الأخبار
أخبار إقليمية
بدء منح الرقم الوطني بالسفارة في الرياض
بدء منح الرقم الوطني بالسفارة في الرياض


05-01-2013 12:19 PM
أعلن مدير الجوازات في السفارة السودانية بالرياض العقيد / هارون زين العابدين المشرف أن السفارة بدأت في استخراج الرقم الوطني للمغتربين السودانيين بالسعودية.
وقال العقيد المشرف لـ «الصحافة» : انه يشترط للحصول على الرقم الوطني احضار صورة من جواز السفر، والاقامة، وصورة شهادة الميلاد للأبناء، مؤكدا ان العمل يتواصل على مدار اليوم بحيث يتم منح الرقم الوطني لجميع الذين يصلون مبنى السفارة بالرياض، حتى بعد انتهاء اوقات الدوام الرسمي، نظرا لارتباط كثير من السودانيين بأعمال قد لا تمنحهم الوقت.

الصحافة


تعليقات 14 | إهداء 0 | زيارات 9169

التعليقات
#654178 [ناديه فضل المولي ادريس]
5.00/5 (1 صوت)

05-02-2013 08:53 PM
هذه العصابه التي تستعمر بلادنا وناسنا تستغل جهل معظم السودانيين بأبسط حقوق الانسان لتمرير كثير من العوار وأتحدى وزير الداخليه الاريترى الأصل لو قدر يقنع حتي ولو أبسط زول بمعني وجدوى الرقم القومي أو ماهي الفوائد التي تعود علي المواطنين من الرقم القومي ثم مامعني أن يكون الرقم قوميا
وهل هناك أرقام قوميه وأخرى أجنبيه؟

مشكلتنا في الفاقد التربوى وأرباع المتعلمين تجدهم يتصدون للأمور التي تحتاج درايه وعلم ويملؤن علينا الأسافير بتعليقات تثير عليهم من باقي المعلقين الشفقه والسخريه من سذاجتها ومن عدم المامهم حتي بأبسط قواعد الكتابه والهجاء ( واحده اسمها أم أحمد مثالا) ولا يضيفون الا التافه والفج وهم عاجزين دوما أن يثروا الراكوبه بشيئا ذو قيمة يمكن ان يستفيد منه القراء والمعلقين

ثم يتطاولون عندما تقعد بهم امكانياتهم الضحله عن الرد بما يفيد فيصيبون الناس ببذائاتهم ولا يتورعون ولو خجلا من تنصيب أنفسهم مدافعا عن العصابة التي تستعمر السودان وعلي رأسهم ابجاعوره واللنبي فيقولون هذا سوداني وهذا ماسوداني وكله حسب التساهيل .

لك الله ياوطني فكم من المآسي يرتكبها في حقك الفاقد التربوى وعديمي التربيه وأرباع المتعلمين
عزائنا ان فجر الحريه قادم لامحالة ونعدكم بأننا سنعيد ترتيب السودان بشكل جيد وسنضعكم في اماكنكم وعلبكم الصحيحه التي تستحقونها وتليق بكم ليبقي سودانا فوق....فوق كسائر الامم المتحضره.


ردود على ناديه فضل المولي ادريس
Saudi Arabia [حسن] 05-06-2013 12:05 AM
والله يا نادية رغم معارضتي للحكومة دي لكن كلامك ده انطبق عليه المثل ( الناس في شنو والحسانية في شنو)يعني كلامك ده كلو ماليه علاقة بالرقم الوطني وبس عندك سم عاوزة تفرغيه وخلاص
ويا ريت نكنو عقلانيين يا البتتكلمي عن التعليم ونعرف وين ومتين نقول الكلام العاوزين نقولوا
ولكل مقام مقااااااااااااال


#654039 [بدون رقم وطني]
0.00/5 (0 صوت)

05-02-2013 05:38 PM
شبكه ماففففففففففففففففففف


#653440 [سامي]
0.00/5 (0 صوت)

05-02-2013 05:15 AM
ياجماعة فهمونا الرقم الوطني دا ذاتو شنو ؟ بطاقة , جنسية ,ورقةكرتون ,رقم يعطوك لي تركبوا فى قميصك وهل هو يغني عن البطاقة الشخصية وممكم تمشي تصرف بيه من البنك الموضوع شنو نحن مافاهمنو ؟وماذا تستفيد منو اذا كان عندك جواز سفر ؟


#653356 [الكاشف]
0.00/5 (0 صوت)

05-02-2013 12:35 AM
الرسوم بتاعت الرقم الوطني كم ؟؟؟ اكيد ما مجان طبعا دي ما ضربه وفايدة يلمو ليهم كم ريال من المغتربين

السوال التاني القروش حتمشي وين؟؟؟؟؟؟؟؟؟؟؟؟


حرامية لعنكم الله يا كيزان


#653281 [حمبوزو اللاوي بوزو]
0.00/5 (0 صوت)

05-01-2013 10:23 PM
طيب للذين يبعدون عن السفارة في الرياض بأميال ؟؟؟؟؟؟


#653235 [shemashan]
0.00/5 (0 صوت)

05-01-2013 08:48 PM
س سؤال يا جماعة ممكن تفهومني ايه علاقة صورة الاقامة بالرقم الوطني


#653171 [khalid]
0.00/5 (0 صوت)

05-01-2013 06:06 PM
والله العظيم العقيد في وادي والسفير في وادي ابعد من وادي العقيد علي ما اعتقد بينهم ثلاثة او اربع خيران عرض البحر الاحمر ، قال الرقم الوطني ، حالياً رعاياك في حاجه لاشياء اهم من الرقم الوطني لانو لو رجع السودان ربما شهرين ثلاثه بكون بدون شغل ومشغله وفيها بمش بساكك الرقم الوطني لزوم الطلعه من البيت ( وعندي مشوار) قوم بالله فاوض السعوديين ساوم علي رعاياك وضح ليهم الحقائق الانت ما عارفها قول ليهم السعودية قامت ونهضت علي اكتاف السودانيين ولما اشتد ساعدها تلفظهم هنالك مهن لايمكن الاستغناء عنها ويشغل السودانيين نسبة مقدره منها ساوم عليها بالمهن الاخري وضح ليهم يا كل السودانين او غير ذلك واشياء كثيرة يمكن تضعك ورعاياك في موقف يحسد عليه من باقي الدول . تباً لك وللسفير ولك اعضاء السفاره ونسأل الله ان يعين المقيمين وان يتم ترحيل السفير والموظفين.


#653158 [مهموم]
0.00/5 (0 صوت)

05-01-2013 05:49 PM
عرفنا صورة الجواز بس صورة اجل الاقامه السعوديه ايه علاقتها بالرقم الوطني ده كلام فارغ


ردود على مهموم
Russian Federation [1+1] 05-01-2013 08:48 PM
دي ما محن الزمن يا مهموم؟؟ قلت اللي دايرين نقوله الله يديك العافية


#653137 [أسامة الكردي]
0.00/5 (0 صوت)

05-01-2013 05:31 PM
الرقم الوطني يجب ان يشتمل على تاريخ الميلاد ( اليوم / الشهر / السنة ) .
كيف يمكن تحقيق ذلك إذا كان 90 في المائة تقريبا من الشعب السوداني تاريخ ميلاده 1/1/ 0000


#652973 [باشا]
5.00/5 (4 صوت)

05-01-2013 03:02 PM
عاوز لي رقم مميز يا ناس السفارة

يكون كلو اربعات والا سبعات والا عشرات ذاتو

اها وما وريتونا رسومكم كم ؟

والا حق المشوار بس

وللمعلومية تاني ما بشتري سندويتشات من البوفيه حق السفارة بجيب معاي فلافل شامية

وما بصور اقامتي وجوازي في مكتبة السفارة بجيب معاي 55 صورة للاقامة والجواز


#652913 [المواطن الصالح]
0.00/5 (0 صوت)

05-01-2013 02:05 PM
تسلمي يافم من ذهب كفيتي ووفيتي أختي هيام صح والف مليون صح السودان لازال يعيش تحت خط الفقر

المدقع


#652895 [عادل احمد]
0.00/5 (0 صوت)

05-01-2013 01:52 PM
احييك هيام لن تنقصى من الواقع والحقيقه التحرير للسودان من عصابة الكيزان


#652846 [ابودومة]
0.00/5 (0 صوت)

05-01-2013 01:24 PM
والله ياهيام كلامك في محله سفارة المؤتمرجية يودينا ليها الشديد القوي


#652810 [هيام عبدالله]
4.50/5 (5 صوت)

05-01-2013 12:52 PM
أولاً السودانيون للآسف ليس مواطنيين بل رعايا حتى ينطبق عليهم بما يسمى الرقم الوطني وماذا يستفيد السوداني من الرقم الوطني مادام كل من هب ودب وكل الجنسيات الأفريقية والآسيوية يحملون الجواز السوداني ؟؟؟!!!! وأين كنتم قبل عقود خلت من الرقم الوطني؟؟؟ وما الفائدة منه الآن ..... سيظل الجواز السوداني يباع ويشترى بأرخص الأثمان وللآسف وكل موظفي وزارة الداخلية من أصغر بوليس لأكبر ضابط يتسغلون مناصبهم الوضيعة لإستخراج جوازات سودانية لأنصاف البشر !!! دعونا من الرقم الوطني السودان يريد إسقاط النظام أولاً وبعدها سنتكاتف لطرد جميع المتسودنيين وسنمزق جوازاتهم ونطردهم ولاتأخذنا فيهم لومة لائم ... أجيبوني أين حق المواطنة لشعب مضطهد متشرد مريض جائع يفترش الأرض ويلتحف السماء تحكمه عصابة إمتهنت السلب والنهب !!!!


ردود على هيام عبدالله
Russian Federation [الشعب الفضل] 05-01-2013 09:58 PM
ABO ALKALAM هل في امريكا يمكنك اكتساب الجنسية باللف والدوران والغش والرشوة ؟ انتو الواحد فيكم وكت يقرأ الموضوع حقو يفهمه كويس واذا ما بفهم احسن يسكت ما يضحك الناس عليه
ولا راس السوط لحقك بمعنى انك مجنس بهذه الطريقة؟

Russian Federation [الحقيقة مرة] 05-01-2013 07:32 PM
ABO ALKALAM هو ناس البلد لروحم مالاقين اشتغلو ولا ياكلو كمان شابكنا امريكا وهجرة واحصاءات السودان التعبان دا عايز تقارنو بامريكا يا كوز يا بليد ؟؟

Russian Federation [قول الحق] 05-01-2013 06:26 PM
الكلام ده ينطبق عليكم يهيام عبدالله الي بيتوه من زجاج لايرمي ناس بلحجر

Russian Federation [mohmd] 05-01-2013 04:51 PM
والله يااختي الكريمة ذكرتيني موضوع مهم جدا نوع الجرائم التي تحدث في السودان وخاصة ضد الأطفال لايمكن أن يرتكبها سودانبون وقبل أن يأتي هؤلاء لم نكن نسمع بها. الله يعجل بزوالهم.

Russian Federation [سيد إبراهيم محجوب] 05-01-2013 02:28 PM
ربنا يديك العافية ويكتر من أمثالك أيتها الوطنية الغيورة وتباً لتجار الدين الذين يريدون تضخيم جيوبهم بأي وسيلة .........

Russian Federation [ABO ALKALAM] 05-01-2013 02:09 PM
وبذلك تثبت الحكومة السودانية انها حكومة دولة طالما كان هذا تفكير جماهير المعارضة التعبانة هل يوجد دولة تسمح للغوغاء بطرد ناس اكتسبوا جنسيتها سواء كانوا افارقة او اسيويين
امريكا اكبر قوة في العالم اكتشفت سر القوة في تنوع الأعراق والأجناس في دولتها وهي تعطي كل سنة عشرات الألاف جنسيتها فمابالك بالسودان التعبان الرقم الوطني مشروع هام ولكن عيب الحكومة انها مستعجلة في اكماله والحقيقة ان الرقم الوطني في جمهورية مصر استغرق خمسة عشر عاما حتي اكتمل تسعين في المية منه رغم الأمكانيات المهولة المتوفرة له في جمهورية مصر
عدد سكان السودان 38 مليون لم يسجل الي الأن سوى 9 مليون فقط في الرقم الوطني وذلك حسب الأحصائيات الرسمية طبعا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة