في



الأخبار
أخبار السودان
نظام البشيريعلن الاستنفار وفتح المعسكرات للمجاهدين
نظام البشيريعلن الاستنفار وفتح المعسكرات للمجاهدين
نظام البشيريعلن الاستنفار وفتح المعسكرات للمجاهدين
محمد نافع علي نافع في رحلة لشرم الشيخ


كل من يستطيع القتال عليه التوجه فوراً إلى المعسكرات
05-01-2013 06:54 AM
الخرطوم: سوسن محجوب
أعلنت الحكومة حالة الاستنفار والتعبئة القصوى وقالت إنها افتتحت عدداً من المعسكرات لتدريب (المجاهدين) فى عدد من الولايات بينها شمال كردفان والخرطوم والنيل الأبيض.
وطالب وزير الحكم الاتحادي الأمين السياسي للمؤتمر الوطني حسبو محمد عبدالرحمن كل من يستطيع القتال بالتوجه فوراً إلى المعسكرات، وتوعد المتمردين برد قاس على الهجوم الذي قادته الجبهة الثورية لمناطق بشمال كردفان، ودعا النساء لإعداد زاد المجاهد.
واعتبر الوزير فى تنوير قدمه لقادة نحو (31) حزباً وتنظيماً سياسياً بمقر وزارته ما يجري حرباً مخططاً لها بدعم من قوى غربية على رأسها إسرائيل التي أعلنت صراحة رفضها لاتفاق التعاون الذي أبرم مع دولة الجنوب في وقت سابق.

السوداني






تعليقات 54 | إهداء 0 | زيارات 5355

التعليقات
#654040 [ود البلة]
0.00/5 (0 صوت)

05-02-2013 05:38 PM
صبرا جميلا


#653510 [جاكس]
0.00/5 (0 صوت)

05-02-2013 07:59 AM
هم ما غصبوكم للذهاب للمعسكرات للقتال بل قالوا كل من يستطيع القتال


#653429 [adil a omer]
0.00/5 (0 صوت)

05-02-2013 04:02 AM
وحماده معاهم ولا حارس الجبهة الداخلية مع دادى فى الخرطوم


#653387 [توفيق الصديق عمر]
0.00/5 (0 صوت)

05-02-2013 01:46 AM
يا حسبو اول من يجب استدعائهم هم ابناء المصارين البيض امثال هذا الفتي
الفاتح خشمو ومارق اواركينه وما شاء الله عليه باينه عليهو اثار النعمة
انتو مش طلعتو فتوة قلتو فيها الشورت تحت الركبة ولا دي فتوي لا تنطبق علي هؤلاء
اختشوا ياعالم


#653335 [انصاري]
5.00/5 (1 صوت)

05-01-2013 11:59 PM
((واعتبر الوزير فى تنوير قدمه لقادة نحو (31) حزباً وتنظيماً سياسياً بمقر وزارته ما يجري حرباً مخططاً لها بدعم من قوى غربية على رأسها إسرائيل التي أعلنت صراحة رفضها لاتفاق التعاون الذي أبرم مع دولة الجنوب في وقت سابق.))

السوداني


قوي غربية على رأسها إسرائيل....إسرائيل دولة غربية!!!!!؟؟


#653334 [انصاري]
3.00/5 (1 صوت)

05-01-2013 11:51 PM
إلا تجيبوا لينا بث مباشر، من الجنة عبر برنامج، (ساحات الفداء) يصور لينا عرس الزبير، وشمس الدين، من حوريات حلوات وبقية من قلتم شهداء معزومين، ومجكسين حوريات، والملائكة يبشروا وحاج نور المأذون، والشهود، وولدان مخلدون!!!


#653333 [النيل أبونا و الجنس سودانى]
3.00/5 (1 صوت)

05-01-2013 11:50 PM
المجاهدين و عرس الشهيد و الملائكة حاربت معاهم الحكاية بقت مسلسل تركى نهايته بتين .


#653326 [idriss]
4.50/5 (2 صوت)

05-01-2013 11:33 PM
لماذا يتطوع الشباب من اجل حكومه الحزب الواحد حكومه التمكين والاقصاء وحمايه الفساد حكومه مهمه جهاز امنها مصادره الصحف قبل الطبع اذا ما كتبت عن الفساد حكومه حتي ابناء حزبها كرهوها وحاولوا نصحها فاقصتهم كما هي عادتها لكل من ينتقدها حكومه اشعال الحروب العنصريه وبيع البلاد للاجانب بداء من النقل النهري ومشروع الجويره ومشاريع السكر والسكه الحديد وسودان لاين واخيرا اراضي المواطنين بعد جفت البلد بالله عليكم دي حكومه تستحق الحمايه - مواصفات عصابه اعلام وقضاء مسيس واخيرا بيع المستشفيات والمدارس المرحله المقبله


#653309 [ابو عناد]
0.00/5 (0 صوت)

05-01-2013 11:02 PM
نعلن حالة الاستنفار والتعبئه القصوى لكل من يستطيع حمل السلاح ونعلن عن افتتاح معسكرات (لكل المجاهدين ) الشرفاء من ابناء السودان في عدد من الولايات بينها جنوب كردفان والخرطوم .. وعلى كل من يستطيع القتال التوجه فورا الى المعسكرات ..لتطهير السودان من نجس الكيزان ..وندعو النساء لاعداد زاد المجاهد
وما النصر الا من عند الله
الامين السياسي للجبهه الثوريه


#653301 [عباس بن عباس]
4.75/5 (3 صوت)

05-01-2013 10:48 PM
غايتو اكان محمد نافع اتطوع انا كمان بتوع.... انشاء الله اغسل ليهو رداهو..


#653264 [ALIIIIIIIIIIIIIIIIIIIIIIIIIIII]
0.00/5 (0 صوت)

05-01-2013 09:42 PM
عايزين الناس تمشي تموت فطيس عشان الصعلوك الفوق ده مش كده عشان يمشي امثاله ويتنعموا وبقية الناس حق الفطور مالاقينه مش كده في ناس حق الكراس مالاقينه حق الكهرباء مالاقينه ناهيك عن ذكر العطالة المقننة وغير المقننة ومش عارف ايه ناهيك عن جيوش الفقراء والشحادين ناهيك عن انعدام الامن ناهيك عن الاهانة والذل اللذان يتعرض لهما المواطن عشان تجي واحدة تقول انا مابتكلم في السياسة وتجي واحدة اغبي وابلد منها بمراحل لتقول ازدادت نسبة المهاجرين بصورة غريبة قالت ايه صورة غريبة وكانها تستغبي الناس او تشمت بخلق الله وكانها ماري انطوانيت هي وصويحبتها التي قال فلياكلوا بسكويتا ولا زي وزير الدفاع معدوم الضمير اللي تكلم عن انو الجبهة الثورية اصطادت الغزلان طيب مش احسن من الخليجيين الكرور ديل علي الاقل الجبهة الثورية ديل سودانيين وهم اولي من هؤلاء الشراذم القادمين من الخليج اليس كذلك..وضع ماساوي كذب في كذب علي المواطن واستهتار لاحد له بالمواطن...عايزين الناس تحارب لشنو ولمنو اصلا عشان امثال جعفر الميرغني اللي ماعارف كوعه من بوعه مع ان سنه 43 سنة لكن تصرافته وكان عمره 10 سنوات فقط ياسبحان الله ساسة انذال وحقراء وانتهازيين كامثال سيدي جهنم الصادق والميرغني رئيس اشبه بالالة بل قل كالحمار يلقن مايقول لايبالي لو تفتت السودان كله...بلد كانت مساحتها مليون ميل مربع ينبغي ان يعيش مواطنها عيشة كعيشة المواطن السويسري بل افضل من المواطن السويسري بملايين المرات والمواطن يعيش وكانه في القرون الوسطي او في قرون ماقبل الميلاد تخلف وجهل وامية وعنصرية وفقر وسلبية اصبحت من سمات المواطن السوداني ولاعزاء للكيزان اتباع الشيطان راحت حلايب بل حتي المصريين هؤلاء الانتهازيين العنصريين جاء وفدهم وهدد الكيزان بالا يفتحوا ملف حلايب وان يقفوا معهم ضد اثيوبيا والا ينضموا لاتفاقية عنتيبي وكان السودان ليس دولة مستقلة وتملك قرارهااو حتي يفكروا في تغيير اتفاقية مياه النيل لعن الله هذه الجيرة وهؤلاء الجيران ناهيك عن الفشقة وضربات الطيران الاسرائيلي بالعشرات بلاد ينعدم فيها الامن انني اتسال مافرقنا من بلاد الصومال او الصوملة اصلا التي يتحدث عنها السياسيون صوملة اكثر من هذه ومازال الكيزان المريضون نفسيا يعتقدون انهم الافضل لحكم هذه البلاد التي حرقوها وقتلوها وانتهوا من مواطنها مواطن مهان في بلاده بل حتي من خارجها من اناس كانوا يسكنون الخيم واليوم يتطاولون في البنيان من اناس بلادهم ممزقة بالحروبات الطائفية افقر بلد تقريبا ويهان السودانيون من امثال هؤلاء الشراذم الحثالة...ابعد كل هذا تريدون للناس ان تحارب لمن من اجلكم ايها الكيزان اقول لكم تبا لكم وسحقا لكم ولعنة الله عليكم جميعا ابتداء بالبشير الا اخر شخص فيكم جميعا


#653243 [ابو فارس]
0.00/5 (0 صوت)

05-01-2013 09:02 PM
والولد الحليوه المصور في اللنش والعايش اياموا في المنتجعات دا حا يمشي معانا ...؟؟؟

والله صحيح الإختشوا ماتوا ..,,,


#653191 [؟؟؟؟ دكتور تروتر ؟؟؟؟]
4.00/5 (2 صوت)

05-01-2013 06:53 PM
ربع قرن كامل من التجويع والتشريد والتطفيش وقطع الأرزاق جايين بعد دا كلو تقولو لينا استنفار وما عارف شنو هو الناس فيها حيل بعد الدخلتوها فيهم دي, قومو لفو بلا يخمكم الليلة قبال بكرة...


#653180 [فايتو الزبير نصر]
4.50/5 (2 صوت)

05-01-2013 06:28 PM
انا ما عارف عفن الانقاذ ديل طوالي يدعو الابرياء للذهاب الي ميادين القتال و الجهاد المزعوم
سؤالي ليهم اي الناس المستفيدين باسم الدين ... انتو ايديكم محننات ما تمشو مقاتلو انتو ولا يارجال
اليوم ليس كالامس ...يا هؤلاء ان كنتم تعلمون ذلك
آل جهاد آل


#653164 [المهاجر]
5.00/5 (1 صوت)

05-01-2013 05:58 PM
شعارات في الهوا
قالو لا لدنيا قد عملنا.....
بعد كدا أما بالجد يخلو دنيتهم أويحموها بالقتال بأنفسهم
وأنحنا نقعدو فراجااااااااااااااااااااااااااااااااااااا


#653156 [ود الشلال]
4.50/5 (2 صوت)

05-01-2013 05:48 PM
خلي الناس البتجمعهم في خطاباتك ومظاهراتك ديل يستنفروا ليك ويحاربو معاك !


#653153 [ود حبوبة]
4.00/5 (3 صوت)

05-01-2013 05:46 PM
في اللغف شطار .. و في الحارة خلف الصفوف و كايسين زوادة النسوان ..


#653079 [ودعويضة]
0.00/5 (0 صوت)

05-01-2013 04:50 PM
يا حليل ناس ود ابراهيم ومجموعة السائحون الليلة حبوتم جات - لكن انقر تاني بتهابلوا بعد انتهت اللعبة


#653067 [mansour]
5.00/5 (1 صوت)

05-01-2013 04:41 PM
كلام تمام وصاح 100% ياكارلوس. بعدين الناس ديل ماعاقلين انت في كل السنين الفاتت دي راجع نفسك شوف انت قدمت شنو للشعب السوداني عشان يساندوك ويقيفوا معاك
حاجه غريبه وتصريحات اعفن من كلام حسب الله في ختان الانثي واعفن من دغمسه البشير ومتمركبه بي ستين مركوب لابسو نافعومتلوثه بي اعفن رياله من فم الوزير العوير وقواده اعفن من قواده الخال الرأآسي
لاحول ولاقوه الا باللللللللله


#653066 [عمر محمد احمد]
5.00/5 (1 صوت)

05-01-2013 04:41 PM
سبحان الله هسع تاني في زول نصيح بمش الجهاد مع عصابه هم الكيزان ديل عايزين يكفرو الشعب ويخشوشو الشعب معاهم بموضوع الجهاد هم عارفين نفسهم كدا كدا داخلين لاكن والله الا كم يجيبو من اسرائيل يهودي يجاهد معاهم هههههههههههههههههههههههههههههههههههههههههههه


#652989 [ياسر عبدالصمد عبدالله]
5.00/5 (1 صوت)

05-01-2013 03:17 PM
زاد مجاهد عشان تعملوا بيه تاني محطة وقود ذي بشائر للطاقة .... وياكلوها ناس احمد عبدالفتاح وجماعته هههههههههههههههههههههه


ردود على ياسر عبدالصمد عبدالله
Russian Federation [عمر محمد احمد] 05-01-2013 04:33 PM
ههههههههههههههههههههههه


#652964 [واحد ساي]
5.00/5 (3 صوت)

05-01-2013 02:55 PM
طيب اول حاجة يسوقوا الوزراء والاستشاريين ومساعدين الرئيس ونواب الرئيس والولاء ونواب الولاء ومستشارين الولاء ووزراء الولاء والدستوريين وروساء الهيئات وروساء الشركات الحكومية وامناء شنو ما عارف غايتو هم كتار شديد ... ياخي ديل براهم بيعملوا جيش عديل كده


#652888 [مفجوع]
5.00/5 (2 صوت)

05-01-2013 01:47 PM
النشوف منو الداير يمشي ليكم يحارب ...؟
المحالين للصالح العام أو مفصولين القوات النظامية أو من عذب في بيوت الأشباح ...؟
غايتو إلا تودوا ولادكم ...


#652859 [ابودومة]
5.00/5 (1 صوت)

05-01-2013 01:29 PM
نحنا مستعدين بشرط مجلس الوزراء بسلامتو والمجلس الوطني يكونو قدامنا وبعدين نشوف الرجالة وزينب وراكم


#652837 [مراد علي]
0.00/5 (0 صوت)

05-01-2013 01:17 PM
والله البلد في حالة حقت حرب واي زول لو جاه زول يعتدي علي بيته ما بدافع عنو؟؟؟؟

اي زول من حقوا يدافع عن بلدوا


#652817 [الغريب عن وطنو]
4.25/5 (3 صوت)

05-01-2013 01:00 PM
إذهبو أنتم وأولادكم ونسائكم ومطبليكم فقاتلوا ...
إنا هاهنا قاعدون ...
تلقوها عند الغافل يا منافقين ..


#652792 [معاويـــــــــــــــــــــــــــــــة]
5.00/5 (1 صوت)

05-01-2013 12:34 PM
تانى تلقوها عند واحد عوير البيموت منو عشان عمارات نافع ومصطفى عثمان اسماعيل
يعنى اودى ولدى اقول ل الله شنو لو مات هناك هو الزول السنه السنه دى زاتو قال ديل فطايس
عليكم الله لو فى لعبه غيره العبوها انتو اصلكم بتسرقو ادفعوا فى مرتزقه كتار من غرب افريقيا ممكن يجوكم لكن ب حقهم اما تانى القديمه دى ما فى ليها طريقه العمايه عرفوكم يا حرامية البنايات والشقق
والمنتجعات والاجازات الفى اوروبا واولادكم يرطبو فوق قروش الشعب المغلوب على امرو وعاوزين ولاد الناس المساكين يمشوا يموتو ليكم وانتو تقولوا الجهاد تفو عليكم سفلة مقاطيع اتحملوها جاتكم والله ومن كل الجهاتا ن شاء الله ....


#652746 [مدحت عروة]
5.00/5 (1 صوت)

05-01-2013 11:45 AM
والساقية لسه مدورة !!!!!!!!!!!!!!!!!!!!!!!!!!!!!!!!!!!!!!
والجهاد وزاد المجاهد حدهم لى متين؟؟؟؟؟؟
لمن باقى السودان يتمزق ويصير كذا دولة؟؟؟؟؟
انتو ناس الانقاذ ديل ما نصيحين ولا شنو؟؟؟؟؟؟؟؟
يعنى مافى حوار وطنى ومؤتمر قومى دستورى يا نحكمكم يا السودان ما يضوق عافية؟؟؟؟؟؟
والله ثم والله ثم والله الذى لا اله غيره ان اسرائيل والغرب ما يلقوا احسن منكم لتنفيذ مخططاتهم!!!!!!!!!!!!!!!!!!


#652669 [احمد ابونصر الشمالي]
5.00/5 (2 صوت)

05-01-2013 10:54 AM
دا الكلام الصح لاهطين براكم امشو حاربو برررررااااااااااااااكم
الشماتا حلوة


#652666 [alsudani]
5.00/5 (1 صوت)

05-01-2013 10:52 AM
70 % من ميزانية الدولة على القوات الأمنية !!!!!!؟؟؟
وتقول لي ما عندكم جيش
طيب بتصرفوا على منو ؟؟؟؟؟؟؟؟؟


ردود على alsudani
Russian Federation [ود الشلال] 05-01-2013 05:44 PM
عبدالرحيم ابوريالة محمد حسين


#652603 [Shaban]
5.00/5 (2 صوت)

05-01-2013 10:06 AM
خليكم موضوعين وواضحين وما تخموا الناس كل مرة ساكت بمبررات وهمية ... انتوا لمن بديتوا برنامج ومشروع التمكين في 1990 استنفرتوا الناس وقلتوا ليهم (كل عاطل وقادر على العمل يجي يتعين اويتوظف !!!!؟؟؟ ما حصل كلام زي دا طيلة الأربعة وعشرين سنة ولكن كل مرة تتعصروا وتنزنقوا في ميادين القتال والدواس تخموا الفقراء والمساكين والغلابه (ناس قرعتي راحت )وبعد ما يستنفروهم ما بيمشوا معاهم في الخطوط الأمامية يعني خيار وفقوس حتى في الموت . يعني برضوا تمكين بعدم تعريض كوادرهم ومنسوبيهم للموت والهلاك .. شفتوا النباهة والفلاحة دي كيف !!!؟؟؟ حتى المقولة العسكرية (الشر يعم والخير يخص ) لا تنطبق على هؤلاء الكيزان الممكنين بل سخروها لمزيد من التمكين لمنسوبيهم ... فالناس (الدستورين)الشايفنهم في التلفاز لابسين كاكي ديل واحد فيهم بمشي بقاتل مافي دا اعلام ساكت لزوم اقناع البسطاء والغلابة والسطحيين (الظاهرية) ... المظاهر خداعة يا ناس ... وليس كل ما يبرق ذهب ... فخذوا حذركم من هؤلاء الانتهازين والمخادعين الكاذبين المكذبين المضللين لشرائح الشعوب المستضعفة من بني وطني السودان المتبقي فاذا استجبتم لهم فسيضيع السودان المتبقي ..!!! خليهم يشوفوا ناسهم المكنوهم يسوقوهم !!!46


#652597 [المجاهد]
5.00/5 (1 صوت)

05-01-2013 10:04 AM
عليكم الله قولوا لي حسبو دة عشرة دقائق
بس نودع ناس البيت عشان أجي أمش أقاتل ليكم
في كردفان ...
معقولة يا حاج حسبو عطالة وبطالة وعدم شغل
وتجي تقول المعسكرات مفتوحة إفتح......!؟


#652574 [شمالي]
4.99/5 (9 صوت)

05-01-2013 09:50 AM
ههههه
الدورة دي عاوز اسمع نبأ استشهاد حمادة نافع وأولاد علي كرتي وأولاد مصطفى عثمان إسماعيل وأولاد المتعافي
غير كدا ما ماشين


ردود على شمالي
Russian Federation [زعلااااااااااان شديييييد] 05-01-2013 10:31 AM
هم بيستشهدوا عندما تغص حلوقهم بالآيسكريم ... و أذكر عندما وقعت (فشلت عملية الإسقاط) طائرة المتعافي في القضارف و نجا من الموت جابوا زوجتو في التلفزيون و قالت بالحرف الواحد (الحمد لله طبعاً الاولاد كلهم برة السودان و ضربنا ليهم و طمأناهم على صحة و الدهم !!! ) .. و الله العظيم انا دة سمعتو بأضاني (كللللللللللللهم برة السودان !!).. و ما تنتظر .. عند الحارة الآباء بيلحقوا بالأبناء هناك في ماليزيا و سويسرا .. و انا زمان كنت ما مصدق لكن وجدت من أثق به و حكى لي ...


#652544 [Ali]
5.00/5 (2 صوت)

05-01-2013 09:31 AM
أنا شخصيا ماحيخذوني لأني قبل قدمت في شغل في الحكومة بعد ما أحضرت شهاده الخدمه الوطنيه الجنسيه السودانية قالوا لي واسطتك من قلت ليهم أنا مقدم لي وظيفه حكوميه تسألوني عن واسطه أنا عندي الله .لماذا لما الشي يكون معلق بروح الإنسان ما يحتاج لي واسطه هل حماده ألفي الصورة ده حاليا. شغال في البترول هل وقف صف لجنه الاختيا ر ذيو وذي أي مواطن سوداني ودخل كذا مقابله عشان يتعين في البترول


#652536 [Ali]
4.94/5 (7 صوت)

05-01-2013 09:27 AM
قال زاد المجاهد داهية تاخدكم .


#652531 [mahmud]
4.97/5 (9 صوت)

05-01-2013 09:25 AM
المجرم حسبو محمد عبدالرحمن مختلس ال10 مليار من وزراة الشئون الانسانية امش جيب اولادك و اولاد على عثمان و اولاد نافع و اولاد اخوان البشير و اولاد كل اللصوص اللى عذبونا 24 سنة و ماشاء الله كلكم معرسين اكتر من مرة و عندكم اولاد كتار يلا السنة دى بدل ما يمشو اجازة ماليزيا او شرم الشيخ خليهم يمشو لجهادكم المزعوم و يدافعو عن جكومة هم منتفعين منها


#652514 [جركان فاضى]
4.74/5 (13 صوت)

05-01-2013 09:13 AM
طيب ليه الاستنفار وانت عندك جيش حدادى مدادى؟ يعنى المجاهدين يحاربوا والجيش قاعد ساكت من ضل لى ضل؟ ياجماعة البلد دى فقدت البركة لاجيش يحارب لا ارض تنبت زرعا لاعالم يقول كلمة الحق لاشرطى يحمى اراضى المواطنين لاماسورة تنقط موية لامستشفى يقعد فى حتتو لاجنيه عندو مروة لامواصلات عندها ميدان لامدرسة فيها طباشير لاموظف عندو ضمير لاتعليم عندو اسكيل لاشوارع ماشة عديل لامدير يعرف يدير والاخطاء الطبية بقت كتير والتزوير يقوم بيهو الوزير ووووووو


#652496 [الترابى]
5.00/5 (2 صوت)

05-01-2013 09:01 AM
المجرم حسبو محمد عبدالرحمن بطل فضيحة اختلاس 10 مليار جنيه من وزارة الشئون الانسانية عليك تقدم الصفوف و الانخراط فى المعسكر انت و اولادك و يجب عليكم احضار اولاد على عثمان محمد طه و اولاد نافع على نافع واولاد عبدالله حسن احمد البشير و اولاد اخوان الرقاص البشير و ابناء كل المجرمين و الكيزان ليدخلوا هذا المعسكر و يذهبو للدفاع عن عصابتكم المجرمة.
ايها اللصوص لكم من الزوجات ثلاث و رباع و لكم الاولاد الكثير فليخرجو ليدافعو عنكم و بدلا من ذهابهم فى الاجازة لماليزيا و شرم الشيخ فليذهبوا لجهادكم المزعوم.


#652443 [Zoul sakiit]
4.75/5 (5 صوت)

05-01-2013 08:30 AM
صاحب الصورة ود نافع اول حاجة يقطع اجازته ويجي اول زول يسجل لان الموضوع يهمه ويهم كل منسوبي المؤتمر الوطني هم الذين يجب ان يجاهدوا عشان حماية مصالحهم مامكن الناس تموت من اجلهم مرتين مرة بالجوع ومرة بالقتل فطيس وليس شهيد كما قال شيخهم ودا كلو من اجل ان صاحب الصورة وامثاله يقضون إجازاتهم في المصايف العالمية و بعدين الجهاد دا ضد مسلم زيك ومن اجل شنو ؟*


#652428 [عصمتووف]
4.75/5 (4 صوت)

05-01-2013 08:19 AM
واعتبر الوزير فى تنوير قدمه لقادة نحو (31) حزباً ***

31 حزبا كالسريحة في اسواق الخرطوم ماهو وزنهم و حجمهم *** نرفض الحرب جملة و تفصيلا من كلا الجانبين تلك الحرب تخص المؤتمر الوطني اولا ولا دخل لها بالدين والعروبة والوطن حروب كراسي سلطة وغنائم ثروه******** قسمة(السلطة والثروه) الشعار المرفوع دائما من الغبي الذي يدفع حياتة ثمن لبارونات الحرب ومحبي الكراسي *** النصيحة لم ولن تكونوا شهداء يوم القيامة غير ادخال الحزن لعوائلكم او اصبحتم معاقين عاله لهم وهم الرابحون وانتم الخاسرون *** السؤال لماذا فرو من ام روابه ولم يقاتلو لماذا يجلسون ويتلقون اخبار سير المعارك من غرف نومهم وبالتحديد من سرائر زوجاتهم *** علي السيد حسبو يحسب نفسة اولا ضمن المقاتلين *** وهل يكرة رائحة الجنان والحور العين **** فليتقدمو هم الصفوف ونحن خلفهم وبلاش حروب تلفزيونات


ردود على عصمتووف
Russian Federation [أبو وعد] 05-01-2013 11:28 AM
مبدع ياعصتوف ( زى ما قال الهدندوى )هجليج نمشى مأكوم ماليزيا تمشوا براكم !!!


#652421 [Zingar]
4.88/5 (6 صوت)

05-01-2013 08:15 AM
أذهبوا إنتوا وبشيركم قاتلوا وأنا حماده السكر زياده هنا قاعدون


#652395 [شوك الكتر]
4.50/5 (4 صوت)

05-01-2013 07:59 AM
ايواااااااااااااه كدى النشوف منو تانى البيجى للمعسكر بكرعينو عشان يجى لحتفو بظلفو؟انتهى عهد الخداع قال مجاهدين قال!الا يكون زولا داقس يبقى دا كلام تانى!


#652391 [الاصم.]
5.00/5 (2 صوت)

05-01-2013 07:57 AM
الولد الحنكووووووووووووووش
ده,,,,, مع المجاهدييييييييييييييين.


#652387 [مصران عصبي]
5.00/5 (2 صوت)

05-01-2013 07:53 AM
اسرائيل !!؟؟
والبيه الوزير دا حالته (الامين السياسي) لحزبه العضير وبيحاضر فى 31 حزب (سياسي) !!!


#652369 [كوكو تييه كافي البلا]
5.00/5 (2 صوت)

05-01-2013 07:33 AM
منتهي التخلف ..ما هو زاد المجاهد




كوكو تييه كافي البلا


#652342 [karlos]
4.99/5 (9 صوت)

05-01-2013 07:08 AM
المشكلة الجيش ما عندو لا قروش و لا سلاح الجاهدين ديل يمشوا يحاربوا ليكم بالعكاكيز و اى واحد عايز يمشى يجاهد نرحب بيهو الف ترحيب عشان اى واحد ساذج لازم ينتهى و البلد تنضف من المهوسيين و الجهلاء اى واحد الحكومة تخدعوا يتحمل مسؤلية غباءه

يا شباب الحكوة دى اكبر ماسورة



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة