في



الأخبار
أخبار السودان
مساعد الرئيس: جهات تسعى لتأجيج الفتن في أفريقيا
مساعد الرئيس: جهات تسعى لتأجيج الفتن في أفريقيا
مساعد الرئيس: جهات تسعى لتأجيج الفتن في أفريقيا


08-21-2017 01:59 PM
الخرطوم – أفراح تاج الختم

قال إبراهيم محمود، مساعد رئيس الجمهورية، إن هناك مساعي من قبل بعض الجهات للتدخل في شؤون القارة الأفريقية وتأجيج الصراعات من أجل سرقة مواردها، وأوضح أن السودان دعم كافة حركات التحرر الأفريقية. وأشار خلال مخاطبته لمجلس الأحزاب الأفريقية بالخرطوم، أمس، إلى أن السودان يتجه لمرحلة جديدة عبر الحوار الوطني والتوافق بين الحكومة والمعارضة التي خلصت لتكوين حكومة وفاق وطني، لتعزيز سبل الوفاق والمساعدة في نهضة القارة.
وطالب محمود مجلس الأحزاب بتدريب كوادر الأحزاب الأفريقية، حكومات ومعارضة، لدعم مساعي مكافحة الفقر وتحقيق الأمن والاستقرار في القارة.
ودعا محمود إلى الانتباه للقضايا الحساسة المتعلقة بالعالم؛ كقضايا الإرهاب وتداعياته ووقف الهجرة غير الشرعية والاتجار بالبشر، التي قال إنها تحتاج لتضافر الجهود والتنسيق مع المحيط العالمي في مخاطبة هذه القضايا بعدالة.

اليوم التالي






تعليقات 22 | إهداء 0 | زيارات 1702

التعليقات
#1685343 [Observer]
0.00/5 (0 صوت)

08-22-2017 09:14 AM
و الله لو شفت ليك صالون حلاقه يا ابراهيم احسن عشان تعفي العالم من الكضب و النفاق و قوة العين. الجهات البتتكلم عنها دي في عقل السخله الفي راسك ده بس. و حتي لو في جهات عايزه تفتن الافارقه عشان تسرق الموارد ياها عينتكم دي البتسهل ليهم المهمه.. و لو انو في الواقع انتو اكبر حراميه و لصوص بالمعني الصريح بدون اي محسنات بديعيه و لا تورية و لا غيرو.. حراميه عديييل كده.
عاين الحاصل في دارفور و موسي هلال نازل في نايب الرئيس نشر غسيل ما طبيعي.. تقول لي حوار وطني؟؟ عليك الله هسه انت مصدق كضبتك دي خلينا نحنا جمهور المتفرجين ديل... ياخي انت ربنا لو ابتلاك بعقل سخله ما كمان تفتكر الناس البتسمع في تصريحاتك الكسيحه دي كلها عقولها عقول سخل!

[Observer]

#1685318 [الحقيقة المرة:]
0.00/5 (0 صوت)

08-22-2017 08:27 AM
افريقيا هي فيها رؤساء ديل حيوانات جميعا وشعوبهم مثلهم تماما ، قارة من اغنى قارات العالم وافقرها في نفس الوقت شوف المفارقات هذه زي السودان اغنى دولة وافقر دولة :

إن كانت لرؤساء افريقيا عقول لتطورت شعوب القارة الافريقية مازال جميع شعوب القارة السمراء يرزحون تحت الفقر والجوع والمرض منذ آلاف السنين والسبب تحجر عقول رؤسائها جميعا عدا جنوب افريقيا تطورت بفعل عقل ووجود الرجل الأبيض فيها ولذلك أصبحت أوروبا افريقيا بالدليل :

اما بقية افريقيا التي منها السودان مازالت تحت الفقر والجوع المرض الفساد بسبب جهل عقول من يحكمونها فهل من مخرج؟

لهذه الشعب من هؤلاء الرؤساء الجهلاء ؟

[الحقيقة المرة:]

#1685224 [sitalbanat]
5.00/5 (1 صوت)

08-22-2017 12:43 AM
عجبا ان يقول خدام نظام الخرطوم مثل هذا الكلام. فلا أحد يسعى لتأجيج
الصراعات فى الفاره غيره وأننا نعتقد اعتقاد جازم ان كل الفوران الذى تعانى منه القاره سببه هذا النظام. خصوصا أنه قال ان السودان دعم حركات التحرر فى القارة.
هههههههههه شى مضحك اتامرون الناس بالبر وتنسون أنفسكم
ما دام بتعرفوا ان تطوير القارة يستند على تدريب كوادر الحكومه والمعارضة
انتو لبه ما عملتوا كدا بدل ما شايلين السلاح على كل من نطق بكلمة لا فى وجهكم.

[sitalbanat]

#1685177 [سودري]
0.00/5 (0 صوت)

08-21-2017 09:09 PM
وانتم معول هذه الجهات يابليد

[سودري]

#1685164 [ود مسيخ - 2]
0.00/5 (0 صوت)

08-21-2017 08:26 PM
اوهام معمر قدافي -- ولايات افريقية متحدة -- و سوق افريقية مشتركة التي شغل بها الافارقة طيلة فترة حكمه دون فائدة تذكر .

[ود مسيخ - 2]

#1685104 [الدبيب]
0.00/5 (0 صوت)

08-21-2017 04:34 PM
مجلس الأحزاب الأفريقية؟؟؟

هو نافع على نافع ما زال يتمسك بهذا المجلس الهمبول الذى لا يجد إعترافا من أي جهة بل مجرد جيال مآته يصرف عليه السودان من مال ودم الشعب.

[الدبيب]

#1685101 [البخاري]
0.00/5 (0 صوت)

08-21-2017 04:17 PM
يعني نفهم من كلامك إنو إفريقيا كلها مستهدفة، مش بس السودان زي ما كنتو بتقولوا.
هل تدخل دول الربيع العربي في تصريحك بأنكم دعمتم تقويض الحكم في عدد من الدول؟ إذاً انتظر فحفتر لم ينسَ لكم ذلك ويستعد لرد الزيارة.

[البخاري]

#1685078 [أبانوب]
0.00/5 (0 صوت)

08-21-2017 03:40 PM
والله غايتو جِنس أوهام ، أول حاجة عندما دعم السودان حركات التحرر الأفريقية أنت كنت في أريتريا التي كانت محتلة من قبل أثيوبيا , وبعدين ما في جهة عندها الرغبة المؤكدة والتي تم تنفيذها لسرقة موارد أفريقيا غيرك . بعجين فهمنا أن هناك جهات تعمل على إحداث الفتن والمآمرات في السودان ، وتعملها في أفريقيا ليه هل هذه الجهات غارت من أفريقيا زي ما غارت من قبل من السودان.
لكن ده كله هدفه أنك طولت ما صرحت في وسائل الإعلام وأظنك قلت : ( يا أم دي فرسة ننزر في الجماعة ديل شوية ، شوية وخاسة نهنا تولنا من التنزير بتانا داك ، أشان زاتو نارف المانا منو والمامانا منو)
قوووووم لف كدة ولا كدة بلا يخمك .

[أبانوب]

ردود على أبانوب
Malaysia [Musa] 08-22-2017 07:01 AM
يا سامي Samiهذه إشارات تدل على أن إبراهيم محمود هو في الأصل أريتري ويقول الكلام بين القوسين كما لسان تسفاي ( يا عَم دي فرصة ننظر في الجماعة ديل شوية ، وخاصة نحن طولنا من التنظير بتاعنا داك ، عشان زاتو نعرف المعانا منو والمامعانا منو)
بس بكل بساطة ، لو تذكرن أريترية الوزير لكنت فهمت تعليق أبانوب القبطي

Australia [Sami] 08-22-2017 02:48 AM
"يا أم دي فرسة ننزر في الجماعة ديل شوية ،" .. ,والله انا ما فهمت حاجة؟؟!!. ممكن واحد يتطوع ويشرح لينا معنى (فرسة وننزر) شنو ؟.
وبعدين انت جسك شنو يا ابو الشباب ولو سمحت ممكن نفحص اوراقك الثبوتية؟

[حسون] 08-21-2017 08:38 PM
طلعت ديتو ينعل ابوالدفت اصلوا انتو ماحتخلونا واح يوم مرتاحين قس عليكم


#1685059 [صفرجت]
0.00/5 (0 صوت)

08-21-2017 03:06 PM
استراتيحيه تخويف للشعب للاستمرار فى الحكم من خلال اختلاق عدو وهمي
ماف ارهابيين اكتر منكم من جيتو بأنقلاب واعدامات واغتيالات لليوم ما وقفت

[صفرجت]

ردود على صفرجت
European Union [M. Balool] 08-21-2017 04:29 PM
سبحان الله تتكلمون عن الوفاق وعن التنمية ومحاربة الارهاب وتطوير البلاد وتفجير الطاقات ولكن لماذا تصمون الاذان ولا تتحدثون عن محاربة الفساد وسرقة المال العام التي اقعدت العباد والبلاد . لا يصلح حال السودان واموال الشعب ومقدراته تنهب جهارا نهارا افيقوا من سبات نومكم وقيل في الاثر لايستقيم الظل والعود اعوج.



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة