إنفجارات ضخمة تهز مصنع اليرموك الحربي بالخرطوم - شاهد فيديو ، وصور -
إنفجارات ضخمة تهز مصنع اليرموك الحربي بالخرطوم - شاهد فيديو ، وصور -

10-23-2012 11:51 PM | تعليقات : 162 | زيارات : 114231 |
هزت انفجارات ضخمة مصنع اليرموك للتصنيع الحربي بمنطقة الشجرة والكلاكلات بعد منتصف الليل، مما سبب ذعرا وهلعا وسط المواطنين الذين خرجوا للشوارع لمتابعة الاحداث ، و قال والي الخرطوم عبد الرحمن الخضر للتلفزيون بأنه لايعلم اسباب الانفجار ،حتى تلك اللحظة ، مع أن كل الدلائل تشير الى ان المصنع تعرض لقصف عنيف وهذا ما أكده شهود عيان بقولهم انهم شاهدوا عدة طائرات تقصف المصنع ، ولوحظ أن السلطات قفلت الشوارع المؤدية الي المصنع بينما شرعت وحدات من المطافي في اطفاء الحرائق.

تفاصيل اوفى لاحقا


image

image

انفجارات بمصنع اليرموك


قصف مصنع اليرموك



صفحة 1 من 3123>
التعليقات
#512575 Sudan [منذرمكي]
11-15-2012 02:55 PM
السودان اصبح ذي الراكوبه في الخريف
بنقط مشاكل من كل الجهات حتي سمانا اصبح
ذي سحاب الخريف ممطر دائما هجمات اهو دي
حاكومتنا وده وزير دفاعنا الله يرحمك يا نميري
مامعروف المره الجايه وين وكيف الله يستر .


#503570 Sudan [السنيورة]
11-05-2012 09:56 PM
والله عيب كبير وين اب رياله قاعد


#499625 [منى الفاشر]
10-31-2012 08:33 PM
يا جماعة وين عمرالبشير الدور ده ماسمعنا حلف طلاق بالرد على إسرائيل الظاهر النساوين كملن. ووين وزير الدفاع السيد نافع؟؟؟؟؟؟ يا جماعة وحدوا السودان وأرجوا لرشدكم لسع باب التوبة فاتح وتذكروا الموت وسؤال الواحد الاحد قاصم الجباريين ومذل المستكبريين ومهما طال الزمن أوقصر كلنا راحلين ونسأل الله حسن الختام.


#499413 Sudan [ود شندي]
10-31-2012 02:19 PM
طيااارات تتجاااااوز الرادار وتخش البلد __ والله دي مهزله بالجد


#499412 Sudan [ود شندي]
10-31-2012 02:17 PM
شبااااااب مافي طياره جايه جامعة السودان دي خخخخخخخخخخ


#498559 Sudan [ابو سالى]
10-30-2012 12:44 PM
شنو يا شيخ نفع م سمعن صوتك؟


#498556 Sudan [ابو سالى]
10-30-2012 12:41 PM
وين الدبابين ؟ انا اقترح عليهم يبقوا طيارين


#497763 United Arab Emirates [انقاذى وافتخر]
10-29-2012 01:22 PM
كفاكم غل وحقد...انا شخصيا شايف مافى احسن من الانقاذ ....واحسن ليكم تكيفو حالكم على كده وتتجاوبو معاهم عشان البلد تمشى ده لو انتو بتهمكم مصلحة البلد....بس كونو على ثقة انو سفينة الانقاذ ماضية قدما الى الامام ولن ترجع الى الوراء... يحرق مصنع تقع طيارة كلو اقدار ....شوفو قدوتكم امريكا هل راداراتها التى تعلم الغيب انجتها من 11 سبتمبر....ام الكوارث التى تحصل بها من وقوع طائرات ونحوه ..... سير سير يالبشير نحن جنودك للتعمير


ردود على انقاذى وافتخر
Qatar [الكردفاني العديييييييييييييل] 11-19-2012 08:29 AM
تفتخر بشنو .... يا المفتخر..... بالحروب .... بالدماء ... بانفصال الجنوب.... بدمار الزراعة......والخدمة المدنية... ام بسيارات الانجاس الفارهة...ام بالولائم البذخة.......ام بالديون التي نفذت بها ما يسمى بالانجازات..؟؟؟؟؟؟ والناس ما قادرة تاكل...... فعلا.....وقادرة تتعلم ....وما قادرة تتعالج ...... ماتت ضمائر هؤلاء.........

الله يقطعكم تك.........................
الله يقطعكم تك.........................
الله يقطعكم تك.........................
الله يقطعكم تك.........................
الله يقطعكم تك.........................
الله يقطعكم تك.........................
الله يقطعكم تك.........................

Norway [awlad umdor] 11-17-2012 03:40 PM
slmt ydk

Netherlands [Wad Alti] 11-12-2012 07:42 AM
عجبى لكل مثقف متهالك يسعى الى حضن الطغاة عجولا
يقتات من عرق الضمير ويرتمى فوق الموائد جائعا وأكولا
أو يرتدى ثوب الخيانة طائعا أو خائفا متخاذلا وذليلا

[اسلام الباهي] 11-01-2012 09:43 PM
انا كمان انقاذيه و افتخر ولاذم انتو الشباب تكونو راضين عن الحكومه عشان تذدهر مش البتعملو فيهو ده .

Sudan [محمد عبدالرحمن] 10-30-2012 04:38 PM
اخرس الله امثالك ,, انقاذي وافتخر ,, تعمير ؟؟؟ اين هذا التعمير يا جنود التعمير؟؟ في عيد الفطر سقطت طائرة وقضى فيها رجال ,, هم بالتاكيد لهم اسرهم وزويهم الكلومين.... وحتى الان لم يتم اعلان سبب السقوط والتحتطم؟؟؟؟ وفي عيد الاضحى ٍرأي اهلنا في جنوب الخرطوم ( جبرة ,, ابو ادم ,, والكلاكلات ) رأو الموت عيانا بيانا ,, وتحطمت بعض البيوت جراء اهتزاز الارض ودوي القنابل ,,, ولم نسمع بكم يا جنود التعمير ,, اليس لهذا البلد سلاح جو؟اليس لنا دفعات ارضية؟؟ .......... اليس ؟؟؟ واليس؟ اسئلة كثيرة هل يمكن لك اجابتها ايها الانقاذي ؟؟

United Arab Emirates [hkjl] 10-29-2012 07:13 PM
ان الله لايصلح عمل المفسدين ...لنفترض جدلا انكم عمرتو البلد...انتو انتهيتو من اخلاق الناس ...ياقرف ....جوعتو الشعب ...ونهبتو البلد ...حتى فى دينا مارحمتونا ...فتحتو المدارس لايران لبث سموم الشيعة ...الله يقرفكم


#497211 [ودالمرضى]
10-28-2012 01:16 PM
أين وزراء الواسطات والترضيات من الغارة على السودان نايمين مع الخروف الذى لا يستطيع الشعب شراءة.


#495614 Germany [ابوريالة وزيرنازبالة!!]
10-25-2012 12:13 PM
ليه ماكلمتو صاحبكم القطري عشان يتوسط ليكم عند اسرائيل!!!وبلاش تفضحكم كده قدام العالم وانتو قدمتوا ليها احسن خدمة بفصل الجنوب واعطاءه لها خام جاهز!!!


ردود على ابوريالة وزيرنازبالة!!
[اسلام الباهي] 11-01-2012 09:46 PM
انتو هنا ما راضين الحريه في الدين و تمشو امريكا تقولو ليه ما عند المسلمين حريه ؟ شوفو عمايلكم قبل ما تسألو الحكومه


#495574 Sudan [منتصر موسى بله]
10-25-2012 11:24 AM
سؤال لماذا ضرب مصنع الشفاء اولا
الاجابة : القاعدة
سؤال الثاني : لماذا ضربت عربة في ولاية برورتسودان
الاجابة
النور كان قاطع ( عبد الرحيم محمد حسين )
سؤال لماذا ضرب مصنع اليرموك ؟
الاجابة دخول ايران السودان للتصنيع
فل يفهم الشعب السوداني ان دخول ايران السودان يعني مزيد من الضغط الخارجي وتكرر الضربات على السودان هذه اول ضرب ( مفماذ بعد ذلك )
هل النظام الانقاذ يؤد ان يواصل علاقاته الدبماسية والعسكرية مع ايران
ام يراعي ماهي مصلحة البلاد والشعب السوداني
ماذا بعد ذلك ........................؟


#495276 Egypt [hamsj]
10-25-2012 02:05 AM
بيننا وبينك الله يا البشير .....توليت أمرنا فضيعتنا


#495240 United Arab Emirates [حلفاوي]
10-25-2012 12:08 AM
نحتفظ لانفسنا بحق الرد في اي وقت نشاء


قد قصدك بالباب عدييييييييييييييييييييل كده ... والله احسن تخت الرحمن في قلبك

يقومو يجوك بى رجليهم المره الجايه ... جنوب ودارفور والبحر والجماعه ديل ... هاهاها والضحك شرطك


كان قصدك باللف والدوران وناس ادروب ... خلاس يا خوي بس شيل حاجاتك دي بعيد من كلاكلتنا ورصها جنب كافوريكم ... المره الجايه القيامه ما بترك لينا في الواطه


كان قصدك الجهاد ... ودعناك الله ... دربك خدرا مزرقه ... لملم عقابك


كان هضربه ساي ... اشرب موية الحوض ... بيقطع الهلاويس واللغاويس من الحنان


كان نفسك عاجباك ساي ... تعال اقدل في الكلاكله شرق ... جنب الحزام الاخدر


كان قصدك دبلوماسيه وقانون ... خت الرحمن في مؤخرة راسك ... اوكامبو صحبي بكلمو ليك يبني ليكم مصنع ملح تسفوهو تحت البطانيه مع الحبشيات


فالك طيب يا زول ابشر ... حق الرد لى يوم الدين ... ورانا شنو احنا


هاهاهاهاهاهاهاهاهاهاها


#495237 [الطاهر أحمد]
10-25-2012 12:04 AM
سلام للجميع

انتو يا جماعة وين طيارات الانتينوف حقتنا ديك ما تطير تضارب الطيارات الاسرائيلية دي في الجو

عشان لما تسقط نقول سقطت شهيدة دفاعاً عن الوطن بدل ما تسقط فطيسة ساكت لا سبب لا طلب،!!!


#495230 Saudi Arabia [abo hatim]
10-24-2012 11:49 PM
بلدنا سماؤهاء مكشوفة للاعداء ويضربو بالطائرات ومازالت حكومة الدمار الماوطنية قائمة الي متي يكون الحال في السودان وعمر البشير المشير قاعدومعه الفئة الضالة
كفاية مهازل
كفاية تشريد
كفاية كفاية
فلابد من جيش وطني وكفاءات عسكرية ومدنية وطنية تحمي ماتبقي من الوطن والا يتشظي في وجود هؤلاء
صرفت ونهبت اموال طائلة باسم جهاز المخابرات الوطني فلابد محاسبة هؤلاء منذاغتصابهم السودان من عام 98 والي رحيلهم بقوة الشعب ومحاكمتهم


#495224 [yousif]
10-24-2012 11:36 PM
السيد وزر الدفاع لقد بلغ لسيل الزبى ووصلت الريق الحلقوم ولم نسمع عن دفاعتك الارضية
قدتصدت لاى هجوم جوى او صاروخى وليس هذا الاول او الخير


#495223 [غلبان فى هذا الزمان]
10-24-2012 11:36 PM
طبعاً اغلب الناس البتعلق بره السودان لكن نحن الجوه زعلانين
1- المحليه بكره بزيد النفايات والعوائد والرخص دعم للمصنع
2- ناس الحركه بطلعوا ايصال جديد بى 250 الف
3-جالون البنزين ببقى لترين
4-الكهرباء الكيلو ببقى بى 2 الف
5- الجمارك المرفوعه عن الدواء ح ارفعوها اكتر وح اضيفوا 100 دمغة اليرموك 100 فى 100 فى اى مسمه
6- وزارة الدفاع لقت ليها شغل اصلاً البناء بتاع القياده انتهى وقروش دمغة الشهيد ما عارفين اودوها وين
7-
8
9
10
الى ما لانهايه


ردود على غلبان فى هذا الزمان
[اسلام الباهي] 11-01-2012 09:49 PM
صاح 100% الـــــــــله يعينا نحنا الجوه


#495204 Saudi Arabia [ود الشلال]
10-24-2012 10:50 PM
قمة الاستهتار والمهزلة فضحتونا وشرطتو عينا قدام العالم كلو ياكيزان السجم دي اخرتها ؟ وانت ياعمر البشير مشير على شنو ؟ ماليء كتفك وجويبك رتب ودبابير واوسمة على شنو ؟ ووزير دفاعك الخايس المابخجل على نفسو المقعدو لحدي اسي شنو ؟

ارحلو مننا...فارقونا يااشباة الرجال وخلو الرجال الصح تستلم البلد عشان يعلموكم دروس في الوطنية و حفظ سيادة البلد واحترام الانسان السوداني.


#495190 Belgium [ابو البـــــــــــنات]
10-24-2012 10:33 PM
اخوتى . هناك فرق كبير بين الوطن والحكومه من منطلق ان الوطن يمثلنا جميعآ والحكومات ليس كذلك اتمنى ان يعى الجميع ذلك وبالاخص معارضى الكيبورت. لى غرام وامانى فى سمؤك ومجدك وعشت ياسودانى


ردود على ابو البـــــــــــنات
[عدو الكيزان الحرامية] 10-24-2012 11:25 PM
اتحداك ياابو البنات ان تنقض الحكومة دى في تقصيرها للشعب السودانى وفى الراكوبة لتثبت بانك ليس من المنتفعين السرقو قوت الشعب
قال وطنية باللة ماتشوف شغلتك وهل انت مفتكر الناس بالبساطة دى
انت ممكن تقول خلو عندكم انقاذية وليس وطنية والعياذ باللة من حرامية الانقاذونشكيهم لاللة واسرائيل

[عدو الكيزان الحرامية] 10-24-2012 11:18 PM
ياابو البنات بصراحة انت حكايتك مامفهومة عن اى وطن تتحدث
فهل الوطن الذى يعاملك درجة ثالثة بعد المويدين والمنتفعين يعتبر وطن لك
وطن سلب من اهلة واصبح في ايادى شرذمة نشأت فقيرة والان يملكون العمارات ولشركات وباقي الشعب فقر وجوع وجهل وعدم اخلاق وسرقة واغتصاب اطفال وامراض نفسية وانهيار تام للعلقات الاجتماغية
هذا المصنع اسلحتة تذهب الى دار فور وكردفان والنيل الازرق لقتل الابرياء ولاتذهب لتحرير حلايب والفشقة
نحن نشكر اسرائيل لانها حفظت ارواح اهلنا فى مناطق العمليات وسوف تعجل بذهاب الحرامية ديل
ماسكها لينا وطنية وطنية
الواحد يتمسك بالوطن اذا كان لكل اهلة وليس لزمرة مارقة وفاسدة يعيشون اقصى الرفاهية من اموال الشعب المسكين الفقير المريض الجيعان
دى حركات انتهى عهدها وكانت لها مفعول في بداية ثورة الانقاض
واكرر شكرى لاسرائيل


#495187 United Arab Emirates [حلفاوي]
10-24-2012 10:31 PM
اعلان هام

تعلن وزارة الدفاع السودانيه الى حاجتها لموظفين سودانيين في مهنة مبحلق بالعين المجرده

على المتقدمين ان يكونوا طوال القامه لانو القصير بيوكرنا ساكت

وعيونوا قويه لانو المعمش بيطفش

وقادر على الوقوف لساعات طويله دون نوم

الموضوع كالاتي وهناي

الزول يقيف فوق هناي ... سقف اي بيت في اي هناي ويخت يدو فوق جبهتو ويبحلق لمن الله يغفر ليهو

وان شاف اي هناي طاير يسارع الى اخطار جماعة الهناي الرادار عشان يحتفظوا بحق التصوير والرد

وخصوصا الطيارات الطافيه نورا ديك ... مااااااااااااااا يكضب طواااااااالي يعمل رنه

الرجاء من كل من يانس في نفسه الكفاءه ان يرسل صورة وجهه مع فتح عيونو قدر الامكان الى العنوان التالي

الليمبي دوت كوم

وزارة الدفاع تتمنى لكم نوم العافيه ومره في الصافيه بعيدا عن الكلاكلات

هاهاهاهاها

وشكرا


ردود على حلفاوي
Saudi Arabia [majed] 11-01-2012 12:43 PM
هاهاهاهاها حلفاوي والله انت الاول .


#495168 United States [قنبور الصادق]
10-24-2012 09:56 PM
وبانت عورتها !!
عيد سعيد..وكل عام وأنتم بخير...ياجماعة....معقول!! يعنى والى الخرطوم سمعتو بأضانى دى الساعة 2 صباحا بتكلم فى اذاعة السودان وقال حاجة خفيفة وسيطرنا عليها فى حوالى نص ساعة ولم تحدث أى اصابات.. وبتاع الشرطة قال للوكالة الفرنسية للأنباء انو الأمور مستقرة تماما وانما هذه مجرد اشاعات...واليوم الناطق الرسمى للجيش يقول 4 طائرات أتت من اتجاه الشرق ...ياخوانا كيف تتضرر بيوت وتسقط عمارة يعنى المصنع بكل المتفجرات الفيهو عاملنو وسط الحلة...والله الاسرائيليين ديل نجاض..الاف الأميال الطائرات تمشيهم وتصل المكان الدايراهو بالضبط وتطلق قنال ضوئية لكشف الموقع تماما ..والصواريخ تصيب المصنع تماما والطيار يتأكد انو الهدف يدمر ويرسل صورة للبارجة فى نص البحر الأحمر ز..والجماعة يقولو ليهو أوكى..تم تدمير الهدف..ويرجعو الطيارين وينزلو فى حاملة الطائرات..ويهنو بعض!!!ولاحظ يجو بالليل لتقليل الخسائر البشرية لأنو عارفين انو الناس الساكنين حوالين المصنع ما عارفين ده مصنع بيبسى واحدين يقول ليك لا..ده ميدان جديد بتاع سباق خيل..والجماعة الجوة المصنع شغالين...والايرانيين موجودين..يصنعو ساى.. شى جرثومى...شى كيماوى..شى نووى...والشفع فى الحلة لاعبين كورة وكلهم عندهم أزمة..ومخاخيطهم سايلة ويقول ليك من الغبار..وما جايبين خبر انو ده ماغبار..غازات سامة...يعنى الاسرائيليين يجو بالليل عشان يقللو الخسائر البشرية ويتأكدو بعد مالطيار يلف كم مرة والقنابل المضيئة تضوى ليك المكان ويتأكد 1005 انو ده الهدف..ويوزن فى الشاشة على الكروس تماما...وجييييو!!!أبو الزفت...شفتو العالم ده وصل وين..يعنى اسرائيل أحرص على ارواح السودانيين أكتر من حكومة الخرطوم..مصنع زى دة نص الحلة ...والله حرام عليكم..والصوارمى يقول للصحفى لمن يسألو كيف مصنع زى ده يكون قرب المساكن والبيوت...يقول..أطال الله عمرو...مانحنا كنا ح ننقلو...باللاى!!أها..ريحوك من انك تنقلو...وين الرقاص..لاحس ..لاخبر..وين اللمبى..قال قال..هم دلوقت أليرت...لالله...وزير الاعلام اللى ماتجى حكومة الا هو معاهم..قال نحتفظ بالرد فى الزمان والمكان المناسبين..يعنى 16 سنة مارديتو ضربة المريكان لمصنع الشفاء..ويوم داك قلتو حنرد فى الوقت المناسب...يعنى 16 سنة ولسة منتظرنكم تردو..لمن جات دى اتكومت فوق اختا..والله يمكن انتو كنتو منتظرين تردو عليهم بعد ماتجمعو كا الضربات عشان الرد يكون قاسى...فضحتينا ياحكومة الكيزان...فى غربتنا دى نودى وشنا وين..والبلد دى لافيها عيد أضحى ولاغيرو وبكرة شغالين...نتكلم بياتو وش...نحنا لسة بنحاول نشرح الهجوم على السفارات فى الخرطوم وحرق السفارات والعلام..وندافع..تجينا دى كمان..الله لاكسبكم دنيا وآخرة..وزير الدفاع تسقط 17 طائرة عسكريو ..ولايهمو...قاعد مكنكش...ارائيل تضرب 3 مرات جوة بورتسودان...وهو يقول الطيارة جات بالليل والناس ماشافوها..والكهربة قاطعه..والوقت كان وقت صلاة العشاء والناس اللى فى برج المراقبة مشو يصلو...والناطق الرسمى باسم الجيش يقول احتمال وربما أكيد فى اختراق للقوات المسلحة..انت والدلاهة بتاعك ده عملتو شنو للاختراق دة..وكل مسئول يتكلم فى جهة وآخر بهدلة..أها يللا دايرين نشوف جهادكم ..ياناس المجمع الفقهى..وانتو ياناس هيئة علماء السودان..وانتو ياناس الرابطة الشرعية للعلماء والدعاة..وانتو ياناس رابطة علماء المسلمين بالسودان..ويادبابين ويامجاهدين ويا أمن وطنى ويا أمن شعبى..ويا امن اقتصادى ..ويا استخبارات وطنية..ويا ويا...والريس,,زراهو ...كلكم الليلة بليلكم ده تركبو الوارى وتسنو سكاكينكم..والسواقين بالبورى..طيط..طيط..طيط..فللى لحدى اسرائيل ماتدخلوها..والوارى ..ماشاء الله صناعة سودانية..يعنى سرعتها خليها ساى...وففوو لحدى ماتدخلو تل أبيب والبحر تعدوهو عوم ..وتدخلو تل أبيب وتجيبو لينا العمل العملة دى من أضانو...هبى هبى رياح الجنة..مش عايزين الشهادة..يللا شدو حيلكم وانا بقطع تذكرة وبمشى السودان ومتكفل بمصاريف البكيات كلها..وح أقول فيكم خطبة.. واحلف انو انا موجود لمن كان المسك بيطلع من جنايزكم..قال قال ..ألحس كوعك...قال قال...البيمد أصبعو بنقطعو ليهو..أها ديل جوكم ودوسوكم جوة الخرطوم..ووين..مصنع للسلحة والذخيرة..يعنى بيت النوم بتاع الجيش...يعنى والله بهدلة...ياخى قال ليك الحكومة نصها فى الحج..طبعا حيرجعو بعد العيد ..والبرلمان مؤجز..ويقول ليك مش السودانيين ..حينشغلو بالضبايح والخروف..وعلى بال ماينتهى العيد يكونو نسو...داير أشوف الناس الأئمة الكل جمعة الجرايد جايبة كلامهم..البنات عريانات..الحريات الربعة خيانة..الرباء حلال..أها ..بالله صراحة..لو أهلنا ديا يعيدو..وجعجعة فى الفارغ مادايرين..وانتو ياصحفيين..ح نشوف ح تمتبو تقولو شنو..اليهود..الصهاينة..ده لو كتبتو..وخاصة رؤساء التحرير الأمنجية ديل..كل واحد ماسك الصفحة الأخيرة نشوف ح تكتبو شنو..يعنى معقول انتو ذاتكم من ناسهم ح تقدرو تقولو ليهم استقيلو..وللا ادونا عرض أكتافكم لأنكم بهدلتو البلد ومرمطو سمعتها بلأرض..لا..ح تكتبو وتقولو..الوزير الفلانى يهنى الصحيفة بالعيد..وواحدين خح يمسكو يكتبو 20 مقال متواصل عن البلاعات والمجارى الضربت فى شرق النيل...وواحد يعمل عيان..وواحد يكسر تلج...الله يلعنكم يا رمم..شغالين بالهواهى واللمم..يارمم....تفو..ز


ردود على قنبور الصادق
[عدو الكيزان الحرامية] 10-24-2012 11:37 PM
يعطيك العافية ياقمبور لكن شكلو القمبور دة زعلة ساكت


#495166 European Union [العوير]
10-24-2012 09:53 PM
يا جماعة الموضوع ده كلو ما هاميني وانا من امبارح النوم طاير من عيوني وقاعد أحلل الزول ده البيخلهو يلحم الساعة 12 باليل شنو ؟ ولحدي هسع ما لقيت اجابة للموضوع ده


ردود على العوير
Sudan [سامية] 11-14-2012 09:00 AM
ياربي عوير بالجد ولا استهبال ، ربي يكون في العون

Saudi Arabia [البروف] 10-27-2012 04:58 PM
يا أخي دي ماسورة غاز انكسرت وجاء واحد عوير زيك كدا يلحمها
بس دي كل الحكاية . يلا نوم


#495164 United States [عدو الكيزان الحرامية]
10-24-2012 09:50 PM
الشكر كل الشكر لاسرائيل
الشكر كل الشكر لاسرائيل
الشكر كل الشكر لاسرائيل
الوطن عندما يعطيك حقوفك ويوفر لك الصحة والمعيشة والامن والتعليم ممكن نقف معاة
اما الوطن الذى يفصلك للصالح العام ويمارس المحسوبية والعنصرية والقبلية فى الف داهيىة
المصنع دة يصنع اسلحة لقتل ناس دار فور والنوبة وناس النيل الازرق ويترك الفشقة وحلايب
واللة فرحنا كثير لهذة الضربة
والجمد للة الذى حافظ على اروح الابرياء بواسطة اسرائيل


ردود على عدو الكيزان الحرامية
[سوداني وبحب السودان وفلسطين بلدي التاني] 10-25-2012 01:53 AM
ياخي بي الجد الله ينعلك انت ما سوداني والذي نفسي بيده الحمد لله اننا سودانيين ...لحدي الان بين الدول العربية محافظين علي اخلاقنا ورسولنا الكريم قال ما بعثت الا لاكمل مكارم الاخلاق ...... ياخي خلي عندك وطنية بتشكر في اسرائيل ياخي انت اعظم من هتلر قال اقتلوا اليهود حتي اخر يهودي ....يعني بي الواضح كده ده كلام الدين الاسلامي انشاء الله ربنا يدخله الجنة عشان كلامه ده ......بعدين ياخي انا معاك في الظلم لكن دي معالم الدنيا الفانية ......... بعدين في رب بحاسب لم يقف الخلق اجمعين سكوت لا يتكلم الا الحق ....ونعم الوكيل ........ والله يا ابو البنات معليش لكن انت الزول الوحيد الفاهم في الجلسة دي .........وربنا يكملكم بي عقلكم ......وبعدين ما تقولوا كوز لكن فاهمه الدنيا صاح ......والله وراء القصد ودمتم سالمين


#495151 United States [أنزف ياجرح مادام علاجك مافى]
10-24-2012 09:08 PM
يا جماعه جيشنا دى ما بعرف الى يقتل شعبو عمرو ما رفع بندقتو لعدو خارجى ولى بيعرف وللازم تعرفو انو راداراتنا ما شغاله لو شغاله كان رصدت طائرت بورتسودان او مصنع الشفا والله المره الجايه اضربو وزير الدفاع وبالتحديد فى خشمو


#495141 United States [ودالفاضل]
10-24-2012 08:35 PM
ي جماعة الطائرات جات بالليل والكهرباء قاطعة والأنوار طافيةوالناس في الصلاة


#495115 United Arab Emirates [حلفاوي]
10-24-2012 08:01 PM
اسرائيل صرحت يوم ضربت العربات قرب مطار بورتسودان ... انها قادره على ضرب اهداف اخرى داخل السودان


#495109 Malaysia [احمد]
10-24-2012 07:57 PM
تستاهلو البيحصل فيكم دا ,عشان مخلين ناس دلاهات زي ديل يحكموكم , ما ممكن انه انسان بيحترم نفسوا ولو ذرة يقبل بحكم ناس اغبياء للدرجه دي, الا انتو لانكم ما فاضين من الفارغة و الغناء ,انتو بتقولو للمغني "الاستاذ الكبير" ريحونا من التنظير عليكم الله ...قال الرئيس الراقص ما كلكم بترقصو , ما يرقص هو ليه ؟!انتو احسن منو في شنو؟!
فرقكم شنو انتو من ناس الحكومة ؟! لو كل واحد فيكم عاين في حلتو او عائلتو حيلقى "عمر بشير" و"عبد الرحيم" و "نافع" تختلف اسمؤهم و مراتبهم الوظيفية و لكنهم غير مؤهلين و فاسدين و منافقين تماما كهؤلاء و على نفس الدرجة من الغباء و عدم الاهلية ,
كلكم عندكم صديق او قريب بتتصلو ليهو عشان يقدمكم في صف ولا يلغي ليكم ايصال او زول في المطار يمشي ليكم وزن ولا يلغي جمارك, و بتحكوها للناس زي الحجة السمحة "والله اتصلتا لي لواء,طلعلي كرت السفر و انا قاعد في لبيت" , سود الله وشوشكم لا بتخجلو لا بتستحو !!
و لمن الواحد يقول ليكم انا ما داير استخدم الاسلوب دا ,تقولو مجنون هاهاهاهاهاهاهاهاها.
وين ثورتكم بالمناسبة؟! يا "شزاز الافاق"


ردود على احمد
[محمد حسين] 10-24-2012 10:51 PM
وانت وقت الجماعه ديل جو الحكم كنت وين ؟ لاسمعن بيك مناضل لادخلت معتقل .... بعدين قاعد بره تسوي شنو.... اذا عندك عمار كنت عملتو هنا وانت زاتك من وين؟؟ انت شخصيه مقلده غبيه باهته حاولت الخروج من المالوف لتجلب الدهشه وتثير الناس وتثني عليك وتكثر التعليقات ... ياراجل خلينا الله يرحمك ... تابع هلال مريخ احسن ليك ...دا كلام كبار عليك ... ماتسمع ونسه الرجال وتجي تونسنا بيها انت كفايه عقابك نودي وين ....

Saudi Arabia [سواق القطر] 10-24-2012 08:47 PM
خروجا عن المألوف انا بقول لسع شعب السودان متخلف وتحتاجوا لاستعما جديد واحسن يكونوا نجليز لان لا تفرقون بين ملك الدولة من البنيات الاساسية وليست ملك البشير وخلافه فليذهب البشير لتبقى مقدرات الشعب وهذه معلومة يجهلها الكثير من المعلقين دلالة على صحالة التفكير ان البعض لايستاهلوا ان يكون سودانين لانهم عاوزين السودان يتدمر عشان البشير الرقاص الهقاص والنصيحة تقال الراجل ما برقص بعرض وعرض العضلات عندنا جائز

Finland [Kurbeke] 10-24-2012 08:46 PM
اصدق تعليق


#495104 United Arab Emirates [حلفاوي]
10-24-2012 07:53 PM
الحكومه تحتضر ... والبلد مكشوفه وعريانه

عاشت الكلاكلات ليلة رعب ولاذالناس بالفرار الى ام عشر خوفا من الضربات والابخره الما معروفه هي شنو

بكره يجوكم ناس الحكومه زي هجليج ويطيروا الاسعار السما بسبب الغاز والدمار ... ما ترجوهم يا ناس ووقدوا النيران

مجرد طرقة اصبع تكفي لكسر راس الخرنشات اخوان ******** ديل

البلد ضاعت وبقت مهزلة العالم ... والله الصومال ورت امريكا الله واحد ... الكيزان رماد خلاص

والي يتكلم في ضربه عسكريه ... الناس مافي البلد ... بلقطوها لقيط

العار العار يا كيزان


#495056 United States [علي دينار]
10-24-2012 07:08 PM
يعني دابي اكلة الفار ؟ دي عمل الموساد وين الجهاز الامن القومي من هذه العمل ؟


ردود على علي دينار
Sudan [ابو سالى] 10-30-2012 12:26 PM
شايف نافع قال دى احد ابتلاءات الشعب السودانى .... كفية هبل ي نافع و الناس وصلو الحد من دجلكم و كذبكم و حقو تمشو اسرائيل بالدبابين كل الحصل انو ربنا سلط عليكم اليهود و ده عشان طغيتو و تجبرتو نحن قاعدين راجينكم تجاهدوا و تحرروا القدس و يا الضايقين حلوه مره ضوغو و بعدين بالمناسبة ماذ تم فى قضية بر الطئف ابو بيرة و ويسكى و ديل اولاد و بنات منو ؟


#495049 United States [kola]
10-24-2012 07:01 PM
والله ان زعلان تعرفوا لييه؟ لانو بتاع الطيارة دا ماضرب القصر الجمهوري ولا القيادة العامة كان ريحنا من البشير دا , وياريت لو اتعظوا .


#495042 United States [سوداني اصيل]
10-24-2012 06:57 PM
الرحمة للشهداء الذين سقطوا في الهجوم الاسرائيلي الغاشم على وطني العزيز فاذا كان من يحكم وطني لايستطيع حماية الشعب المغلوب على امره فليس هذاء مبرر لانتقد الحكومة فكل وسائل الاعلام تتحدث عن ان الطائرات انتهكت حرمة الاراضي السودانية ولم تقل ان الطائرات ضربت حكومة المؤتمر الوطني مهما كانت الاسباب ومهماكان موقفي الا انني ليوم في خندق واحد مع كل الشرفاء من اهل السودان ندين الهجوم الذي اعتدى اولاً واخيراً على كرامة الانسان السوداني فعندما انتقد نظام الانقاذ انتقده لانه دمر السودان وليس لانه يحكم السودان فاليوم انا واخي على العدو فلنترك ولو لساعات خلافاتنا جانباونقف في وجه من استشهد بسلاحه اخواننا نعم نحن نريد ان يترك نظام الانقاذ السلطة ولكن لن نسمح لاي غريب ان يقتل سوداني حتى وان كان السوداني هذا من نظام الانقاذ لاننا نحن من يحاسب بعضنا البعض وليس امريكا اوغيرها يحاسبنا ولايفوتني ان اعزي اهل الشهداء وانا لله وانا اليه راجعون.


ردود على سوداني اصيل
Saudi Arabia [سومي العسل] 10-24-2012 11:20 PM
قد بس هي ناقصاك انت كمان ..
خلي البربرة عنك وروح انت دافع عن الوطن .. وعن أسيادك المؤتمرجية ..

United States [عدو الكيزان الحرامية] 10-24-2012 10:05 PM
دى حركات ساكت نحن مع اسرائيل التى تحافظ على ارواح المسلمين الابرياء
ياسيدى ادارة بنك الخرطوم كلها من حماس

[atifnaway] 10-24-2012 09:32 PM
يا سوداني اصيل انت ما اصيل انت واحد كوز مختبئ خلف الوطنية انت عارف المصنع بيصنع قنابل الموت لدارفور والنوبة وحتي الهدندوة اين الوطن الذي تحترمه ماذا قدم السودان لشعبه غير الجهل والمرض والقتل انت والطيب مصطفي في خندق نحن نتمني ان تزول انقاذكم واحسب شهور اشان تنقذوا انفسكم

Finland [Kurbeke] 10-24-2012 08:48 PM
امشي يا مطبلاتي واطني قال

Qatar [عادل] 10-24-2012 07:46 PM
إحنا لا في خدق واحد مع قوم البشير والزبالهالمعاهو دي ولا حاجة ... والله بالعكس أي حاجة بتوجعهم بتفرحنا حتي لو كانت ضربة من إسرائيل
ربنا يرحم الشهداء ويرحم الأحياء من الزبالة دي

United States [حلفاوي] 10-24-2012 07:42 PM
ما الذي تريده اسرائيل من مصنع ذخيره نوويه سجمانه في وسط العاصمه يا فكي زمانك ؟؟؟

وطنك العزيز ماقادر يصد ولا يرد ... وطن الكيري يا اخوي بالهنا

الجيش كلو لو راح في شربة مويه ما بهمنا لانو ده جيش البشير وكل الفيهو جماعتو والباقين انت عارف مشو وين ... واوعك تتغابى وتتحزلق في دي

الاعلام السوداني واطي وحضيضي ورخيص ... يباري اخوان القحاب الوالي والوزير ... حتى في الاشياء اللي بتمس حياة الناس ... تبا لكم يا اعلاميين

كرامة الانسان السوداني في ثورته وخروجه من الاحتضار الحكومي والبناء فوق اساس الحريه


اي طياره من الخرطوم عاوزه على الاقل ساعه لتصل لاقرب نقطه حدوديه ... وين جيشك الوطني يا وطني انت يا لذيذ

حتى داخل العاصمه اليرموك في الوسط ... واقرب نقطة في حدود الخرطوم لا تقل عن تلاتين كيلومتر ... وين العاصمه اللذيذه في العسل السكري يا انت


لو بس عندنا رادار في المطار ... طياره بتحبي فوق جبال ام درمان مفروض نكون شايفنها ... كفاك ولا نرزعك لسه


قاتلكم الله يا حكومه انى تؤفكون


#495041 United States [عبد الله]
10-24-2012 06:56 PM
طيب وين ناس المخابرات ؟
نايمين فى العسل كالعادة ؟
بس فالحين فى نهب ميزانية الدولة وبلعها فى كروشهم الكبيرة
وفالحين بس فى اقفال صحف الخرطوم !
لكن توفير معلومات من العدو الحقيقي وكشفها او تقديمها للمسؤلين دى ما مسؤليتهم !
فشل فى كل النواحى
بس فالحين اى حاجة يقولو ليك دى اسرائيل
الاسطوانة المشروخة دى بقت ما بتمشي على الناس فى عصر ثورة المعلومات

انا اطالب بحل جهاز المخابرات وتشكيل جهاز وطنى بديل يكون مهنى وبحب البلد دى


#495015 United States [ابو محمد]
10-24-2012 06:31 PM
وقال وزير الثقافة والإعلام السوداني أحمد بلال عثمان في مؤتمر صحافي: "نعتقد أن إسرائيل قامت بالقصف"، وأضاف: "نحتفظ لأنفسنا بحق الرد في المكان والموعد اللذين نختارهما". هذا الكلام اوردته قناة العربية - في البداية قالوا السبب شرر اللحام و ان المكان محاط بالحشائش و الان يعترفون بان اسرائيل وراء العملية و الاحتفاظ بحق الرد دا معناه شنو عندهم عدد عايزين يحصلوه بعد داك يردوا - قرأت ان البرلمان استدعى وزير الدفاع لاستفساره عن هجوم الحركة الشعبية على كادوقلي بالمرة خلوه يفسر ليكم تفجير مصنع اليرموك


#494971 United States [السم النقع]
10-24-2012 05:53 PM
اقرا لكثير من المعلقين مرة يقولو 4 طائرات ومرة يقولو صواريخ توما هوك ومرة يقولو صواريخ كروز المحيرني الحكومة تقول شرارة من اصابع لحام واتمنى الاخيرة ليه لانو رغم اختلافنا مع الحكومة لا اشمت في وطني وفي الناس الممكن يكونو استشهدو من الانفجارات لاني سوداني تانيا لانو الشرارة ارخص بكتييييييييييييييييير من الصواريخ والطائرات على حسب علمي انو الطائرة بملاييييين الدولارات وكذلك الصورايخ المسماة أعلاه يعني واحد من لاتنين يا اما اسرائيل من اغبى الدول التي قامت على وجه الارض يا الناس البتعلق بتتمنى سيناريو الصورايخ والطائرات لانو ليس من العقل انك تخسر ملاييييين الدولارات من أجل مصنع طلقات بتباع في اليمن على 50 ريال يمني يعني في السودان كلو يعتبر مصنع الطلقات والرصاص من اهم المواقع والعتاااااااااااااااااد الحربي في السودان ؟؟؟؟؟؟؟؟؟؟؟؟؟؟؟؟؟؟ ولا يمكن الجواسيس الاسرالييين ما شايفين شغلهم كويس قولي هم فاضين من كورة الهلال والمريخ اكيد ادو اسرائيل معلومات غلط وقالو ليهم مصنع الذخيرة في ابو آدم هو مصنع طرد زري محتمل لتصنيع قنابل نوووية بخبراء إيرانين عشان كده قامو بضربه بالطائرات والصواريخ الما صنعتها دولة غيرهم على وجه الارض والبتكلف ملاييين الدولارات يخسي عليكم عملاء آخر زمن تكلفو اسرائيل بجلالة قدرها ملاييييين الدولارات علشان مصنع طلقات (رصاص).


ردود على السم النقع
United States [wudoof] 10-24-2012 07:01 PM
السم النقع :
الارواح التي تزهق بهذه الرصاصات لا تساوي عندك شيئا..؟؟ متى صنع السودان رصاصة واحدة للاستخدام الخارجي .؟؟!!...ام انك ممن يعتبر كل هذه الحروب هي مع الاعداء ...؟؟!! ان كنت كذلك فالامر اذن مختلف .؟!!


#494960 United States [موسى]
10-24-2012 05:44 PM
ياخوانا هايجين مالكم؟
منتظرين شنو يعني؟
ممسكين وزارة الدفاع لي واحد دلاهة عديل ريالتو سايلة
يبني في العماير بي اشكال لعب داخل القيادة العامة
واحدة عمارة شكل بابور قال دي سلاح بحرية
والتانية شكل طيارة قال دي سلاح الطيران
لكن نرجع نقول لاستيقيم الظل والعود أعوج


#494946 United States [ابو السعود]
10-24-2012 05:27 PM
الخبر فى قناة العربية ..
-----------------------
الخرطوم تتهم إسرائيل بقصف مجمع الصناعات العسكرية
سلسلة انفجارات وحريق في مصنع اليرموك والأدلة تشير إلى تل أبي

اتهم السودانُ، الأربعاء، إسرائيلَ بالوقوف وراء قصف مجمّع الصناعات العسكرية في منطقة اليرموك بالخرطوم، في هجوم أدى إلى مقتل شخصين.

وقال وزير الثقافة والإعلام السوداني أحمد بلال عثمان في مؤتمر صحافي: "نعتقد أن إسرائيل قامت بالقصف"، وأضاف: "نحتفظ لأنفسنا بحق الرد في المكان والموعد اللذين نختارهما".

وأوضح أن أربع طائرات شاركت في الهجوم الذي حصل قرابة منتصف ليل الثلاثاء في مجمع اليرموك للصناعات العسكرية في جنوب الخرطوم، مشيراً إلى أن الأدلة التي تشير الى إسرائيل عثر عليها بين بقايا المتفجرات.

وقد سُمعت سلسلة انفجارات واندلع حريق ليل الثلاثاء الاربعاء في مجمع اليرموك للصناعات العسكرية، وفق ما أفاد شهود ومركز إعلامي مقرّب من الحكومة.

وقال المركز السوداني للخدمات الصحافية المقرّب من أجهزة الأمن، إن السلطات تمكّنت من السيطرة على الحريق الذي اندلع في "مجمع اليرموك للصناعات العسكرية".

http://www.alarabiya.net/articles/2012/10/24/245708.html


#494941 United States [NUHA]
10-24-2012 05:19 PM
اخر خبر قالو دى طائرات اسرائليه الله يستر


#494940 United States [فتح الرحمن عبد اللطيف]
10-24-2012 05:15 PM
الحمد لله علي سلامت مواطنينا.. اكد بلال عثمان وقال 4 طائرا إسرائيلية .. ماعرف عرف الخبر من وين هم زاتم زينا خمنوا قالوا يازول مافي غير إسرائيل.. ابوعرمان واعوانة والبشير واعوانة .. البلد نملطشه عندهم لا بعرفو السياسة ولا الديمقراطية


#494939 United States [كباريت]
10-24-2012 05:14 PM
أما وقد بان الأمر وانجلى بعد اتهام وزير الدفاع لإسرائيل، فإننا ندين بشدة هذا الاعتداء الآثم على أرضناوسيادتنا، وفي الوقت نفسه ندين بقوة، موقف الحكومة السودانية وسياستها الخارجية المتمثلة في قيادتهالحرب بالوكالة نيابة عن حماس وتقديم أرض السودان كحديقة خلفية لإسرائيل تجرب فيهاكل إدعاءات أمنها القومى وتثبت فيه ذراعها الطويلة القادرة على القيام بأي عمل في أي منطقة بالعالم؟؟؟؟ كما أنني أطالب باعتقال السيد/ الكاروري إمام مسجد الشهيد الذي لا هم له إلا تحريض المسئولين السودانيين على دعم حماس واتباعها ولو على حساب المواطن السوداني البسيط. والله الحكومة محظوظة إذ أن المواطنين في إجازة العيد ولو لا ذلك لعمت المظاهرات العاصمة مطالبة بإقالة وزير الدفاع وأركان حربه، واستقالة رئيس الجمهورية ونائبه، واعتقال ومساءلة كل الذين دأبوا على تخطي خطوط أمننا الحمراء. وللمرة العشرين يتصدى والي العاصمة للتصريح حول مسألة عسكرية لا ناقة له فيها ولا جمل ويترك أمر المجاري المنفجرة التي هي من صميم عمله.

إليكم ردي على صحيفة هاآرتس الإسرائيليةأونلاين، فقط لتعرفوا مدى غضبي على هذه الغارة الآثمة.
It is an absolute heinous and barbaric crime and it represents a gross violation to international laws. We hope that Israeli defense minister be valorous enough either to declare explicitly his country responsibility about this Zionist crime or to quash the Sudanese accusations. Sudan reserves the right to dealt with this crime in a way it deems proper.


#494931 United States [الأرباب]
10-24-2012 04:56 PM
لقد اصبح السودان ضعيف ومباح كقطاع غزة ....لقد حطموا مصنع ذخيرة الإنقاذ ... لماذا ياتري؟
في اعتقادي ان ما يحدث هو تقليم أظافر ....ولهذا الحدث تداعيات قادمة!


#494923 United States [سمسم]
10-24-2012 04:46 PM
البشير كان راجل وااااحد لمن قلب الحكومة هسة إنتو البتجعجعو ديل كلكم مارجال مالكم مابتشوفو في البشير ولا مابتشوفو في القصر الجمهوري ماتمشوا عليهو ليه منتظرين الطائرات الإسرائيلية تجي تضربن وين رجالتكم ولا رجالتكم كتابة بس الله يستر منكم مافي ناس ضيعو البلد غيركم وعاملين فيها متحدين ضد البشير خلي البشير يفك البلد دي والله تاكلوا بعض والزول النفسو سليمة مابتمنى المرض لي مسلم ذيو إتقوا الله ولو دعيتو إنو ربنا يصلح حال البلد بيكون أحسن .


ردود على سمسم
United States [ALARAAB] 10-24-2012 07:18 PM
مرضى الفشل الكلوي بأم درمان يغلقون شارع العرضة لتوقف الغسيل
الخرطوم : رحاب فضل السيد
احتشد المئات من مرضى الفشل الكلوي ومرافقيهم بمركز الوالدين لغسيل الكلى بأم درمان وأغلقوا شارع العرضة أمس احتجاجاً على توقف عمليات الغسيل لانقطاع التيار الكهربائي وناشدوا وزير الصحة الاتحادي بالتدخل عاجلاً لحل قضية توقف عمليات غسيل الكلى بعدد من المراكز. وانتقد عدد من المرضى في حديثهم لـ(السوداني) بيئة المراكز التي وصفوها بالمتردية. في وقت حملت فيه مصادر رفيعة فضلت حجب هويتها مسؤولية المراكز لوزارة الصحة الاتحادية لعدم تسليمها لوزارة الصحة بولاية الخرطوم بالرغم من قرار الأيلولة. وأكدت ذات المصادر على استلام المركز القومي لأمراض وجراحة الكلى ميزانية تسيير المراكز كاملة في الوقت الذي لم تتسلم فيه المراكز ميزانياتها نسبة لسفر مدير المركز القومي لأداء فريضة الحج.

United States [الـسـيـف الـبــتــار] 10-24-2012 06:04 PM
واين انتا يا سام سته من كل الاختراقات الجوية و كيف ينصلح حالنا و على سدة الحكم سفاح سفاك طاغية وزبانيته ودخوله القصر يعنى رجاله ولا ما سمعته حديث الشارع فى العالم الغربى البصحا من النوم بدرى بيستلم الحكومه ؟
والله ما قصرته تب واكيد منفعجى و ما مدفعجى وفى كلا الحالتين الوطن خسران !
لكل أجل كتاب وما تستعجل واديها صنه وبتشوف بام عينك كيف يكون لحساب و العقاب لمن اساء الى المواطن ونهب و سلب ويا كثرهم والبلد بقت ضيعه وامثالك المطبلاتيه واصحاب المصلحه فى بقاء النظام واملنا فى الله كبير والقصر ليس حكرا على احد ولا حزب كم رئيس و كم عسكرى تقلد منصب رفيع و استولى على السلطه وخرج من الباب الخلفى والتاريخ حافل بالبطولات وحواء والده .

United States [عادل] 10-24-2012 05:35 PM
يا سلام على إسرائيل ... بالجد رجال ... قدروا على كلاب لهب ... ومزيد من الضربات الموجعة للنظام .. وإحنا معاهم


#494918 United States [قاسم خالد]
10-24-2012 04:34 PM
خلاص اعترفوا و قالوا دي اسرائيل ... وين حكاية امريكا و روسيا قد دنا عذابها ؟؟ هههههههها


#494894 United States [ود الحاجة]
10-24-2012 03:18 PM
يقولون انفجارات من الداخل و لا يوجد ضحايا !!! عجبا عجبا
يعني الحكاية فيها جن أم ان هذه مناورات "انتباهية"


ردود على ود الحاجة
United States [Mustafa] 10-24-2012 06:26 PM
May be it just firework


#494888 United States [atifnaway]
10-24-2012 03:09 PM
عقبالكم ونتمني ضرب مطارات الموت وادي سيدنا والفاشر والابيض وكنانة وبعد داك نشوفكم تقبلوا وين وقطر بتاعتكم تعمل شنو تنظر للشعب السوداني كانهم شيعة وناس ابوريالة هم السنة نحذر قطر من عدم التدخل في شؤن شعبنا المكلوم والمغلوب علي امره اللهم دمرهم كما دمرونا هؤلا القتلة والمفسدين في الارض


#494885 United States [alsudani]
10-24-2012 03:05 PM
لقد جعل الله مصيبتنا فى جيشنا
فهو الذى يقوم بالإنقلابات للأحزاب الفاشلة العاجزة
وهو الذى يضرب المواطنين العزل بدلا عن حمايتهم
وهو الذى يصعد المعتوهين فيه الى سدة الحكم
وهو الذى توجد معسكراته داخل المدن تعيس فسادا
وهو الذى توجد مصانع حربه ضد الوطن داخل المدن
وهو الذى لا يعرف مراعة سلامة المدنين فى كل أعماله
وهوالجيش الذى دخل السياسة حتى صار جميع ضباطه متسيسين
و هو تحتل معسكراته وسط المدن لا فى أطرافها ولا خارجها
وهو الجيش الذى يحمى الدكتاتوريات مدنية كانت او عسكرية
هو الجيش الذى يحول بين شعبة والتقدم والتطور
هو الجيش الذى صفى خيرة عسكريه فى مسائل سياسية
هو الجيش الذى لا يحترم ضباطه بعضهم البعض عسكريا
هو الجيش الذى رضي ضباطه قيام مدنين بمساعدة بعضا منه وبلبس العسكر فى قلب السلطة
هو الجيش الذى قلب السلطة فيه السلاح الطبى و سلاح الموسيقى
لا حل للسودان ما لم يغير هذا الجيش ويخرج بجميعه من المدن ويفصل جميع ضباطه السياسين حتى لو بقى كلع جنودا


#494881 United States [anne]
10-24-2012 02:38 PM
نأمل حصلت تؤذي أحدا ... وهذا النوع من الأشياء يجب أن يتوقف.image


#494862 United States [badr]
10-24-2012 01:51 PM
عيب عليك يا ابوريالة دمرت السودان وشوهت صورتنا يااخى اخجل من نفسك يعنى متين تستقيل وياتو كارثة بتحرك قلبك الميت دا يعنى ماكفاية عمارة الرباط ولاطيارات الاسرائليين ولا ولا ولا حوادث الطيران البقت اكتر من عادية سقوطها ياراجل اختشى على عرضك دا لو كان عندك اصلا
معقول يابشر منطقة عسكرية بالمستوى دا تكون وسط المناطق السكنية كدى اشرحو لينا النظرية دى
وانتى ماسمعت بالوزراء البستقل لو حصل زلزال وماقدرو يعملو شى بخجلو من نفسهم عليك الله اخجل مرة واثبت انك رجل غيور على وطنك كرهتنا السودان ياعمك ارحمنا شوية


ردود على badr
United States [الزُول الكَانْ سَمِحْ] 10-24-2012 04:48 PM
يا بدر

مافى هناى ولا بتاع ولا ريالة..قبل نص ساعة ..أدلى وزير الإعلام السودانى ببيان كر فيه بأن 4 ذائرات إسرائيلية ات تقنيات عالية هى التى نفت الهجوم وأن السودان يحتفظ بحق الرد


#494860 United States [aboreada]
10-24-2012 01:47 PM
دمروا المشاريع الزراعية وقبلوا خلاص علي المصانع الله هلك يا علي عثمان__ التشظي اقترب


#494854 United States [abumohd]
10-24-2012 01:40 PM
واخيرا صرح وزير الدفاع اللمبي وطمن المواطنين حول الانفجارات التي حدثت بجنوب الخرطوم وقال سيادته الهناي كان بلحم في البتاع وبعدين البتاع طارت منو بتاعة لمت في بتاع كده فاتح فاشتعلت البتاعة مما أدي لحدوث البتاعات الحصلت دي كلها وسوف يقوم السيد الرئيس بتفقذ مكان الهناي ويهيب سيادته جماهير شعبنا الهناك بالخروج استنكارا للهناي ولرد الظلم عن البتاع واجاب سيادته للصحفين انهم يقومون بعمل الصيانة ليلا تحت جنح الظلام حتي لا يري الاعداء ما نقوم به وانه شخصيا من اتي بهذه الفكرة بعد ضرية بورسودان وقد استلهمها من الطائرات التي نفذة المهمة وهي بلا انوار.
وحول الاشاعات التي تقال ان السيد الرئيس طريح فراش المرض اكد سيادته ان الريس بصحة جيدة وقدارسل جماعة كده يشيلو الفاتحة مع اسرة هناي الكان بيلحم البتاع وتحت تحت كده قال للجماعة يلقوا نظره فاحصة على هناية زوجة الهناي اللحام نسأل الله الرحمة لهناي والف مبرووك يا هناية بس عليك الله لما تبقي سيدة الهناي ماتنسي هناي اللحام ..


ردود على abumohd
United States [اسماعيل سليمان] 10-24-2012 05:14 PM
هههههههههههههههههه والله انت راجل عسل شنو الفكاها دي والله قطعت قلبي من الضحك بالرقم من ان المصنع من ممتلكات السودان
لكن والله من قلبي فرحت بلا سلاح بلا حماس ان شا الله المره الجايه يضربو بيت البشير والاهبل بتاع الهناي هههه اقصد الدفاع

United States [مجنون ليلى] 10-24-2012 04:58 PM
ههههههههههه هااااااي..

الله يجازي محنك يا هناي

غايتو السودان ده فيهو جنس بتاعات وجنس هنايات ..

United States [dafar] 10-24-2012 02:50 PM
والله abumohd انت راجل متعة فشيت غبينتنا فى المتخلف عقليا دة وكل سنة وانت طيب


#494852 United States [المشتهي موية الفول]
10-24-2012 01:39 PM
أنا حافسر ليكم الحصل بالضبط الطيارة جات بليل وانواره كانت طافيه والناس كانوا نايمن الرادار كانت بطريته نازله لكن انحنا كشفناها بالنظــــــــر


#494851 United States [قدورة]
10-24-2012 01:33 PM
الى متى يظل الشعب السودانى مستغفل فى امنه وامانه الا ان الاوان لهؤلاء المنافقين الكذابين ان يعترفوا بفشلهم وتمزيقهم للدولة والان الاحداث الجارية فى الخرطوم رغم كل شهود العيان ينبرى والى الخرطوم وبكل بساطة يقول انفجار !!! ما يقول اعتداء مالو ولا الحقيقة مرة يجب مداراتها فيا حكومة المؤتمر الوطنى اخافى الله فى الشعب السودانى واعترفوا بالحقيقة ولو مرة فى حياتكم !!!


#494847 United States [radar]
10-24-2012 01:30 PM
جاء ضرب المصنع بناءا على معلومات مؤكدة بان المؤتمر الوطنى تجري ترتيبات من اجل تزويد المجاهدين السودانيين الذين التحقوا بشمال مالي باسلحلة متطورة كما فعلت مع ثوار ليبيا


ردود على radar
Saudi Arabia [Ali Alsunni] 10-24-2012 11:40 PM
إذن إحتمال أن تكون الطائرات فرنسية قادمة من تشاد فهي التي يهمها موضوع مالي ،، فتخمينك وارد يا رادار أما حكاية ( طائرات إسرائيلية ذات تقنية متقدمة ) فلإجل حفظ ماء الوجه ،، فجماعة النظام و جيشهم الهمام لا يملكون أي معلومات حقيقية ،، فكلما خرجوا به مجرد تخمينات،، و حكاية طائرات عرفوها من المواطنين الذين يقطنون قرب مكان الحادث


#494845 United States [sudaniii]
10-24-2012 01:29 PM
هذا النظام الوثني لا يعرف حرمة الأشهر الحرم منذ جاء إلى الحكم و لذلك مشركي مكة خير منهم
فقد كانوا يحرمونه عاما و يحلونه عاما لقد رفضوا الاتفاق الاطاري و وصلوا الحرب في رجب من العام الماضي
و لم يقفوا الحرب في ذو ألغعده و لا ذو الحجة و لا محرم

و كذلك هذا العام الحرب مستمرة و لا حرمه لاي شهر حرام و لا حول و لا قوت إلا بالله انهم كفار و كفروا بالله
لقول المولى عز و جل

يسألونك عن الشهر الحرام قتال فيه قل قتال فيه كبير وصد عن سبيل الله وكفر به والمسجد الحرام وإخراج أهله منه أكبر عند الله والفتنة أكبر من القتل ولا يزالون يقاتلونكم حتى يردوكم عن دينكم إن استطاعوا ومن يرتدد منكم عن دينه فيمت وهو كافر فأولئك حبطت أعمالهم في الدنيا والآخرة وأولئك أصحاب النار هم فيها خالدون إن الذين آمنوا والذين هاجروا وجاهدوا في سبيل الله أولئك يرجون رحمة الله والله غفور رحيم

وقوله : قل قتال فيه كبير مبتدأ وخبر ، أي القتال فيه أمر كبير مستنكر ، والشهر الحرام : المراد به الجنس .

وقد كانت العرب لا تسفك فيه دما ولا تغير على عدو ، والأشهر الحرم هي : ذو القعدة ، وذو الحجة ، ومحرم ، ورجب ، ثلاثة سرد وواحد فرد .

لذلك جاءهم أمر الله في هذا الشهر الحرام و هذه البدايه


#494839 United States [adil a omer]
10-24-2012 01:11 PM
ما شاء الله مصنع ذخيره وسط الاحياء السكنيه .. دى سياسة الدفاع باللبيت


#494837 United States [ashraf]
10-24-2012 01:11 PM
ياجماعة الناس البتضرب دي ماتنش لينا القصر الجمهوري دا والقيادة وتريحنا نحن خلاص تعبنا ياخي


#494834 United States [ادروب]
10-24-2012 01:08 PM
أكـــــــد سائق اللورى (ابورياله - الليمبى - مخاخيط ) ان برج المراقبه ومن يدره كانو فى تنفل الى أو قيام الليل واتت طائرات عبر البحر الاحمر سمعنا وقامت عملية إشتكشاف دوان اى ضرر ، وتناقلتها وسائل الاعلام بانه قصف جوى ، وفى حين الاسباب عامل لحام فقط طارة شزه من الشرار واشتعلت النياران والعزتو للسودان ، وسحب ريالتو معاهو شفتو الكزبه مقننه كيف (طـارة شراره يعنى طياره هههههههههههههههه تنانى نصدكم ياتماسيح ولله لو جبتو الكعبه المشرفه السودان ماب بنصدكم يا وهم


#494822 United States [Lonaa karkoba]
10-24-2012 12:54 PM
هنأ أبناء جبال النوبة بالخارج الجيش الشعبى لتحرير السودان بالاقليم على الانتصارات الكبيرة التى حقوقها، و الرد القوى لاستهداف طيران المؤتمر الوطنى للمواطنيين فى قراهم و حرق مزرارعهم و استخدامه الغذاء كسلاح، ناقدا بذلك الاتفاقيات التى وقعت على مسمع و مرأى من المجتمع الدولى.

إن الخطوة الكبيرة التى اتخذتها قيادة الجيش الشعبى بالاقليم لتحرير كل مدنه و قراه لا سيما مدينة كادقلى تعد خطوه جاءت فى التوقيت الصحيح، و تزامنت مع حريق مصنع اليرموك الحربى كأكبر مصنع لانتاج و تركيب المدافع و دانات و براميل الانتنوف و كثير من الدبابات و الاسلحة و الذخائر المحرمه دوليا و مدعوم من ايران المهددة للامن و السلام الدولى، و هو ما يؤكد ان دعوات النساء و الاطفال و العجزة الذين يستهدفهم طيران المؤتمر الوطنى كفيلة بهزيمة اصحاب المشروع الحضارى الزائف، و إن وقوف الجيش الشعبى بصلابة لحماية مواطنيه و انتصاراته المتكررة على نظام الابادة العرقية العنصرى تدعمها دعوات المظلومين من الايتام و الارامل و المشردين.

أبناء جبال النوبة بالخارج يدعون المواطنيين الابتعاد عن كل المناطق العسكرية لنظام المؤتمر الوطنى بما فيها الحاميات و معسكرات الدفاع الشعبى و الشرطة و الامن و المطارات و الخنادق و المصدات باعتبارها اهدافا مشروعا لهزيمة نظام المؤتمر الوطنى الدموى.

كما خاطب ابناء جبال النوبة بالخارج المجتمع الدولى بان مجرم الحرب أحمد محمد هارون المطلوب للعدالة الدولية بات يستخدم المواطنيين كدروع بشرية فى محاولة يائسة الغرض منها تأخير تحرير مدينة كادقلى عاصمة الولاية التى شارفت على السقوط، خاصة فى ظل تدنى الروح المعنوية للقوات النظامية بعد ان تأكد لهم انهم اضاعوا وقتهم و اروحهم فى نظام فاسد اخلاقيا و ماديا، و يسوق الغش عبر التعبئه القتاليه لاستمراره فى السلطة و تمتع ابنائهم و حاشيتهم بمقدرات الشعب السودانى.

رسالة اخيرة و مجددة بعث بها ابناء جبال النوبة بالخارج الى القوات المسلحة للانضمام الى الجيش الشعبى لتحرير السودان للتعجيل بهزيمة النظام الدموى العنصرى و بناء سودان بأسس جديده و عادلة.


#494820 United States [محموم جداً]
10-24-2012 12:51 PM
ألم تسمعوا (عوض الجاز حينما كان وزير المالية الأزمة المالية العالمية لا تؤثر علينا في السودان ها ها ها ها )
(عبد الحليم المتعافي الذي قال إنه بيعرف القانون كويس و هو ما كيشة ها ها ها ها )
( البشير لما حلف الطلاق بترول الجنوب ما يجي من هنا ها ها ها ها )
(علي عثمان لما جاب كشف الراتب ها ها ها ها )
( التصريحات بعد ضربة الشفا ها ها هاها)
(أولاد المعارضين البقوا كبار المستشارين ها ها ها ها)
(بس المصنع المضروب ما كله ضارب و منفس تس تس تس تس )


#494819 United States [اللمبي وزير]
10-24-2012 12:50 PM
اللمبي كان صاحي !في بيت عرس وله طهور!!! ياربي ماجاتو رسالة من الجهة المنفذه!!! تهني بالسلامه والترقية التي سيحصل عليها والعمولات التي سيتقاضاها لاعادة المصنع!!! ' طبعا فرصة لن يفوتها السمسار ومجموعة الحراميه!! فسيخرجوا لنا غدا بصندوق دعم الرادارات!! وتعيين شوافات !!متمكنات!!ويفضل من زوات المؤهلات!!! ويشتري ليهو بالقروش كم عماره واراضي بالعمارات!ويضحك علينا الي ان يقف ريالته!! فهو عارف ان اسرائيل ممكن تضرب كل شئ الا اللمبي !!لانه ضرورة غبية لن تجد مثلها في السودان!!! وننصح المشير بترقية الوزير لرتبة عوير اركان حرب!!!


#494813 United States [شمتاااااااااااااااااااان]
10-24-2012 12:40 PM
البشير ما ظهر و رقص و حلف طلاق ...


ردود على شمتاااااااااااااااااااان
Sudan [سامية] 11-14-2012 08:56 AM
ادعو ليهو بالشفاء

European Union [sid vahmed] 10-24-2012 09:25 PM
وين مع سرطانةالحنجره

United States [حلفاوي] 10-24-2012 07:44 PM
حلقو واجعو قالوا ... والضربه دي قدت ليهو ..... كمان ... الراجل معزور برضك


صفحة 1 من 3123>

Powered by Dimofinf cms Version 3.0.0
Copyright© Dimensions Of Information Inc.