الأخبار
أخبار إقليمية
العربي الجديد : تحويلات المغتربين تنقذ الجنيه السوداني
العربي الجديد : تحويلات المغتربين تنقذ الجنيه السوداني


09-06-2016 01:42 PM


الخرطوم ــ عاصم إسماعيل

تراجع الدولار الأميركي أمام الجنيه السوداني في السوق الموازية (السوداء) على نحو غير متوقع، بدعم من تحويلات المغتربين السودانيين، التي زادت خلال الأيام الأخيرة تزامناً مع قرب عيد الأضحى، والحملات الأمنية المكثفة ضد تجار العملة، وفق عاملين في سوق الصرف.
ووصل سعر الدولار، مطلع الأسبوع الحالي، إلى 14 جنيهاً، خاسراً نحو 17% من قيمته في السوق السوداء، مقارنة مع نهاية الأسبوع الماضي، حيث شهد ارتفاعاً غير مسبوق بعد أن كسر حاجز 17 جنيهاً، بينما تحدد الحكومة سعره رسمياً بـ 6.4 جنيهات.

وقال سمير أحمد قاسم، أمين أمانة السياسات في اتحاد أصحاب العمل السوداني، إن دخول أموال المغتربين لدعم أسرهم خلال فترة العيد جعل المعروض من الدولار أكثر من الطلب، مما ساهم في هبوط العملة الأميركية التي زادت بشكل غير مبرر الأسبوع الماضي.
وأضاف قاسم لـ"العربى الجديد"، أن انخفاض الدولار يطمئن الأسر السودانية بأن الفترة المقبلة ستشهد استقراراً في الأسعار التي شهدت ارتفاعاً غير مسبوق خلال الفترة الماضية، ووصل إلى 30% في بعض السلع.
وتواجه العملة السودانية تدهوراً منذ انفصال جنوب السودان في 2011 وفقدان عائدات النفط، بجانب العجز في الميزان التجاري، ما أدى إلى ارتفاع تضخم أسعار المستهلكين.

وقال محمد الناير، أستاذ الاقتصاد في جامعة أفريقيا العالمية بالسودان، إن الإجراءات الأمنية المشددة والحملات المكثفة على تجار السوق السوداء بجانب ضخ البنك المركزي النقد الأجنبي في المصارف التجارية ساهم في تراجع الدولار بالسوق الموازية.
وكان وزير المالية والتخطيط الاقتصادي، بدر الدين محمود، قال في تصريحات صحافية مؤخرا، إن ارتفاع الدولار غير مبرر ويتحكم فيه تجار السوق السوداء، مشيرا إلى أن سعره الحقيقي لا يتعدى 7 جنيهات في السوق الموازية.

وأضاف الناير أن عودة العملة السودانية إلى الاستقرار تتطلب زيادة الإنتاج، لاسيما في المشاريع الزراعية من أجل تعزيز الصادرات وتسهيل الإجراءات لجذب أموال المغتربين والمستثمرين.
ويعاني السودان من عجز في الميزان التجاري، حيث واردات الدولة أكثر من صادراتها، ما يشكل ضغطاً متواصلاً على سعر العملة المحلية.

العربي


تعليقات 24 | إهداء 0 | زيارات 34860

التعليقات
#1516375 [المهندس سلمان إسماعيل بخيت على]
0.00/5 (0 صوت)

09-06-2016 10:15 PM
إذا كان تعافى صحة الجنيه السودانى حقيقية وليست فبركة ودعاية حكومة على الصحف لأنخفضت قيمة المواد الغذائية وتبع هذا التعافى قيمة رغيف الخبز واللحمة والخضار والبنزين والجازولين حتى الملح والبصل والكبريت سعرها ينخفض
لكن بما أنها مسرحية من مسرحيات النظام ستظل الاسعار فى الارتفاع وسيلحظ ذلك المواطن الذكى محمد أحمد وحيعرف انها مسرحية لن تنطلى على ذكاء وفطنة الشعب السودانى
الكيزان يرفعون ويخفضون حسب حاجتهم
حاليا لديهم دولار كفاية يتعمدوا خفض الدولار مقابل الجنيه ليقوموا بشراء ماتبقى من دولارات من عملة طبعوها ولم تكون عائدات صادر حيث البلد تستورد 3 اضعاف ما تصدر وربما اكثر
تصدر اساسيات من منتجات زراعيه وحيوانية ومعادن وتستورد قشقش وخرز وكلام فارغ
لك الله يا السودان
القفزة القادمة للدولار حتكون 20000 جنيه مقابل كل دولار
فى اوائل العام1974م صدق لى من قسم النقد الأجنبى ببنك السودان بمبلغ 20 جنيه سودانى بعتها فى صرافات باب شريف وكانت عباره عن صرافات على الرصيف حيث يباع الجنيه السودانى بجوار الاسترلينى والدولار والريال
تسلمت 213 ريال وكم هلله مقابل ال 20 جنيه
والجماعة فرحانين لان الدولار انخفض الى 14000 جنيه


ردود على المهندس سلمان إسماعيل بخيت على
South Africa [AAA] 09-07-2016 12:07 AM
لك التحية زميل الراكوبة والمَهاجر النشط م. سلمان..صدقني ان معافاة الجنيه المزعومة حمل كاذب..وانت في المنافي مثلي من سنة دو..هل سبق ان حولت رسميا غير التحويل الالزامي الذي يرتبط بتجديد الجواز ومن ثم الاقامة..او العودة ؟؟!
ان تحديد سعر العملة لبلد ما له اسس وضوابط اقتصادية..الا تتفق معي!!


#1516367 [الجوكي]
0.00/5 (0 صوت)

09-06-2016 09:53 PM
انا غايتو واحد من المغتربين
وقروشي ما حا احولها لمن الدولار ده يطير السماء مره تانيه

وانا عارف الكلام ده ما صح بس يستفيدو اهلي وأقاربي
ولا يستفيدوا الكيزان


#1516353 [AAA]
3.00/5 (1 صوت)

09-06-2016 09:20 PM
الكلام القالو ده كله ما صحيح..هناك عوامل رئيسه هي التي تحدد قيمة العملة في اي بلد..وجميع العوامل التي تجعل قيمة الجنيه السوداني مقارنة بالدولار غير متوفرة بل معدومة تماما..

ما يقال ان تحويلات المغتربين هي التي أدت لخفض قيمة الجنيه..قد يكون حقيقة مؤقتة ليومين تلاتة..لكن في الحقيقة هي مثل الحمل الكاذب..فهل يرتجي من الحمل الكاذب مولودا !!!!


ردود على AAA
South Africa [AAA] 09-06-2016 11:57 PM
شكرا على المرور والتعليق الجيد اخي سرحان عبدالبصير.. اتفق معك وكلامك صحيح مية في المية وانا " مما انت فيه" وسبق لي ان اقسمت عندما كنا في الخليج فقط نلتزم بالتحويل الالزامي وقتها.. لكونه مربوط بتجديد الجواز وبالتالي الاقامة..والخروج والعودة " خروج العودة تحديدا"... غير ذلك انا شخصيا لم يسبق لي ان حولت لاهلي مبلغا عن طريق البنك واخوك مدمن هجرة...لك خالص تقديري على المداخلة القيمة..

Canada [سرحان عبدالبصير] 09-06-2016 09:42 PM
يا أخي...أقسم بالله العظيم مافي أي مغترب حول ريال واحد ولا جنيح واحد عن طريق التحويلات الحكومية...هل يوجد انسان عاقل في تمام قوته العقلية أن يحول قروش الحلال والحرام حتي عن طريق بنوك الكيزان؟ بالسوق الأسود 16 جنيح وعن طريق البنوك 7 جنيح يعني الفرق 11 جنيح!...😀😀😀مافي انسان عاقل وحر يحول ربع ريال عن طريق البنوك


#1516345 [alwatani]
0.00/5 (0 صوت)

09-06-2016 09:02 PM
يناس صدقتوا خلاص


السبب الرئيسى استدعى الريس دكتــــــور صابر ودكتـــــور قضبى وادى اى واحد هرشة وزكرهم بجرجس ولزوم العملة الصعبه فى الشقق شنوا واعطى اى واحد ورقة يوضح المبالغ وكانت مؤهوله واستدعى مدير بنك السودان بحرس من الشرطة الامنية واوؤكد الشرطة الامنية الى خزنة البنك وطوالى الدولار الى 14ج وافصحا بانهم يعملوا لصالح المدام بت الجزيرة العربية وبعد يوميت حتصل الدولارات من دبى وماليزيا ليصبح ب 3ج فقط ولسه الساقية مدوره حتى تصل ابناء حاج ساطور ويصبح الدولار ابو صلعة هامل يعتل ضمغ فى زريبة التهود وكركدى فى الرهد وسمسم فى القضارف وبلح فى دنقلا وبصل فى شندى وابل فى جبال ميدوب


#1516337 [محمد]
0.00/5 (0 صوت)

09-06-2016 08:47 PM
كلام السيد قاسم جانبه الصواب وين المغترب البيحول لاهله لايمكن ان يحول عن طريق البنك خاصه تودج صرافات تقوم بالتحويل بالسعر السائد في السوق وبالتلفون ولكن من اسبابالهبوط ان موسم الحج خلاص والخوف من اشاعه الدوله ستتدخل بقوة وبكرة ترجع ريمه لقديمها سؤال برئ فضيحه الدولارات واليوروهات المسروقه لم يسالوااصحابها كيفيه الحصسول عليه


#1516306 [زول ساي]
0.00/5 (0 صوت)

09-06-2016 06:34 PM
مفروض بنك السودان يفتح منافذ لتحويل المغتربين وبنفس سعر السوق الأسود
وشوفوا سعر السوق الأسود حينزل كيف.،،،
المؤسف ان ارتفاع الدولار ما هو الا مضاربات من تجار ضعاف نفوس
وتجار العملة ديل مدام ما الله اداهم قروش مفروض يتاجروا في ما ينفع الناس ويعمروا في الارض مش يفيدوا فيها


ردود على زول ساي
Canada [سرحان عبدالبصير] 09-06-2016 09:43 PM
أيضا خيرتفع

Saudi Arabia [زول ساي] 09-06-2016 08:52 PM
بس داير أعرف مالكم قفلتم التعليقات على موضوع صلاح إدريس.. ههه علاقات عامة ولا شنو؟؟؟؟؟


#1516303 [أبو قنبور]
5.00/5 (3 صوت)

09-06-2016 06:20 PM
رغم قنبوري الطويل دا، أحياناً تكون الكذبة أطول منو، عشان كدا ما بتمشي علي، وأي شيء ما يمشي على أبو قنبور أكيد ما بيمشي على أي سوداني شبه أمي مثلي.
آخر كلام قالو مسؤول في الحكومة إنه الواردات 9 مليار دولار والصادرات 3 مليار دولار والاختلال في الميزان التجاري دا هو سبب تهاوي العملة أمام الدولار.
كيف يعني في يومين بس يتعدل الميزان التجاري وتصدر الدولة 9 مليار دولار وتستورد بس بـ 3 مليار دولار.
لا أراها إلا حيلة بئيسة وتعيسة من الكيزان وهم يرموا آخر كروتهم قبل السقوط المريع، غداً تتكشف الحيلة وتظهر الحال المذرية للجنيه المريض.


ردود على أبو قنبور
[صابر الصابر] 09-06-2016 08:10 PM
كلام سليم 100%


#1516295 [الريح]
0.00/5 (0 صوت)

09-06-2016 05:49 PM
ولماذا تفيد تحويلات المغتربين إذا كانت يعاد إرسالها دولارات حية إلى الجارة إثيوبيا عن طريق مئات الآلاف من الأحباش على مراي ومسمع من جهاز الأمن الوطنى ووزارة الداخلية وحتى وزارة الدفاع
من الغباء أن يدعى وزير بأنه يصدر الدكاترة والعلماء
ولا يعرف أنه يستورد عمالة منزلية غير مدربة وغير متعلمة
الحسبة بسيطة
إذا الدكتور السودانى بحول 1000 دولار شهريا
فهذا المبلغ وأكثر منه يحوله 10عاملات منزلية إلى إثيوبيا فى منتهى السهولة يعنى 100000 ألف اثيوبي يتبادلون 10 ألف مغترب


#1516282 [ابو وليد]
0.00/5 (0 صوت)

09-06-2016 05:29 PM
بالله عليك هسع انا لوعندي دولارات راح احولها بالبنك بسعر6.4 جنية وبره في السوق واصلة لي اهلك في البيت وبدون رسوم 14.5 شوية فهم يابشر


ردود على ابو وليد
Canada [سرحان عبدالبصير] 09-06-2016 09:45 PM
ههههههه
نعم دي الحقيقة


#1516272 [امين]
0.00/5 (0 صوت)

09-06-2016 05:01 PM
الشعب السودانى يعرف الاقتصاد اكثر منكم فاغلب ابناء الشعب السودانى درسوا الاقتصاد ومعترف بهم عالميا لذلك ما يقال عن الاقتصاد السودانى انه تعافى فهو كذب لان اقتصاد دولة مثل السودان معتمد على الضرائب لن يتعافى فى خلال ثلاثة ايام ده اصلا اذا هنالك انتاج وزيادة صادرات وقلة واردات ولذلك لا تكذبوا على شعب متعلم ومعلم


ردود على امين
Saudi Arabia [الجعلي الطفشان] 09-07-2016 11:03 AM
كدا يا أمين جبتها من الآخر . تسلم


#1516260 [سلمان الضو]
4.50/5 (3 صوت)

09-06-2016 04:32 PM
خواء إعلامي وتصرف همجي من الحكومة. ووزير المالية يحاول إخفاء فشله الدائم. و لا يوجد مغترب واحد ، قام بتحويل أمواله للسودان وأصلا لا يوجد بنك في الخليج يتعامل مع السودان. يبقى الطريقة الوحيدة هي إدخال العملة للسماسرة الكبار وهم من الكيزان . أما صغار التجار فهم الذين تضرروا من الحملات التعسفية الأخيرة. وقطعا ليست هي العلاج ، وسرعان ما يتكيف الوضع وتدور ساقية جحا وتعود حليمة لي قديمة. ولعنة الله تغشاكم يا عمر البشير ووزير المالية وبقية الوزراء والولاة .


ردود على سلمان الضو
Saudi Arabia [bakee] 09-06-2016 05:53 PM
والله كلامك صاح الكلام دة يقولو لناس مابتفهم تحويلات شنو كل الاجانب في الخليج بحولو فلوسهم عن طريق البنك الا السودانيين ممنوع التحويل ولا اي بنك في الخليج لا من رحم ربي في الامارات


#1516245 [لأغلب]
3.75/5 (3 صوت)

09-06-2016 04:09 PM
لعبه قديمه عشان الناس تخاف تقوم تبيع دولاراتها
ا يقوموا يشتروها بالرخيص ويحتكروها وبعدين
ببيعوها تانى للناس بالغالي ، البهلول الدولار يرخص شنو
أصلا البلد معتمده على الضرايب والجمارك ، وخروفين تلاته .


#1516244 [المهندس سلمان إسماعيل بخيت على]
2.00/5 (1 صوت)

09-06-2016 04:08 PM
مغترب ياتو العندو دولار عشان يحوله بالقدر الذى يرفع قيمة الجنيه السودانى
نحن يادوب داب الفول والتميس وربك يستر من السنوات القادمات
قولوا الكيزان لمان أكتفوا من طباعة ورق العمل بالحاويات فى مطبعتهم الحكومية واكتفوا وباعوا العملة الصعبة للحجاج وقفوا ضخ العملة المحلية فى السوق لشراء الدولار فالدولة هى المضارب الوحيد فى سوق العملة السودانية لو خرجت خرجت روح الدولار لكن الدولة تخرج كيفن فهى تدير حكومة مترهلة وكل الولاءات فيها مرتبطة بالمال ولا صادرات تعود بعملة صعبة
كدى اصبروا شهر او شهرين والمعين ينضب والدولة تحتاج للعملة الصعبة وتحضر حاويات ورق العملة وتطبع المليارات وتملأ بها الكراتين وتوزع لكل ولاية حصتها ويكثر العرض على الدولار والقفزة القادمة ستكون قفزة فى الظلام الى المجهول ويتوقع أن يصل الدولار الى الرقم 20000 جنيه
لا فى قروش مغتربين ولا بنك السودان عنده دولار يضخه فى الصرافات يا الناير تحليلاتك كلها فشنك فى فشنك


ردود على المهندس سلمان إسماعيل بخيت على
Saudi Arabia [bakee] 09-06-2016 05:56 PM
المزعلني بلد مافيها صادرات تجيب الدولار من وين ماعندكم حاجة تصدروها مابجيكم دولار عشان كدا الدولار مابينخفض لو جنيتوا


#1516239 [zool123]
5.00/5 (1 صوت)

09-06-2016 03:48 PM
هنالك مشكلة قد تواجه ناس الضخ
أولا : المغتربين ديل ما حولوا العيد الفات و لا التحويل كان واقف.
طبعا الايام دي الاقتصاد المصرى بيعاني
ما هو الضمان لاحتكار الدولار محليا
ممكن ناس الفهلوة بقروش الهتش و الحلاوة و الاسعار ما نزلت, يقوموا يسحبوا الدولار الرخيص من السوق و علي طول مصر بعدين ناسنا يكتشفوا انهم سهلوا عليهم الحكاية و يلقوا دولاراتهم الفكوها في السوق اتبخرت و يلقوا الناس التانيين اتغدوا بيهم .
في هذه الحالة في ناس حتشرب و ما تروى و المشكلة التانية حيكونوا زعلانيين لأنهم إتخرتووا و حيفتشوا حتة يتفشوا فيها أو يختلقوا مشكلة انصرافية عشان ما يترفدوا.
لو الناس بتتذكر القذافي كان بيمنع خروج أي حاجة ذات قيمة من ليبيا من الذهب و حتي سرير الحديد و العملات بإستثناء البلاستيك(الكراسي الليبية) لحماية ثروة ليبيا.
تبقى علينا حلايب و شلاتين وو جع ضرس الدولار


#1516235 [حلفاوي]
5.00/5 (1 صوت)

09-06-2016 03:37 PM
اي عاقل يقرأ مثل هذا الحديث سيكذبه ولعدة اسباب ..
- فهناك العديد من الصحف والمواقع التي تنشر ما يطلب منها في شكل خبر او تقرير اخباري لو حتى مقال . ويكون المنشور اعلان لسلعة او ترويج لرؤية . ويكون ذلك بمقابل مالي .
او ان تكون تلك الصحيفة داعمة للتوجه الذي يتضمنه المنشور ( كحال وسائل الاعلام للتابعة للتنظيم العالمي للاخوان في دعمها لاخوانهم في السودان )..،.
- لم تبين الصحيفة كيف حول المغتربيين هذه الدولارات للسودان والكل يعلم ان كل البنوك قد اوقفت التعامل مع النظام المصرفي السوداتي خشية من العقوبات الاميركية .
- بالامس كنت برفقة احد الاخوة والذي قام بالتحويل للسودان عبر السوق الموازي بسعر يعادل 14350 للدولار ما يعني ان السوق قد امتص الصدمة وبدأ الدولار يعود تدريجيا للارتفاع ...
- لا يعقل ان يكون تحويل مصاريف العيد ( يا صحافي الغفلة هداك الله . بهذه الدرجة من التأثير في اقتصاد دولة ..
- ان اردتم التكسب والكذب فعليكم ان تحسنوا مستوى كذبكم فللناس عقول تتجاوز هذا المستوى من الكذب ..


#1516228 [أبو جلمبو قاعد جمبو]
5.00/5 (1 صوت)

09-06-2016 03:19 PM
دي أكتر حاجة ضحكتني: وقال محمد الناير، أستاذ الاقتصاد في جامعة أفريقيا العالمية بالسودان (.... بجانب ضخ البنك المركزي النقد الأجنبي في المصارف التجارية ساهم في تراجع الدولار بالسوق الموازية).


#1516216 [عبده]
5.00/5 (2 صوت)

09-06-2016 02:57 PM
انهم يكذبون كما يتنفسون !!!
بعدين ياتو سلعة سعرها انخفض ؟؟
ورونا سلعة واحدة بس سعرا نزل ..
باكر تعجزوا عن مسئولية اطعام تجار العملة المساكين ديل في كوبر .. والدولار تاني يرتفع وتفكوهم !!

بلد مافيها انتاج مافيها استقرار للعملة الاجنبية ..
دولة بلا رؤية في كل شيء ..
ادمان الكذب وتصديق الكذبة !!
اعوذ بالله..


#1516209 [ود الفاضل]
0.00/5 (0 صوت)

09-06-2016 02:35 PM
مادام يامتخلفين تحويلات المغتربين عامل مهم فى استقرار اسعار العملات الاجنبية وبالتالي تؤدي الى تحسن مستوى الاسعار لمعيشة المواطن ... الم يكن من الاجدى قبل ربع قرن ان تكون لديكم سياسات تراعي مصلحة المغترب المعذب بكل سياساتكم والذي جعلتم منه بقره حلوب كما اطلقتم ادبياتكم الحقيرة فى حقه وحرمتم المغترب من اي خدمة تتناسب وعطائه الثر وتضحياته تجاه وطنه وحرمتم ابناءه من التعليم الذي يستحقون وكذبتم عليه فى كل قطعة ارض اشتراتها من وفودكم التي تجوب سفارات العالم عارضة الاراضي السكنية وكله طلع كذب فى كذب ولذلك فقد المغترب الثقة فيكم .. وللمعلومية المغتربين لايعجزون عن تحويل مايلزم ذويهم خارج نظامكم المصرفي ( المنهوب ) ولا تعتقدوا ان اجراءاتكم الجديدة البليدة هذه تؤدي الى اغلاق الطرق والنوافذ على تحويلات المغتربين ( هيهات ) (كلما انبت الزمان قناتا ركب المرؤ فى القنات سنانا ) هبوط اسعار العملة الاجنبية ستات الشاي فى شارع النيل يعلمن انه يتركز فى الاتي ( انتاج + صادر = عملات حرة ) غير هذه المعادله العملة الوطنية ستظل فى النزول ويظل الدولار يبيع فيكم ويشتري ، وتضحكون الان ويضحك الدولار فى الاخير دائما والايام بيننا ..


#1516208 [عكليتة]
0.00/5 (0 صوت)

09-06-2016 02:35 PM
الكذب حبلو قصير


#1516206 [أبو السمح]
5.00/5 (1 صوت)

09-06-2016 02:31 PM
قولوا دولارات صابر القلعتوها من الحرامية


#1516201 [لحظة لو سمحت]
4.00/5 (2 صوت)

09-06-2016 02:21 PM
الجماعة اختشوا شويىة من فضيحة صابر لكنها فسوة ديك بكرة بصحو و برجعوا لفسادهم المرضى


ردود على لحظة لو سمحت
Saudi Arabia [Tarig Amman] 09-06-2016 03:04 PM
وش هى فضيحة صابر ... احكى لنا الفضيحة


#1516198 [abushihab]
4.50/5 (2 صوت)

09-06-2016 02:18 PM
فرفرة ذبيح . الحل في ارجاع الاموال المودعة في بنوك ماليزيا والامارات يا عوض الجاز.


#1516172 [عدو الكيزان]
1.00/5 (1 صوت)

09-06-2016 01:52 PM
مغتربين ؟ تحويلات ؟
كضابين كضب السودانيين


#1516170 [Kudu]
4.00/5 (3 صوت)

09-06-2016 01:49 PM
كذابين ولا مغترب واحد حول ليكم دولار ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة