الأخبار
أخبار إقليمية
عقوبات رادعة في مواجهة (76) شاباً وشابة تم القبض عليهم في حفل
عقوبات رادعة في مواجهة (76) شاباً وشابة تم القبض عليهم في حفل


09-24-2016 04:19 PM
الخرطوم : شيرين أبو بكر


أصدرت محكمة النظام العام بحي النصر جنوب الخرطوم أمس عقوبات رادعة في مواجهة (76) شاباً وشابة (طلاب جامعيين) تم القبض عليهم في حفل داخل مزرعة بمنطقة بتري جنوب مدينة سوبا، ووقعت المحكمة عقوبة الغرامة المالية مابين (10/5/2) ألف جنيه في مواجهة ثلاثة فنانين من بينهم مطربة شابة مشهورة وعازف أورغن وفني ساوند، وذلك لاقامتهم الحفل بدون تصديق من السلطات، وفيما يتعلق ببقية المتهمين فأدانت المحكمة (16) شابة تم توقيفهن بتهم ارتدائهن زي فاضح، أصدرت المحكمة في مواجهتهن غرامات مالية (ألف) جنيه لكل واحدة، واستكتبت بعضهن تعهدات، كما وقعت المحكمة عقوبة الغرامة (ألف) جنيه في مواجهة (56) شاباً أدينوا بتعاطي الشيشة والخمور، وتشير تفاصيل البلاغ إلى أن معلومة توفرت لشرطة النظام العام عن وجود حفل داخل مزرعة بمنطقة بتري، وعلى الفور تحركت قوة من الشرطة إلى المزرعة موضوع البلاغ، وتم مداهمة الحفل داخل صالة بالمزرعة، وتم القبض على المتهمين البالغ عدد(76) متهماً ومتهمة من بينهم الفنانين، بتهمة إقامة حفل بدون تصديق، وفتحت بلاغات في مواجهة المتهمين تحت المواد (152) من القانون الجنائي والمادة (5) من قانون النظام العام والمتعلقة بإقامة حفل بدون إذن من السلطات، تحت المواد(6/7) المتعلقة بتعاطي الشيشة

آخر لحظة


تعليقات 31 | إهداء 0 | زيارات 66713

التعليقات
#1523998 [احمد]
0.00/5 (0 صوت)

09-26-2016 01:20 PM
كلام لكن


#1523958 [د. أنور الشيرباتتى]
0.00/5 (0 صوت)

09-26-2016 11:41 AM
بصفتى باحث فى قسم السوادن بمركز الدراسات الاستراتيجية بالإسكندرية ومؤلف كتاب الأخلاق السوادنية (دار يعقوبيان للنشر 1977) فإننا نرى أن السوادنى و السوادنية يمتازو بخفض العقل و تدنى الحكمة والعجز و الكسل والنميمية( قالو لى.... قلت ليهو... قال. قال. قال) فلا يكون أمر مستغربا لو ماتت هذة الأمة...فى فى طور الهلاك باى حال ولكن مصر لن تقف مكتوبه.. حقيقة تؤلم الآخرين


#1523916 [wely]
5.00/5 (1 صوت)

09-26-2016 10:36 AM
ما تاخدكم العواطف زي ما قال ليك اخونا ابو الفرسان ما خفيه اعظم البنات ديل امكن يكون لابسات عاريات زي ديل مفترض ياخدو حكم اكتر من كده انتو اسع بترضوا اخواتكم يكونو هنا اكيد لا انتو ما قاعدين تقرو جرايد شقق ضعاره كلهم بنات جامعات ديل صفوة شنو قال صفوة ديل دمار للبلد الله يهديهم


#1523851 [مستغرش]
0.00/5 (0 صوت)

09-26-2016 08:18 AM
ما هذا السخف والقرف . لو كنت القاضى لحاكمت رجال الشرطة لانهم انتهكوا خصوصية هؤلاء الشباب . الحفل داخل مزرعة وتحويهم قاعة مغلقة .اين المخالفة للقانون ؟ قانون الغاب اعدل من قانونكم. دى دولة فيها وزارة عدل ووزير كمان .!!!؟ بماذا تضررت الدولة من حفل هذه الشلة؟ ان القانون فى السودان يطبقه المشوهين اخلاقيا الحاقدين على الشعب .ضعاف النفوس.


#1523777 [مواطن]
5.00/5 (1 صوت)

09-26-2016 01:03 AM
لعنة الله عليكم يا كيزان يا ملاعين... ياخي هو مشاء في مكان بعيد عايز يستر نفسه انت زاكية عشان تفضحو..
انا اقترح الناس تبدا حملة مقاطعة لمنسوبي النظام العام الملاعين..


#1523757 [الاخطبوط]
0.00/5 (0 صوت)

09-25-2016 11:34 PM
ما تاخدكم العواطف زي ما قال ليك اخونا ابو الفرسان ما خفيه اعظم البنات ديل امكن يكون لابسات عاريات زي ديل مفترض ياخدو حكم اكتر من كده انتو اسع بترضوا اخواتكم يكونو هنا اكيد لا انتو ما قاعدين تقرو جرايد شقق ضعاره كلهم بنات جامعات ديل صفوة شنو قال صفوة ديل دمار للبلد الله يهديهم


#1523756 [تركي]
0.00/5 (0 صوت)

09-25-2016 11:33 PM
أين هذا من وزير الحج والعمرة. والطبيب المتعلم عمر واخبار شقق الدعاره البقت في كل لفه والاولاد البايظين الملو الشوارع وأين هذا من ندا وصاحباتا احباب شريف نيجيريا وبت الراسته والليالي البنفسجية ف دبي ومصر
سب عليكم يا خزي البشريه ياعديمي الأخلاق


#1523589 [ابوالفرسان]
2.00/5 (1 صوت)

09-25-2016 05:14 PM
طلبة جامعيين - يعني صفوة - رقيص واختلاط وذي فاضح وفي مزرعه معناه ماخفية اعظم -- خير ماعملت الشرطة


#1523540 [مستغرش]
5.00/5 (1 صوت)

09-25-2016 03:57 PM
ما هذا السخف والقرف . لو كنت القاضى لحاكمت رجال الشرطة لانهم انتهكوا خصوصية هؤلاء الشباب . الحفل داخل مزرعة وتحويهم قاعة مغلقة .اين المخالفة للقانون ؟ قانون الغاب اعدل من قانونكم. دى دولة فيها وزارة عدل ووزير كمان .!!!؟ بماذا تضررت الدولة من حفل هذه الشلة؟ ان القانون فى السودان يطبقه المشوهين اخلاقيا الحاقدين على الشعب .ضعاف النفوس.


ردود على مستغرش
[the leader] 09-25-2016 11:08 PM
قلت شنو انتهكو خصوصية طلاب عليك الله ما بتخجل من كلامك دة ي ديوس إن شاء الله اختك تكون معاهم


#1523338 [جريه]
5.00/5 (1 صوت)

09-25-2016 09:53 AM
ده شغل كويس, كده تعالوا نحن محتاجين ليكم فى منطقة كبكابية وسرف عمره وكتم تعملوا شغل ذى ده, حيث توجد البلاوى من الحفلات بدون ترخيص والسكر بدون ترخيص واالبنقو بدون ترخيص وشيل السلاح وتجارة الخمور والسلاح بدون ترخيص, هل بتقدروا؟


#1523335 [محمدوردي محمدالامين]
5.00/5 (1 صوت)

09-25-2016 09:51 AM
وو( وعلي الفور تحركت قوة رادعه لمكان الحفل والقت القبض علي الشباب)

هو ده الانتو فالحين فيهو ؛ اسد علي وفي الحروب نعامه

يا امن ويا شرطة الكيزان يا سفله يا اولاد الكلاب ؛ عينكم للفيل ....

ماتمشوا تقبطو الارهابي ( تاها)الدلاه كتبتها بحرف التاء عمدا لان مثل هذا الكلب المراهق النسونجي لا يستحق ان نطلق عليه اسم النبي الكريم فهو (تاها ) وضل كمان .

ولكلاب الامن والشرطه اقول لو فيكم رجاله ما تعملوها مع الطالبات وستات الشاي

هديك حلايب و هديك الفشقه والقلابات امشوا عليها ورونا رجالتكم


ردود على محمدوردي محمدالامين
[fadia faddoosh] 09-25-2016 11:27 PM
بالضبط كده. ده الفالحين ليه. طلبه الجامعات والناس المستضعفة.


#1523247 [ضروس]
0.00/5 (0 صوت)

09-25-2016 07:22 AM
تصديق شنو يا عالم؟
الناس إذا عايزة تفرح إلا بإذن من الجهات المختصة.
دي ما ندوة ولا مسيرة دي حفلة يعني فرح ... بالفرح بالتصديق.


#1523242 [الضو]
0.00/5 (0 صوت)

09-25-2016 07:05 AM
أنا لو منهم ما أدفع ولا فلس ده نهب وابتزاز! تعدى على الحقوق الخاصة في مكان خاص وليس عام, عليهم تصعيد القضية حتى تصبح قضية رأى عام وتعدى على حقوق مدنية وتلفت الانتباه خارجيا وهذا ما يرعب الكيزان.


ردود على الضو
[the leader] 09-25-2016 11:11 PM
اخجل ي الضوء دة كلام بقولو راجل افترض اختك معاهم طالبات طلعو من بيوتهم وطلعو من أهلهم قالو ماشين الجامعة ومشو مع اولاد في مكان منزعل ويشربو في الشيشة وما معروف في الرحلات دي بحصل شنو تاني هسع انت لو ابو واحدة وقلنا وجبنا ليك المحكمة لي بيتكم وقلنا ليك اشتكي بتشتكي


#1523141 [الداندورمي .]
4.94/5 (14 صوت)

09-24-2016 08:14 PM
الشئ المحيرني ومجنني
بش بش يصلي قاعد ويرقص واقف.


ردود على الداندورمي .
United Arab Emirates [مريود] 09-25-2016 12:46 PM
بتلفها متين؟

Romania [hhhhhhhhh] 09-25-2016 08:16 AM
ياخي خلي الناس في حالن---لكن قوة ملاحظة تمحن

United States [عودة ديجانقو] 09-24-2016 09:18 PM
ياخى إنت فقرى وبتنوم بدرى
دى ابليس مافكى فيييييييييييييها

European Union [جنرال زمان] 09-24-2016 08:57 PM
والله يا الداندورمي دا الشيء المحيرنا كوووولنا!!! وعقبال ما نشوفه بيرقص معلق


#1523138 [خواجة]
5.00/5 (1 صوت)

09-24-2016 08:03 PM
يعني المشكلة الأساسية في الإذن. كم الرسوم؟؟؟.


#1523135 [Mat zman]
0.00/5 (0 صوت)

09-24-2016 07:56 PM
بالله دي عقوبات رادعه؟؟بالله لو كانت عقوبات خفيفه ،كانت تكون رشة ريحه وبوسه ولا ما كده اختشوا اختشوا يا حكومة الفساد أكيد بينهم اولاد مصارين بيض (اولاد سلطه)


#1523123 [مدحت عروة]
5.00/5 (2 صوت)

09-24-2016 07:24 PM
والناس البيضاجعوا زوجاتهم بدون اذن من الشرطة لماذا لا تقبضوا عليهم؟؟؟
كسرة:يعنى هسع انا لو عملت حفل فى منزلى ومعى اهلى واصدقائى تجى الشرطة تعتقل الناس وبدون امر من المحكمة؟؟؟؟


#1523117 [Alkarazy]
0.00/5 (0 صوت)

09-24-2016 07:06 PM
الغاء قانون النظام العام هي إحدي الشروط الامريكيه والتي يجب ان تنفذ في خلال ٦اشهر والنظام وافق عليها وهي من ضمن الصفقه السريه .الشروط السريه كفيله بإنهاء الوجود الاستعماري للكيزان بالسودان ابشرو بالخير قربوا الكيزان يملصوا ملط سبحان الله عظيم في الانتقام


#1523114 [قاسم]
5.00/5 (2 صوت)

09-24-2016 06:58 PM
الزي الفاضح ! زي ما ملكت ايمانكم كيف ؟ ... عورة الأمة من السرة إلى الركبة .... اعتبروهن ملكات إيمان .... عالم وهم و منافقين و كذابين و حرامية .


#1523113 [ابو محمد]
5.00/5 (1 صوت)

09-24-2016 06:56 PM
بإقامة حفل بدون إذن من السلطات، تحت المواد(6/7) المتعلقة بتعاطي الشيشة !!
انتهى
منتهى السقوط المهني !! الى متى تظنون ان الشعب ساذج الى درجة الغفلة ؟؟؟؟


#1523107 [A. Rahman]
5.00/5 (1 صوت)

09-24-2016 06:46 PM
وين حكايات الجلد الزمان داك و ترديد حد الخمر؟ و اللا القصة بقت تحصيل قروش لصالح دكان المؤتمر الوثني؟ .....حكومة عاهرة ليس إلا.


#1523103 [A7md962]
5.00/5 (2 صوت)

09-24-2016 06:41 PM
الناس المستنكرة الكلام دا..
ما في اعتراض على الحفل او الرقيص وابو عمة البرقص دا رغم اختلافنا معاهو ومع حكومتو وكرهنا ليهم..
بس كمان موضوع زي خطير جدا خمور وحفلات زي دي في اماكن نائية وبعيدة عن الناس.. اللهم لو ما الشرطة جات كان بحصل شنو؟ ؟ ثم تانيا الناس المستنكرة لعملية القبض.. هل في واحد منكم عندو ود اهلو ولا بت اهلو معاهم عشان تدافعوا كدا؟!؟!
على العموم الله اعلم بس البحصل دا عايز مكافحة شباب منفلت جدا.. ومجتمع اصبح منحل.. الله يخزي الحكومة العذبت الناس


#1523098 [كاره الكيزان]
0.00/5 (0 صوت)

09-24-2016 06:30 PM
تم القبض عليهم في حفل داخل مزرعة بمنطقة بتري جنوب مدينة سوبا ،،، الحفل داخل مزرعة او في ملكية خاصة لا تحتاج لتصديق ولايوجد نص صريح للعقوبة مالم يستببوا في ازعاج الغير، والحمدة لله عقوبة لم تكون فيها الاهانة والاستهانة بانسانية البشر


#1523091 [عدو الكيزان]
0.00/5 (0 صوت)

09-24-2016 06:17 PM
الكيزان المعفنين خلو جلد الناس بقو دايرين الدفع بألكاش.


#1523089 [حاج علي]
5.00/5 (1 صوت)

09-24-2016 06:15 PM
إلى أن معلومة توفرت لشرطة النظام العام عن وجود حفل داخل مزرعة

تجسس كيزاني وسخان ؟؟؟
وحفلة ورقص ناس وداد كافوري كان عندهم تصديف ؟؟؟؟


#1523088 [زو]
5.00/5 (1 صوت)

09-24-2016 06:15 PM
كويس انكم خليتو الجلد .. يا فسقة !


#1523072 [ود الفاضل]
5.00/5 (2 صوت)

09-24-2016 05:21 PM
طيب الزول ابو عمه الراقص مع البنات دا عقوباته الرادعة شنو ... الشباب معذورين فى حفلاتهم ورقيصم فى عاصمة الفساد لانه كبيرهم ورئيسهم ذاتو برقص ليل ونهار فى جوعة البنات وعلى الهواء مباشرة ايه البمنع الشباب من اقامةالحفلات المختلطة ... كل الفساد دا فى رقبت الزول ابو عمه الظاهر فى الصورة والجماعة الشغالين معاه (كلكم راع وككلم مسئول عن رعيته) وسيأتي يوم لاينفع فيه الترابي ولا البشير ولا الحركة الاسلامية وغيرها ... استعدوا للحساب وهو قريب . حسي شيخكم الترابي وين موجود !!!!


ردود على ود الفاضل
[Ali Kafow] 09-25-2016 07:25 AM
ههههههه والله يا ود الفاضل ما قلت الاالحق . هو الذول ابو عمة ده السلطة ذاتها اخذها بانقلاب وعنترية ساي والناس افتكرو ان الراجل ده هينقذ البلد من الضياع . لكن اصبح الجنرال رقاص ساي . وجاء الترابي شرعن له الرقص وسموه المذك الاسلامي.فبالتالي ياخي الجماعة ديه همها الوحيد جمع المال باي وسيلة . والشيء الحصل للشباب ده هو حكومة الموتمر البطني عايذين يدفعوهم فلوس وخلاص ولو واحد عندو واسطة بطلع بدون ما يدفع.


#1523068 [Mohsmed safaldein]
3.00/5 (4 صوت)

09-24-2016 05:15 PM
عرفنا ديل فى حفلة وين ذهبت الحاويات بتاعة المخدرات


#1523061 [ابومرام]
5.00/5 (4 صوت)

09-24-2016 05:01 PM
داهية تخمكم ياكيزان ياحثالة يازبالة دائما تشوهون سمعة الناس يعني خلاص مشاكل البلد انتهت بقينا على الحفلات ماتشوفوا كيزانكم المعفينين الذين تم القبض عليهم متلبسين بجرائم وتم اطلاق صراحهم بتاع سنار مدير الحج والعمرة والبلدوزر وبتاع غبيشغتصب الطفلة وغيرهم ياعفن ياحثالة يامعفنين


#1523060 [لحظة لو سمحت]
5.00/5 (6 صوت)

09-24-2016 04:57 PM
عدد كبير زى ده و لا عكاز ما معاهم سايقين بنات و ما قادرين تحموهن الرمادة فى اماتكم


#1523059 [سوداني]
5.00/5 (2 صوت)

09-24-2016 04:54 PM
إذن عشان نرقص خاف اللة يأناس الشرطة.....من أنتم. أما الرئيس يستأذن منكم كمان .ولشنوة لماذا لم تقبضو كمان يومي يرقص.كمان أمام الكاميرا. كمان .إياهم عيبه.


ردود على سوداني
United Kingdom [Sam] 09-24-2016 06:36 PM
االشي الانا محيرني انو العقوبات دي في زمن الحكومه ااي انسان عارفه انو حكومه عاهره،،،،،، لاكن الشباب يستاهل لانو لمن كانت الحكومه في بداياتها وشابكه الشعب المسكين تكبير وتهليل وهم يلقفوا ويزعطوا وووو الواحد كان هو واصحابوا او الفرد عملنه المستحيل وما اي ذول كان بقدر يقول اوف لانو اي واحد فيهم معروف حدودو شنو واليوم يجو الوهم من صنقعت لنقعت من شرطه +طلبه+حكومه+مقطعين عالم وهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة