الأخبار
أخبار إقليمية
ميليشيات تهدد بإشعال شرق السودان
ميليشيات تهدد بإشعال شرق السودان
ميليشيات تهدد بإشعال شرق السودان


05-02-2013 01:39 AM
الخرطوم - عماد حسن

جددت جبهة شرق السودان انتقادها للحكومة بالتباطؤ في تنفيذ اتفاق الشرق وحذرت من ميلشيات قبلية مسلحة . وفي حين أعلنت الخرطوم ملاحقة المعتدين على أم روابة بواسطة الانتربول، ورفضت التدخل المباشر للمنظمات الأجنبية لمساعدة المتأثرين، اعتذر وزير الدفاع للبرلمان للمرة الثانية عن تقديم تقريره، بسب الانشغال بالتطورات العسكرية .

وكشف مساعد رئيس الجمهورية رئيس جبهة الشرق موسى محمد أحمد عن وجود ميلشيات قبلية مسلحة تحت مسمى قوات الحدود، منوهاً إلى أن ذلك يؤدي إلى انتهاكات وتوترات بين القبائل خاصة عند نشوء نزاعات أهلية . وأوضح أن الحكومة لم تتخذ الخطوات اللازمة لرفع حالة الطوارئ بشرق السودان “جنوب طوكر” وعدم استكمالها تنفيذاً لاتفاق طرابلس .

وانتقد موسى تباطؤ الحكومة في تنفيذ اتفاق الشرق، مشيراً إلى عدم تضمين الاتفاقية بالدستور وعدم الالتزام بتوفير خدمات متكاملة لأبناء شرق السودان وحرمانهم من حقوقهم ما جعلهم يشعرون بالقهر .
الخليج


تعليقات 21 | إهداء 0 | زيارات 8401

التعليقات
#654292 [بت حبوبتها]
5.00/5 (1 صوت)

05-02-2013 11:48 PM
موسى دة شكله منافق كبير !
من ناحية مساعد الرئيس شخصييييآ
ومن ناحية أخرى ينتقد الحكومة لعدم إيفائها بوعودها لأبناء الشرق
الراجل شكله عاوز يمسك العصاية من النص عشان يضمن منصب لو ناس الشرق رفعوا علمهم بهناك
وين ضميرك يا موسى ؟! صحيهو قبل فوات الأوان...


#654275 [عواد]
0.00/5 (0 صوت)

05-02-2013 11:23 PM
$$$$ دا كلو نحنا عارفنو قبل ما يفطموك عن ثدى والدتك الحنونة , بس ورينا انته قاعد مساعد رئيس فى القصر الجمهورى بتبيع ترمس وله كبكبى وله دخلته نظريات بى شعبك العبى بى ؟؟؟


#654204 [حريه]
0.00/5 (0 صوت)

05-02-2013 09:37 PM
ناس المؤتمر الواطي حسب فهمهم المتخلف يظنون أن ناس الشرق ناس مسالمين ولا يستطيعون أن يتمردوا لأنهم ناس أميين وغير منظميين ولا يوجد من يقودهم في عملية التمرد , أن عثمان دقنة كان حالة فريده وطفره جينية في ناس الشرق ولن تتكرر هذا ما ذكره لي أحد أعضاء المؤتمر الواطي عند نشوب تمرد دارفور عند منافشتنا حول عن امكانية تمرد ناس الشرق اذا لم يعطوا حقوقهم.


#654042 [محمد أدروب]
5.00/5 (1 صوت)

05-02-2013 05:41 PM
الجقلبة دي كلها عشان ظهرت الجبهة الشعبية لشرق السودان....يازول زمن الكندشة قرب يروح و الحقوق ستقتلع و يسقط نظام الكيزان و يقبر الى الأبد و يعود سودان الحرية و العدل و المساواة بحكم فدرالي مع سيادة المركز و مجلس رآسي تمثل فيه كل الأقاليم او التقسيم


#653932 [ود ام هبج]
5.00/5 (1 صوت)

05-02-2013 03:28 PM
خلاص نجضت تب .......الحله جقجقت ......كل زول ياخد حقو....كفايه.....
القضارف كسلا بورتسودان من حق الولايات الشرقية المطالبه بحقوقها ....كفايه...
لما طالب كرم الله عباس الشيخ بحقوق الولايات الشرقيه وخاصة ولايته ولايه القضارف
ردو عليهو بى شنو؟
وين بتمشى عائدات ميناء بورتسودان مليارات.....مليارات...مليارات...؟؟؟؟
وين اموال تنميه الشرق ؟؟؟؟؟؟
الشرق خط احمر ....
الشرق فتنة نائمه....

ونقول جاء دور الشرق ليكمل الدور....
حقوقنا او انفصال


#653847 [محمد علي]
5.00/5 (1 صوت)

05-02-2013 02:00 PM
ربنا يحفظ بلادنا ويجميها من كل طالب سلطه .... تعبنا والله كفااااااااااااايه .... حكومه ومتمردين ومسلحين وميليشيات ارحمونا يرحمكم الله


#653799 [خالد البوشي]
4.00/5 (3 صوت)

05-02-2013 01:22 PM
الجهل المركب هو الجهل بالموضوع من اساسه فهذا الجهل الاول ونسبته الى جهة اخرى وهذا الجهل الثاني وبالتالي فهذا هو معنى الجهل المركب وهاكم مثالا ..يعتقد البعض ان السماء هي عبارة عن جسم له كتلة وهيلولة فهذا جهل وظن ثم يعتقدون ان السماء تحيط بالارض من جميع الاتجاهات وحتما هذا المعطيات الظنية تحمل جهلين في نفس الوقت فالجهل الاول بالمادة السماوية والجهل الثاني في نسبتها الى الصناعة الوهمية العقلية الثانية..والمهووس الطيب مصطفى هذا الجاهل الذي قام بابشع دور في تاريخ الامة السودانية وهو الذي بدا الدعوة للانفصال وتفكيك السودان وزرع الاحقاد والكراهية بما يبثه من سموم قاتلة باسلوبه الركيك في صحيفته العنصرية الفاشلة الغفلة اقصد الانسلا خة اوهههه اسف جدا اقصد الانتباهة..والمفجع حقا ان يعتقد ان الدماء العربية التي تجري في عروقه انقى من دماء عرب الجزيرة العربية انفسهم او عرب الصحراء الليبية والمغربية وصحراء الشناقيط وحاصل الامر ان اولئك وهؤلاء هم العرب الاصل اما انت ياطيب مصطفى فهيهات ان تكون من اصحاب تلك الدماء العربية لانه وباختصار السودان لايوجد به عنصر عربي صافي بل هو موطن الغالبية الزنجية والاقليات العربية وهذه هي الحقيقة رضيتم ام ابيتم..


#653772 [واقعي]
5.00/5 (2 صوت)

05-02-2013 12:56 PM
- اي أجنبى بعد 1956 م لا يجوز حمله للجنسية السودانية
وتنزع جميع الهويات السودانية منهم؟؟؟؟؟!!! أنا أخدت الجنسية بعد ٥٦ تعال يا ع يا خ شيلها مني...هو السودان سنة ٥٦ ما كان عبارة عن خرابه وبيوت زباله بإستثناء القصر الجمهوري لوجود الانجليز والمصريين بداخله. مدينة اسمرا ومقديشو كانتا ك-نيويورك للخرطوم


#653752 [khalidmur]
0.00/5 (0 صوت)

05-02-2013 12:37 PM
الطيب بن مصطفي العباس القرشي صاحب البامبرز يعبئ ويستنفر ما يدعي بانهم عرب ضد من هم افارقة .هدا مايبثه من سموم خلال هده الايام ادا كان الغراب دليل قوم لا وصل القوم و لا وصل الغراب.


#653735 [ادروب المهمش]
5.00/5 (2 صوت)

05-02-2013 12:13 PM
اتزكر عند زيارة المناضل الثوري الخالد ذعيم وفقيد الهامش جون قرن في احدى زياراتة لمعسكرات متمردي مؤتمرالبجافي الجبهة الشرقية استقبلة ثوار البجا مداعبين لة فقالو لة هاتفين مرحب محرب يابراملو (براملو تعني ذمان قبل ظهورالصرف الصحي هنالك كان عمال يشتقلو في شيل الخرة اغلبهم من اخوان الجنوبيين وبعض النوبة ) ضحك الذعيم جون بأبتسامتة الساخرة فقال لهم مرحب مرحب اهلنا الغفرة فضحك الجميع من مهانتهم فكان ذلك يعكس حقيقةاذ ان نصيب الجنوبيين والنوبة في قسمة الثروة كان الخرة ومشتقاتة ونصيب البجا كانت مهنة الغفير بتأكيد هي افضل من شيل الخرة ولكنها في النهاية مهن العبودية والاتضهاد الاجتماعي والى اليوم تستخدم كلمة عبد في وجهة كل كل ذي بشرة سوداء ليس يستخدمها عامة الناس من العنصريين بل حتى المثقفين ونتزكر جميعا ماقالة الرئيس البشير في وصف اهل دارفور عند تعليقة على حوادث الاغتصاب وايطا استخدامة كلمة فريخ بعد تضحيات جسام نال الجنوبيين استقلالهم واستعادو كرامتهم المهدورة اما نضال اخوان في دارفور ماذال مستمر رغم المعاناة والظروف التي يمرو بها اليوم وهي فاتورة متوقعة لكل من اراد الانعتاق من اغلال العبودية وكذلك اخوان النوبة يخوضو ملحمة راعية اما اخوان في الشرق حدث ولا حرج طلعو خيابة هذا التأخير غير مبرر الهامش يمر بلحظات تحرر حقيقة الشئ الزي ادى الى فشل تمرد الشرق فيما سبق انة لم يحظى بأي دعم من امريكا او اسرائيل وذلك باعهم افورقي بثمن بخس للمؤتمر الوطني ولكن في السنتين الاخيرتين هنالك مستجد في الموقف الامريكي اليوم امريكا على حسب استراتيجتها تريد فتح جبهة تمرد في الشرق وهو سوف يكن اخر مسمار في نعش ما يسمى الدولة السودانية الموقف المريكى وجد تأييد من انباء البجا في الخارج والداخل وهي تحركات سرية في القريب اذا شاء المولى سوف نشهد تدشين لهذا المشروع نتمنى هذة المرة ان تنجح الثورة بتحقيق حلم دولة البجا الكبرى اما الحديث عن موسى وغيرة من المرتزقة اكلي الجيف بأسم الشرق سوف ينالو حسابهم والتاريخ لن يرحمهم


ردود على ادروب المهمش
[ود الناس] 05-02-2013 11:24 PM
احسنت اخي ادروب في خاتمة حديثك .. فهؤلاء لا يمكن العيش معهم ويعتبرونناعبيد ولا يمكن تعيننا في اي منصب حتى الكلية الحربية حرام علينا وحلال عليهم .. نعم لدولة البجا الكبرى نعم لدولة البجا الكبرى نعم لدولة البجا الكبرى .. هذا هو حلم الاجداد والاباء والابناء والاحفاد .. ولايمكن ان نتعايش مع من قتلو الطيار في رمضان واطلقو سراح ودابراهيم وصحبه عشان هم عرب ونحن عجم .. سننتصر باذن الله


#653661 [محمد عبد الرحمن محمد]
5.00/5 (1 صوت)

05-02-2013 10:11 AM
نحن من زمان عارفين الحيحصل في الشرق جنسيات بالهبل للاجئين وهم الان من اصحاب الاموال والعقارات والمليشيات وهم معروفين للجميع وهم الان محافظين في اغلب محافظات الشرق وخليك من ده كلوا وزير داخلية بلدك شنو


#653627 [حلفا]
0.00/5 (0 صوت)

05-02-2013 09:45 AM
يااخوانا موسى محمد احمد ماانبسط فى مهرجان السياحة شوفواليةحاجة تسكتو


#653589 [المكلوم]
0.00/5 (0 صوت)

05-02-2013 09:18 AM
يارب تستر


#653575 [mansour]
5.00/5 (1 صوت)

05-02-2013 09:09 AM
اصلها خربانه زيدوها خراب والرهيفه تنقد


#653570 [على كرار]
5.00/5 (3 صوت)

05-02-2013 09:04 AM
يا ناس حكومة المركز و الولاية أحسبوها بالعقل قبل ماتجى كلمة يا ريت لو عملنا كذا و كذا.الشرق بمثابة الشريات فى جسم الإنسان لإستمرار الحياة, إذا انقطع الشريان مات الإنسان و كذلك الشرق, عند إنطلاق أول رصاصة لن تنفع إسعافات أوليه و لا قرفة إسعافات مركزة, السلاح موجود تحت أى حجر و حدود بحرية مفتوحة لا تنفع معها نظرية ألإستطلاع بالنظر و حدود مع إرتريا و حدود مع إثيوبيا,أدروب صبور و ولوف و لكن عند الحقارة لا يسعنا إلا أن نقول رحم الله السودان و الله كان راجل طيب.شوفو موسى داير شنو و بسرعة إستجيبوا له.


#653560 [Adrob]
5.00/5 (1 صوت)

05-02-2013 08:56 AM
السلام عليكم الأحباب في الراكوبة،

يا موسى بطل الكذب انت وامنة ضرار بعتوا قضية البجا، مافي مليشيات قبلية ولا يحزنون في مؤتمر البجا

الما وقع معاكم اتفاقية استهبال الشرق مؤتمر البجا لكل البجا. البلويت قطعوا المصروف منك ولا ايه

عاش كفاح الشعب السوداني وثورة حتي النصر، والمجد والخلود للشهداء.


ردود على Adrob
Russian Federation [سودانى] 05-02-2013 10:00 AM
عليكم السلام ياأدروب بس كلمة بلويت دى مافى داعى ليها (( دعوها فانها منتنه))


#653555 [عصمتووف]
5.00/5 (1 صوت)

05-02-2013 08:50 AM
اعتذر وزير الدفاع للبرلمان للمرة الثانية عن تقديم تقريره، بسب الانشغال بالتطورات العسكرية .

لقيت ليك عذر *** ح تعمل شنو يعني ***وجودك وعدمك واحد ** وافضل عدمك *** واسراب الغربان صدقوه قالوا الرجل في منطقة عمليات يخطط لمعركة شاملة التنابلة


#653490 [karlos]
5.00/5 (1 صوت)

05-02-2013 07:14 AM
ديل الطيب مصطفى حيضبح ليهم التور البرتقالى يا جماعة الطيب مصطفى قالوا مجهز 30 تور كل حتة تنفصل يضبح ليها تور الراجل عندو تيران بالوان الطيف كلها


#653470 [alsudani]
5.00/5 (1 صوت)

05-02-2013 06:41 AM
المتأسلمين تأتيهم الأوامر من مصر
ومصر هى التى تستعمل هؤلاء الضباط
غير الوطنين فى طرد الضباط الوطنين
و فصل باقى السودان وانشاء مثلث حمدى
و للتخلص من كل هذا
!- أولا الإستيلاء على النظام بالإنتفاضة
الشعبية المسلحة لانه ثبت أن مصر تشارك
بالطيران فى بعض المعارك
2- أغلاق الكلية الحربية ومراجعة ملفاتها وجميع ضباطها
3- تغير العاصمة الفيدرالية خارج مثلث حمدى
4- حصر جميع الأجانب فى السودان
5- اي أجنبى بعد 1956 م لا يجوز حمله للجنسية السودانية
وتنزع جميع الهويات السودانية منهم


ردود على alsudani
Norway [56 سليقة] 05-02-2013 05:09 PM
أنا معاك في السطر 5 لكن ابتداء من 56 سلييييييييييييييييييييييقة لا الف لا تسعمية عشان نرتاح من اللفط الما داير يقيف دة

اما الاخ {#653661 [محمد عبد الرحمن محمد] } فحقو يخاف الله .. التلميحات غير الشجاعة البتقولها دي لو عملنا يقانون 56 ميلادية ما معروف مصيرك حيكون شنو .. لكن البتلمح ليهم عارفين مصيرهم شنو ههههههههههههههههههههههههههههههه


#653427 [جيفارا]
0.00/5 (0 صوت)

05-02-2013 03:57 AM
كفاية الراجيليها شنو شيل مسدسك وابقا مارق
ليك كم سنة معاهم ما عرفت الكيزان ديل لسة
كان راجى ليك قروش للتنميةواطاتك اصبحت
يلا انضم للجبهة الثورية


#653415 [ودالابيض]
0.00/5 (0 صوت)

05-02-2013 03:07 AM
اها نلقه من الجنوب ولا من الغرب تجو انتو تفتحوا باب طيب عمرالقشير مايتمر مع ناس الشمال ويريحنا؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.25/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة