الأخبار
أخبار إقليمية
جهاز أمن البشير يمنع تداول انخفاض قيمة الجنيه في الصحف
جهاز أمن البشير يمنع تداول انخفاض قيمة الجنيه في الصحف
جهاز أمن البشير يمنع تداول انخفاض قيمة الجنيه في الصحف


08-31-2016 01:36 PM
الراكوبة ـ الخرطوم أصدر جهاز أمن حزب البشير تعميماً شفاهياً لرؤساء تحرير الصحف السودانية يمنع بموجبه تداول أي خبر يتعلق بارتفاع قيمة الدولار أو هبوط الجنيه السوداني؛ وعدم الإشارة إلى ذلك بأية صيغة خبرية أو تحليلية أو تقريرية أو في مقال. وعدّ بعض الصحفيين خطوة الجهاز حيلة غبية لكون أسعار العملات ــ والدولار على وجه الخصوص ــ متاح معرفتها بعيداً عن الصحف.


تعليقات 25 | إهداء 0 | زيارات 22808

التعليقات
#1513454 [ودالجزيرة]
5.00/5 (1 صوت)

09-01-2016 08:27 AM
جهاز الأمن والإستخبارات هو الذي يحكم السودان وخادم الكيزان يسود ولا يحكم


#1513415 [المتجهجه بسبب الانفصال]
4.75/5 (3 صوت)

09-01-2016 07:22 AM
يعني نسأل قطبي المهدي وصابر محمد الحسن ،، الظاهر المقصود عدم ذكر وتناول سرقة عملات صعبة من بيوت المسئولين ومكاتبهم ،،،


#1513345 [ود احمد]
4.00/5 (2 صوت)

09-01-2016 01:15 AM
اذا كان هناك امن وقلبه على الدولار فاليسأل من الذي اوصل الدولار لهذه الدرجة عندما جاءت الانقاذ كان واحد دولار يساوي 18 جنيه في السوق الاسود
والان واحد دولار يساوي 16500
يالله يا بناعين الامن العينكم على البلد امسكولنا الزول العمل سياسة التحرير وودى الجنيه في ستين داهية وانتو يا بتاعين الصحف اعملوا اضان الحامل طرشة
لغاية مانشوف الزول الضيع الجنيه ده


#1513324 [ربع الرطل الملا القزازه]
4.63/5 (4 صوت)

08-31-2016 11:43 PM
يا ناس الراكوبة الجوطه فوق كم ؟
دى صفحهم يا جماعة ان شاء الله يقولوا ليها بكره الصحيفة تصدر فاضية
وبنديكم حق الاعلانات نحنا

هو فى الاساس فى صحيفة ما حقة الكيزان ؟؟

ديل صحفيينهم ان شاء يقلبوهم بياعين تمباك ولا مجاهدين هم مخيرين فى جنود التنظيم حقهم

**
الخبر فى مجمله يصب فى مصلحة شعب السودان على الاقل ال3 جنيه دى ما تمشى كرش حسين خوجلى او ود البلال
لانها دى كروش ما بتحتاج زيادة
حق الجريده اولى به تلاميذ المدارس


#1513315 [طلال]
5.00/5 (1 صوت)

08-31-2016 11:19 PM
الموت الوطني دايريين نصف الشعب يموت والنصف الاخر يعيش يعني طبقات طبقه تلقي قوت يومها وهي فقيره وطبقه برجوازيه


#1513311 [طلال]
5.00/5 (1 صوت)

08-31-2016 11:03 PM
نحن ذاتنا ما نصدق الجرايد ولكن الشعب بعرف اي حاجه عن اي حاجه


#1513282 [البشير عبدالله البشير]
5.00/5 (2 صوت)

08-31-2016 08:27 PM
يااخ والله الحكووومة دي ماااعارف دايره تودينا لي ويين ؟؟
.
.
.
يااخ اها إكتبوو شنوو تااني اي منعتوو تاني الا يكتيوو في الجرايد الزوول البكورك في السوق العربي عصير مركز واحد جنية برتغال مركز واحد جنية 😤😤
يااخ فلتذهب الحكوومة وجهاز الامن الي مزبلة التاااريخ ...
بعد دة خلاص قربتوو ماششين في الضياع .. الصبرر بس


#1513262 [جمالوف]
5.00/5 (2 صوت)

08-31-2016 07:16 PM
بديتو حكمكم بمنع الدش والستلايت ، يبدو ان حكمكم سوف ينتهي بهكذا قرارات


#1513251 [Free]
5.00/5 (3 صوت)

08-31-2016 06:29 PM
الافضل ادخال حظر فى محركات شركات الاتصال لبعض الكلمات مثل كلمة الاخضر و ابو صلعة و الامريكى لانو اى سمسمار لضرب تلفون و بسأل الكبار الليلة الاخضر بى كم و هكذا


#1513250 [واحد]
4.50/5 (2 صوت)

08-31-2016 06:24 PM
الصحف دي قفلوها كلكلو وشوفوا ليكم شغلة تانية


#1513246 [يا سلام]
4.50/5 (4 صوت)

08-31-2016 06:04 PM
طيب في الصحف ممنوع !؛
كيف الراي مع ستات الشاي ؟؟؟


#1513239 [جنجا]
4.50/5 (4 صوت)

08-31-2016 05:50 PM
الحكمه والعقل والتوفيق قسم !!!
ديل ما كانواحاضرين لما قسموهم


#1513238 [قساس فادي]
4.50/5 (4 صوت)

08-31-2016 05:46 PM
الصحفيين ممكن يسكتو اليسكت تجار العملة شنو


#1513212 [الحاقط الطبقى]
1.00/5 (1 صوت)

08-31-2016 04:36 PM
...دا احسن قرار لانو بيأثر فى الامن الاقتصادى للبلد ،،، و بعض الصحفيين بشعللوا سوق الدولار فى الصحف لمصالح اخرين ،،،، وعقبال منع اخبار ناس الحركة الشعبية المتمردين وتفعيل قانون مكافخة الارهاب


ردود على الحاقط الطبقى
Saudi Arabia [المغبون] 09-01-2016 11:52 AM
يعنى الناس تدفن رأسه فى التراب والله رأيك شنو الناس مفروض تعرف الحاصل لكى تتداركه مش تدفن راسه فى التراب لحدى ما تقع الكارثه الاصلها وقعت المشاكل مفروض تواجه لكى تحل وتنتهى مش الناس تهرب منها .

Romania [الامين النحناح] 08-31-2016 08:03 PM
طز في أي كوز معفن ، أو جداد إلكتروني ! بالله ده تعليق ليك يا الحاقد أنت ؟ ما عندك وجيع لهذا البلد أبداً ؟ قال ده أحسن قرار قال .

Saudi Arabia [جركان فاضى] 08-31-2016 06:53 PM
انت ناسى الwhatsup الجاب خبر حسنى مبارك...اها كيف الواتساب دا يقفلوا خشمو

United Arab Emirates [زولة] 08-31-2016 06:36 PM
قال أمن اقتصادي .. هو منو المضعضع الأمن دا غير الكيزان الحرامية و عندك حادثة صابر و قطبي .. وبعدين تفعيل قانون الإرهاب لابد أن يكون ضد الفار الهارب من الجنائية و الللصوص المعاه يا جدادة يا مليان هيم ..

Qatar [A. Rahman] 08-31-2016 06:24 PM
أخبار الدولار مافي الصحف، أخباره في سوق الله اكبر دا، و من هم "الآخرون" غير ناس المؤتمر الوثني الحرامية و أذنابهم.


#1513211 [حاج علي]
3.96/5 (7 صوت)

08-31-2016 04:33 PM
اذا دخلت اي بنك في العالم تجد سعر العملات مكتوب وبالخط العريض
سعر الدولار ما محتاج صحافة ؟ اسأل اي بتاعة شاي قليها الليله الدولار عمل كم ؟؟
اغبياء فعلا ريئسكم محمد عطا


#1513206 [البصيرة ام حمد]
5.00/5 (1 صوت)

08-31-2016 04:22 PM
دايرين الصحف كلها تبقى ذى جريدة الدار، مافيها غير ده فلقو بى طوبة وداك ضربو بى ساطور.


#1513192 [AAA]
4.88/5 (5 صوت)

08-31-2016 03:52 PM
وكمان قفّلوا برج البركة وبرندات السوق العربي عشان الناس تكون دايشة ما جايبة خبر!!


#1513188 [حمزة عباس]
5.00/5 (6 صوت)

08-31-2016 03:42 PM
((جهاز أمن البشير يمنع تداول انخفاض قيمة الجنيه في الصحف)) .

فعلاً الجِرسة و الرعب ضاربكم من كل الجوانب وماعارفين التعملوهو ,
قبلها أمرتو الصحف بعدم تناول أخبار الحركات التى تفاوض النظام فى خريطة الطريق بأديس اباابا ,

و قبلها أمرتو الصحف بعدم تناول أخبار فنلة ميسي و بردلوبة لولى الحبشية الحمراء التى تم تكريم المشير بها ,
و قبلها أمرتو الصحف بعدم تناول أخبار مسئول المؤتمر الوطنى المقبوض عليه فى تهمة فساد ,

و قبلها أمرتو الصحف بعدم تناول أخبار شركة نسرين لتعدين الذهب التى يقول النظام انها شركة روسية و سفير روسيا بالخرطوم يقول بأنها ليست روسية و إنما سودانية و مسجلة بالخرطوم ,

و غيرها الكثير الكثير من المواضيع التى منع الجهاز الصحف من الكتابة فيها أو حتى ذكرها فى الجرايد !!
طيب يا نظام السجم و الرماد الصحف دى تكتب فى شنو مادام أى حاجة ممنوع الكتابة فيها ؟؟

ثم ثانياً وِكِت إنتو ماقدر المسئولية و ماقادرين تتحملو عقبات افعالكم ال خجلانين من نشرها قاعدين ليه ماتغورو فى ستين الف داهية , او على الاقل أتركو السكلى و الردحى و الحى ووب . لعنكم الله فى قبلاته الاربعة .


#1513186 [الغاضبة]
4.75/5 (4 صوت)

08-31-2016 03:34 PM
يعني الجرايد دي تتكلم في شنو طيب،
تطير عيشتنا كل يوم تطلعوا لينا بقصة جديدة ...

يا جماعة عندي اقتراح خلاص نضرب عن الكلام ما في اي زول يتكلم اعتصااااام من اليوم لا نتكلم في جريدة ولا في شارع لا نتكلم في الدين ولا السياسة ولا حتى في الملوخية او الكسرة او الخبز ..... خلونا صامتين، حتى يسقط النظام


ردود على الغاضبة
Saudi Arabia [تاج الدين حنفي] 09-01-2016 10:56 AM
لو تم تنفيذ الصمت عن الكلام او الصيام عن الهرجلة العصيان عن العمل والاعتصام امام المنازل وفي الميادين المسروقة او قل حتى في الزقاقات الضيقة ان شاء الله ستسقط هذه الحكومة في خلال اسبوع واحد قولوا امين..

Romania [الامين النحناح] 08-31-2016 08:09 PM
ديل خجلانين من الحالة الوصلوا ليها . ناس فاشلة وجهاز فاشل حسبنا الله ونعم الوكيل عليهم .


#1513183 [المتغرب الأبدي]
4.97/5 (6 صوت)

08-31-2016 03:27 PM
كل الناس بتقرأ أخبار العملة الأجنبية من الراكوبــة
يا جهلة


#1513180 [هميم]
5.00/5 (5 صوت)

08-31-2016 03:25 PM
يبدو أن جهاز أمن البشير يعتقد أن منع الصحف من تداول أخبار تهاوي جنيه البشير سيمنع الجنيه المأزوم من مزيد من السقوط!!!! تداول أخبار تهاوى جنيه البشير إلى درك أدنى كل يوم يذكر البشير الفاشل بمزيد من فشله في إدارة البلد واقتصادها وهذا بالنسبة لجهاز أمن البشير الفاشل يهدد أمن الدولة ولذلك يمنع هذا الجهاز الفاشل تداول أخبار جنيه الرئيس الفاشل!!


ردود على هميم
[Fatmon] 09-01-2016 07:23 AM
وهل توقف الصحف عن الكتابة سيغير من الحقيقة الماثلة امام اعين الكل او حيغير من قيمة الدولار سلباً او إيجاباً الإجابة بكل ببساطة لا
والوضع منحدر نحو الهاوية وبسرعة الصاروخ وفي كل المجالات كتبت او لم تكتب الصحف سياااااان ولكن مين يفهم ....اعوذ بالله كما يقول اخونا عثمان شبونه


#1513174 [الحاقد]
5.00/5 (3 صوت)

08-31-2016 03:14 PM
الاصرار على دفن الراس في الرمال هي السياسية المتبعة في كل شيء.


#1513159 [ابوبكر عطيه]
3.50/5 (5 صوت)

08-31-2016 02:52 PM
طيب انتو الصحف دي تكتب في شنو اي حاجه ممنوع نشرها ولا يكتبو بس في زيارات البشير ذي زيارة البشير الاخيره لعيد (الشهيد)....


#1513145 [ودالفاضل]
4.88/5 (5 صوت)

08-31-2016 02:36 PM
هؤلاء كالنعامه يريدون تغطية وجوههم وعوراتهم مكشوفه , بدلا من البحث عن حلول لنهضه الاقتصاد المنهار والجنيه السوداني الذي مات وفقد الإحساس والقيمه , اصبحتم تتحدثون عن أشياء تافهه لا قيمة لها مثل جنيكهم , قال يمنع الصحف مافي زول يجيب سيرة ( الغريف ) الذي مات في البحر واكله سمك القرش بعد ان فاحت رائحتة النتنه . حسبنا الله ونعم الوكيل .


#1513135 [ابوشوارب]
5.00/5 (5 صوت)

08-31-2016 02:11 PM
أها وكدا سعر الدولار حاينزل ؟!


ردود على ابوشوارب
Sudan [Gori] 09-01-2016 07:12 AM
السعر حاليا
17 جنيه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة