد به أسواق أو كثافة سكانية كبيرة توضع حاوية كبيرة ..أما الأماكن أو الشارع الذي به منازل قليلة يتم وضع براميل مثل براميل الجازولين توضع بالقرب من المنازل .. وما أكثر هذه البراميل وسهله التصنيع عندنا في السودان .. هنا في الرياض وفي كل شارع ولو شارع صغير تجد برميل أو برميل .. بلون واحد..أما وضع النفايات في أكياس وجمعها في الشوارع فهذا نظام غير صحي وللتأكد من ذلك أتمنى من كتيبة المسؤولين الواردة أسمائهم في المقال لأخذ جولة في الأحياء والنظر في الأكياس المكدسة في الشوارع .. وطبعاً حكاية تصنيع حاويات فهذا بلاشك سيفتح باب رزق لأصحاب النفوذ لجمع المليارات كالعادة وفي النهاية المحصلة صفر ..وهذا الموضوع لا يحتاج الى دراسة ولا تكوين لجان وميزانيات و... و... والله المستعان..


#1508103 [زول ساي]
5.00/5 (2 صوت)

08-22-2016 11:47 AM
صراحة دي انسب خطة لجمع النفايات
ومسألة جمع النفايات من امام المنازل اثبتت فشلها وصعوبتها
وفي دول الخليج مثلاً : لا تتم عملية الجمع من المنازل بل من حاويات وضعت بالقرب من المنازل


ردود على زول ساي
United Arab Emirates [جفال] 08-22-2016 06:45 PM
ليه لما كنت صغير ما شفت الكوشة في السودان


#1508100 [Flowers]
5.00/5 (2 صوت)

08-22-2016 11:46 AM
أكيد يكون وراء القرار كوز نافذ من إخوان الشيطان يستفيد من التوريد وخليكم نايمين على طووووووووووووووووووووووووووووووووووول


#1508096 [المتغرب الأبدي]
5.00/5 (2 صوت)

08-22-2016 11:44 AM
الجمع في حاويات من الأحياء ؟؟؟
والله بررررررررضو ح يفشلوا ..


#1508082 [البخاري]
5.00/5 (2 صوت)

08-22-2016 11:21 AM
أخيراً باض الديك. الحمد لله الذي وفقكم لهذا الاكتشاف العظيم الذي يضاهي اكتشاف الأمريكتين. فقط نرجو التنفيذ الفوري فالأمر لا يحتمل التأخير.



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة