الأخبار
أخبار إقليمية
خطأ لشعار عَلَم السودان يشعل "فيسبوك"
خطأ لشعار عَلَم السودان يشعل "فيسبوك"
خطأ لشعار عَلَم السودان يشعل


10-10-2016 03:23 PM

الخرطوم: نور الدين جادات

شنّ عددٌ كبيرٌ من رواد مواقع التواصل الاجتماعي "فيسبوك"، حملة انتقادات لاذعة في مُواجهة حكومة ولاية الخرطوم على خلفية شعار صَمّمته الولاية للحشد الجماهيري احتفاءً بنهاية الحوار الوطني.

ويظهر عَلمَ السودان في التصميم معكوس الألوان، في الأعلى اللون الأحمر، وتداول رواد مواقع التواصل الاجتماعي الصور في الأسافير على نطاق واسع وسط تعليقات ساخرة، إلاّ أنّ مداخلة أحد الشباب كانت مدعاة للوقوف عندها بتعليقه أنّ إدارة الإعلام قدمت الدماء قبل الزراعة والإنتاج لأنّها بدّلت أماكن الألوان ورفعته بمكان الأسود، في إشارة منه إلى تفسير ألوان العلم الأربعة التي تجئ برمزية دماء شهداء الوطن للون الأحمر، أما الأبيض فهو رمز نقاء السريرة ونُبل الطباع والسجايا الصافية والوفاء، وهو أيضاً لون السلام والوئام، واللون الأسود كما يُشاع هو الذي اشتق منه اسم بلاد السودان ويُجسِّد الشجاعة والاعتزاز بالوطن والتراث، بينما يُجسِّد اللون الأخضر نماء البلاد وثرواتها الطبيعيّة التي إن وجدت الإدارة ستصبح سلة غذاء العالم.

اليوم التالي


تعليقات 22 | إهداء 0 | زيارات 22479

التعليقات
#1531526 [الشفيع سعيد]
0.00/5 (0 صوت)

10-12-2016 10:12 AM
الله يرفعنا


#1531363 [كاره الكيزان]
0.00/5 (0 صوت)

10-12-2016 12:11 AM
العلم اصله مصري وفروعه عربية ويمكن هناك قرار من المصريين بتغير العلم للدول العربية ولم يتم بلاغ الشعب السوداني


#1531233 [البخاري]
0.00/5 (0 صوت)

10-11-2016 06:35 PM
البلد قسموها نصين، زي الفرخة، وأدوا الجوانح والأطراف لدول الجوار.
لقد نكس هؤلاء الجهلة العلم دون أن يعرفوا، وتنكيس العلم يكون عادة عند موت شخصية قيادية، مثل الرئيس أو الملك.

نتمنى إذاً أن يكون تنكيس العلم فأل شر على العصابة.


#1531052 [sasa]
5.00/5 (1 صوت)

10-11-2016 12:48 PM
ياناس ياريت هي لوبقت على العلم ده كل كياننا مشقلب وملخبط


#1531039 [ككك]
0.00/5 (0 صوت)

10-11-2016 12:30 PM
ثورة زنجبار قادمة لامحالة!إياكم أن تتحدثوا عن العنصرية فلقد مارستوموها لأكثر
من قرنين , تجارة رقيق وخداع فى التعليم وإبادة وتطهير عرقى وإستخدام الأسلحة
المحرمة دوليا ( قنابل عنقودية وكيميائية )
عليكم الإستعداد للعودة لمواطن أجدادكم وقبائلكم العربية فأنتم تعرفون من أين
أتيتم؟ أتركوا بلاد السود لأهلها الذين يعتزون بأفريقيتهم وسوادهم ومتصالحون
مع أنفسهم. أتركونا غادروا بلادنا لو سمحتم ومن سكات !وإلا سوف نستخدم الخطة( ب )


#1531018 [سامر]
0.00/5 (0 صوت)

10-11-2016 11:40 AM
دا معناهو حاتشوفو ايام سودا من بعد الحمارالوطني اقصد الحوار الوطني


#1530926 [فارس الليل]
0.00/5 (0 صوت)

10-11-2016 08:31 AM
كونو العلم بالمقلوب ده جهل كبير جدا
عشان السودان يتقدم لابد من دولة القانون .. المظالم كثيرة والمواطن يطالب يعتقل ويسجن ويضرب من جهاز الامن
مافي مسئول في الدولة بيعنيه كرامة وسلامة المواطن .. يجب علي الدولة ان تشجع علي الزراعة ويزفع ايديهم من الجباية ... الكلام كتييييير ونكتفي


#1530875 [الى الامام]
5.00/5 (1 صوت)

10-11-2016 03:36 AM
نريد علم السوداناوية القديم
ده علم عساكر و عرب و مصرين
رجعونا لعلمنا القديم


#1530865 [الاسمراني]
5.00/5 (2 صوت)

10-11-2016 01:58 AM
الواحد بتأكد كل يوم إنّو البلد دي قاعدة ساكت
وممشنها ناس ما عندهم اي فكرة عن اي حاجة


#1530856 [الراجل]
5.00/5 (2 صوت)

10-11-2016 12:11 AM
والله انتو ما عندكم موضوع يعنى شنو لو ختو الاحمر فوق ولا الاخضر تحت فى العلم هى زاتا وينا البلد العندها علم


#1530840 [Abu Arwa]
0.00/5 (0 صوت)

10-10-2016 10:50 PM
ما يقلبو القصر انداية


#1530796 [يوسف]
0.00/5 (0 صوت)

10-10-2016 08:00 PM
شي عجيب ههههههه


#1530759 [سنكار]
0.00/5 (0 صوت)

10-10-2016 05:45 PM
كل السودان الجماعة ديل عايزين يغيروهو وغيروا فيهو الكتير بس بقت علي العلم؟؟ الكيزان في قاموسهم مافي حاجة اسمها سودان مخاطرين الناس بس


#1530755 [alwatani]
0.00/5 (0 صوت)

10-10-2016 05:31 PM
دى دلاله لاستحاله الوفاق ودا لحس الكوع


وبعدين يقولوا ليهم انتم وقعتم على علم وطن ماموجود فى الواقع


زى المقلب الشربوة الفلسطنين " لغة الاعراب هزمت الاعراب"


وقعوا مع الاسرائلين للانسحاب من اراض عربية والفلسطنين فرحين
ولكن اسحب الجيش الاسرائليى من بضء اميال وتوقف

وقام الفلسطنين اسرائيل نقضة الاتفاق قالـــــوا لا والله

الاتفاق تم على كلمة نكرة مامعرفة بالال فكان الانسحاب جزئى ياأعراب الحمء


#1530744 [الرقيب]
0.00/5 (0 صوت)

10-10-2016 05:09 PM
العلم أساسا فرض لكى يكون مقاربا لاعلام الدول العربية والغى علم الاستقلال الأصيل.


#1530732 [المتغرب الأبدي]
4.94/5 (5 صوت)

10-10-2016 04:41 PM
هم قلبوا حياتنا كلها ، غالبهم يقلبوا العلم ؟؟


#1530723 [ابوهشام]
5.00/5 (1 صوت)

10-10-2016 04:32 PM
هذا علم القومية العربية البعث (مصر - سوريا - العراق - الامارات - الكويت - الاردن - اليمن - السودان - فلسطين ) كلها نفس الالوان


#1530719 [Julgam]
0.00/5 (0 صوت)

10-10-2016 04:21 PM
ليس هذا بالتفسير للالوان ولكن تجد الرمز فى الابيات التى قالها الشاعر مفتخرا...خضر مرابعنا سود وقايعنا بيض صحايفنا حمر مواضينا..اسف على اختفاء الهمزه على ياء.


ردود على Julgam
[امبوطه] 10-11-2016 01:46 PM
كلامك صاح
اسع الناس المحتجه انو العلم مقلوب
وماعرفين الي اي شئ ترمز الالوان
اسع زي ديل يستاهلو يرفعو ليهم علم


#1530716 [ابو الهول]
4.50/5 (2 صوت)

10-10-2016 04:15 PM
بالغتو لكين ..فيها شنو يعني لمن يقلبو شعار والوان العلم؟؟....البلد دي ما كلو شي فيها مقلوب


#1530714 [Flowers]
0.00/5 (0 صوت)

10-10-2016 04:12 PM
المشكلة العلم معكوس او مقلوب ما مهم ولكن السؤال الذي يطرح نفسه هل السودان
دولة مستقلة ذات سيادة ؟؟؟؟؟؟!!!!!!!!!!!!!!!!!!!!!!


#1530711 [ياسر جوبا]
0.00/5 (0 صوت)

10-10-2016 04:02 PM
هذا يعبر عن جهل واستغفاف بالانسان السودانى


#1530709 [محمد عبدالقيوم]
4.19/5 (6 صوت)

10-10-2016 03:56 PM
صنع في الصــــــــــــــــــــين


ردود على محمد عبدالقيوم
China [hahaha] 10-10-2016 07:15 PM
كلام صحيح اخي محمد....الاعلام صنعت في الصين وقبل ايام صور المشغل والكراتين كانت متداولة عبر الواتساب....سبحان الله..شوفو البزخ وعدم السمؤولية...والله الناس تضحك علينا اعلام تستورد من الخارج عشان الترزي المسكين في السودان ما يستفيد ويكون اوفدوا اكثر من كذا شخص عشان ينجزوا مهمة احضار الاعلام من الصين....هذه علامات الاحتضار... لا حوله ولا قوة الا بالله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة