الأخبار
أخبار إقليمية
التيجاني السيسي: إنتهى عهد يا أدروب ويا غرباوي
التيجاني السيسي: إنتهى عهد يا أدروب ويا غرباوي
التيجاني السيسي: إنتهى عهد يا أدروب ويا غرباوي


قال "ولى زمن التقليل من شأن الناس"
10-14-2016 01:23 AM
 الراكوبة - الخرطوم
قال رئيس السلطة الاقليمية السابقة لولايات دارفور د. التيجياني السيسي ان الحوار الوطني انهى حالة التمييز الطبقي، مؤكدا ان الحوار مايز الصفوف وحدد الهوية السودانية التى كانت تشكل مصدر اختلاف وقال "كلنا سودانيين ومضي عهد التقليل من شأن الناس ومناداتهم يا أدروب ويا غرباوي".
وفي الاثناء، أدت حكومة ولاية البحر الأحمر الجديدة، القسم أمام رئيس الجهاز القضائي ووالي الولاية، بحضور مساعد رئيس الجمهورية، المهندس إبراهيم محمود حامد، الذي وصل الولاية للتبشير بمخرجات وتوصيات الحوار الوطني كأول ولاية تنطلق منها عملية التبشير.
وقدم مساعد رئيس الجمهورية تنويراً شاملاً للفعاليات السياسية بالبحر الأحمر حول خطوات ومخرجات الحوار، وقال إن الحوار جاء بعد مشاورات بين الأحزاب الوطنية لجمع أهل السودان على كلمة سواء.
وأبان محمود الخطوات التي صاحبت عملية الحوار ومشاركة المجتمع عبر الحوار المجتمعي، مؤكداً بأن قضايا السودان ليست ملكاً للأحزاب السياسية، وقال إن أهل السودان شركاء في عملية الحوار لصنع مستقبل البلاد.


تعليقات 17 | إهداء 0 | زيارات 9914

التعليقات
#1532736 [زول الخلا]
0.00/5 (0 صوت)

10-15-2016 08:04 AM
عقد ونقص لا أكثر من ذلك .


#1532650 [abin albalad]
0.00/5 (0 صوت)

10-14-2016 11:08 PM
زولكم نفسه المتحدث عن المراة الغرباوية هو غرباوي حتي النخاع من غرب افريقيا زاتها كمان

كذلك طه والجاز والكاروري وهلموا جرا

اما برابرة شمال افريقيا فحدث ولا حرج


#1532636 [الاسمراني]
0.00/5 (0 صوت)

10-14-2016 09:55 PM
غايتو في ناس براها معقدة من نفسها واصلها
ديل نعمل ليهم شنو ويتعالجوا كيف ؟؟؟؟؟؟؟؟؟......


#1532634 [ALIIIIIIIIIIIIIIIIIIIIIIIIIIIIII]
0.00/5 (0 صوت)

10-14-2016 09:45 PM
قلت لي العنصرية خلاص اتلغت من السودان...الدكتور طبعا يعتقد نفسه ليندون جونسون رئيس الولايات المتحدة في ستينيات القرن العشرين ايام التفرقة العنصرية اللي ماانتهت لحدي هسع وجنوب افريقيا التي مازالت تعاني منها رغم احلام الراحل ماديباولذلك فهو معذور طبعا


#1532595 [sasa]
0.00/5 (0 صوت)

10-14-2016 07:07 PM
السيسى ام سيسى الم تشاهد الفيديو على اليوتيوب الذى يتحدث فيه رئيسك البشير عن الغرباوية المرأة وعن على الحاج محمد الالمانى متابط ملف سكر طريق الفاشر الخرطوم ( غير متاكد)


#1532511 [joker]
4.50/5 (2 صوت)

10-14-2016 01:31 PM
وهل غرباوي و ادروب شتيمه

شخصي الضعيف تربي وتعلم في الفاشر واصولي من كريمه والان الكل يدعوني بالصادق ((غرباوي))

لا اظن ان من يدعوني بغرباوي يقصد الاستهزاء او الشتيمه التحيه لكل الزملاء في حي القاضي


ردود على joker
Saudi Arabia [joker] 10-15-2016 04:16 PM
ياسلام عليييك يا ابن عمي

Uganda [شاعر الناها] 10-15-2016 09:25 AM
انا لي غرام ماضي في حي القاضي ...
ومكركا وناسا تاريخا ونحاسا ...


#1532486 [المهندس سلمان إسماعيل بخيت على]
0.00/5 (0 صوت)

10-14-2016 11:37 AM
طيب يا السيسي هاك اخر نكته
ادروب ممثل الشرق فى الحوار الوطنى جلس بجوار عضو اخر اداه سيجارة مارلبورو وولعها ليهو وسأله رايك شنو فى الديمقراطية رد عليه ادروب والله اهسن من البرنجى
وبكره سوف ارسل ليك نكتة عن الغرباوى وبالمناسبة انا رباطابى ولا امانع فى النكت عن الرباطاب وهذه العصبية والقبلية التى لم يلغها الأسلام حتجى تلغيها بحوار الطرشان
الله يلعن ابو الفلوس الخلتك بقيتك كوز بدون صلاة


#1532452 [معاويـــــــــــــــــــــــــــــــــــــــــة]
4.00/5 (1 صوت)

10-14-2016 09:52 AM
انت ياسيسى مصدق نفسك فى الكلام ده وطيب ورينا عن الحالات التانيه وانت لاحظ انو فاتت من عمر السودان واهله 27 سنه هباء منثورا


#1532441 [ساري الليل]
0.00/5 (0 صوت)

10-14-2016 09:29 AM
أسال على الحاج والمحبوب عبد السلام والشفيع احمد محمد ناس الحركة الاسلامية ديل اكبر ناس طبقيين وهم سبب الطبقية في السودان..

عليك الله شفتلك واحد ختمي عندوا قضية بي فلان دا منو ولا دا من وين ؟ ناس فتة بس
وحزب الامة اصلا حزب لأهل دارفور بعاطفة دينية ولم ينصر المهدي الى ناس جبال النوبة (تقلي وقدير) وناس الغرب وناس النيل الازرق عشان كدا كل قواد حزب الامة حاليا من الغرب ناس مادبوا وغيرهم ودا شي جميل

اما حركة الاخوان المسلمين دي حركة صفوية تتذرع بالدين وتنسب نفسها للعرب وتعمل بقوة السلاح والعنف والسحل والقتل والتشريد..

والله يا دكتور المفروض فهمك يكون اكبر من كدا .. والظاهر كما يقول المثل اكرم البطن يستحي اللسان..

والله الكيزان ديل يفكوا عكس الهواء في الضحي الاعوج...لكن بي كلامك دا انت عرفت تسايرهم وتماشيهم وتكسر ليهم التلج.. ان شاء الله تكسر مصنع تلج كامل نحن مالنا لكن بعدين ما تقول كما قال الترابي عند الاقصاء او غازي عن الطرد من رحمة المؤتمر الوطني او امين حسن عمر عندما تم اقصاءه من المكتب القيادي للمؤتمر الوطني ..


#1532434 [منير عبدالرحيم]
5.00/5 (1 صوت)

10-14-2016 09:04 AM
خدعوك و جرحو سمعتك


#1532409 [shawgi badri]
5.00/5 (1 صوت)

10-14-2016 07:28 AM
الراجل ده زول يشرح ليه ما هو التمييز الطبقي . لان ما قوم علية الانقاذالآن هو التمييزالطبقي ... ناس غنيانة وناس فقرانة . ما كدي ؟


ردود على shawgi badri
Saudi Arabia [ودالفاشر ابوزكريا] 10-14-2016 11:46 AM
يا عم شوقي الزول دة عبييييييييييييط وما بيفهم لاننه كل فهمه محصور في بطنو وفرجو


#1532401 [abdulbagi]
5.00/5 (1 صوت)

10-14-2016 07:10 AM
كل يوم يمر يبرهن ان النخبه هى سبب كل الكوارث, يادكتور هل ينتهى التمييز بجرة قلم وبمجرد صدور بيان ركيك بعد لمه وهيصه لامعتى لها ولا ينتهى بزوال اسبابه وهى الظلم وعدم العداله فى توزيع الثروه والتهميش,وللاسف انت من منطقه مهمشه ولكنك تنكرت لاهلك.


#1532400 [زول ساي]
5.00/5 (1 صوت)

10-14-2016 07:10 AM
والدليل معرس من الجزيرة وساكن كافوري ولكن يبدو لسه فيك شئ من حتى


#1532395 [abdulbagi]
0.00/5 (0 صوت)

10-14-2016 07:03 AM
كل يوم يمر يبرهن ان النخبه السودانيه هى سبب كل الكوارث التى المت بالبلاد والعباد .يادكتور هل ينتهى التمييز بمجرد صدور بيان ركيك لايسوى الحبر الذى كتب به.و لا ينتهى التمييز بإزالة اسبابه وهى الظلم وعدم العداله فى توزيع الثروه والتهميش . وللاسف انت من منطقه مهمشه ولكنك انفصلت عن واقعك واهلك فعلا وفعلا المصيبه فى النخبه التى تعلمت على حساب الشعب وتنكرت له وباعت ضمائرها للسلطان


#1532393 [alwatani]
0.00/5 (0 صوت)

10-14-2016 06:56 AM
عرسة نستك اصلك هل كلمة غرباوى عيب اوى ادروبى او فوراوى او نوباوى او نوبى



الرسول (ص) قال انا قرشيــــــــــــــــــــــــى

والقبيلة من صلب الاسلام


جعلكم شعوب وققبائل لتعارفوا ( فيما بينكم )

تسلم غفار غفر الله لها (دى قبيلة طلب الرسول المغفرة لافرادها جميعا )

الجهل مصيبة ( والقلم مابيزيل بلم )


ردود على alwatani
European Union [One-One] 10-14-2016 08:13 AM
بس لمن ينادوك يا عريبي ده تقلبل من الشان!


#1532371 [ادروب]
5.00/5 (2 صوت)

10-14-2016 03:10 AM
الزول لمان يصغر فى عين الناس اصلو تانى مابترفع..
رفتوك من موقع الانتهازية قلت تبقى سمسار تروج بينا
الحوار!!
يا دكتور منو القال ليك ادروب تقليل شان?
ادروب واحد من اشهر اسامينا ومعناهو الاحمر
وبنعتز بيهو، نحنا يازول عندنا مظالم ماعندنا عقد
ومابنبيع دم اهلنا عشان مرا حمرا انت حديث الغرباوية
ماسمعتو ولا شنو.


ردود على ادروب
Qatar [الاسمراني] 10-14-2016 10:00 PM
ادروب ي أصلي


#1532366 [الى الامام]
5.00/5 (5 صوت)

10-14-2016 02:31 AM
القبيلة موجودة و ستظل موجودة وقد خاق الله البشر اجناس و قبائل
القضية ان ملاين من البشر دخلوا من الشرق و الغرب والشمال
وهم غير سودانيين و كلهم يدعى انه من دارفور او الشرق وغيره ...الهوية يمكن للدولة ان تحسم امرها بالمستندات و القبيلة السودانية ،، لان التقصير جاء من الدولة لعدم حمل المواطن الاصلى للمستندات بسبب الحرب والتهميش .... فالدولة هى التى اعطت الاجانب جنسيات لغرض حزبى وفساد و لم تهتم بالسودانى الاصلى بل عمدت الى تشريده فى سياسة منظمة وفى كل الحالات الدولة تستعبده
ذلك ان الحكومة تستعمل المواطن كعبد للجباية فقط
واحيانا للانتخابات ..فالمواطن لا يكلف الدولة شيئا و ليس له حقوق



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة