الأخبار
أخبار إقليمية
الدولار والريال يحلقان والجنيه مهيض الجناح.
الدولار والريال يحلقان والجنيه مهيض الجناح.


08-23-2016 01:35 AM
الدولار والريال يحلقان والجنيه السوداني مهيض الجناح.

سجلت أسعار العملة اليوم قفزة جديدة أمام الجنيه السوداني وفي جولة للراكوبة قال أحد تجار العملة أنهم يبيعون اليوم الدولار بسعر يتراوح بين 16200 - 16250 جنيه ويبيعون الريال السعودي بسعر يتراوح بين 4250 - 4300 جنيه وذلك يعتمد على الكمية والتاجر


تعليقات 36 | إهداء 0 | زيارات 44051

التعليقات
#1509286 [محمد محجوب]
0.00/5 (0 صوت)

08-24-2016 12:48 PM
عند وصول الانقاذ كان الدولار يراوح 17 الف جنيه. وخوفاً من الإعدامات بعناه نحن المغتربون ب 12 جنيه في البنك. الآن وقد اقتربنا من ذلك السعر، فهل تفكها الانقاذ وتتركنا ندبر أمورنا؟


#1509033 [ALIIIIIIIIIIIIIIIIIIIIIIIIIIIIII]
0.00/5 (0 صوت)

08-24-2016 02:09 AM
بعد انهيار مفاوضات اديس ابابا سمها مشاكسات اديس ابابا او عباطات اديس ابابا حاليا يشهد الجنيه انهيارا رهيبا....وبعدين شنو عايز يتنحي في 2020 مايقعد هو فاضل حاجة ماجاب خبرها العنين ده


#1509014 [ودالفحل]
0.00/5 (0 صوت)

08-24-2016 12:55 AM
يابشر..دي القيامه بطولا..والله حرااام..اظنهم الناس دي ماصاحيه..ياحكومه ومعارضه خافوا الله في الشعب السوداني ده اانهياااار اقتصادي وقيامه قايمه..فاتقوا الله في الشعب السوداني


#1509009 [منصور محددصالح العباسي الفرناسي]
0.00/5 (0 صوت)

08-24-2016 12:14 AM
نحن أكسل من مشي علي هذه الارض ،لاننتج ولا نصنع ولا حتي نعرف نمشي علي الطريق مثل بقية الخلق ،، بل لانعرف كيف نلبس ،،، الاسرة الكبيرة فينا التي تتكون من عشرة أشخاص تعتمد علي شخص واحد ليصرف عليها ،،، يعني انتاج عدم !!! وفي الاخر نتكلم عن ارتفاع سعر الدولار !!!يجب ان ننظر الي من حولنا من الدول ،،كل الشعوب منتجة ،وأي مساحة من الارض مزروعة ما عدا بلادنا وشعبنا نايم في العسل ،، شخص واحد يغترب مضحيا بنفسه ليعيل الاسرة،، يجب ان ننتقد أنفسنا ونتحرك للإنتاج ،،لاشئ غير الانتاج ينفعنا ،، لماذا نستورد القمح وبالامكان زراعته في السودان ولماذا نستورد حتي البصل !!!! حكومة ورثت شعبا كسلانا ماذا في ايتطاعتها ان تفعل !!!! يجب ان نفيق من ثباتنا العميق وننصرف الي العمل والإنتاج بدلا من الصراخ والعويل علي ارتفاع الدولار


ردود على منصور محددصالح العباسي الفرناسي
European Union [450] 08-24-2016 07:59 AM
فساد حكومتك مخدرات واختلاسات وربا وقتل وتشريد
افقرت الناس


#1509005 [Rebel]
5.00/5 (1 صوت)

08-23-2016 11:39 PM
* أرخص عملتين فى العالم، هما الريال الإيرانى و الجنيه السودانى، على التوالى(و من شابه اباه فما ظلم):
1. الريال الايراني: هو العملة الأرخص في العالم اليوم على الاطلاق. أول أنهيار ضخم للعملة أعقب الثورة الاسلامية بالبلاد عام 1979. وحين كان الدولار الأمريكي يعادل 71.4 ريال قبل الثورة، فبعد الثورة بعشرين عام تضاعفت قيمة الدولار الأمريكي أمام الريال 132 ضعف!. في أكتوبر 2012 سقطت قيمة الريال من 11 الف ريال تقريبا مقابل الدولار الى 38 ألف ريال تقريبا مقابل الدولار في السوق غير الرسمي.
2. الجنيه: بدأ تخفيض سعر الجنيه "رسميا" فى تسعينات القرن الماضى، عندما تم تغيير العمله من "جنيه" إلى "دينار"!..إلآ أن التراجع الكبير فى سعر الجنيه أمام الدولار "فى السوق الموازى"، بدأ فى ديسمبر 2011 و أستمر فى وتيره متصاعده ختى الآن، كلآتى:
فى ديسمبر 2011 وصل سعره حوالى 5000 جنيه للدولار،
يوليو 2013 7350 بزياده قدرها 47%
يناير 2016 11500 56.4%
أبريل 2016 13500 17.4%
اغسطس 2016 16250 20.4%
* و هذا يعنى انه فى اقل من 5 أعوام (ديسمبر 2011 - اغسطس 2016)، فقد إنخفض الجنيه بنسبة 225%!..و هذه الوتيره المتصاعده فى تدنى سعر الجنيه، يشير بوضوح إلى أن هناك خللا فى "النظام الاقتصادى/السياسى" فى البلاد، لا يسمح بتحسين سعر الجنيه!..أسوأ من ذلك، فإنه يعنى بالضروره، حتمية مواصلة تراجع سعر الجنيه امام الدولار!
* ما يلفت الإنتباه هنا، أن الهبوط المريع فى سعر كلا العملتين(إيران و السودان)، ليمثلا أرخص عملتين من بين جميع عملات دول العالم(192 دوله)، حدث هذا التدهور بعد "ثورتين إسلاميتين، 1979 و 1989 على التوالى"!!
* فأى دين و أى "إسلام" هذا الذى يدعيه هؤلاء الدجالين واللصوص و المهووسين!!
++ قوموا إلى ثورتكم لكنس العفن و تطهير البلاد من العصابه المجرمه، يرحمكم الله،،


#1508928 [منصورالمهذب]
0.00/5 (0 صوت)

08-23-2016 07:45 PM
الضحك شرط البشير.
اخر نكته: بعد داك تلقى الشوارع كلها ديدان مقابر هاربه شي جري و شي زحف وواحد شاف اخوه متمهل و ما جايب خبر ، صاح فيه انجو سعد فقد وصل للمقابر جثمان الشيخ.


#1508927 [التكي تاكا]
5.00/5 (1 صوت)

08-23-2016 07:44 PM
نفترح ان تكون العملة السودانية دولار ونرتاح من الدولار زاد والولار نقص حتي لو اصبحنا ولاية امريكية ومرحب مرحب بالاستعمار


ردود على التكي تاكا
[Rebel] 08-24-2016 01:29 AM
* هذا سيحدث تلقائيا يا أخى، بدون قرار من الأبالسه:
* ستلاحظ عما قريب عددا من المحال التجاريه و البقالات الكبرى، تتقبل منك ورقه فئة 100دولار مثلا، تشترى منها بضاعه فى حدود 21 دولار، و يدوك الباقى 79 دولار نقدا!..هذا طبعا بجانب تقبلهم للعمله المحليه، مرحليا!!
* و إذا ما إستمر هذا الحال، و بعد 5-6 سنوات لا اكثر، سوف تجد صعوبه كبيره فى إيجاد متجر يتقبل منك "العمله المحليه"!
* و رويدا رويدا، سيكون السودان مثل موزمبيق، الدوله الوحيده من بين 192 دوله فى العالم، التى لا توجد بها عمله محليه الآن، بجانب فلسطين طبعا، لظروف الإحتلال!

[AAA] 08-23-2016 11:42 PM
نديه الدولار تلاتة يوم لحدي ما يحصل 20 ج بعد داك نحذف الصفر ونقول الدولار ب 2 جنيه..حذف الصفر الواحد ما بأثر لانه عندنا تجربة.. قبل كده حذفنا تلاتة اصفار زول جاب خبرها مافي 1000 ج قلنا 1ج ههههه تحياتي..


#1508887 [ahmed]
1.00/5 (1 صوت)

08-23-2016 05:56 PM
عفارم عفارم عليك يا بشة ،و لسع حالف بالله الا تهد البلد دي .ياخ حرام عليك يا خيس الرجال
أتفه من يمشي علي قدمين انت .و اوطي جماعة هم الشلة البايظا البيطيلوا ليك يا رقاص


#1508853 [البشير قال ماحيترشح في 2020]
1.00/5 (1 صوت)

08-23-2016 05:09 PM
سير سير يالبشير حتي يصل الدولار 50 الف بعدها اتنازال


ردود على البشير قال ماحيترشح في 2020
[جركان فاضى] 08-23-2016 09:04 PM
ابو ردوم زادو كوم


#1508820 [مرتضي]
1.00/5 (1 صوت)

08-23-2016 04:03 PM
الاخوان الشياطين اول شئ عملوة بالسودان هو تحويل الاقتصاد والسوق الي ممتلكاتهم للتحكم في السودان ماليا والشيء التاني الجيش والأجهزة الأمنية استبدالها بملشيات وجلب المرتزقة
من هنا أناشد من له علاقة بالمنظمة الدولية المانحة التوقف عن تقديم الدعم بكل انواعة مادي سوف يذهب الي جيوبهم لوجستي وغيرة للمليشيات
والمعروف والمتتبع يجد أن حكومة الرقاص تعتمد سنويا علي الكوارث الطبيعة لجني الأرباح لتحويلها للمليشيات


#1508813 [منصور محددصالح العباسي الفرناسي]
0.00/5 (0 صوت)

08-23-2016 03:42 PM
ياأخوانا اصبرو وصابروا ورابطوا ،،طلوع الدولار دا ما يشغلكم ابدا ،،طالع ولا نازل ،،لانو هو ما عملتنا الوطنية ،،الناس في السودان بتعاملو بالجنيه !!! اسي واحد ساكن في امبدة ولا في كراع الحمار علاقتو شنو بطلوع الدولار ولا نزولو،،، بعدين


ردود على منصور محددصالح العباسي الفرناسي
Saudi Arabia [ahmed] 08-24-2016 08:52 AM
والله أنت جهلول .

[جركان فاضى] 08-23-2016 08:52 PM
الغبيان...الدواء دا بستوردوه بالجنيه؟ والتقاوى والاسمدة والملابس ووووو...هو انت عندك انتاج .....ماكل شى مستورد...ومستورد بالدولار

[Hisho] 08-23-2016 07:28 PM
الدولار علاقته به انه العملة التى تحسب على اساسها اسعار المواد التموينية , القمح يتم استيراده بالدولار لعمل الرغيف , الزيت يتم استيراده بالدولار , الجازولين يتم استيراده بالدولار , .. لان حياة ساكن امبدة او كراع الحمار تعتمد على المواد التى يتم استيرادها بالدولار

[عبد الرحيم خلف] 08-23-2016 06:43 PM
يا لك من سطحي ...ماذا عن الواردات التي أصبحت قيمتها تفوق الصادرات ، هل يتم استيرادها بالجنيه ام بالدولار؟ و عندما تأتي هذه الواردات الى السودان بسعر الصرف المذكور في الخبر أعلاه ، فبكم سيتم بيعها للمواطن؟ وهل ستكون للمواطن العادي قدرة على شرائها ؟


#1508769 [ابن السودان]
4.10/5 (6 صوت)

08-23-2016 02:33 PM
وبرضو أولاد الحرام ديل رافضين يصلوا لحلول مع المعارضة وراكبين راسهم في سياسة الحرب واللغف والتدمير.


#1508767 [ابوجندل عثمان]
3.50/5 (2 صوت)

08-23-2016 02:29 PM
لا شك ان العمله تاثرت نسبة لخروج نفط الجنوب من الموازنه وما احدثة من خلل فى الميزان الخارجى خاصة حينما لم يلتزم الجنوبيون بترتيبات الانفصال والذى بنى على حسن نوايا من الطرف السودانى اعتمادا على طبيعة الاشياء وهو ان يتحرك الطرف الثانى فى خط المصلحة الخاصة وقد عبر عنه الجنوبى دكتور لوال حينما كان وزير للنفط بان الاتفاق هو كسب للطرفين والعكس خسارة للطرفين لكنهم تمادوا فى اللحاق الضرر دون النظر الى ما سينالهم واليوم النتيجة معروف وصل بهم الحال بان اصبحوا على شفى الانهيار التام وقد وصل الامر لنهاياته لكن من الضرورى ان لانبالغ فى الوهم ونعتقد كمعارضة ان الدولار هو من سيطيح بالحكومه خاصة بعد ان استنزفوا كل السبل ومن الخطل التعويل لذلك خاصة ان سيناريوا الهبوط للعمله وصل نهاياته بعد الاتفاق الذى تم بالامس مع نائب رئيس دولة الجنوب وعودة العقل الى الطرف الجنوبى والذى قطعا سيعيدنا الى مقولة دكتور لوال مرحله التعاون والنتيجة ون ون


ردود على ابوجندل عثمان
[AAA] 08-23-2016 06:28 PM
الاخ ابو جندل عثمان لك التحية..تعليقك يعبر عن رؤية مخلة لمعالجة تدهور العملة/الجنيه السوداني حيث حصرتها في "جحر ضب" باتفاق الحكومة مع نائب رئيس دولة الجنوب وكأنها العصا السحرية التي ترفع قيمة الجنيه من الاحتضار!!

ان هناك عدة عوامل يا اخ ابو جندل تؤثر في قيمة العملة ومن أهمها الحالة الاقتصادية كلاعب أساسي في تحديد حركة وقيمة العملة من.. الانتاج والصادر والاحتياطي من النقد الاجنبي..واسواق المال الأخرى من أسواق الأسهم والسندات المحلية والاقليمية والعالمية والسلع..والاعتماد على مجموعة محددة من الأنشطة/القطاعات الاقتصادية..الخ.. وحركة التبادل التجاري الدولي والميزان التجاري (حجم الصادرات والواردات) أيضا عاملا مهما في تحديد السعر..والعوامل السياسية من استقرار/حروب ..الخ أيضا لها دورا كبيرا في تحديد الرؤية الاقتصادية المستقبلية والبيانات الاقتصادية من تقارير الناتج المحلي والتضخم الذي يعطي إشارة عن القوة الشرائية للعملة والتقارير القطاعية والصناعية المهمة كالبطالة(التشغيل) والتصنيع والتعدين والتصدير والاستيراد والسياحة، وتحويلات العمالة الوطنية العاملة بالخارج وتحويلات العمالة الأجنبية العاملة بالداخل..الخ والديون الخارجيةوفوائدها..

** فانظر الى وضع السودان من تلك العوامل..وعلق...

Sudan [Al-Rakoba tv] 08-23-2016 03:21 PM
لكن من الضرورى ان لانبالغ فى الوهم ونعتقد كمعارضة ان الدولار هو من سيطيح بالحكومه .

إنت مو إنت وإنت جعان خدلك سنكر.
إنت أكيد بتحلم قال إية الدولار ما بسقط حكومة , خلاص إتشطف وأرجى الدولار وشوف كان حكومتك تتم ٢٠١٧ .


#1508764 [ككك]
3.25/5 (4 صوت)

08-23-2016 02:14 PM
عشة أم ريشيرش القطر قام الرصيرص


#1508749 [مراقب]
3.75/5 (3 صوت)

08-23-2016 01:48 PM
الحقيقة ان الجمله مغلوطه لأن الجنيه هو من هبط لكن الدولار لم يرتفع ولا حاجه، هل يمكن لشخص ان يقارن الهنتر بالمارسيدس ثم يقول ان المرسيدس غليت او ارتفعت قصاد الهنتر؟!!! الدولار يقارن بأشباهه من العملات دولار كندي امريكي استرالي جنيه استرليني ويورو ديل هم اقرانو واصحابو وشلتو تماماً زي المرسيدس تقارن بال bmw او الاودي او اللكزس ..الخ
الحاصل انو جنيهنا اتعوم وهو للاسف مابعرف يعوم لأنو صحتو تعبانه خالص ومقومات صمودو في التحرير تقريباً صفريه عشان كده قدر ما يخلوهو عايم قدر مايغرق زياده لحدي مايجي يوم "تشيل قروش في قفه وتجيب خضار في جيبك"-حسب تعبير الفاتح جبرا-
المحاولات في الأيام القادمه ستسفر عن مزيد من تهويم -مش تعويم- الجنيه وربما الترخيص للصرافات بالبيع المكشوف وهذا يمكن ان يؤدي لارتفاع محدود للجنيه السوداني -ح يقولو الدولار نزل- لكن خلال ايام لا اكثر سيعاود الجنيه للهبوط الحاد ولن يمكن تداركه بعد ذلك،
الحل: لايوجد اي حل في الأفق كل الح تسمعو كلام مكرر لأن العقليه التي تدير ماعندها اي فكرة تعمل شنو وبصراحه لم يعد هناك مايعمل بالنسبه لهم "لأنو الافق عندهم مسدود مسدود"
تتذكرو زمااان لما قالو او ماجينا كان الدولار حصل 20 جنيه بالقديم!!!
يبدو انهم لو مامشو ح يفوت ال20 جنيه بالجديد وقد يكون سبباً في ...... اكمل الفراغ براحتك


#1508743 [إبن السودان البار *****]
4.25/5 (3 صوت)

08-23-2016 01:37 PM
هذا هو المصير المتوقع لدولة لا تنتج وتحارب المنتجين ؟؟؟ إنها دولة فاشلة يقودها لصوص أغبياء وقصيري نظر وغير ذلك يشجعون الفساد ويتعاونون مع لصوص العالم وبنوكهم الشخصية الفاسدة ؟؟؟ لأنهم لو صبروا وشجعوا الإنتاج وحاربوا الفساد لإنتعشت البلد ولن يلحظ أحد سرقتهم خاصةً لو كان الإنتاج وفير كما هو الحال في معظم الدول ؟؟؟ فعلي سبيل المثال ملكة بريطانية مصاريفها السنوية حوالي 15 مليون إسترلينى وهذاالمبلغ بالنسبة لإنتاج بيريطانيا لا يسوي شيء لأن دخلها فقط من محركات الرولزرويس للطائرات قد يفوق دخل أفريقيا ؟؟؟


ردود على إبن السودان البار *****
[نبيل حامد حسن بشير] 08-23-2016 03:52 PM
من قال اننا شعب غير منتج؟؟؟؟ المشكلة في سوء ادارة الاقتصاد + عدم الشفافية. انا منتج وانت منتج والطبيب يقوم بعمله كاملا وتحت اسوأ الظروف والمدرس والمحاسب..الخ. اذهب الى المنظقة الصناعية ستجد أن كل فرد فيها يؤدي عمله باخلاص وتفان علشان ياكل عيش وحلال كمان. الراعي منتج والمزارع منتج لكن من يدير الاقتصاد؟؟؟؟؟


#1508741 [M jalal]
3.00/5 (1 صوت)

08-23-2016 01:28 PM
ماف حل للمشكلة دي إلا يجيبو العملة من ماليزيا بس برضو مابتحل مشكلة لانو السياسة الاقتصادية اعتمدت علي الاجانب والاستثمار.. والآن حتي شوية الصادر الموجود بقي يشترهوا الشركات زي زين عشان يوفر عملة والوطنيين تدمرو بفعل السياسات الضريبية..الشغلة أصبحت معقدة بس ما مستحيلة ودايرة أهل اختصاص وطنيين حقيقين بالإضافة للنوايا الجادة لحل المشكلة والجزاء من جنس العمل.


#1508639 [جرية]
2.50/5 (3 صوت)

08-23-2016 10:27 AM
اذا كان دوله أى دوله, مش ولاية يحكمها واحد أخرق كيف تلقى العافية والأمن والأمان.


#1508629 [Mat zman]
3.25/5 (3 صوت)

08-23-2016 10:12 AM
سجننا سجننا الكوز هجمنا، بِسْم الله الرحمن الرحيم هو الدولار بقه كوز ولاشنو ماعنده رحمه!!


#1508627 [AAA]
3.69/5 (8 صوت)

08-23-2016 10:08 AM
اصلا الجنيه السوداني مستهدف من قبل الدولار الامريكي و "اسرائيل" و "الشيوعيين"..وقال ما حينكسر ولا حيركع للدولار ولا للشيوعيين.. حتى لو وصل قيمته مية ألف.. شفتوا "الرجالة دي كيف"!!هههه..


#1508622 [Kori Ackongue]
3.50/5 (5 صوت)

08-23-2016 09:56 AM
We are not wrong when we predicted around 9 months ago that this hard currency called number one in the world (Dollar) will reach SDG20.00 per one dollars, the time when it was a round SDG10.00 or less. Now it is SDG.16.25. Sudanese, can you believe that this country called dead Sudan has gone, with no hope, except more splitting??! That is the reality because 30th June-1989 was a different stealing the country story from its welfare being to its jungle running inside the capital Khartoum for laundry of resourced, smuggling money and people as well and that is it. Enjoy this kind of professional failure of this ruling leaders morally and ecnomically..


#1508619 [سعيد عبد الله]
2.88/5 (4 صوت)

08-23-2016 09:50 AM
يا رب الطف بنا


#1508613 [ولد سيدي]
3.25/5 (3 صوت)

08-23-2016 09:42 AM
الجنية السوداني إلى أين ؟
في خلال عام 2016م الحالي هبط قيمة الجنيه السوداني أكثر من 40% وعام 2017 سيصل قيمة الجنية السوداني مقابل الدولار 25 جنيها .. وأتحدى الأقتصاد السوداني ووزير المالية ووو .. أين يقول غير ذلك .. وفي مثل هذا اليوم من من عام 2017 أذكركم بما قلته ... الجنيه السوداني مقابل الدولار العام القادم سيصل المعدل 25 جنيها وقتها نقول على الأقتصاد السوداني السلام ....


ردود على ولد سيدي
[zengar] 08-23-2016 04:43 PM
هو قاصد 25.000 جنية يا محمد على .

Saudi Arabia [محمد علي] 08-23-2016 12:38 PM
ي ولد سيدي يقول الدولار يساوي 16250 ج
تقول يبقى 25ج
كيف يكون ذلك

[جركان فاضى] 08-23-2016 12:29 PM
الحمد لله الطمنتنا...السودان قاعد لغاية 2017


#1508594 [الناهه]
2.75/5 (3 صوت)

08-23-2016 09:20 AM
المسالة تجاوزت مرحلة الفشل الى مرحلة الانهيار التام لان العملة السودانية تفقد قيمتها مطلع كل صباح ولم تعد وعود الودائع والقروض بل والاستثمار تجدي نفعا مع هذه الحالة التى باطنها الفساد والدولة العميقة للفساد التى لا تتورع ابدا بالمتاجرة بالدولار والعملات الحرة الاخرى دون رادع بل وهنالك ما يحمي هؤلاء المضاربين بالسلطة والنفوذ ويكفي ما رشح من فساد شركات الدواء مثالا وعمولة قطارات الولاية ذات المئات ملايين من الدولارات وغيرها وغيرها ..الا يكفي هؤلاء ما اوصلوا له السودان الا يوجد كابح يكبح فساد هؤلاء


#1508590 [الفارس]
2.50/5 (3 صوت)

08-23-2016 09:17 AM
بعد التحية للجميع ،،،

الريال الدولار يزيد دي اكبر مشكلة على المواطن الغلبان ،،

نسال الله اللطف بعباده في السودان ،،

كونو الدولار والريال يزيد هذا ليس شئ مفرح ، على راس الغبان .

اسمنت ، حديد ، سيخ ، كل شئ بزيد مقابل الزيادة في العملة الحرة .


#1508572 [جركان فاضى]
4.25/5 (3 صوت)

08-23-2016 08:58 AM
يا ربى الزيادة الكبيرة دى تكون بسبب المطبعة الجديدة


#1508560 [صلاح خضر عثمان]
3.50/5 (3 صوت)

08-23-2016 08:39 AM
سوف .. يتواصل هبوط قيمة الجنيه السودانى ... حتى يصل المرحلة التى سوف يتوقف فيها النشاط الاقتصادى بالكامل ... ويصبح الدولار والريال ... هما وسيلة التبادل النقدى المتاحة فى سودان ... الانقاذ ...
هذا الامر لايمكن معالجته .... بين يوم وليلة ... ولايمكن معالجته باجراءات ادارية وامنية ... كما تعود لصوص الانقاذ .. فى ايهامنا بذلك ....
المعالجة الحقيقية .... تبدأ بالمعالجة السياسية ... لهذا الوضع المأزوم ... حتى يتم تحقيق الاصلاح الاقتصادى المنشود .. والذى يبدأ بتدوير عجلة الانتاج ... حتى يتسنى رفع قيمة الجنيه السودانى مقابل العملات الاخرى ....
والمعالجة السياسية المطلوبة لهذا الوضع المأزوم .... تأتى بأسقاط سلطة هذة العصابة ... المتسلطة .. ومحاسبتها ... على كل جرائم الفساد ... التى مارستها ... طوال اكثر من ربع قرن ... واسترداد... الاموال المنهوبة ... للمساعدة فى وضع برامج الاصلاح الاقتصادى ....
غير ذلك ... يبقى مضيعة للزمن .... وطق حنك ... ساكت ... وغش ... وكذب ... واحتيال ...


#1508547 [ود الفاضل]
2.00/5 (2 صوت)

08-23-2016 08:25 AM
بلد عدمت الرجال قدل فيها الورل !!!!!
الشاب الدافر الدرداقة دا قالوا مشى فكا ليه ثلاثة دولار ، وبعدين مالقا كيس يشيل امواله دي فاقترح عليه الصراف باستئجار درداقة !!!!!!!!
هذه نكته ولكن اذا استمر هذا الاهبل - مشروع الاستثمار الكيزاني الخصب- فى الحكم ستكون حقيقة واقعة ..


ردود على ود الفاضل
[مواطن] 08-23-2016 01:50 PM
تقصد الورل البقدل فيها اللواء حميدتى!!


#1508526 [كمال ابو القاسم محمد]
3.25/5 (5 صوت)

08-23-2016 07:52 AM
في هذا المقام...فلنتذكر جيدا ...ونعي تماما حجم مراراتنا!!!

تنبيه مستحق :

سعر الدولار هذا اليوم 16200 ألف جنيه وزيادة
يجب التعامل معه هكذا حتى نتجنب اللبس مع مقولة الحاقد القاتل صلاح دولار...لو ما جينا كان الدولار وصل 20 حنيه (عشرين جنيه)

مش نقول 16 جنيه...وصلاح دولار قال 20 (جنيه)

المتأسلمة يلعبون على هذا التلبيس وتغبيش وعي الناس!
عليه دعونا نتعامل مع الجنيه السوداني الحالى بسعره (الهوائي الصفري)
واحد جنيه اصلي = 1000 جنيه انقاذي
يعنى الجنيه القديم كان مليان دسم ولحم وشحم...يابشة ...وياجيفة حسن ترابي دون كيرليوني...ويا عميد أوانطة صلاح دولار


....في هذا المقام علينا ان نتذكر هؤلاء الشباب الغض....ونساله الرحمن الرحيم ان يتقبلهم عنده في مقاماته العلية...,ان يعوضهم مظلوميتهم الفادحة في دوحات عدله وفراديس قسطاسه الأبدي...,ان ينزل سوط موازينه القسط بحق من اذلونا وأرهقونا بالمحاكم الهزل والشرائع المدغمسة والتلاعب ببداءه الدين وما هو معلوم منها بالفطرة السوية وأرجحيات العقل السليم والنفوس الطيبة ...لا السقيمة المعطوبة والمصابة بالعلل والارزاء...اللهم ارحمهم وابعث على قلوب معارفهم واهاليهم واصدقاءهم ومحبيهم رياحين السلوى ونسائم التعالي على عظيم المصاب
1-مجمدي محجوب محمد احمد
2-أركانجلو أقاداو
3- جرجس بطرس بسطاويسي
الجيفة حسن ترابي دون كيرليوني حين سأله أحمد منصور عن اعدامهم...أجاب...لست مسئولا عن اعدامهم...تم بدون علمي...علمت بذلك (مثل الآخرين!!!)
لقد تم اعدام جرجس بالضبط يوم واحد/يناير /1990...ميقات الذكرى 34 لاستقلال السودان!!!

تم اعدام الطيار جرجس بالضبط يوم 25ديسمبر 1989...ميقات ليلة الكريسماس!!!
بل تم اعدام 28 ضابطا من ضباط القوات المسلحة في ليلة تحري رؤية هلال عيد الفطر المبارك!
توفيت والدة مجدي مباشرة بعيد مقتل فلذة كبدها بتهمة حيازته (عملة نقدية ورثها كابرا عن كابر...وليس موز قرود...أو لحم أسود)منهوب من جنينة الحيوانات بالخرطوم....
ميراث عديييييييييييييل ياصلاح محمد احمد كرار بن دولار....!!!
غادرت اسرته البلاد الى القاهرة وبلاد الخليج!!!
بطرس حملت أسرته أحزانها الى بعيد البعيد....الى ماوراء البحار الى استراليا
حيث تقاسم (الغنائم)مسئولو ما يسمى وقتها باللجنة الاقتصادية برئاسة العميد صلاح دولار...والعقيد سيف الدين ميرغنى والمقدم ابراهيم شمس الدين وآخرون...!
أما شقيقنا وابن خالتنا ودمنا...ابن جنوبنا الحبيب أركانجلو أقاداو...فقد راحت (دياره)...وطارت من الخريطة الجميلة في سودان المليون ميل مربع... مع الثور الاسود للخال الرئاسي وقفلت حدودهم بعبارة (شوووووت تو كيل)...و(منعناهم..حتى.. الحقنة بأمر من واحد فطير إسمو كمال عبيد)...واقفل ياود الجاز خلي الحشرات والعبيد ديل يشربوهو)!!
أركانجلو جثمانه ما يزال يزدهي به الشمال...وما نزال نحلم بأن تعود اسرته الى بيتها في ديوم بحرى...عما قريب!!!
من منا لا يذكر مقولة صلاح دولار الباذخة....لو ماجينا...بسرعة..كان ...الدولار...وصل...
هو أصلا كان الدولار بي كم ياصلاح دولار (لا من قلبتوها)؟؟؟؟!
تصريحاتهم :

وتصريح طريف جد تناقله الناس عن العقيد بحري ( وقتها ) صلاح الدين محمد أحمد كرار، عضو مجلس الثورة، ورئيس اللجنة الإقتصادية : \" لو لم نأت سريعاً، لوصل سعر الدولار إلى عشرين جنيها \". كان سعر الصرف وقتها حوالى إثنا عشر جنيها . في اكتوبر 1989 م، صرح السيد ( جلال علي لطفي ) رئيس القضاء ( رئيس المحكمة الدستورية الآن )!: \" المطلوب من محاكم أمن الثورة، هو إجتثاث الفساد الذي استشرى في البلاد، ومعاقبة المجرمين والفاسدين، وكل من يهدد أمن البلاد، وإقتصادها \". وأشار إلى انه بحث مع القضاة بعض جوانب القانون فيما يختص بأحكام الإعدام، وعرضها على رئيس المحكمة العليا وفق قانون الإجراءات، وأن يطبق قانون
الإجراءات الجنائية في وجود المتهم بالسجن، إلى أن يؤيد الحكم أو يُعدّل ..!

عينة من أحقاد تلاميذ الجيفة الدون ترابي في عشريته الأولى...والمتأسلمة

إنطلقت الكوادر المسعورة من عقالها، خاصة العقائديين منهم، الذين سيطروا على أجهزة
الأمن، والاستخبارات العسكرية، والشرطة، يبحثون عن الضحايا، ولا بأس عن الغنائم من أموال الناس، وممتلكاتهم . وبدأت المأساة الدامية . وكانت بيوت الأشباح جاهزة لاستقبال الضحايا .بل أن نأتي على ذكر تلك الليلة، والخرطوم تتنسمها بدايات الشتاء برياح خفيفة باردة نوعاً ما في نوفمبر 1989 م بعد أشهر قليلة من بدايات ( الإنقلاب ) ، والشوارع خفيفة الحركة مساءاً من الناس، والسيارات تتسابق خوفاً من أن يدركها وقت حظر التجوال .

نقفز قليلاً على أحداث ذلك اليوم والذي شهد مذبح وبداية إنهيار الأخلاق والقيم العدلية في هذا الوطن.. مواطنان سودانيان ساقهما حظهما العاثر إلى العودة للبلاد بعد طول إغتراب لأكثر من خمسة عشر ً عاما في المملكة العربية السعودية، جمعا حصاد السنين الذي دفعا ثمنه من الصحة وتقدم العمر الذي جاوز الخمسين عاماً لكل منهما، .. الأول لديه ثمانون ألف ريال سعودي، ولدى الثاني سبعون ألفا من نفس الريالات، ولكل منهما سيارة نصف نقل، عليها الأمتعة والهدايا للأهل والأصدقاء .

اكملا إجراءات التخليص الجمركي بميناء بورتسودان، وواصلا الرحلة إلى الخرطوم، ثم أم درمان، ثم إلى منزليهما المتجاورين في ضاحية ( امبدة ) غرب أم درمان، وعند إحدى نقاط التفتيش الكثيرة في تلك الأيام، تم إنزال الأمتعة، وتم العثور على مبلغ مائة وخمسون ألفاً من الريالات السعودية، ( لايهم ماذا بعد؟ ).. سال اللعاب، وجحظت الأعين الأمنية، وتدلّهت الشفاه الشرهه، تتلمظ قبل الإلتهام .. سرعان ما بدأت الإجراءات ضدهما في المحكمة الخاصة بأم درمان ( دار حزب الأمة ).. تم الحكم على الأول بالسجن عشر سنوات، والثاني أيضاً . توفي الأول داخل سجن كوبر بعد أن داهمته نوبة مرض السكري، وتم إطلاق سراح الثاني نسبة لكبر سنه، بعد زيارة العقيد الليبي ( معمر القذافي ) الشهيرة للسجن، ومسرحية تهديم حائط السجن الشمالي .

بعد مرور اربعة سنوات خرج الثاني خاوي الوفاض من متاع الدنيا، بعد سنين غربته بالسعودية، وهي سنوات طويلة، وبعد سجنه سنوات عدتها الأطول رغم قصرها داخل سجون وطنه . ظل يبحث حتى الآن عن حصاد سنينه .. بالإطلاع على اوراق قضيته وجدنا حكماً بالسجن فقط؟ ! ولم نجد حكماً بمصادرة المبلغ .. والذي لا يعرف مكانه إلا الله .. والقاضي بتلك المحكمة ورجال الأمن، ممثلو الإتهام في تلك القضية ... يعمل الرجل الثاني الآن في إصلاح الساعات في أحد اسواق ضواحي مدينة أم درمان، بعد أن كان ملء السمع والبصر في غربته بقصر أحد الأمراء السعوديين ومثالاً للأمانة والثقة لديهم .. ولكنهم حكام السودان الجدد الذين أتوا كما قالوا لتطبيق شرع الله على عباده .. ولكن بطريقتهم الخاصة(الشريعة المدغمسة)... أما قاضي المحكمة تلك فهو الآن يحتل منصباً مرموقا في أكبر مؤسسات النظام .. العدلية .

انا قرفت...هل تحتاجون الى مزيد من الترويع وأفانين المتأسلمة...أنا قرفت فاعذروني عند هذا الحد ..

هل يستطيع كائنا من كان...أن ينادي بتجاهل الحقائق...والغبائن والإحن والأحقاد والمرارات...التى ارتكبتها الأنقاذ والاسلام السياسي منذ استيلاءها على السلطة عبر انقلابها في ليلة الجمعة 30 يونيو 1989م...لأكثر من ربع قرن وهي تلغ وما تزال في دماء (شعبها الذي فضل)

نعم للمحاسبةالصارمة...نعم للقصاص الناجز والحاسم الشافي للنفوس...والمبرئ للذمة...لا للإفلات من العقوبة تحت أي ذريعة من الذرائع....لا مناص من جلب كل المجرمين لساحة العدالة....دون ذلك ...فهي ثارات...وثارات.. سينجزها أهاليها.. وأصحابها...كيفما اتفق...ومهما كانت الكلفة

لا عفا الله عما سلف....لا عفا الله عما سلف....لا عفا الله عما سلف


ردود على كمال ابو القاسم محمد
Ukraine [زول زعلان] 08-23-2016 12:54 PM
لله درك يا اخي
ربنا لا تؤاخذنا بما فعل السفهاء منا من شاكلة صلاح كرار و امثاله من هؤلاء القتله المغتربين
لا عفا الله عما سلف


#1508505 [تاجر عملة]
3.75/5 (4 صوت)

08-23-2016 07:05 AM
من 5000 دولار فما فوق السعر 16.50 جنيه للدولار،، حتى الناس العاديين بقو يشتروا الدولار لكى يحافظوا على قيمة أموالهم بل صار بعض تجار العقارات لا يتعاملون إلا بالدولار


#1508492 [الجوكي]
4.00/5 (4 صوت)

08-23-2016 06:08 AM
راجيين العشرين بس عشان نفك


#1508485 [أبو ثابت]
3.65/5 (18 صوت)

08-23-2016 05:31 AM
أسأل الله أن يقطع دابر هؤلاء الذين يفسدون في الأرض ولا يصلحون الذين اوصلوا المجتمع لهذه المرحلة بإسم الدين فإنهم لا خير فيهم ولا رحمة عندهم هؤلاء يضحكون علي هذا الشعب المسكين المغلوب علي أمره كل واحد يتكلم ويقول ليك برنامج وخطة وهلم جرا


ردود على أبو ثابت
Romania [هيثم] 08-23-2016 11:57 AM
آمين

Sudan [عبدالواحد المستغرب اشد الإستغراب!!] 08-23-2016 10:22 AM
ليييه بس يا ابوثابت ؟!! ده اجمل خبر لو تآملته بشكل جيد ومن ناحيه إيجابيه!!أولا إخوتنا المغتربين اللسه ما إنضموا لينا في محاربة النظام في الحته البتوجعهم حيكونوا مضطريين لحبس دولاراتهم وريالاتهم ثانياالتجار في البلد ما حيقصروا في رفع أسعار سلعهم او يحجموا عن البيع على أساس الدولار والريال كما قاقارين ماشى!! والنظام ما عندو (التكتح) من الموارد ويبقى الدور والباقى على شبابنا ليهزو أعجاز النظام الخاويه!! تفائل خير يا صديقى وعسى أن تكرهوا شيئا وهو خير لكم،، وانا هنا اعنى ارتفاع أسعار العملات!!.


#1508473 [منصورالمهذب]
3.17/5 (13 صوت)

08-23-2016 04:18 AM
ولا زال فلم الحرامية العساكر بصالات العرض!


#1508471 [حاج علي]
3.42/5 (11 صوت)

08-23-2016 04:13 AM
شلعوها الكيزان ؟؟؟؟


#1508462 [منصور محددصالح العباسي الفرناسي]
4.13/5 (4 صوت)

08-23-2016 03:31 AM
يطّلع يطّلع فوق ويحلق في الجو ،، لكن بكرة ح ينزل تاني ،، الجنيه نازل في السودان ونازل في مصر ،،ودي سياسة السوق الحر ،،، بكرة تشوفو الفرق ،،


ردود على منصور محددصالح العباسي الفرناسي
Romania [هيثم] 08-23-2016 12:00 PM
سياسة مين ياعم انت اصلا ما عندك انتاج علشان تتحكم في سعر الصرف أي سوق حر ده إمكن يكون سوق المواسير بتاع كبر

Saudi Arabia [jaaaaaah] 08-23-2016 11:41 AM
غزونا ما تنسونا
حسي السالك من مصر منو
مصر دي حارقااااكم عشان حشو الكيزان فيها
كويز ****

[الجد] 08-23-2016 10:41 AM
تحلم انت! بلد تعاني من أزمة في الإنتاج كيف تنصلح عملتها, فقد تم تدمير معظم المشاريع الإنتاجية بواسطة هذه الفئة الباغية

South Africa [القطر قام] 08-23-2016 09:11 AM
ما شاء اللة عليك...خبير وطني!!

Qatar [الجقرم] 08-23-2016 07:43 AM
منافق!!!!
امانة فى زمتك حصل الدولار ده زاد وبعدين نزل؟؟
وبعدين نحن بنتكلم عنو فى السودان علاقة مصر شنو؟؟


#1508451 [زينة حسن]
3.91/5 (8 صوت)

08-23-2016 01:58 AM
أكسح...أمسح...قشو
ما تجيبو حي


ردود على زينة حسن
United Arab Emirates [سامر على] 08-23-2016 07:33 AM
كده كده يا الترلا القاطرة قوندرانى ؟

United States [ود التوم] 08-23-2016 03:43 AM
ههههههههههههههههههههههههههههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.50/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة