الأخبار
أخبار السودان
بالصور والفيديو: أسباب تظاهرة بورتسودان .. وملاحظات حولها
بالصور والفيديو: أسباب تظاهرة بورتسودان .. وملاحظات حولها


06-13-2018 06:47 AM
شهدت مدينة بورتسودان تظاهرات بالامس احتجاجاً على انقطاع خدمات الكهرباء والماء، وعلى الغلاء.. فقد وصل سعر لوح الثلج إلى 400 جنيهاً، وجوز الماء إلى 20 جنيهاً..
وكان الناس قد خرجوا نهاراً واستأنفوا التظاهرات بعد الأفطار.

وعلى فيسبوك وصف الناشط مُصطفى عثمان ما حدث كما يلي:

عن الحِراك الحصل الليله :

أولا ً : التحية لكل النِسوه القامو بشرارة البدءِ حينما عجزنا او تقاعسنا نحنُ كرجال عنها .

ثانياً : عشان ماننقص من حق زول الحراك البدء بكوريا دا ما اتوقف عندها بل شمل كل احياء بورتسودان من " ميرغنية ودار النعيم وديم جابر وديم سواكن ودارالسلام وسلالاب"

ثالثاً : الناس مُستاءه الى درجه بعيداً جداً والحكومة والمسئولين مفروض يعو الحكاية دي " نساء رجال شباب شيوخ اطفال " كل الناس دي بكل اطيافهم مستائين الاطفال بقو بتكلمو ف السياسية ومابقى في خافي عليهم ولا خوف لديهم .

رابعاً : أنحنا كتار كتار جداً والله وكل واحد فينا الفيهو مكفيهو ، كل واحد عاوز يحس ف بلدو ب الامن والامان عاوز يحس انو مواطن ، كل الطالبنو انو تتوفر لينا عيشه إنسانية ما اكتر ، ماعاوزين رفاهيه ولا عاوزين معامله من نوع خاص ، كل المطلوب انو مقومات حياتي من مويه وكهرباء وغاز وبنزين وعلاج تكون متوفره ما اكتر .خامساً : زي مانحنا كتار الا انو الحراك دا مابينجح او يكون ليهو اثر فعلي الا ب اشياء زي:

* انو الناس تسيب التخاذل وتبقى جاده في دوافعها الطلعتا برا

*الناس دي كلها قاعده ع الهبشه ناقصاهم قياده رشيده تتكلم ب اسمهم وتبرمج الحراك .

سادسا ً: المُلاحظ من حراك اليوم إنو معظم الطلعو من النساء الاطفال صغار السن والمااتعدو 12_14 سنه مع قله من الشباب والرجال .

سابعاً : الناس تبعد بقدر الامكان من اعمال التخريب البتتم دي ومابتزيد بل بتنقص شغلنا دا لدى الشارع يعني مثلاً انت عاوز تظهر إنك غضبان ومستاء تقوم تكسر عربية زول ولا تكسر دكان زول !!! مامنطقي نهائي الكلام دا هنا انت ماحتلقى تعاطف بتاع العربيه الممكن يوقف عربيتو ويطلع معاك ولا حتاخد مساعدة بتاع الدكان الممكن يساعدنا كلنا في حراكنا فرجاءً بالله رجاءً الناس تبعد من الحته دي وهنا يكون دور القياده الرشيدة البتعمل كنترول للبرنامج والشباب الواعي موجود والله .

ثامناً : الناس البتحبط الشغل وناس تموتو ساي وناس البرنامج دا مانافع ابعدو منهم قدر الإمكان

تاسعاً : الناس ماتثق ثقه كليه في متسلقي المعارضة ، اي نعم هم ليهم دور ف التوعيه والارشاد والقياده لكن ابعدو من تسليمهم دفة الامور .

عاشراً : سواءً البنعمل فيهو دا نجح فعلياً أو مانجح ف أعتقد انو الناس نفثت ع مابداخلها شويه كدا

image

image

image

image

image

image

image

image

image

image

image
.

.






تعليقات 8 | إهداء 0 | زيارات 7110

التعليقات
#1782435 [ود الراكوبه]
0.00/5 (0 صوت)

06-14-2018 04:43 AM
اول حاجه مفروض الناس تكون واعيه و صاحيه انه التخريب ما يقوموا بي الا الكيزان عشان بعدين يقولو ليكم شوفو انتو بتخربو و يتحججوا عليكم ..مافي واحد بقوم بتخريب يا اما كوز او دافعين لي الكيزان

[ود الراكوبه]

#1782268 [الكاشف]
5.00/5 (1 صوت)

06-13-2018 04:33 PM
على كل حال يظهر الكيزان حيطلبوا من الشعب الخروج فى مظاهرات عارمة احتمال شيوخ الخليج يضطروا يدوهم مزة مجهبزة زى الارادنة.

[الكاشف]

#1782221 [البخاري]
5.00/5 (1 صوت)

06-13-2018 01:18 PM
هل يكون انفجار البركان في بورتسودان بينما السلطات تحرس الخرطوم؟

[البخاري]

#1782151 [أحمد برستو]
5.00/5 (1 صوت)

06-13-2018 10:25 AM
وينها المظاهرات ؟؟

يا اخوان الشعب السوداني البتتكلموا عنه ده ماموجود الا في خيالاتكم .. لا يوجد شعب .. توجد لمامه ولفيف من البشر تتجمع في أكوام ليس لها أدني نيه للخروج والمطالبه بالحقوق .. بل بالعكس يدعون أن صمتهم وذلهم هو نوع من المقاومه .. دي يفهموها كيف ؟؟

[أحمد برستو]

#1782146 [البورتسودانى]
0.00/5 (0 صوت)

06-13-2018 10:14 AM
ماتكضبوا يا ناس الراكوبة لوح التلج ما بى 400 لوح التلج حصل 500 عديل وجوز الموية والله العظيم بى 25 جنيه والعاساكر زهجانين اكتر من المواطنين والهرشة جاب نتيجة لدرجة انو الكهرباء بالليل ما رمشت والمعتمد جاب التناكر الحكومة خايفة وبقت على الهبشة

[البورتسودانى]

#1782135 [حموضه]
5.00/5 (1 صوت)

06-13-2018 09:49 AM
الويل لهم كل الشعب التزم وحلف لن نتراجع حتى الموت هؤلاء عبث الشياطن بهم

[حموضه]

#1782113 [Hashim Elhadi]
3.00/5 (2 صوت)

06-13-2018 08:56 AM
الناس يقولو احمدو الله نحنا ما في حرب زي اليمن وسوريا!!!!! موش كفاية إنو نقارن بي اليمن وسوريا ما في زول هاماهو غير نفسو البلد اتباعت والعملة ما عندها أي تغطية غيرنا!!! جيبو ليكم استعمار يدير ليكم البلد دي يا من سهل الهوان عليكم

[Hashim Elhadi]

#1782082 [superintendent]
5.00/5 (5 صوت)

06-13-2018 07:24 AM
الحكاية دورت،احسن ليك يا كوز تتخارج المرة دي حا اكون فيها ضبيح عدييييل ..

[superintendent]


خدمات المحتوى


مساحة اعلانية





الرئيسة |المقالات |الأخبار |الصور |الفيديو


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2018 www.alrakoba.net - All rights reserved

ارشيف صحيفة الراكوبة