الأخبار
ملحق المنوعات
تامر حسني يغني ببورتسودان رغم أنف الخرطوم ..!!
تامر حسني يغني ببورتسودان رغم أنف الخرطوم ..!!
تامر حسني يغني ببورتسودان رغم أنف الخرطوم ..!!


03-11-2013 06:12 AM
يقف المطرب المصري المثير للجدل تامر حسني علي خشبات المسارح بالسودان لأول مرة في الثالث عشر من شهر أبريل القادم بمدينة بورتسودان في حفل جماهيري كبير بعد رفض الجهات المسؤولة التصديق له بالغناء في العاصمة الخرطوم أكثر من مرة دون تقديم أسباب واضحة للرفض ، الأمر الذي فتح باب التساؤل المشروع عن تصديقات حفلات الفنانين العرب وأسباب المنح والمنع .
الهجرة للثغر الباسم ..!!
{أبدي من قبل عدد كبير من الفتيات و الشباب غضبتهم العارمة لرفض التصديق لتامر حسني الغناء بالخرطوم وتساءلوا عن الأسباب ، في الوقت الذي تكتفي فيه الجهات المسؤولة بإجابات ضبابية وتقديم تبريرات غير واضحة أو مقنعة ، وترمي كل جهة باللائمة علي الأخري دون أن يصل الباحث عن إجابة لرد شافٍ ، ويتوقع المراقبون أن تتجه أعداد كبيرة من شباب الخرطوم نحو الثغر الباسم لحضور حفل فنان الجيل تامر حسني ببورتسودان لاسيما وأن الكثيرين أعلنوا في وقت سابق استعدادهم لبيع موبايلاتهم من أجل حضور حفل تامر .
إزدواجية المعايير في البلد الواحد ..!!
{(كيف تسمح السلطات لتامر حسني بالغناء ببورتسودان وترفض التصديق له بالخرطوم .؟؟) أنه تساؤل طرحه أستاذ القانون د.عمر محمد الفاتح مبدياً إستغرابه لإزدواجية المعايير والكيل بمكيالين من جانب (سلطات البلد الواحد) ، مؤكداً أن الحق الذي حصلت به الجهة المنظمة لحفل تامر حسني علي تصديق الغناء بعاصمة ولاية البحر الأحمر يمنحها حق الحصول علي التصديق بالخرطوم ما لم تكن قوانين ولاية البحر الأحمر وتقديرات سلطاتها الرسمية تختلف عن العاصمة ، ومضي د. الفاتح في حديثه لـ(فنون) قائلاً : (الأسباب التي أستندت عليها السلطات في الرفض للفنانة المصرية شيرين عبدالوهاب الغناء بالخرطوم يجب أن تسري علي كل ولايات السودان ، اللهم إلا إذا كانت الدولة تقدم تنازلات بالبحر الأحمر بإعتبار أن بورتسودان مدينة سياحية لا تخضع لقوانين البلاد ، وتلك نفسها إشكالية قانونية تجعل الناس في حيرة من أمرهم) ..!!
سيف الالغاء يهدد حفلات الخرطوم ..!!
{ حزمة من حفلات الفنانين العرب بالخرطوم تم إلغائها بعد التصديق لها وإكتمال كافة الإجراءات والإعلان عنها عبر الملصقات ومن خلال وسائل الإعلام يأتي في صدر قائمتها حفلات (ديانا حداد – أصالة نصري – إيهاب توفيق – فريق شمال أفريقيا الحائز علي جائزة البوم نجوم العرب بقناة " mbc " ، وصولاً الي حفل شيرين الأخير الذي أثار إلغاءه جدلاً كثيفاً) ، كما أن مجموعة من الحفلات تم رفض التصديق لها أو طالها سيف الإلغاء في المراحل قبل الأخيرة مثل حفلات (تامر حسني – شيرين – هيفاء وهبي ونانسي عجرم) ، في الوقت الذي بحث فيه عدد من المتعهدين وشركات تنظيم الحفلات عن (لافتات حماية) تقيهم شرور الإلغاء ونجحوا في مساعيهم فكان حفل كاظم الساهر بنادي الضباط الذي نظمته (شركة نظافة) عام 2005 م تحت لافتة (الخرطوم عاصمة للثقافة العربية) بالتعاون مع أمانة العاصمة الثقافية التي أعطت الشركة أوراقها و (أختامها) وضمنت لها نجاح الحفل مقابل عائد مادي ، كما أن شركة (تولوس) عندما أرادت تنظيم حفلات لهاني شاكر وشيرين ومحمد منير بالخرطوم رفعت لافتة مبادرة (فور دارفور) ، وقال المنظمون وقتها أن عائد الحفلات التي شهدها نادي الضباط سيكون لصالح حفر آبار لنازحي دارفور بينما لم تكشف الجهة المنظمة عن الكيفية التي ستصل بها الأموال ولم يتم الإعلان عن آبار تم حفرها من عائد تلك الحفلات الذي حققته والأرباح الطائلة التي جناها منظمو الحفلات ..!!
الإتجاه بنجوم الفن العربي شرقاً ..!!
{ قال طلال السني المسؤول بإحدي شركات تنظيم الحفلات لـ(فنون) أنه سبق وأن رفضت لهم المصنفات التصديق لأكثر من فنان عربي كانوا بصدد التعاقد معه لإحياء حفل بالخرطوم ، مضيفاً بأنهم الآن يراقبون الأوضاع وينتظرون حفل تامر حسني فإن لم تتدخل جهة وتبدي إعتراضها في اللحظات الأخيرة كما حدث مع حفل شيرين الذي كان من المفترض أن يقام بإستاد الخرطوم سيتجهون بكلياتهم لتنظيم حفلات للفنانين العرب ببورتسودان طالما أن الجهات الرسمية هناك تتفهم دور الفنون وترحب بالغناء العربي بحاضرة البحر الأحمر .

فنون






تعليقات 24 | إهداء 1 | زيارات 8055

التعليقات
#608185 [الاغبش]
0.00/5 (0 صوت)

03-12-2013 01:12 AM
انتو ما انحليتو من الحضرى تانى جايبين تامر حسنى
حسنى المخلوع شال حلايب ودا جاى لبوتسودان
بلد همله ما عندها وجيع


#608182 [حسين حسن الحسين]
0.00/5 (0 صوت)

03-12-2013 01:00 AM
انت زاتو فارفين يا معلقين الراكوبه ده موضوع


ردود على حسين حسن الحسين
United States [قلبي على وطني] 03-12-2013 09:15 AM
YOU TOO


#608109 [ابوخالد]
3.00/5 (2 صوت)

03-11-2013 09:30 PM
حلو مشكلة المويه ياناس بورسودان بعدين فتشو للفارقات دي


#608035 [عشا البايتات]
4.00/5 (1 صوت)

03-11-2013 07:39 PM
انتو ياوهم زعلانين مالكم العاوز يمشي بفلوسة والماعاوز يوفر فلوسة عالم تحشر نفسها في كل حاجة


#608020 [osman abdel rahman]
0.00/5 (0 صوت)

03-11-2013 07:05 PM
مواطنوا بورتسودان عايزين موية يا حكومة- اختشوا - تامر حسنى لو عرف انوا مدينة بورتسودان السياحية توزع فيها الموية بعربات الكارو لن يحضر
جيبوا معاهوا كمان رقاصة و كملوا الناقصة
اختشوووووووووووووووووووووووووووووووووووووووووووووووووووووا


#608017 [البوعزيزي]
2.00/5 (1 صوت)

03-11-2013 06:58 PM
تامر شنو وسجم شنو . على الطلاق لو غنى لى تحت سريري ما اعاين ليهو . شعب مستلب


ردود على البوعزيزي
United States [زول سودانى] 03-11-2013 08:56 PM
هههههههههههه والله صدقة يا البوعزيزى عالم فاضيه الفلوس البجيبو بيها زى تامر دا يستفيدوا منها فى القرى الماعندها موووووووويه ولا كهرباء

United States [سوداني مبارك] 03-11-2013 07:36 PM
ياخي عاين لاسمك واتكلم هسي الاسم المعلق بيهو ده لهجة لمك وابوك البيتو من قزاز ما بجدع الناس بالطوب


#607945 [الخفسو]
0.00/5 (0 صوت)

03-11-2013 04:42 PM
تامر حسني ... ومصريين تاني...

إنتوا الفنانيين المصريين ديل أيام كورة مصر والجزائر بالسودان، مش قالوا: السودانيين ما بقدروا ينظموا حفلة عيد ميلاد!!!


#607929 [عطوى]
0.00/5 (0 صوت)

03-11-2013 04:26 PM
رحم الله محمود عبد العزيز الحوت .. رحل الحوت فظهر زعيط ومعيط وكل جيف المياعة المخنثين ..

ابقو الصمود ما تبقو زيـــــــــــــــــــــــــــــف ..
هكذا كان يزار قيصر الفن والانسانية الحوت ..


ردود على عطوى
United States [سنبل] 03-11-2013 10:50 PM
هسي الدخل الحوت هنا شنو يا بليد


#607921 [emad]
0.00/5 (0 صوت)

03-11-2013 04:15 PM
أولا وقبل كل شئ أتمني من والي البحر الاحمر حلت مشكلت الماء في المدينة والتي لم يقم باي عمل جاد حيال حلها وكذلك ان ينمي مناطق طوكر والقري التي حولها ويوفر لهم الخدمات الاساسية
وبعدين يصرف هذه المليارات في المهرجانات
واحيي الاخ الكاتب الرد رقم سبعة والذي وضح لكاتب المقال الشئ البديهي المفروض ان يعرفه قبل الكتابة
واستغرب في دكتور القانون الذي لا يعرف قانون الولايات


#607913 [أبو حفص السوداني]
5.00/5 (1 صوت)

03-11-2013 04:08 PM
كلمة واحدة لا أزيد عنها الى المسئولين جميعا ابتدائا من رئيس الجمهورية الى اخر مسئول تذكروا قول الرب جل جلاله (إن الله كان عليكم رقيبا).


#607889 [divaise]
0.00/5 (0 صوت)

03-11-2013 03:37 PM
تامر شنو السلم مختلف بيننا والمصرين حتي ناس الزطن العربي مامعترفين بعروبتنا بطلو تعرصة وبلبصة وشعور بالدونية اسمعو ا اغانيكم وبس بورتسودان الروا موية واشيعوا في الكهرباء اول عالم كرور خلونا في الحنا فيه


#607858 [zoul]
0.00/5 (0 صوت)

03-11-2013 02:58 PM
يلا يابشة واعوانك ومعاك علماء المؤتمر ظبطو الموضوع وفركشوا الشغل دا الجماعة ديل بعد الحفلة حيعملو مظاهرة ويحرررو ا بورتسودان هههههههههههههه .


#607822 [علي]
0.00/5 (0 صوت)

03-11-2013 02:17 PM
كدهـ كوبس


#607808 [مصطفي]
0.00/5 (0 صوت)

03-11-2013 01:59 PM
الناس تكد وتعمل للقمة العيش في هذة الظرووووف الاقتصاديه الصعبه تدوشهم بحفل قيمة تذاكرة ربما تكلو اسبووووع هل نحن في حالة رفاهيه لهذة الدرجه ويمكن كثير من الشباب والشبات المفلسين مديا يعملو اي شي من اجل الحدث


#607775 [المشتهى السخينه]
0.00/5 (0 صوت)

03-11-2013 01:13 PM
الساده هيئة علماء السودان للتجارة بالاديان ..ندعوكم لحضور حفل تامر حسنى بشرق السودان والذى لا يخضع لسلطان الكهنوت الدينى .. ونهديكم اغنية تامر حسنى .. اجمل حاجه بحبها فيكى هو ده ..آ آ آه هو ده ..


ردود على المشتهى السخينه
United States [كاره الغناء العربي] 03-11-2013 02:07 PM
وبيأشر وين لما يقول هو ده .


#607733 [قلبي على وطني]
0.00/5 (0 صوت)

03-11-2013 12:32 PM
هسع عليك الله دا فنان ابيع ليه موبايلي عشان احضر حفلته ؟؟؟؟ ليه نحن دائما نهتم بيهم وهم حتى عاصمتنا ما بعرفوها خليك من انهم يسمعوا غنانا او يشاهدوا ممثلينا ... عالم وهم في وهم.ولو التحضر والثقافة بالسماع لمثل هذا وما بسمى راغب علامة فألف مرحب بالتخلف .


#607652 [عامر]
0.00/5 (0 صوت)

03-11-2013 11:15 AM
حق التصديق حق ولائى و ليست قومى و كل ولاية لها تقديرات أمنها و غيره و هذا أمر متروك للولاة و أجهزتهم . هذا توضيح لكاتب المقال فقط للفهم


#607645 [مترجم الاحساس]
5.00/5 (1 صوت)

03-11-2013 11:07 AM
الجماعه ديل قبل فتره جابو لينا طيور فوق الاستداد
وحسي كمان جايبين لينا تمر مصري ده طعمو كيف


#607634 [BLUENILE]
5.00/5 (1 صوت)

03-11-2013 10:54 AM
والله ما يجرى فى البلد انه للدمار الناس تموت فى الغرب والشرق والنيل الازرق والفقر يدجج الفقراء بالعاصمه
ونسمع ناس كابو والبلال وغيره تجار الغناء والهشك بشك يجلبون الفنانين ليقدموا حفلات بالسودان كيف الموت والجوع والفقر فى كل السودان وحفلات الرزيله والدمار الاخلاقى تقام بالسودان
هل تعلمون ان كل هولائى الفنانين لا يستطيعون للغناء فى بلادهم ابدآ كلهم اصبحوا جوعى والفنانين المصريين وغيرهم من العرب يريدون القروش فقط بطونهم جعان للماده
والله انه لخزى وعار للتجار الحفلات الله ينتقم منكم
من عشرات السنين عاد امام عرض مسرحيته مدرسه المتشاغبين بالخرطوم وكانت من اميز وانجح عروضه على الاطلاق
سمعته للقاء فى برنامج تلفزيونى يقول انا سافرته مناطق لا يمكن احد ان يسافر لها سافرت اقصلا الدنيا وقال يا راجل سافرت الخرطوم والله يا جدع سافرت الخرطوم يعنى كان كلامه كله سخريه واستهزاء
فارجو من كل الشعب السودانى ان يقاطع اى حفل للفنان وفنانه عربيه لانهم لا يستحقون الوقفه بالسودان وانا سبب حضورهم انه الجوع فقط
ولا ماقاله الفنانون الا يكفى استخفافا بالشعب الاصيل امثال محمد فؤاد وغيره من الشرزمه الهابطه التى جاءت مع النظام السابق المصرى وعندما هزمتهم الجزائر نسوا الكرم والضيافه وحسن الاستقبال وراحوا يقلون ويصرحون باشياء غير حقيقيه
يرجى عدم قبول اى فنان مصرى لانهم لا يستحقون


ردود على BLUENILE
United States [عطوى] 03-11-2013 08:19 PM
كلامك مية المية .. المصريين بالذات اكتر شعب بسخر من السودانيين .. تخيل فى واحد قبال كم يوم وهو نوبى مصرى لاحظ سالانى ما اذا اكان فى السودان بيبسى ؟؟؟؟؟! والراجل جااادى يعنى تخيل ومش جاهل راجل خريج ؟؟ بس كل مافى الامر نحنا مادنهم قيمة ومساحة كل واحد فات مصر شهرين يجينا بقا وبقا وزفت .. والمؤسف السودانيين بقللو من قيمتهم لما يجتهدو فى تغيير لهجتنا الحلوة عشان المصرى العفن يفهم عااالم مرض عشان كدا نحنا لو ما اتخارجنا من جامعة الجهلاء العربية حالنا ما بتعدل ..


#607518 [ألامين المهدي]
0.00/5 (0 صوت)

03-11-2013 09:08 AM
ولاية البحر الاحمر لها حكومة تتبع سياسة الحكم اللا مركزي وتم تطبيقها بفضل واليها وإبن بلدها الشجاع ايلا وهذا هو السبب في تطورها وجزبها للاجانب واتمني من كل باقي ولايات السودان ان تحزو حزوها حتي يعم هذا التطور سوداننا الحبيب وتنتهي الهجرة الداخلية وتتحول الارياف الي مدن ويحدث الاستقرار السكاني


#607513 [سادمبا]
5.00/5 (2 صوت)

03-11-2013 09:04 AM
اصلو تامر حسني دي صديق شخصي لي هيثم كابو واحمد البلال الطيب ومبارك البلال أمس حوالي الساعة اطناشر و33 دقيقه و 15 ثانيه ليلا اتصل علي هيثم كابو وقال ليهو عليك الله يا هيثم انا جاي بورتسودان ولازم حتما تجيني في بورتسودان عشان نتذكر ايامنا الجميله ايام القاهرة وقاردن سيتي بالمناسبه سمية الخشاب دايما تسأل عنك وتقول لي صاحبي هيثم عامل كيف ؟؟؟؟ وبالمره سلم لي علي احمد البلال ومبارك البلال وقو ليهم والله انا متابعه برنامجكم في الواجه وكل كتابات مبارك البلال ويوميا بتجيني الدار وفنون بلقاها تحت الباب!!!!عالم وهم!!


#607512 [احمد]
0.00/5 (0 صوت)

03-11-2013 09:02 AM
اسى ابان دقون يهيجو ويبقى موضوع البلد ويخلو شويه موضوع فنان الصافيه ونسمع المحن الفجور والفسوق والاولاد عملو والبنات عملوه والله محمد طاهر ايلا ده داير اعمل لينا مشاكل


#607504 [عاشق الامهره]
5.00/5 (1 صوت)

03-11-2013 08:57 AM
وهل سيطرب اهلنا في الشرق لغناء تامر حسني ,,,نحيا ونشوف


ردود على عاشق الامهره
United States [عاشق الامهره] 03-11-2013 03:14 PM
أهل الشرق ارقى فهما و تذوقا للفن
هذا ما اقصده يا اخ سهشاي,,
واردد نفس السؤال هل سيطرب اهلنا في الجزيره وفي الشماليه وكردفان والنيل الازرق ودارفور لهذا التامر حسني؟؟ بالتاكيد لا ,,وهذا لايعني اننا في السودان اقل رقيا وتذوقا للفن بل العكس هو الصحيح

وبالمثل المصريون لايطربون للغناء السوداني وكل علي هواه يسير
اخي سهشاي بعد احداث مباراة الجزائر والاساءات التي وجهها الفانون المصريون وعلي راسهم محمد فؤاد كنت اتمني ان يوقف حكام الانقاذ اي بعثه فنيه مصريه للسودان ولكن لله في خلقه شؤن

United States [سهشاى ....] 03-11-2013 12:16 PM
أهل الشرق ارقى فهما و تذوقا للفن و تامر ليس اول فنان اجنبى يغنى بالشرق
و طه سليمان الذى ترقص على اغانيه الهابطه فتيات و شباب العاصمة لم يرتقى لذوق
اهل الشرق فى المهرجان الأخير و عاد خايبا مكسورا ..


#607499 [khaid mustsfa]
0.00/5 (0 صوت)

03-11-2013 08:53 AM
خلاص امتلاْ شرق السودان بالمصاروه حتي ياتي تامر حسني ليطربهم ام انه من نوع من الحوافز التشجيعيه لمزيد من الهجره المصريه لحلايب وكل مدن الشرق واستراحه قصيره لصائدي السمك المصريين في مياهنا الاقليميه
يلله جنانه وهايصه وبلد ما عندها وجيع


ردود على khaid mustsfa
United States [دهب الخزانة] 03-11-2013 02:20 PM
انت بس وجعك تامر حسني دا .. هاك شوف الوجع البي صحه والاستفزاز البدون حدود .. والانبطاح الكيزاني .
http://www.youtube.com/watch?v=bSxeUcyYlkk



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2024 alrakoba.net - All rights reserved

صحيفة الراكوبة