الأخبار
أخبار إقليمية
في مشهد بطولي نادر : سوداني ينقذ سائق حافلة من الغرق بحائل السعودية
في مشهد بطولي نادر : سوداني ينقذ سائق حافلة من الغرق بحائل السعودية


شاهد الفيديو
04-30-2013 06:58 AM
في مشهد بطولي فريد قام أحد الأفراد من الجنسية السودانية بتعريض حياته للخطر بعد ان قذف بنفسه داخل مجرى السيل لإنقاذ سائق حافلة من أحد الجنسيات الأسيوية بعد ان علقت حافلته في مجرى السيل . وكما تروي تفاصيل المشهد الذي قام بتصويره أحد الهواة على ضفاف أحد أودية حائل والتي شهدت امطار غزيرة , أن سائق حافلة اسيوي علقت حافلته في مجرى الوادي الذي شهد سيول قوية قامت بجرف السائق لترميه وسط المياه العاتية , ولم يتمالك رجل من الجالية السودانية المشهد الذي أمامه حتى قذف بنفسه داخل السيل في محاولة لا يعلم نهايتها . ولكن إصراره لإنقاذ السائق جعلته يتحدى كل الظروف رغم خطورتها . وبعد برهة من الزمن استطاع إنقاذ السائق وسحبه الى ضفاف الوادي وقد انهكه التعب تماما . وقد لقي شكرا عميقا من المتواجدين وأثنوا عليه ودعو له بالخير . وقد علق رواد الموقع العالمي اليوتيوب على ما شاهدوه بقولهم ان هذا موقف إنساني عظيم وأنه يجب ان يكرم لما شاهدوه من موقف بطولي نادر .
وكالات

http://www.youtube.com/watch?v=fNE4w...layer_embedded


تعليقات 39 | إهداء 0 | زيارات 27913

التعليقات
#653227 [بشاشا]
0.00/5 (0 صوت)

05-01-2013 08:37 PM
[سعودي اعرابي] تحياتي ومرحب بيك في ديارنا كضيف:

ثقافتنا الذنجية هي اصل كل الثقافات الاخري، باعتبار اصل الحضارة ذنجي اي سودان وهذه حقائق تاريخ، تم حسمها سلفا.

اذن المزيج هو ثقافتك انت كاعرابي، بدليل ان والدتك اي زوجة اسماعيل، وجدتك ايضا، والدة اسماعيل، كانتا سودانيتان عرقا وثقافة!

اذن وجود الثقافة العربية في السودان الحالي، انما هو تعبير وانعكاس لحالة استلاب ثقافي، نتج عن قرون الاستعمار والامبريالية الثقافية العربية لابناء السوداء من امثالنا كما اطلق علينا ذاك الاعرابي او "الصحابي" في خطاب الثقافة العربية، المدعو اباذر!

طبعا ليس عيب ان تاخذ من ثقافة اخري، بل هذا ضروري بل حتمي، ولكن بشرط ان تكون واع بذاتك الثقافية في المقام الاول، ومنطلق من معطي ارضية مرجعيتك الثقافية، والا وكماهو حادث في جمهورية السودان المعلنة بحد السيف عربية، بدون شرط الوعي بالذات، فالاستلاف يتحول الي استلاب كامل، يجعل من المستلب انسان فاقد للوعي بالهوية اي الذات الثقافية، لدرجة انتهت في حالة السودان بجعل ابن غرب السودان او جنوبه او شرقه، غريب في عيون ابن الشمال، الذي يتوهم الاعراب كاهل وعشيرة له، يا للماساة بحق!

ليه؟

لانو مغيب الوعي ويعايش حالة غيبوبة للاسف الشديد، نجمت عن فقدانه للذاكرة الثقافية، كنتيجة لقرون العبودية، استغلها خصومه واعدائه التاريخيين، استغلال بشع، بجعله اداة، تبطش بالوكالة باهله، وكنتيجة ابن الشمال اباد 8,000,000 من اهله، وشرد قرابة ال10,000,000 في الجنوب والغرب، بل حتي اقصي الشمال في حلفا علي مدي نصف القرن الماضي!

اذن لامانع من الاستلاف من ثقافة الاخر، كما استلف العرب منا الكثير من جوانب ثقافتم، وعلي راس القيم اللتي استلفتها الثقافة العربية، من الثقافة السودانية، مفهوم التوحيد ذات نفسه، كمثال صغير جدا!

نعم هاجر ارضعت ابنها اسماعيل الكثير من جوانب ثقافتها هي، الذنجية، وهاجر لم امراة عادية بالمناسبة! حينها قومها كانو يشهدون ان اله الا امون! نعم كانو كمتصوفة يصومون 30 يوم في السنة، وكانو يصلون 7 اوقات في اليوم، بدلا عن ال5 الحالية، بل يقيمون صلاة الليل، المعروفة لدينا اليوم في السودان، وكانو يحجون ايضا!

اذن نعم للاستلاف الثقافي، السلمي، الاهلي، وبمحض الاختيار، طبقا للحوجة، ولكن لا ثم الف لا للاستلاب الثقافي، الناجم عن الغزو والاحتلال الامبريالي، كما فعل المرتد ابن ابي السرح!


#653190 [الدكتور]
0.00/5 (0 صوت)

05-01-2013 06:52 PM
لاحول ولا قوة الا بالله هل تظنون ان الاخ الكريم ابراهيم الحوت فعل مافعل من أجل أن تشكروه ؟؟؟؟ يا أخوان انا أعرف الاخ ابراهيم منذ أيام الجامعة ( جامعة جوبا كلية الاقتصاد ) رجل سودانى جد جد شهم و خلوق ... ربنا يجزيه خير و يجعله فخر لكل سودانى فى بلاد المهجر .....


#652774 [الدومابي]
0.00/5 (0 صوت)

05-01-2013 12:13 PM
تمساح جزائر الكرت الله اكبر راجل ود رجال.


#652747 [um ahmed]
0.00/5 (0 صوت)

05-01-2013 11:45 AM
اخى الكريم 00 امين حسن 00 والله كلامك اسرنى للغايه وهذه هى شيمة المسلم الحق التى نريدها ان يتدارك الانسان خطاه سريعا ويعتذر لان الاعتذار من الشيم الجميله وكذلك يصير درس للجميع ان لايستعجلوا فى الحكم وان لايطلقوا الاحكام جزافا لان ربما كلمه ترمى بها اخيك ولا تلقى لها بالا تهوى بك فى نار جهنم سبعين خريفا كم قال الحبيب المصطفى صلوات ربى وسلامه عليه .اخى اسال الله الله لك صادقه ان يغفر لك ما قلته فى حق هذا الرجل الشهم الذى رفع راسنا عاليا وان شاء الله سيغفر لك الله وسينظر لك بعين الرحمه لانك انسان بضمير يخاف الله فى كل ما يرتكب فى خطا فى حق انسان وكذلك اخوانى الراكوباب الذين ردوا عليك انا متاكده سيسامحونك وربنا يهدى الجميع


#652508 [أمين حسين]
0.00/5 (0 صوت)

05-01-2013 09:08 AM
أنا لو وزير الداخلية السعودية فورا أعينه في الدفاع المدني .


#652481 [أمين حسين]
5.00/5 (1 صوت)

05-01-2013 08:54 AM
بسم الله الرحمن الرحيم

قال الله سبحانه وتعالي في محكم تنزيله ( { يأيها الذين آمنوا اجتنبوا كثيرا من الظن إن بعض الظن إثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه واتقوا الله إن الله تواب رحيم }
أحبائي وأخواني الكرام لقد أنتابني شئ من الزلل في حق أخونا الشهم الحوت ومن كان معه علي أرض الواقع ,اتمني لو اقابله وجها لوجه واعانقة ومن كان معه في هذا المشهد البطولي واقول لهم لقد شككت في تصويركم لهذا المشهد البطولي وارجو منكم العفو والصفح لوجه الله حتي لااقف بين يدي الله وانا محمل بالاوزار من سوء ظن وشكوك وانا في غني عنها ، لقد كنت مستعجلا في أرآئي . فأرجو من أخواني الذين علقوا او ردوا علي كلامي أن يسامحونني علي هذا التعليق المشين من شكوك في حق هذا الرجل الشهم . لقد أوقفتني الصورة التي كانت جليه وواضحه في خطوط القميص الذي كان يلبسه اخونا الفاضل / ابرهيم الحوت .
فأرجو ياأخواني أن تقبلوا أعتذاري وإسترحامي هذا لعل الله جل وعلا أن ينظر الي بعين الرحمة ويغفر زلاتي ويرحمني .
أخوكم / أمين حسين
[email protected]
السودان
الخرطوم


ردود على أمين حسين
Russian Federation [Jedo] 05-01-2013 12:40 PM
من الرجولة ان يعترف المرء بخطأ ويعتذر هذه صفه لا يفعلها الا الكبار "مش في السن" الكبار في المكانه والاخلاق

Russian Federation [العوض] 05-01-2013 09:50 AM
مافي مشكلة اخوي امين اكيد حايسامحك الحوت لانو زول اصيل ومعروف عن ابناء بلادي انا كتبت امس كلام كتير عن تعليقك لكن لم يظهر المهم كلنا ما نستعجل في الحكم علي الناس من اول نظرة وتاني مافي مشكلة اخوك دائما وابدا العوض ود ابو العوض ود بت ام العوض


#652301 [بشاشا]
0.00/5 (0 صوت)

05-01-2013 05:03 AM
[انصرافي] تحياتي،

مشكور علي سؤالك عنا. حاليا انا واقف عن الكتابة لظروف المشغولية.

معزتي.


#652265 [زول]
0.00/5 (0 صوت)

05-01-2013 02:11 AM
صورة توضح لمن شكك بالمقطع :


http://im40.gulfup.com/nB7fC.png


#652237 [عبداللطيف كورى]
0.00/5 (0 صوت)

05-01-2013 12:24 AM
هذة الرجل سودانى اصيل ما فى شك . واكيد اكيد بديرى دهمشى . لانو البديرية رجال ماغر........ واللبيب بالاشارة يفهم ..


ردود على عبداللطيف كورى
Russian Federation [العوض] 05-01-2013 10:10 AM
والله انت رايق ياكوري الناس تكتب وتشكر في الراجل علي انو انسان من السودان لا قالوا بديري ولا قالوا جعلي ولا شايقي والله ونحن ما رجعنا لي وراء الا الكلام المسيخ وما ليهو طعم انا عارف في ناس بتحاول تغرد خارج السرب عشان الناس تكتب ضدها تعليقات


#652193 [اللورد]
0.00/5 (0 صوت)

04-30-2013 11:03 PM
ياجماعة دي كاميرا جوال الرسلسوشن بتاعها معروف ..من سابع المستحيلات تجيب خطوط القميس من المسافة ديك .. طيب الراجل يورني الأسيوي ده ما منيلتو مخططة ليه ما ظهرت .. كاميرات التلفزة هي عدساتها كبيرة تسطيع جلب التقاسيم من منطقة بيعدة ... بالمناسبة كاميرة ناشيوال جوقرافيك غير .. تجيب شنب الفار من بعد 300متر


ردود على اللورد
Russian Federation [Jedo] 05-01-2013 12:42 PM
ههههههه والله عندنا كترت شنبات دايرين نجيبها من 300 متر زي الفار


#652161 [هندوية]
3.00/5 (1 صوت)

04-30-2013 09:57 PM
تحياتي للبطل و ليموت الحاقدين بغيظهم
ايوي يو يو يو
أبشر يا مقنع الكشافات


#652121 [ibra]
4.00/5 (1 صوت)

04-30-2013 08:47 PM
he is a real sudanese and a real hero


#652047 [بشاشا]
5.00/5 (1 صوت)

04-30-2013 06:39 PM
يا حليلكم يا سودانيين!

حالتكم حقيقة تحنن حد البكا!

ليه؟

لانكم لاتعلمون قدر انفسكم للاسف.

لذا اجدادكم ومنذ الاف السنين كتبو علي جدران معابدم "اعرف نفسك"، لحكمة علموها هم، حينها، الان تتجلي!

شئ مؤلم انسان بكل هذا الارث الحضاري، يتعري من اصلو الاسود، ويتبرا من اهلو، بل يبيدم بالوكالة، ويتبني هوية غزاته ومستعبديه، انطلاقا من انهم افضل منه، واكثر تفوق!

الاعجب العربي ذات نفسو، هو من اجبره نموذج سلوكك كابن سوداء، للنظر اليك، كمثال يحتذي، قياسا بما لديه، ومابين يديه، من ثقافة عربية، ظننتها انت يا ابن السوداء مثال يحتذي، مقارنة بما بين يديك!

نعم بينما اكتفي العرب بالفرجة علي انسان يصارع الموت، هذا السوداني علي العكس رفض هذا، وغامر بي حياتو لانقاذ حياة غريب لايمت له بصلة، بخلاف صلة الادمية!

قد يبدو كل هذا علي السطح سلوك شخصي، ولكن وتيرة التراكم التاريخي لهكذا سلوك، تحدثنا عن مرجعية حضارية بعينها محددة حاكمة لسلوك هذا الفرد او تلك المجموعة في الزمان والمكان المحددين.

اذن واقع فقدان الهوية الذي نجم عن فقدنا لبطولة دوري الحضارات، هو الذي دفع بنا، لاحتقار مابين ايدينا من قيم وموروث حضاري، والتطلع الي قيم ونموذج الاخرين، الفازو بالكاس، باعتباره الافضل، لنفاجأ كل مرة، بشهادتهم، هم، كيف ما بين ايدينا، وتحت ارجلنا من قيم وارث حضاري، هو الافضل، يا للغرابة!

قرات البارحة في الانتباهة، كيف الهجوم علي ام روابة، هجوم علي العقيدة، والهوية!

محرري الانتباهة، هم الاكثر تعبير، الاصدق تجسيد، لطريقة تفكيرنا الحالية، المجسدة لكراهية الذات، والعابدة في ذات الوقت لذوات من استعبدونا، وكنتيجة اصبحنا نري انفسنا بعيونهم هم، لنحتقر انفسنا، كانعكاس لاحتقارهم هم لنا، واذا احترمناها، فهذا ناتج عن احترامهم هم لنا، الذي فرضه عليهم، سلوكنا نحن، كما منشور في اليوتوب!

عبارات التقريظ للسوداني من الاعراب، للاسف الشديد، هو المحرك الاساسي لمثل هذا الاعتداد الخجول بالذات السوداء، اقصد الذات الذنجية اي الغير عربية!

قطع شك، حشر مفردة ذنجية، هنا، ضرس سنون، وعي عصر الانتباهة!

يا حليلكم يا سودانيين!


ردود على بشاشا
Russian Federation [رشيد] 05-01-2013 07:35 PM
إلي كمال عوض عثمان صالح بشاشة,,,
السلام عليكم و رحمة الله و بركاته,
لم أقابلك منذ أربعين سنة. لقد تفرقت بنا دروب الحياة, منذ عودتك إلي القولد, حيث درست المرحلة الوسطي. عساك بخير و عافية.
أرجو أن تتصل بي علي بريدي الإليكتروني [email protected]
و لك الود
إبن عمك

Russian Federation [سعودي اعرابي] 05-01-2013 01:14 PM
لو سمحت لي أخي .. ربما ما يميز السودانيين عن عادات العرق الاسود في الدول الافريقية .. هو المزيج بين ثقافة الجزيرة العربية و ثقافتهم الاصلية فنشؤا بين هذا وذاك .. وليس عيبا اخي ان تأخذ من ثقافة اخرى ان كانت مناسبة لك ولدينك .. فنحن وبكل صراحة لا نثق بالعرق الأسود حتى من حاملي الجنسية السعودية(وهذا ليس انتقاصا ولا عنصرية .. بل هي أزمة ثقة) .. الا السودانييين فهم كما اسلفت في تعليقي .. لهم تعامل خاص .. وقديما كان المحاسب في السعودية يجب ان يكون سودانيا .. لأنهم ذوو خلق وأمانة .. دمت والسودان بود

Russian Federation [انصرافي] 05-01-2013 12:42 AM
بشاشا.؟؟؟؟؟
لاحولااااااااا.....
ياخ حرم من فارقت سودانيز اون لاين نحن فارقناها...
بالله ورينا بتكتب وين لانو سودانيز اون لاين بقت ونسة ساااااي...
ياخ عليك الله ورينا دربك وين..؟؟؟


#651991 [احمد ابونصر الشمالي]
5.00/5 (1 صوت)

04-30-2013 05:06 PM
الزول دا لما نزل للانقاذ كان قميصه ابيض بقدرة قادر لون القميص اتغير .. على كلاً برضو لو مخالف القانون الجديد بتاعهم ح تسفر


ردود على احمد ابونصر الشمالي
Russian Federation [محمد صلاح] 05-02-2013 08:06 AM
المشهد حقيقى وفى منطقة حائل التى اعمل بها والعامل يعمل تحت ادارتى
وابراهيم ايضا اعرفه حق المعرفه

Russian Federation [اللورد] 04-30-2013 10:59 PM
يا طيب دي كراميرة جوال لا تستطيع من تلك المسافة ان تبين الخطوط ... ما كاميرة ناشنوال جوقرافيك ياخي


#651959 [سارا]
5.00/5 (2 صوت)

04-30-2013 04:28 PM
ربنا يحفظك ويغطي عليك .. ويحفظ ليك أسرتك ..


#651876 [ابومحمد]
5.00/5 (1 صوت)

04-30-2013 02:29 PM
نحن اساد شهامة والكرم جندوا


#651836 [تمساح الكدرو]
4.50/5 (4 صوت)

04-30-2013 01:59 PM
الحوت فعلا أسم علي مسمي .. جزاك عند الله خيرا كثيرا ... ولا تعبأ بما يقول السفهاء


#651816 [بطل يازول يا شهم]
3.00/5 (3 صوت)

04-30-2013 01:39 PM
#651571 [أمين حسين] صاحب التعليق

اتق الله يارجل
المنظر امامك لاتبديل للقمصان ولا اشارة


#651749 [نوارة]
2.50/5 (3 صوت)

04-30-2013 12:40 PM
كذا دائما نحن السودانيين تفاني وخدمة لغير واغاثة ومساعدة ايين من كان الحمد لله الجعلنا سودانين وصدقة يابو الرجالة ان السودانيين من افضل شعوب الارض


#651703 [ابو شهد]
4.63/5 (5 صوت)

04-30-2013 12:00 PM
الرجال ما طالب شكر من احد ولا العملو دا عشان يتكرم
انما هي لله هي لله


#651634 [um ahmed]
4.75/5 (4 صوت)

04-30-2013 10:45 AM
اشكرك جزيل الشكر اخى الكريم 00 سعودى اعرابى 00 والله ما قلت الا الحق هؤلاء هم اهلى السودانيين وهذه عاداتهم التى رضعوها وتربوا عليها من اباءهم الشهامه والمروءه واغاثة الملهوف دون النظر للعواقب ودون مقابل .ونشكركم اخوتنا السعوديين لحبكم لنا ونشكركم ايضا لاستضافتكم لنا واحترامكم وتقديركم لنا دون بقية الجاليات وربنا يجزيكم عنا كل خير . اخى اردت ان ارد بعض جمايلكم علينا بالشكر لكم لان من لايشكر الناس لايشكر الله ودمتم اخى


#651600 [ابو رجالة]
4.97/5 (6 صوت)

04-30-2013 10:21 AM
والله عمري ما شكيت في شهامة ورجالة أي سوداني. وبحمد الله أولا على إني مسلم وثانيا على إني سوداني وهذان أعظم شرف. وصدق عمر البشير وهو كذوب عندما قال : ( السودانيين أفضل شعوب الأرض )
فأقول لأخوى الشهم جزاك الله خير. أما من يتحدثون عن المكافآت فهؤلاء لا يعرفون معني الشهامة والمرؤة هل تعتقدون عندما رمي هذا الرجل بنفسة وعرضها للهلاك كان يفكر في مكافأة أو جائزة ؟ أرجوكم لا تقتلوا المرؤة والنخوة بالمقابل المادي.


ردود على ابو رجالة
Russian Federation [عبدالله يوسف صديق] 04-30-2013 05:56 PM
شينة منك تذكر رئيسك بهكذا ألفاظ ، كن مسلم فقط وحسن لفظك

Russian Federation [ظلال النخيل] 04-30-2013 11:22 AM
في داعي لذكر عمر البشير والله شوهت تعليقك

Russian Federation [الفاتح محمد احمد] 04-30-2013 11:07 AM
يابو رجالة الرجل قام بجهد مقدر وربي يعطية العافية بس كمان لازم يكرم ما كثير من الناس


قاموا بمثل هذة وتم تكريمهم من القيادة السعودية ان كان رجل امن او مواطن بسيط ضربوا

مثلا بالشهامة وهذا الانسان قام بموقف بطولي في السعودية وانقذ انسان في النهاية ان كان

هندي او باكستاني او بنغالي فهو في النهاية انسان لة الحق في الحياة وربي كمان ساعدة

لذلك القيادة السعودية لن تمر علي الحدث مرور الكرام اكيد سيكرم هذا الانسان عاجلا ام

اجلا هذا حق الدنيا والشهامة والمرؤة اما حق الله لن نتكلم عنة ...............

لذلك ارجو ان لا تنقص حق الرجال ونحن نناشد وندعوا ان يتم تكريمة التكريم الائق لما

قام بة من عمل بطولي وربي يساعدة ان يري احدي المسئولين الشريط ليتم تكريمة التكريم

الذي يستحقة ويحزو حزوة كل الناس لن اعمال الخير موجودة ولكل انسان ما نوي ززززز

لذلك لا تقول هذا الكلام نحن نتاشد ان يكرم ؟؟؟؟؟؟؟ التكريم الذي يستحقة ؟؟؟؟؟


#651582 [الشاعر]
4.75/5 (15 صوت)

04-30-2013 10:08 AM
جزاك عند الله بس لكن لو الهندى فى محلك كان سابك شبعت موت


ردود على الشاعر
Russian Federation [nagatabuzaid] 04-30-2013 03:56 PM
معليش ده الهندى لكن السودانى لا تعليقك ده ما ليه لزوم واحتمال انت لوشاهدته سودانى ما كنت حتنقذه طالما دى نفسياتك فى بعض الناس ياريت ما يعلقوا

Russian Federation [ود الجزيرة الخضراء] 04-30-2013 03:54 PM
صدقت والله الهندي السيارة مابلزها معاك عادي عندهم . بس نحنا اصليين رغم الحاقدين وعندي خاله لي دائما تقول ( اريد الله المو سر زول ) اي ليس له اقرباء ليكون سرا لهم . وهذا توحيد بالدارجي السوداني يعني احبه واحدا احدا ليس له اهل ولا ابناء ولا اقرباء فسبحان الله الواحد الفرد الصمد .

Russian Federation [أبو عمر] 04-30-2013 12:17 PM
صدقت والله ،ياخى ديل كان سألتهم من محل جنبه ما يكلف نفسه يوصفه ، مافى معلوم فى طرف لسانه بس نقول هو يحتسب أجره عند الله ونسال الله يقيه شر المصائب والطبع غلاب يا جماعة نحن كدة

Russian Federation [غربة] 04-30-2013 11:16 AM
السودانى الأصيل بيعمل بأصله ومابيهموا اصل الغير وده لأنه بكل بساطة سودانى:

بلادي امان بلادي حنان وناسا حُنان

يكفكفوا دمعة المفجوع

يبدو الغير علي زاتم

يقسموا اللقمة بيناتم

يدو الزاد حتى ان كان مصيرم جوع

يحبوا الدار يموتو عشان حقوق الجار

يخوضو النار عشان فد دمعة

كيف الحال لو شافوها سايلة دموع

ديل اهلي ديل اهلي

ديل اهلي البقيف في الدارة وسط الدارة واتنبر واقول للدنيا ديل اهلي

عرب ممزوجة بي دم الزنوج الحارة ديل اهلي

ديل قبيلتي لمّن أدور أفصل للبدور فصلي

اصحاب روحي والاحساس وسافر في بحار شوقم زمان عقلي

اقول بعضي الاقيهم تسربو في مسارب الروح بقو كلي

محل قبلت القاهم معاي معاي زي ضلي

لو ما جيت من زي ديل كان اسفاي وا ماساتي وا زّلي

تصور كيف يكون الحال لو ماكنت سوداني

واهل الحارة ما أهلي


#651578 [مهمش]
0.00/5 (0 صوت)

04-30-2013 10:06 AM
هم السودانين وهية اخلاخهم


ردود على مهمش
Russian Federation [سوداني] 05-01-2013 08:04 AM
ياأنا ليه ماتحسن الظن في مهمش ، قد يكون فقط خطأ في الضغط علي الكي بورد .

Russian Federation [أنا] 04-30-2013 11:04 AM
سااااااااااااااااااااااقط عربي ، وعلامتك صفر من مئة
(هؤلاء السودانيين وهي أخلاقهم ) كان ما بتعرفوا تكتبوا اقروا بس وكان القراءة كمان في مشكلة يبقى العوض على الله


#651571 [أمين حسين]
2.15/5 (7 صوت)

04-30-2013 10:02 AM
أنا اشك في هذا المقطع يكون مشهد تمثيلي ويتلخص في الأتي :

1- اذا كان هذا المشهد حقيقي كان بأمكان الهندي الانتظار في الحافلة ولايعرض نفسه للخطر .
2- أنتظار الهندي لاشارة المصور كي يقفز .
3- لاحظ الهندي يقفز كانه في حوض سباحة وهذا يدل علي تمثيل.
4- كان بأمكان الهندي الانتظار قرب الحافلة ولايسير تجاه السيل الجارف ويقفز مره اخري .
5- هذا المشهد به كاميرتان وهذا يدل علي تجهيز لهذا المقطع .
6- والشئ المحيرني دخول السوداني بقميص أبيض وخروجه بقميص مخطط
7- بعد الانقاذ يظهر الهندي بقميص غير مبلل .
8- خروج السوداني من السيل من غير وجود أثار للطين علي ملايسه .


ردود على أمين حسين
Russian Federation [khalid] 05-01-2013 11:26 AM
حمار كلب

Russian Federation [محمد صلاح] 05-01-2013 11:16 AM
يا جماعة الخير العامل الهندى يعمل فى نفس الشركه وانا ادارى عليه
المقطع حدث امام عينى وهو ليست بتمثيل

والسيول انا شاهد عليها

ويمكننى ان اتيكم برقم جوال وعنوان الشخص الذى تم انقاذه
وصورة اقامته

وايضا ابراهيم البطل

حق المعرفه

Russian Federation [مواطن حر] 04-30-2013 06:50 PM
عفارم عليك ... تعال بكره استلم ألجائزه.

ياجماعه روقوا ألزول ده مرقكم من أم روابه.

Russian Federation [أبو عمر] 04-30-2013 06:15 PM
ظاهر عليك مصرى خسيس وحاقد ، النقطة رقم 6 بتقول السودانى ، واضح إنك ما سودانى وكراهيتكم للسودانيين ما عايزين تسمعوا أى أنجاز ولا شكر ليهم ، شوف كمية الحقد 8 نقاط تفسير معفن

Russian Federation [nagatabuzaid] 04-30-2013 04:03 PM
بالله عليك اخرس احسن تتكتم وتحشر فى خشمك سفة صعوط ليه بقلل من اعمال الناس ونخوتهم

انت بتفهم اكثر ممن شاهدوا الفيديو ؟؟ بعض الناس مرضانين نفسيا مابحبوا نجاحات غيرهم شفاك الله

Russian Federation [ود الجزيرة الخضراء] 04-30-2013 03:57 PM
انت مع الاسف بليد واحمق وحاسد الله يشفيك .

Russian Federation [ننو] 04-30-2013 03:04 PM
القميص ابيض مخطط وماء السيل حولو للون ده

Russian Federation [غريب الديار] 04-30-2013 01:05 PM
الأخ ابو عرام المخرج؟ خلااااااااص مركز دوت كوم فاهم دوت نت؟ انت انسان عميان بصر وبصيره...هسه خليت الكلام دا كلوا وركزته على تفاصيلك الفبية دى؟ اشارة وكاميراة تانية وفيلم هندى؟ ياخى الله يسألك فى بنى آدم عاقل ومتغرب يجازف ويرمى نفسه فى سيل بالشكل دا عشان يتصور؟ وبعدين هى كاميرة موبايل... دى اسمها نخوة وشهامة انت شكلك بعيد عنها...كلام دا بذكرنى دفع الله وعلاقة لعب البنات بى ضربة ام روابة

Russian Federation [دجانقو] 04-30-2013 01:01 PM
المووووووووووووحققققق كووووووووونن
ياااااااااااااااااكونن كونن كونن - المحوحقق كونن

Russian Federation [سودان العز] 04-30-2013 01:01 PM
امين حسين يا مصري يا خسيس عايز تشكك في شهامة الرجل وانت معبق نفس التعليق ده في موقع اليوتيوب ، الله يهديك الله يشقيك

Russian Federation [المتغرب الأبـدي] 04-30-2013 12:49 PM
يا سلام على مخك التخين دا !!
ولماذا يعطوا دور البطولة للسوداني مع وجود آخرين غيره كلهم يرغب في أداء هذا الدور التمثيلي في نظرك ؟؟؟

Russian Federation [ود الفاضل] 04-30-2013 12:29 PM
الأخ أمين.

بنيت تعليقك بناءاً على شكوك غير حقيقية وتشكيك في نزاهة الموضوع وشجاعة الرجل السوداني مما لايفهمه إلا ذوي الدماء الحمراء من امثال هذا البطل والذي قل ماتجده في أوقات الحارة وسأعقب على ماكتبت بالتفصيل :-
1. المشهد حقيقي وصور من أبناء المنطقة أنفسهم وهذا ليس بموقع مسرحي أو هزلي بل هو نتاج السيول الجارفة في مدينة حائل والهندي لم يخطيء عندما حاول الهرب وإنقاذ نفسه من براثن السيول والتي كانت عاجلاً أم آجلاً ستقلب حافلته رأساً على عقب مما يضائل من فرص نجاته .
2. إستخرج من الفيديو إشارة المصور له للبدء بالقفز (علماً بان الفيديو غير مصور بتقنية خماسية الأبعاد لكي نتمكن من رؤية ماخلف كاميرا المصور)
3. قفزة الهندي الأخيرة كانت في منزلق لو تمت ملاحظته من قبلك لعرفت السبب وخوفه من التزحلق وسقوطه وخوفه من جرف المياه فآثر على وجه السرعة أن يسبح مع التيار وهذا لعمري قرار صائب لايفقهه إلا من تعلم العوم صغيراً.
4. زاوية التصوير ونوعية التصوير على مايبدو من هاتف محمول لاتنقل الصورة كاملة كما ينبغي للحكم من جانبك ومن الإستنتاج بعد رؤية المشهد مراراً وتكراراً تبين بأنه أحسس بوجود سيول او تدفقات مائية اكبر كانت باتجاهها إليه مما يعني ضرورة الإسراع في مغادرة الحافلة.
5. لو تابعت شرح الفيديو الأصلي بموقع اليوتيوب لوجدت بأن ناشر الفيديو ذكر بأن هذا الفيديو نتاج جمع مقطعين ودمجهما مع بعض لإيصال الصورة كاملة وليس اجتهاداً عبقرياً من سعادتكم.
6. يمكنك الرجوع للفيديو والتأكد من قميصه المخطط قبل وبعد عملية الإنقاذ.
7. الهندي يلبس فانلة تي شيرت ولو ركزت في الصورة فستجدها ملتصقة بجسمه من شدة البللز
8. إختلط عليك الأمر ياهذا فملابسهم جميعاً من الألوان الداكنة تقريباً والتي يستحيل معها عملياً رؤية الطين وخصوصاً بأن هذه سيول جارية وليست فيضانات نيلية .

عموماً ، لم يحالفك الحظ للتثبيط من عزيمة هذا البطل المغوار فهو أقدم على عمل بطولي رجولي بحت حيث لبى نداء الواجب وشرفنا أيما تشريف وهو خير سفير لنا في بلاد الغربة وأتمنى ان تتدارس هذا الأمر وتستنبط منه عزيمة الرجال وتفخر إن كنت سوداني بهذا الرجل الإنساني وإن كنت اشك في سودانيتك اصلاً
والسلام ختام واعتذر عن الإطالة وفي الإطالة الإفادة

Russian Federation [الكعوك] 04-30-2013 12:13 PM
يمكن الخطوط في القميص المرق بيهو من أثر الطين !!

Russian Federation [ابورسونة] 04-30-2013 12:03 PM
اوافقك الراى

Russian Federation [The Observer] 04-30-2013 11:22 AM
Most of your observations are correct. I congratulate you on your cute eye for detail. But it would also be interesting to think, if one submits that it is fraudulent.. why have those who did it actually done in the first place?? ttt

Russian Federation [ابو سمير] 04-30-2013 11:18 AM
كلامك سليم

Russian Federation [الفاتح محمد احمد] 04-30-2013 11:10 AM
يا امين اري انك غير امين لا تبخس الناس قول خيرا او اصمت ؟؟؟؟؟؟؟؟؟؟؟؟؟

والله انت رجل تنقص حق البشر اما انت رجل حاسد او حاقد او ناقص عقل ودين ؟؟؟؟

Russian Federation [الجعفري] 04-30-2013 10:38 AM
ياخ قول مشهد تمثيلي انت واجعك وين عالم ماعندها غير النقد


#651568 [موسى محمد]
2.75/5 (3 صوت)

04-30-2013 10:00 AM
إنشاء الملك عبد الله يكون شاف مقطع الفيديو عشان يمدد لصاحبنا السوداني الإقامة شوية، وممكن يلحقه بالدفاع المدني فت مرة عشان يستفيد البلد كلو من خدماته.


ردود على موسى محمد
Russian Federation [الفاتح محمد احمد] 04-30-2013 11:16 AM
دي ما بتحصل ولا في الاحلام الرجل عمل عمل بطولي ويستحق التكريم وانشاء الله يكرم

عاجلا ام اجلا انت والما امين اراكم تعبون حق الرجل الرجل عمل عمل بطولي وعرض

حياتة للخطر ليس من اجل الاقامة ولا الدفاع المدني ولا الشرطة الشعبية الرجل عمل

عمل بطولي وانقذ حيات انسان لابد ان يكرم التكريم الذي يستحقة وليس المستحيل

وان ارادوا ان يعطوة الجنسية السعودية فهو يستاهل وانتم زعلانين لية انشاء

بكرة يكرم وانتم تموتون حقدا وكدرا وحاسدا والي الامام الي الامام نناشد ونؤكد

وندعوا ونناشد مرة اخري والزعلان يرمي نفسة في السيل ولا احدا سيضحي من اجلة


#651558 [ابو الليل]
0.00/5 (0 صوت)

04-30-2013 09:50 AM
والله لقدابكانى الذى شاهدتة اشهد انك راجل من ظهر راجل لك التحية والاحترام ويجزيك ربى الف خير


#651525 [ابوكلام]
1.00/5 (1 صوت)

04-30-2013 09:28 AM
راجل تمام ...لو جاني حفيان انا بعرس ليه من داري ..ولو هو أداني انا جاهز


ردود على ابوكلام
Russian Federation [ميرغني احمد] 04-30-2013 10:35 AM
انت يا ابو كلام متحيل ساي وعايز تعرس - تعال انا بديك


#651523 [سعودي اعرابي]
5.00/5 (3 صوت)

04-30-2013 09:25 AM
المروؤة ليست غريبة وليست نادرة في السودان عزيزي محرر الخبر .. فهم أهلها .. ويشهد الله اني احب السودانيين و اعزهم .. فما عهدنا منهم الا كل خير ... فهم لهم تعامل خاص منا نحن السعوديين من مواطنين و رجال امن .. وكم تمنيت استثناء السودانيين من قرار وزارة العمل .. لكن النظام نظام..


ردود على سعودي اعرابي
Russian Federation [الفاتح محمد احمد] 04-30-2013 11:28 AM
نحن كمان نحبكم والله في الدين انتم من فتحتم لنا ابوابكم وعشنا معكم سنين وسنين

ولكن نحن كذلك نقول لك النظام نظام والامر لازم يمشي علي الصغير قبل الكبير وهذة

قوانين بلد لا يسعنا لا ان نعمل بها وكل انسان حر من اراد البقاء فالارض ارض الله

ومن اراد ان يرجع فالسودان موجود ويسع الجميع وكذلك والسودان والسعودية كلها بلاد

العروبة والاسلام وربي يصلح الحال للبلاد والعباد

Russian Federation [عباس] 04-30-2013 10:41 AM
مشكور لمشاعرك الطيبة وانحنا والله داخل السودان فقدنا امثال هاؤلاء الشجعان ونتمنى ان يرجعوا لنا حتى يعيدوا الزمن الجميل .

Russian Federation [خالد] 04-30-2013 10:22 AM
نحن نعزكم ايضاً لكم منا كل تحية أهل الحجاز


#651498 [هشام العبيد]
4.00/5 (3 صوت)

04-30-2013 09:05 AM
اخونا ابراهيم الحوت راجل جد فعلا والله ليس غريب عليك هذا التصرف وجعله الله في ميزان حسناتك


#651463 [kayletoud]
3.00/5 (2 صوت)

04-30-2013 08:46 AM
هذي شيم وأخلاق وصفات الشعب السوداني التضحية والرجولة والأمانه وطيب المعشر والخلق ودماثة الأخلاق وحب الخير للآخر , جعل الله هذه التضحية في موازين حسناتك .

وجزاك الله عنا كل خير .


#651462 [um ahmed]
3.00/5 (2 صوت)

04-30-2013 08:44 AM
يا هم ديل اهلى الانا بقصدهم وبعتز بيهم دائما اهلى السودانيين والله ما شاء الله عليك اخى الكريم بارك الله فيك وجزاك الله الف خير وربنا يجعلو فى ميزان حسناتك حتى ما فكرتا فى العواقب فقط فكرت فى انقاذ سائق الحافله ويا ها دى اوصاف اهلى السودانيين بحق وحقيقه اغاثة الملهوف والشهامه حتى تعليقات الاخوه السعوديين عنك فرحتنى وذكروا محاسن السودانيين عن طريقك ودائما افتخر اننا افضل جاليه فى المملكه وبشهادة الجميع والان اخى اكدت لى كلامى اخى احييك مره اخرى واسال الله ان يديم عليك نعمة الصحه والعافيه يا من ادخلت الفرحه فى قلبى بعد ان بدا البعض فى تشويه صورتنا سر وعين الله ترعاك


#651460 [محمدين]
0.00/5 (0 صوت)

04-30-2013 08:43 AM
دا واحد عوير وبس


ردود على محمدين
Russian Federation [Abu Areej] 04-30-2013 03:29 PM
يا اخوي انت اسمك (محمدين)

Russian Federation [هشام العبيد] 04-30-2013 10:36 AM
عيب عليك الكلام ده

Russian Federation [ذوالفقار] 04-30-2013 09:38 AM
وانت تكون شنو؟

Russian Federation [الفاتح] 04-30-2013 09:31 AM
والله موقف بطولي فذ وشرفت السودان يا بطل وكل اهل السودان وياهو ده السودان وتسلم البطن الجابتك
اما انت يا محمدين خليك بهذا التفكير

Russian Federation [اللكندي] 04-30-2013 09:10 AM
العوير الله عالم بيه ..!!

Russian Federation [جركان فاضى] 04-30-2013 08:55 AM
اتق الله فمن احيا نفسا كانما احيا الناس جميعا


#651451 [مصطفى كونج]
1.75/5 (3 صوت)

04-30-2013 08:36 AM
بلاي دا زول يحكمه عمر البشير !!!
شفت الرجالة كيف يا ابو ريالة ونافع وبقية الطغمة الفاسدة
ديل اهل السودان .


#651445 [جركان فاضى]
5.00/5 (4 صوت)

04-30-2013 08:33 AM
مررت على المروءة وهى تبكى فقلت علام تنتحب الفتاة
فقالت كيف لا ابكى واهلى دون خلق الله ماتوا
مازالت المروءة تجرى فى الشعب السودانى بعد ان ماتت فى انحاء كثيرة من العالم - ومازال هناك نفر منا يدهشون العالم بالزود بارواحهم من اجل حياة الاخرين-والتحية لهذا البطل الكبير فمن احيا نفسا فكانما احيا الناس جميعا -انه احيا الناس جميعا


ردود على جركان فاضى
Russian Federation [nagatabuzaid] 04-30-2013 04:11 PM
جركان ده منو القال ليكم فاضى من متابعتى لتعليقاته تاكدت كما قال احد المعلقين انه مليان لمن مدفق ولكن تواضع منه

Russian Federation [غربة] 04-30-2013 11:19 AM
من الليلة اسمك جركان مليان

Russian Federation [الشاعر] 04-30-2013 09:16 AM
ما قلت انك جركان فاضي (ديه انت طلعت مليان ومدفق شويه)


#651416 [ali hassan salouka]
3.00/5 (2 صوت)

04-30-2013 07:59 AM
بمقاييس الاخرة فجزاؤه كبير ان شاء الله تعالى

بمقايييس الدنيا عوير و الاسيوى دا لو لقاك فى النار يزيدك حطب


#651415 [الواقعي]
4.75/5 (4 صوت)

04-30-2013 07:57 AM
سيكرم في حالتين فقط

اذا كان سعودي او الذي انقذه سعودي مش اسيوي

غير كده في المشمش ؟؟؟؟؟؟


ردود على الواقعي
Saudi Arabia [من السعودية] 05-04-2013 09:17 AM
ما اوردته غير صحيح يا اخي الكريم
ودعك من مسألة تكريمه من جهة عليا
صدقني لو رأيته لقبلت رأسه ولـ أصبح اخي
كما كالتآخي الذي كان بين المهاجربن والأنصار
أرادة الشعب السعودي في تكريمه إرادة قوية
لكن ليس كل ما يتمناه المرء يدركه ونحن نتألم لهذا
لأنه رجل غضنفر شجاع يكفي انه كبر في نفوس 25 مليون سعودي
وصدقني في الغالب ليس للشعب كلمة
بقي ان انبه على مسألة الباكستاني الذي
تم تكريمه فرمان خان البطل الشهيد بإذن الله
بوسام الملك عبدالعزيز الدرجة الاولي
وتم التكفل بمصاريف دراسة أبناءه مدى الحياة
اسأل الله ان يحفظ السودان واهله فـ أنهم والله بمنزلة نياط القلب مني .

Russian Federation [مظاليم الشعب] 04-30-2013 11:09 AM
عفارم عليك يابن النيل رفعت راس السودان بين الشعوب عازمك معاي عشوة سمك بي بصل ابيض وليمون احلي من حوش الطايف

Russian Federation [موردة حضارة] 04-30-2013 09:41 AM
احسن يكرمه الله


#651411 [Mohaned]
1.00/5 (1 صوت)

04-30-2013 07:55 AM
جزاك الله خير ....راجل ود رجال ...ما غريبة عليك الشهامة والنخوة يا سوداني يا اصيل ......... افتخر بانك من ابناء بلدي


#651405 [المتغرب الأبـدي]
0.00/5 (0 صوت)

04-30-2013 07:49 AM
المقطع بصورة أوضح



http://www.youtube.com/watch?v=fNE4wIq3Urc&feature=player_embedded



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
8.08/10 (8 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة