الأخبار
منوعات سودانية
سائق ركشة يقطع (فروة) رأس راكب بـ (السكين)!!



04-23-2013 06:29 AM
دار السلام - منى ميرغني

قام سائق ركشة بجلد راكب استقل ركشته برفقة فتاتين، مسبباً له جروحاً قطعية في رأسه، بعد أن شاهده بمرآة الركشة يضايق إحدى الفتاتين. وقال الراكب عند مثوله أمس أمام مولانا سليمان خالد موسى إن سائق الركشة قام بضربه، وسبب له جروحاً قطعية في الرأس.. وعند سؤال المحكمة للسائق المتهم ذكر في أقواله أن الشاكي استقل ركشته برفقة فتاتين، وأنه شاهده عبر المرآة يضايق إحداهما بحركات ووصفها بـ (الثقيلة)، مما اضطره إلى التوقف، وطلب من الشاكي النزول، لينشب بينهما شجار أخذ على إثره (منفلة) الركشة، وأخرج الراكب سكينه وتعاركا، فنزع المتهم السكين من الشاكي وأصابه إصابات بليغة وقطع جزءاً من (فروة) رأسه.
هذا والتمس الشاكي في المحكمة إمهاله فرصة حتى يتعافى ومن ثم المثول أمام المحكمة، فأعادت المحكمة ملف البلاغ إلى النيابة.

المجهر


تعليقات 14 | إهداء 0 | زيارات 2970

التعليقات
#646571 [الدش]
0.00/5 (0 صوت)

04-24-2013 06:01 PM
جدع والله


#645590 [janubyia]
0.00/5 (0 صوت)

04-23-2013 06:00 PM
شعورو شنو لمن دقوه الدقة الساخنة قدام البنات و الله خيابة... عشان كدة عاوز يتعافي قبل المثول في المحكمة من الخجلة و الاحراج تلقاه كورك لمن قال الروب قدام البنات.


#645385 [موسى محمد]
0.00/5 (0 صوت)

04-23-2013 01:26 PM
حاجة غريبة والله أولاد الركشات ديل هك أكبر صعاليك وحرامية، فكيف يطلع منهم من يدعي نشر الفضيلة ومحاربة الرزيلة، وكمان بطريقة الهمبتة والبلطجة.
المنطق يقول كان بإمكانه التعريج بالركشة وركابها على أقرب مركز للشرطة وفيه يقوم بفتح بلاغ ليأخذ القانون مجراه، ولكن طريقته هذه غير سليمة ويكون صادف ليهو واحد مسكين ساكت إستعرض فيه عضلات. لكن أقول له أعمل حسابك وحواء والدة وما كل مرة تسلم الجرة.


ردود على موسى محمد
Russian Federation [الطيب عبدالله] 04-23-2013 11:37 PM
يعنى ياموسى قصدك شنو دى شهامه ورجاله مابلطجه ده بعكس سلوك سائقى الركشات الاانت بتقول عليهم صعاليك اها ده واحد فارس وجدع

Russian Federation [سائق ركشه] 04-23-2013 06:42 PM
اخى موسى ! انا اختلف معك فى ان (سائقى الركشات أكبر صعاليق)فكل مجتمع فيه الصالح والطالح وانا اُكد لك ان كثير منهم على خلق ، ونجد فى كثير من المهن بعض الشواز او الصعاليق كما تدعى .
الم تسمع عن المعلم الذى اغتصب الاطفال او الطبيب الذى اجرى عمليات الإجهاض والامثاه كثيره
ولا خلاص بقت على سائق الركشه ؟


#645333 [حسن ودحسونة]
4.00/5 (1 صوت)

04-23-2013 12:49 PM
جدع اخو بنات وسودانى حر ياصاحب الرقشة ربنا يجعلها فى ميزان حسناتك واناشد القاضى الذين سنظر هذه القضية ان لايتجاوز الامر الغرامة وانا شخصيا مستعد ادفع الغرامة من مليون لخمسة والاجر على الله ، والواطى التانى اتمنى يختشى على نفسه ويتنازل عن القضية بعد ان نال عقابه


#645284 [abdelmonem]
0.00/5 (0 صوت)

04-23-2013 12:09 PM
دقو دقة بلاء والله عافيت منك يا بتاع الركشة


#645280 [سودانيه]
1.00/5 (1 صوت)

04-23-2013 12:08 PM
رااااجل عفيت منك ماداير تبقى معر؟؟ والبت المع الولد ده اكيد راضيه بالحركات وكانوا دايرين يستغلوك ويركبوا ليك قرون لكن يابتاع الرقشه طلعت ضكران وأدبتهم


ردود على سودانيه
Russian Federation [محمد] 04-23-2013 06:19 PM
ماكان ينزلم كلهم عايز ينزل الولد ويخلي البنات معاه لا دا طماع اظنوا هو نواء يشيل المزز لية براه


#645233 [المتغرب الأبدي]
0.00/5 (0 صوت)

04-23-2013 11:33 AM
الله يفتح عليك ..


#645181 [ود تلودي]
0.00/5 (0 صوت)

04-23-2013 10:53 AM
يعني سبب البلوي دي المزز - الحلوين

اصحاب الركشات اصبحوا مثل تجار البنقو و عصابات النيقرس اي بلوي لاوم يكون لهم فيها طرف مباشر او غير مباشر.


#645129 [نقه]
0.00/5 (0 صوت)

04-23-2013 10:17 AM
ابشر بلخير ياود اخوى والله مفروض تمشى تسلخ راس المهندس الباطل البرقص فى يوم تخريجو جم امو داك.


#645120 [كتاحة]
0.00/5 (0 صوت)

04-23-2013 10:14 AM
هيييييييييييييييييييييييييييييييييييييييييع

عفيت منك يا تمساح جزاير الكرد .. دا الكلام و تاني كان لاقاك ادي جلدة


#645088 [ودشمبول]
0.00/5 (0 صوت)

04-23-2013 09:54 AM
عافي منك ياود اخوي


#645063 [um ahmed]
0.00/5 (0 صوت)

04-23-2013 09:44 AM
عفارم عليك يا سائق الركشه اخو اخوات والله


#644906 [سامر المدنى]
0.00/5 (0 صوت)

04-23-2013 07:30 AM
ياهو ده السودان


#644881 [صحيح والله]
5.00/5 (1 صوت)

04-23-2013 06:47 AM
ركشجي راجل من ظهر راجل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة