الأخبار
أخبار إقليمية
عرمان: عبد العزيز الحلو موجود الان في حي المطار.
عرمان: عبد العزيز الحلو موجود الان في حي المطار.
عرمان: عبد العزيز الحلو موجود الان في حي المطار.


04-30-2013 08:11 PM
لندن – مصطفى سري

سخر الامين العام للحركة الشعبية في شمال السودان ياسر عرمان من الشائعات التي انطلقت اول من امس حول مقتل نائب رئيس الحركة الشعبية عبد العزيز ادم الحلو ، وقال ان اجهزة الاستخبارات والامن السودانية التي يصرف عليها الشعب السوداني في حروبها العبثية ضد المواطنين السودانيين حيث ان اكثر من (70% ) من ميزانيته القومية تصرف على تلك الاجهزة ، واضاف ( ومع ذلك هي اجهزة يائسة ومعزولة ولا يوجد من يحاسبها ) ، وقال ( كيف تحاسب ورب البيت بالدف ضارب ) ، واضاف ان ما حدث في العمليات الاخيرة – في اشارة لدخول الجبهة الثورية مناطق في جنوب وشمال كردفان في الايام القليلة الماضية – قد كشفت الافلاس التام لهذه الاجهزة ، وقال انها اصبحت هي اخر من يعلم بما يدور في قلب الاراضي السودانية من النيل الازرق الى دارفور ومن ام روابة الى الخرطوم ، وتابع ( هم لا يفلحون الا في قتل الابرياء المطالبين بحقوقهم الشجعان في ام دوم ) ، وقال ان هذه الاجهزة وفي يأسها تعتمد على مصادر مضروبة واشاعات مفبركة للحصول على معلومات فشلت في الحصول عليها من الميزانيات الطائلة التي جففت الحليب في ثدي النساء ، واضاف ( وحرمت قطاعات مرتبطة بحياة الشعب السوداني وبحاضره ومستقبله مثل الصحة والتعليم التي تجد اقل من (2% ) من الميزانية السنوية ) ، وقال ( خدمة لهذه الاجهزة الفاشلة ومحاسيبها من ( تمومة الجرتق ) في الوظائف الدستورية العليا ومن اجراء المؤتمر الوطني وبعض الصحفيين التابعين لهذه الاجهزة وبعض المواقع الالكترونية التابعة لهذه الاجهزة نقول لهم اتريدون الاجابة على سؤوالكم وتريدون ان تعرفوا اين عبد العزيز الحلو الان بعض ان اتضح كذب اشاعاتكم ) ، واضاف ( عبد العزيز الحلو في هذه اللحظة يتواجد في حي المطار بين منزل وزير الدفاع والقيادة العامة ) ، وقال ( واذا ما عن اليكم اي سؤوال اخر سنتبرع لكم بالاجابة ) ، وتابع ( لو كان لديكم اي حياء لقدمتم استقالاتكم بعد هذا الفشل الذريع في اداء مهامكم الدستورية التي اقسمتم على اداءها والميزانيات الطائلة التي تؤخذ من اوجاع النساء وبكاء الاطفال ) .


تعليقات 37 | إهداء 0 | زيارات 23602

التعليقات
#653369 [اجزخانة الشعب]
0.00/5 (0 صوت)

05-02-2013 01:11 AM
الحمدلله يا ياسر ما قلته الحلو موجود بحى كافورى , كنتة حتدخلنا فى ازمة رهيبة فى ادوية معالجة الاسهالات


#653288 [موجوع ومفجوع والحمد لله]
0.00/5 (0 صوت)

05-01-2013 10:36 PM
والله الواحد بقى ما فاهم اى حاجه بس لوكنت رئيس بعين الحلو وزير دفاع وابو رياله بديهو بندقيه ونضاره وبقول ليهو امشى المعارضه وبتالى اكون سيطرت على المعارضه وضمنت وزير دفاع حريف


#653128 [MAHMOUDJADEED]
1.85/5 (11 صوت)

05-01-2013 05:26 PM
انت بديت حياتك بقتل ارواح بريئة يا ياسر تعيس ***** .


ردود على MAHMOUDJADEED
Russian Federation [سهر الدجاج] 05-02-2013 12:27 AM
MAHMOUDJeDaaD

Russian Federation [خالد البوشي] 05-01-2013 11:19 PM
يامحمود جديد ياخي استحي على وجهك..والله انت التعاسة بعينها وروح اسال عن الرقم الحقيقي للذين قتلهم النظام الانقاذي على ايدي السفاكين والسفاحين من مافيا الانقاذ والمؤتمر والوطني

Russian Federation [واحد] 05-01-2013 05:53 PM
ايها الكوز التعيس بلل والاقرع عليهما رحمة من الله ورضوان هم طلاب ثانوي الجابهم الجامعه شايلين سيخ شنو؟ لا هم طلاب في الجامعه ولا شئ وبعدين ال ضرب منو ما معروف وما اظنهم كانو جايين بالسيخ للصلاة ولا المذاكره وال بحرض الطلبه علي العنف وحول البلد كلها لساحة حرب هو التظيم الدموي البائس للاخوان المسلمين ال استغل العاطفه الدينيه لشباب يافع وتعصب الكيزان قاد البلاد لحروب ولو كان بلل والاقرع عليهما رحمة من الله ورضوانآ حيين ورأيا ما آلت اليه الامور بعد استلام المتأسلمين للحكم لاستهجنا كما السائحيين ولتظاهرا
رهن امر الامه وامر الحرب والسلام لما حدث من طلاب قبل 5 عامآ او تزيد امر يدل علي طفوله وعدم نضج غير محمود


#653034 [على طه]
4.00/5 (3 صوت)

05-01-2013 04:07 PM
يهللون من اجل موت الحلو....
فان مات الحلو فهناك عقار وعرمان ..وان ماتو هم...فهناك غيرهم..فليعلموا اهل الانقاذ ان الثورجية( الحلو،عقار وعرمان يحملون اكفانهم على ايديهم وذلك من اجل قضية هذا الشعب المقهور..فقد ركلو دولارات المؤتمر الوطنى وحملو السلاح ليس لانهم متمردون ولكنهم معارضون..وقد قالها عرمان قبل التفاوض فى اديس...انهم لا يريدون وظائف وانهم يرفضون الحلول الجزئية..فهم ثوار واحرار لا يفعلون كما فعل المهدى واولاده والميرغنى واولاده و السيسى وسبدرات وغيرهم من الحرامية...فنحن نقاتل من اجل قضية..فلنمت جمعيا وليحيا نساء واطفال السودان من بعدنا..
die for thing but dont live for nothing


ردود على على طه
Russian Federation [مظفر سيد احمد عثمان] 05-01-2013 10:34 PM
لقد صدقت ياعلى طه فى ماقلته ، فهؤلاء الابطال يجملون اكفانهم على رؤوسهم من اجل الشعب السودانى وام يفسدوا ولم ينهبوا موارد البلاد ولم يتاجروا بالدين لذلك فهم يستحقون ان يكونوا ابطالا لهذا الشعب اما الذين يمارسون القمع والقهر والابادة بحق هذا الشعب فسوف يذهبون الى مذبلة التاريخ ، والان فان الجبهة الثورية بقيادة اولئك الابطال الاشاوس يزلزلون الارض تحت اقدام هؤلاء وسوف يقتحمون العاصمة قريبا لانهاء هذا الطاغوت

Russian Federation [طاهر] 05-01-2013 05:25 PM
ركلو دولارات المؤتمر الوطني وفضلوا الشيكل الاسرائيلي


#652891 [مصطفي الكجيك]
5.00/5 (1 صوت)

05-01-2013 01:48 PM
وايش البعيد يجي الخرتوم ماهو جاي ستمئة كيلو متر ودخل أم روابة وهوخرتوم دا زاتو ما جمب ام روابة هو كديس دا لو مسكوه من دنبه موش بقول نيجو -- و تيب !!!!! الحلو دا يمكن يمشي اي مكان -- والماعاجبو ( يزعل )


ردود على مصطفي الكجيك
Russian Federation [عوض جلون] 05-01-2013 03:44 PM
ياود الهرمة تعال الخرطوم عشان نوريك ليو


#652879 [ابو الشيماء]
3.00/5 (1 صوت)

05-01-2013 01:42 PM
مسدار أم روابة : عارفك يا (العوير) ما زول كتالا حرة .. معلوم بالرقيص وفى النضمى زولا عرة

(فيسبوك)

الخبر الاكيد قالوا أمروابة اترشت

غاشيها الغمام ، من الغبينة اتفشت

دخلوها العيال والوالى فز وشتت

والرايقة أم خدود الليلة تب ما انغشت

شافت شوف عيان كيف الرجالة اتمشت

بين وديانها مو كضب الروادى الطشت

****

عارفك يا (العوير) ما زول كتالا حرة

معلوم بالرقيص وفى النضمى زولا عرة

معروف زول نكاح ما زول شهامة وصرة

يا طابق الحريم الضرة فوق الضرة ،،،

قوم من حضنهن لاقى الرجال لى برة

والدوشكى اب هزيز راجيك تعصر الذرة

نحنا جرادقو يا ساتر على ناس برة

****

الليلة العيال دخلوكى يا أمرووابة

دخلوك بالكلاش والدوشكى والدبابة

باسمين الثقور خابرين سماها – ترابا

ما فيهم عميل لا عوقة لا كبكابة

***

اولاد البلد صادقين وصافين نية

لا بينهم حرامى ولا بيعرفوا أزية

حامين للغبش لا مال ولا زرية

ساعين للوطن للعيشة والحرية


#652870 [mansour]
0.00/5 (0 صوت)

05-01-2013 01:33 PM
ياعباس انت قايل ده زي كل الرجال ده لحمو مر وماتقدروا عليهو


#652766 [الحازمي]
3.00/5 (2 صوت)

05-01-2013 12:06 PM
كلكم مانافعين كان حكومة همها الكهربا ولا كلب صهيوني
كلكم جبهات واتجاهات والناس بتموت مافي واحد سوداني ياملقطين وعبدة للقرش والسلطة والجاه
كدي وروني واااااااحد كدا شوداني مأصل همو اهلو وبلدو ماااااااااااف
ناس الجبهة انتو كدي وروني واحدمن الجبهجية في اب كرشولا القتو حررتوها دي
ياخ الكيزان ديل كلهم في الخرطوم ضاربين المكيف


#652737 [أبونديبو]
5.00/5 (1 صوت)

05-01-2013 11:39 AM
في محاولات محمومة من النظام لرصد موقع القائد عبدالعزيز الحلو .....لماذا؟؟؟هل تم الدخول في صفقة
مع الدولة التي قامت بإعتيال دكتور خليل لتكرار نفس السيناريو بتصفية القائد الحلو؟؟؟؟؟؟؟؟
هل وجود عساكر مصريين بالبلد له صلة بتدخل عسكري مصري لحماية الانقاذ؟؟؟؟؟ ؟؟؟؟


#652724 [GREEN VALLY]
5.00/5 (2 صوت)

05-01-2013 11:33 AM
المتداخل (مسلم) يقول عزل وما أدراك ما عزل، يا لذيذ إنت هذه الحكومة الرعناء وبوزيره الأرعن يطلق الرصاص الحي المحرّم دولياً على رؤوس وصدور العزل في الطلبة والطالبات الجامعات وفي كجبار وفي أمري وفي بورتسودان وفي الفاشر وأخيراً في أم دوم الكرامة وأم دوم الشهيد محمد عبد الباقي، كمان تقولي شنو تقولي منو؟؟ أفرز كومك يا (مسلم)...


#652719 [Elrefy]
0.00/5 (0 صوت)

05-01-2013 11:30 AM
ماتخليهو فى القصر ياأبو إسماً شين


#652652 [ابوكسوة المليان]
5.00/5 (1 صوت)

05-01-2013 10:40 AM
المحير في الأمر ان وزير الدفاع اللتخة ده ماعايز يقدم استقالتو ليه ؟؟ وطبعا ناس البشير ديل عايزين ينتهوا من أولاد الناس عشان هم يقعدوا في السلطة.. ومن اغرب الأشياء استضاف تلفزيون السودان قبل أربعة أيام اللواء النباح يونس محمود عن أحداث أم روابة وكان ببقول الجبهة الثورية والمعارضون يريدون إسقاط نظام الإنقاذ لكن هذا النظام مستمر حتي نفخ الصور بالله عليكم ده إنسان عندو إيمان بالله ؟؟!! كلهم بيقولوا إن النظام مستمر ليوم القيامة ... سبحان الله انسي هؤلاء الموت الذي لايتاخر ولايتقدم ؟؟ انسي هؤلاء ان الموت سيلاقيهم ولوكانوا في بروج مشيدة ؟؟؟ ومن غشهم وخداعهم بعد ما ضربتهم الجبهة الثورية قالوا عايزين يفتحوا معسكرات الدفاع الشعبي لتدريب المجاهدين .. شوفوا بالله الناس يل من زمان نايمين وين ؟؟؟ وبرضو فتح المعسكرات وإعدادها يكلف الدولة أموال طائلة يسرقوها باسم الإعداد للحرب... المجاهدين فتروا من الكذب والنفاق واكل مرتباتهم التي تقدر بي 160جنيها شهريا


#652619 [ود احمد]
3.00/5 (2 صوت)

05-01-2013 10:17 AM
قالو في المثل (الحلو ما يكملش) .. أهو كمل .. رايكم شنو ؟؟


#652509 [um ahmed]
5.00/5 (2 صوت)

05-01-2013 09:09 AM
احبك الله الذى احببتنا فيه اخى 00 عوض احمد كدوده 00


ردود على um ahmed
Russian Federation [عوض أحمد كدودة] 05-01-2013 02:45 PM
شكراً ستنا . يديك ألف عافية.


#652495 [المقهور]
5.00/5 (4 صوت)

05-01-2013 09:01 AM
وحرمت قطاعات مرتبطة بحياة الشعب السوداني وبحاضره ومستقبله مثل الصحة والتعليم التي تجد اقل من (2% ) من الميزانية السنوية )

والمغتربييين - لكن الطلبة صابريييين - والمرضى يدعون إلى الله أن يزيح عنهم هذا الظالم الذي يسافر ليتعالج في الخارج وتاركهم لمامون حميدة - والزيتونة - الله يطلّع زيتك يا البشير ....


#652488 [عابد مختار المختار]
4.00/5 (2 صوت)

05-01-2013 08:58 AM
عندما هلك قرنق في حادثة الطائرة الشهيرة خرج عرمان على الهواء واذاع ان قرنق موجود داخل التراب السودانى وكان محقا وما اشبه الليلة بالبارحة يا اولوا الالباب


ردود على عابد مختار المختار
Russian Federation [garrabi] 05-01-2013 10:49 AM
شمولي صغير وضنب كيزان... عايز تروج للاكاذين والاشاعات المغرضة وتردد عبارات كبرائك كالببغاء... امش كذب في اذاعاتكم وجرائدكم المضروبة.... فانه اذا مات الحلو فان القضية لن تموت وهناك الالاف من الحلو في ميدان الشرف والنضال... ونحن جاينكم ونقلعكم من جذوركم


#652462 [وشوشة]
5.00/5 (2 صوت)

05-01-2013 08:43 AM
يا ابو احمد هى الحكومة كل يوم تروع فى المواطنين فى ام دوم وفى الديوم وفى داخليات الطالبات حكومة اذلت الشعب ذلة ما حصلت فى تاريخ السودان المستعمر البريطانى ما عمل عمائل حكومة الكيزان.
والله ياكشكشة انت بالجد مكشكش يعنى عرمان قال كلامه دة مجازى للاستفزاز لا غير افهم


#652441 [عوض أحمد كدودة]
5.00/5 (2 صوت)

05-01-2013 08:29 AM
والله بحب كل الراكوباب .


#652422 [كمونية]
5.00/5 (1 صوت)

05-01-2013 08:15 AM
صرح عرمان ك---
( عبد العزيز الحلو في هذه اللحظة يتواجد في حي المطار بين منزل وزير الدفاع والقيادة العامة )
++
** اللهم أبعث فينا من يحترم عقولنا ولو قليلا


ردود على كمونية
Russian Federation [الكلس] 05-01-2013 12:07 PM
هذا رد كيدي استنكاري لمن اصابهم الهلع والخوف من هذا الفارس " على عبداللطيف 2" فليس هنالك اي شيء كعب


#652371 [وطنا]
0.00/5 (0 صوت)

05-01-2013 07:35 AM
التعلقيات دى كلها لو دة فهم ومنظق الشعب السودانى ....الرماد كل حماد والله يكون فى عونك يابلد كل الناس تنهش فى لحمك دة طبعا لو فى لحم اصلا...بالله احلفكم بالله كيزان ولا غيرو خلوا همكم البلد ...البلد ياشباب بتروح مننا ونحنا لسع بنقول ضربنى وضربتوا ..خلوا مصلحة البلد هى الهم الاوحد وكل شى بالمفاهمة ان شألله بيجى والله يهديكم ياكيزان والله يرشدكم للطريق القويم ياكل المعارضة


ردود على وطنا
Russian Federation [ود المدير] 05-01-2013 10:02 AM
أنا شامي رائحة كيزان مهمشة

Russian Federation [عوض أحمد كدودة] 05-01-2013 09:00 AM
برضو كلامك لذيذ لكن مابأكل عيش ولو عايز ليك وزارة شيل ليك بندقية وأمش أقيف فى الحود وفك ليك طلقتين فى الجو بيجو يعملوا معاك مفاوضات بس خليك حريص ماتركز على وظيفة معتمد ركز على وزير يعنى لو عشقت أعشق جمل ياإنت وماتنسى أدعو لى معاك بعدما تتوهط فى الوظيفة.يديك العافية


#652363 [الفاتح]
0.00/5 (0 صوت)

05-01-2013 07:27 AM
يا خبر بفلوس بكره بلاش ... كل جانب يلقى بالأخبار والأيام تمضي وحنشوف مين الصادق ... هل فعلا قتل الحلو أو ما زال حيا ؟؟؟؟؟


#652353 [طائر الفينيق]
5.00/5 (1 صوت)

05-01-2013 07:18 AM
اغتيال القيادات المؤثرة يولد مزيدا من المرارات والرغبة في الانتقام0. ولا ينهي الحرب:

+ ليس مستبعدا أن يلجأ النظام الهلوع والذي ليس له أية سقوف أخلاقية لا في العمل السياي أو الحربي, الى الاسلوب الاسرائيلي الجبان باغتيال الحلو بطريقة خليل.. التى قد تغريها سكوت الحركة عنها وعدم ردهابتنفيذ المزيد من مثل هذه العمليات الجبانة !!

+ لكن ذلك اذا تم , فان الحكومة ستركب مخاطرة جديدة .. وهي قيام الجبهة الثورية بنتفيذ اغتيالات سياسية عالية لرموز كبيرة وسط النظام قد تطال رأس النظام نفسه.. وبذا نكون قد دخلنا عهدا جديد من الاغتيالات والاغتيالات المضادة !!

+ اغتيال القيادات الميدانية والساسية على الطريقة الاسرائيلية المعروفة.. عمل جبان ولا يشبهنا.. كما أنه لا ينهي الحرب بل سيولد مزيدا من المرارات والأحقاد والرغبة الجامحة في الانتقام.

+ في عهده , رفض المهدي اغتيال جون قرنق بعد تنفيذ الحركة الشعبية هجوما على الطيران المدني, وفضل في المقابل التحاور الصعب مع القائد الكارزماتي القوي بدلا من تصفيته.. لكن أين هؤلاء من حكمة المهدي وخياله السياسي الكبير !!


ردود على طائر الفينيق
Russian Federation [ود يعقوب] 05-01-2013 03:35 PM
لو يوجد سياسى فاهم
ووطنى وغيور من كلا الطرفين

لسأل نفسه :هل توجد حرب حسمت

قضية ؟؟

اذا انتصرت اليوم فالمغلوب
سيصبح معارضة ؟ وهكذا

اذا الكل خائن ويدمر فى الوطن

ويقتل المواطن .


#652338 [مصران عصبي]
5.00/5 (2 صوت)

05-01-2013 07:01 AM
تريقة من أمها


#652331 [مثيانق كوال شول]
5.00/5 (3 صوت)

05-01-2013 06:41 AM
الرفيق المناضل / ياسر سعيد عرمان تحيه نضاليه , اشكرك بتقريب المسافه لمايريده الكلبه الوالدة , هى محاولة تحقيق امنيتهم وهذة دليل الضربه اين كانت ؟ انها فى المكان الاكثر المآ فى جسد الرجل , وهى حلم الضعيف للقوى يتخيل ان يكون عملاق ويكسر الكبارى امام هذا , انها التمنى , رفيق يحاولون ان يضغطوا حتى يغضب الرفيق الفريق /عبدالعزيز الحلو , ويجعله يتحدث تلفونيآ لكى يؤكد لجماهيرنا انه موجود, انهم فاشلون لذا يلجاون بما يسمى الحيله او الثعلبه , لقد ارتجفوا هناك فى الخرطوم حتى حاول البعض التستر تحت السراير طلبآ للحمايه السريريه , وعرفت ان البعض يادوب امنوا بلله وصلوا كثيرآ توبه يا يومه , محاولآ الدخول من باب الجنه لكن هل الصلاة يوم القيامه مفيد ؟ لا ندرى ولله اعلم , الرفيق القائد الفريق/ عبدالعزيز ادم الحلو , لقد ارتجف اركان النظام هناك بالخرطوم وانهار من القمه فعجزوا وضلوا الطريق وكأنهم التقوا بطارقآ بن يزيد ليقول لهم * البحر خلفى والعدوا امامى * ضاع الطريق اين المفر * مثلآ اذا استلمتم كوستى فاين الهروب ؟ فقط الدرب الى لاهاى لكل من الثلاثى عمر البشير , عبدالرحيم محمد حسين , ثم احمد هارون , لهم صلات الجماعه فى سيراميك نضييييييف مش هم مسلمون ؟ الجيش الشعبى لتحرير السودان ويي ويي ويي , جيش تحرير السودان , الرفيق المناضل /القائد /عبدالواحد محمد نور , الرفيق المناضل / القائد / منى اركو مناوى , عاش نضال الثوار موحدآ , عاش ثورة المهمشين , الرفاق جميعآ ويي ويي ويي .


ردود على مثيانق كوال شول
Russian Federation [ابو خلف] 05-01-2013 03:39 PM
يازول انت شايت علي وين ؟ ،،،،،،


#652317 [karlos]
4.82/5 (5 صوت)

05-01-2013 06:11 AM
الجيش كلوا امس مجتمع و بيناقشوا قصة التمويل الاصغر للجيش و عمر البشير زعلان و شايفو نهزر الجماعة و قال كلام خارم بارم و الغريبة ما كان فيهو تعبئة جماهيرية كان فيهو شوية نهزرة غير مباشرة لوزير الدفاع.. و بعدين كلب الحكومة احمد البلال الطيب فى برنامج الواجهة البرنامج و صوت الحكومة كان هزيل و يبدوا عليهم اثر الانهزام....

مرسى الزناتى انهزم يا رقالة


#652219 [ahmmed]
5.00/5 (5 صوت)

04-30-2013 11:35 PM
بالمنطق،زول قام بي جماعتو وعتاده،نص النهار،من مغرب الشمس وحتي لمكان مغربها،ماشي بي شارع الظلط عديل،ودخل مدن تماس الطبيعي والمنطقي الجيش حارسها،اما يكون الحكومة معنية بي مدينة واحدة اسمها الخرطوم،وله عميانة-وان كانت في عماها كيف لها ان تعرفه ان كان قد مات وهو وسط جنده،وهي التي عجزت عن ان تري جيشا باكمله،النجيضة،ياحكام اجنحو للسلم ،اطفئو الحريق،اشيعوا العدل،حاربو الفساد،ياالله علي الديمقراطية،ساعتها يمكن ان ينجو سعد،اما غير ذلك،فهي والله القارعة القارعة،والداهية الداهمة،اوقفو الحرب يرحمكم الله،فقد قال الشعب لحكامه،كفي.


#652218 [جومو#]
4.50/5 (2 صوت)

04-30-2013 11:34 PM
حقيقة الحقائق مرة جد فليعم الغير طيب عبدالله يموت ثائر وتنبت الأرض الف ثائر فالموت حليف كل حي
ستاتي يوما تنكر حديثك واؤكد لك بأنك لم تستطع ان تعلق ضب في الخرطوم واسيادك الكيزان ستنقطع
دابرهم تنقطع لا محالة لكن للأسف ان لا يقيم لهم قائمة وهم الذين يتم تعليقهم ونحن نعرف لهم صغيرة وكبيرة ما هم آكلي السحت وشاربي دماء الشعب فأنى لهم اللانتصار واصبر بما في جعبتك من حديث
ستجد نصيبك وأنت موفور الحظ


#652198 [Wahid]
2.00/5 (1 صوت)

04-30-2013 11:15 PM
هل هي مذحة ام حقيقة


#652154 [الجـــــــــــــــــــــــــــــــــــــــــــــن]
5.00/5 (5 صوت)

04-30-2013 09:51 PM
لو كان لديكم اي حياء لقدمتم استقالاتكم بعد هذا الفشل الذريع في اداء مهامكم الدستورية التي اقسمتم على اداءها والميزانيات الطائلة التي تؤخذ من اوجاع النساء وبكاء الاطفال ) الحياء شعبه
من شعب الايمان ياعرمان .. فهل هؤلاء بمؤمنيين ؟؟ مجموعه من الشلليات الفاسده المغيبه المهووسه
بالدين والدين منهم برئ


#652151 [HAMID BARGO]
4.44/5 (10 صوت)

04-30-2013 09:46 PM
الموت و الدمار لنظام الفصل العنصري الخرطومي

المجد للثوار اينما كانوا

و الكفاح الثوري مستمر


#652149 [lwlawa]
4.40/5 (9 صوت)

04-30-2013 09:41 PM
ان مات الحلو او قتل فلا يغير ذلك في الواقع كثيرا فالنضال مستمر فقد استشهد مناضلون كثر في طريق النضال الطويل الوعر فقد سبقه خليل وقرنق وكوة والقائمة طويلة ويكفي انه ألف بين قلوب المناضلين من شتى بقاع السودان وجعلهم لأول مرة على قلب رجل واجد.


#652140 [ابو خلف]
4.00/5 (4 صوت)

04-30-2013 09:23 PM
الحلو في هذه اللحظه في حي المطار بين منزل وزيرالدفاع والقياده العامه) واذا ما عن اليكم اي سوال اخر سنتبرع بالإجابة )) السؤال ( الجابو حي المطار شنو ؟ يكون اعتقلوه حي ؟)


ردود على ابو خلف
Russian Federation [Zingar] 04-30-2013 11:59 PM
يا ابو خلف إذا ده فهمك سجم حبوبه البلد كان راجيه منك عمار


#652135 [الحقيقة مرة]
5.00/5 (7 صوت)

04-30-2013 09:19 PM
واضاف ( عبد العزيز الحلو في هذه اللحظة يتواجد في حي المطار بين منزل وزير الدفاع والقيادة العامة )
_____

الكلام دا صحي انا هسا كنت هناك وشفت بعيوني ديل


ردود على الحقيقة مرة
Russian Federation [الحقيقة مرة] 05-01-2013 05:53 PM
اها لقيتوهو ولا لسا ؟ طبعا صدقتو انو الحلو ممكن يترك ميدان المعركة عشان اجي اشرب ببسي في الخرطوم وسط الناس البفتشو ليهو بالفتاشة والقمر الصناعي عشان يصفوهو خسة وغدر زي الشهيد خليل لا لشيء الا انو يثبت للجبناء والمذعورين شجاعتو او ربما غباؤه ؟!! المفروض تضحكو على نفسكم لانو النكتة من البداية وحتفضل لحدي النهاية عليكم

Russian Federation [الكلس] 05-01-2013 12:15 PM
في ناس ما بيعرفوا حتى يقنعو ليهم اطفال فزي نوعك دا بس يوقفوا ويحشو اعواد الخيزران عشان تتادب وما تكذب تاني فهل تعلم بمعنى القضية ؟ فاذا مات الاشخاص ستبقى القضايا فالحلو فرد واحد لكن في جبال النوبة هنالك 99 حلو دا اذا حسبنا على مسميات الجبال و65 حلو اذا قلنا بالقبائل المكونة للمنطقة + القبائل الحلفاء من الحوازمة والفلاتة والبرقوا بتصبح 70-77 حلو فاذا نواياكم تجاه الهامش كلها فاشلة فاننا اليكم بالمرصاد

Russian Federation [مسلم] 05-01-2013 09:05 AM
استغرب لقول عرمان فاهل امرروابه روعو بواسطة قطاع طرق ولا بواسطة مقاتليه كما ان الاعراف كلها ومن زمن الرسول صلي الله عليه وسلم لا يتم مهاجمة العزل لايوجد جيش في امروابه فمن هاجمتم البنوك والاسواق كما يقول ان الحلو موجود بحي المطار نكته جميله وامس مناوي يقول الحلو يقود العمليات من ارض المعركه ورونا الكضاب فيهم منو نعلم انو الحكومه ادمنت الكذب علي الشعب ونحن لانويدها ولكن كيف نويد من يكذب علينا منذ الان وهو خارج السلطة

Russian Federation [كشكشة] 04-30-2013 11:28 PM
يا أخوي الحقيقة المرة ما دام شفتو ما صورتو لينا بي شارعو والحتة ليه؟
مش كان تجيب لينا الدليل؟
وازاي وليه يكون بين بيت وزير الدفاع والقيادة العامة؟.
يعني في الخرطوم؟
مستني شنو يعني ،،،
وبعمل شنو في الشارع داك؟.
ببيع في شنو؟

والله آت وعرمان اكذب اتنين في الكون


#652128 [جركان فاضى]
5.00/5 (3 صوت)

04-30-2013 08:59 PM
قوات الجبهة الثورية بعدما ضربت الرهد وام روابة ذهبت لابوكرشولا ونزحت مع النازحين لام روابة - يعنى جوا راجعين تانى لام روابة والرهد - فص ملح ذاب فى موية


#652124 [ابو احمد]
4.50/5 (4 صوت)

04-30-2013 08:55 PM
وهل ماحصل فى اﻻحداث اﻻخيره يمت ﻻخلاق الشعب السودانى فى شيئ قمتم بترويع الناس والقتل والذبح فمن تريدوا ان تحكموا وبدون خجل تتكلموا عن ام دوم


ردود على ابو احمد
Russian Federation [مبارك] 05-01-2013 05:22 PM
يا سلام يا ابو احمد والله ما ليهم حق يروعوا الناس .طيب يا كوز يا كلب العشرة الآف نفس التي ازهقت ارواحها وقبلها الملايين - حسب ما ذكر سيدك - والذين احرقت بيوتهم واغتصبت نساءهم ديل ما ناس ولا ايه ؟ كلاب لا تستحي..

Russian Federation [سودانية] 05-01-2013 11:18 AM
بربك الخوف و بدبح الناس منو البرمي بالطيارة من فوق وما بفرق بين مواطن ونازح او متمرد ولا البقول انا جايكم قبل خمسةاياممش كان المفروض الحاكم يثبت و يواجه العدو ويطمنم من الخوف بدل يدس في مكان امن اها البامن للمساكين ديل منو هو عاااااااااااارف قبل خمسة ايييييييييام

Russian Federation [ود المدير] 05-01-2013 10:06 AM
أشتم رائحة كوز .... من الشياطين الخرس... لو فهمتالمقصود


#652120 [جرتوباوي]
4.75/5 (7 صوت)

04-30-2013 08:46 PM
لك التحيه يا رفيق عرمااان وتحيه النضال لكل الرفاق في مياديين القتال ..هذا هو حال النظام من اكاذيب وتضليل الشعب لكسبهم ولكن الشعب واعي ما يجري الان في الساحه السياسيه بما يختض بالرفيق الحلو حاول النظام بعد فشله في المعارك اراد ان يتبوء باذيب وشائعات لتبرير فشلهم ولكن لن نتراجع ابدا واننا قاادمون لدحر الخرطوم قريبا .


#652113 [عباس بن عباس]
5.00/5 (5 صوت)

04-30-2013 08:36 PM
يلا عليك الله يا عرمان اتصل بيهو عشان نعرف محلو... ارجوك..
عمك عبد العاطي مدير الامن السوداني



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
6.35/10 (9 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة