الأخبار
أخبار السودان
أهالي أم دوم يؤكدون إستمرارهم في الإعتصام لحين تحقيق مطالبهم



04-30-2013 05:36 AM


أم دوم:
أكَّد أهالي منطقة أم دوم إستمرارهم في الإعتصام السلمي بأرض المشروع شرق المنطقة، وشددوا على مواصلة الإعتصام حتى إنزال القصاص على قتلة الشهيد محمد عبد الباقي وإسترداد حقهم المسلوب، وأدان بيان صادر عن أهالي المنطقة إقتحام الشرطة لبيوت الله (المساجد)والمنازل الآمنة وإستهدافها بالغاز المسيل للدموع، مما تسبب بإختناقات للأطفال والرضع ومئات الإغماءات. مؤكدين بأنهم يحتفظون بتوثيق كامل لكافة الإنتهاكات بالصوت والصورة، ومستعدون لتسليمها لجميع الجهات داخل السودان وخارجه، مؤكدين عدالة قضيتهم، وأنه لا مكان فيها للمساومات والإستقطابات السياسية.
الميدان






تعليقات 9 | إهداء 0 | زيارات 3419

التعليقات
#652187 [رنوية]
0.00/5 (0 صوت)

04-30-2013 09:54 PM
يلا يا شباب امدوم والعن ابو الكاكي


#652031 [بحري نفر]
0.00/5 (0 صوت)

04-30-2013 05:04 PM
امس...امدوم....اليوم....امروابه...بكره..؟؟؟؟


#651921 [عصمتووف]
1.00/5 (1 صوت)

04-30-2013 02:23 PM
اهلنا في ام دوم العزاز حكاية الاعتصامات لم ولن تحل مشكلة هؤلاء الخنازير مشهورون بالكذب وكسب الوقت دم ابنناء الشهيد لن يجف حين تقابلكم امه واخواته في الطريق او المواصلات لسان حال الضلالية والسماسرة الوطنية يقول خلوهم يعتصموا بكرة بزهجوا ويفكوا الاعتصام كما عودونا دائما كل ملفات جرائمهم توضع علي الرف واعصابهم علي ثلاجة *** لا مفر غير نقل الاعتصام من ام الدوم العصية الي قلب المواقع الدستورية (سهر الجداد ولا نوموا) واقرب مثال لكم اغتيال الشهيده عوضية ماذا تم فية لاشي

*** : الثورة كاللحية لا تنتهي بالحلاقة المتكررة


ردود على عصمتووف
Russian Federation [nagatabuzaid] 04-30-2013 03:40 PM
واعتصام المناصير عز الشتاء فى الزمهرير وفى الصيف عز الهجر ايه النتيجة حفظ فى الرف

واقتراح عصمتوف نجيض شوية رجال ونساء وان انضم ليكم الشعب السودانى الخمد يكون نصر مؤذر

رغم انى لا امل لى فى الشعب الخمد استثناء اهل برى والجريف ربنا يمتعهم بالصحة والعافية هم الامل ومعكم من اعماقنا بكل الصدق والاخلاص وسلاحنا القنوت والدعاء فرق الله جمعهم وبدد شملهم

وناموسة فرعون وغيبوبة شارون من كبيرهم لصغيرهم من رئيسهم لواليهم ومن ضابطهم لشرطيهم الهى ارنا قدرتك فيهم


#651708 [احداث ام دوم]
1.00/5 (1 صوت)

04-30-2013 11:03 AM
المعتمد جاء الي امدوم عصر امس 29/3/2013
وقال ماشي بيت العزاء
ودخل عن طريق المزارع الخلفية
وهو يقدر يدخل بالشارع الرئيسي؟
لكن ماقرب يضيع شبابو والامنجية الجايين معاهو
قول لي كيف؟
ناس الامن قالوا ليهوا بيت العزاء فاضي والناس دي كلها قاعدة في المشروع
نمشي بيت العزاء نصور لينا صورة صورتين ونديها التلفزيون والجرايد وهم بعد ده يكذبوا
يقولوا قعدنا من اهل الشهيد.. يقولوا قعدنا مع لجنة شباب امدوم..ماهم كذابين زينا
قام المعتمد قليهم دي فكرة تمام ونسوق معانا حسبو عامر...ده مازولنا
بعدين بيت الشهيد جنبهم..لو في حاجة بخارجنا سريع
....
...
...
اها الحصل شنو؟
جو بيت العزاء
3 لاندكروزر
3 بكاسي
نزلوا يشيلوا الفاتحة
اها
اخواتنا وبناتنا الله يديهن الصحة والعافية
قالوا ليهوا فاتحة شنو تكتلو محمد وتقولوا لينا الفاتحة
وقول ياحجار وقول ياكبابي وقول ياكراسي
ناس الامن جرو خلو المعتمد وراهم
والمعتمد ضرب السكلي وجرا لمن كتح عربتو وقال لي السواق لاقيني في كبري المنشية
لكن السواق ماجرا بعداك وخلا حسبو عامر وراهو...
اها حسبو وين؟
قاعدين نفتش فيهو


ردود على احداث ام دوم
Russian Federation [nagatabuzaid] 04-30-2013 04:02 PM
يستاهل اكثر من كده رغم الجراح والالم نسوان امدوم كانن مهذبات وعاقلات كان فى مكان

تانى كان مرق موسم هو وجماعته عليكم الله وكتين تلقوا حسبوا عامر امسكوه ودخلوه قفص لمن نجى نتفرج فيه المابشبه ناس ام دوم ده

Russian Federation [nagatabuzaid] 04-30-2013 03:46 PM
يستاهل يحسبوا لعب ؟؟؟ عليك الله لمن تلقوا حسبوا عامر ابقوا عليه عشرة ارطوه ودخاوه فى

قفص لمن نجى الاجازة نتفرج فيه نحن معاكم اوعكم تتنازلوا


#651645 [العراب]
4.00/5 (3 صوت)

04-30-2013 09:56 AM
والله انا ماعارف لكن شرق النيل ده احسن الكيزان ديل يجرو شخيط خط احمر لان عمق الخرطوم يمتد شرقا منهم وهم قبائل علي قلب رجل واحد والله العظيم اليلا لو قالو يستلمو الخرطوم يستلموها لابوقفم سلاح ولا بعرفو الخوف وهسي احداث امدوم ربنا يكضب الشينه لو لم يحاسب الجناه سيري من لم يري ويعرف طعم شرق النيل وابنائه ديل ناس دواس وحاره ربنا ناصرم لانهم ناس بعرفو الله ورسوله لاظلمو ولاقلعو حق زول ودم الشهيد الطاهر لن يضيع هدرا وستعود الحقوق الي اهلها واي حرامي يعرف مقامو والله اكبر وصدورنا مفتوحه للموت وشهاده باذن الله نشتاق لها ولانامت اعين الغاصبين المحتلين الجبناء وهم يحدثون انفسهم بانهم ملكو الارض واستعبدو الناس من انتم ان عظائم الامور تبداء بصغائرها فالحقو نفسكم ياكيزان وحاكمو الجناه قبل ان تشتعل نار لن يطفيها الا الله


#651471 [جركان فاضى]
0.00/5 (0 صوت)

04-30-2013 07:51 AM
اؤكد لكم يا اهل ام دوم ان دولارات صالح كامل التى دخلت بطن الانقاذ لن تخرج منها ثانية- وان دقشة غير ساهلة من الدولارات مشت للشرطة وان الشرطة مطالبة من النظام بان من قبض الثمن عليه بالعمل-والحل: وقوف اخوات ام دوم مع ام دوم -فرئيس المؤتمر الوطنى فى كل من الجريف شرق والجريف غرب وسوبا شرق وسوبا غرب والعيلفون وام ضوا بان عليهم الانسلاخ فورا من المؤتمر الوطنى وان لارجوع لهم الا بعد تثبيت ارض ام دوم لاهلها


ردود على جركان فاضى
Russian Federation [Dr. Faisal] 04-30-2013 08:41 AM
100 %


#651376 [Ashshafo Khalo]
3.00/5 (1 صوت)

04-30-2013 06:19 AM
ام دوم - ام روابه - ام دلدوم - امات طه

ام دوم قسموها وسرقو لی واطاطا
باعوها الابالسه النجم واباطا
لامتین السکوت یاخی السکوت دا عباطا

ام روابه
معرکه ام روابه فضحت الکیزان
هرولو کالنعام فی الحاره هم فیران
حلقوها الدقون بقوها فی امدرمان

امات طه
نافع ما نفع ولا الحقود ود طه
ودفاع بالنظر دیل لحقوا امات طه
الانقاذ خلاص بس راجیه من یوطاها


ام دلدوم
((ما دامالک السکره الوراها اللوم))
جایینک غصب والله لیکم یوم
الشایل کلاشن والضارب ام دلدوم


#651363 [واحد مسطول]
0.00/5 (0 صوت)

04-30-2013 06:04 AM
النضال لاسقاط النظام مستمر وخائب وبليد وابله من ظن ان الشهب السوداني استسلم لعصابة المؤتمر البطني.. وقريبا سنمسع بتحرير الخرطوم مدينة مدينة مدينة بالتزامن مع تحركات الجبهة الثورية التي تعتزم الدخول للخرطوم.. اها رايكم شتو انها الثورة المحمية بالسلاح والفجر الجديد مقابل المشروع الاحتضاري


ردود على واحد مسطول
Russian Federation [nagatabuzaid] 04-30-2013 04:17 PM
من كلامك يا الماك مسطول نفهم ان العاصمة تتحرر من الداخل وده عين العقل والنحن عايزنه

ونتمنى ان يرجع ابناء السودان شيب وشباب بانتمائاتهم لجميع انحاء السودان ليسهموا ويشاركوا معكم فى بناء الدولة السودانية فى عهد ما بعد الانقاذ بعد ذلك ان متنا نكون مرتاحين ومطمئنين على الاجيال القادمة لها الله

Russian Federation [Dr. Faisal] 04-30-2013 08:42 AM
دا ما كلام زول مسطول.. بل عاقل جداً إذا سار بهذا النحو



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة