الحكومة تستجلب «7» محطات جديدة لرصد الزلازل
الحكومة تستجلب «7» محطات جديدة لرصد الزلازل


05-02-2013 12:31 PM | تعليقات : 12 | زيارات : 1903 |

الخرطوم: استجلبت وزارة المعادن «7» محطات ، لرصد حركات الزلازل بالسودان، وكشف مدير ادارة الجيوفيزياء بوزارة المعادن محمد المبارك ان المحطات السبع سيتم تركيبها بولايات «الخرطوم ، البحر الأحمر ، الشمالية ، كسلا ، سنار ، شمال كردفان »، و ان هناك محطة اضافية يجري التشاور حول ثلاث مناطق لتركيبها «حلفا ، الفاشر ، الدمازين» ، مشيرا الى ان تكلفة تلك المحطات بلغت «1,790» مليون جنيه سوداني تشمل بناء غرف لتلك المحطات بجانب تركيب أجهزة وحدات الطاقة الشمسية ، بالاضافة الى تخصيص محطة مركزية برئاسة الوزارة. واوضح المبارك ان بداية تركيب المحطات الجديدة سيكون نهاية الاسبوع الجاري بمحطتي «السليت وجبل الأولياء»
وزاد انه وبعد تركيب المحطات الجديدة سيتم الزام الجهات التى ترغب في بناء البنايات الضخمة باجراء دراسة للتربة وسيكون هناك «كود مباني» ، مشيرا الى ان كل المدن الجديدة والمصانع لابد ان تتم لها دراسة التربة .
من جانبه، اوضح ممثل المعهد القومي للبحوث الفلكية والجيوفيزيقية بمصر محمد الجابري، ان التقنية التي سيتم استخدامها في نقل وتبادل المعلومات بين المحطات السبع هى تقنية «الموبايل» التي قال انها من احدث التقنيات الى جانب الاقمار الصناعية تفاديا لاستخدام «المايكرويف» الذي قال ان اشاراته كثيرا ما تتداخل مع موجات الراديو واجهزة الاتصال الاخرى مما يحدث تشويشا للمعلومات الواردة الى المحطات. وكشف الجابري عن توقيع مذكرة تفاهم بين مصر والسودان في هذا المجال خلال الفترة المقبلة.

الصحافة



التعليقات
#655420 Saudi Arabia [osaman]
05-04-2013 10:28 AM
ياضل الدبيب نحن نتكلم عن الاولويات.لم نقل ان رصد الزلازل غير مطلوب ولكنها الناس تموت من الجوع والمرض والعدم والفقر ونحن نستجلب معدات زلازل فى بلد جفرافيتها الارضية ليست جبلية ويندر ان تحصل فيها زلازل هذا هو مفهومنا للاولويات ياضل الدبيب مع اطيب تحية وود لك يااخى الكريم


#654302 Belgium [انصاري]
05-03-2013 12:03 AM
هو في زلزال أسوء من "الحكومة" هدت إقتصادنا، تعليمنا، وخدمتنا المدنية،وصحتنا، وامننا، وقيمنا، وأخلاقنا،وشيمنا، وحتى ديننا


#654169 [عصمتووف]
05-02-2013 08:42 PM
بعدين هل تحمي بيوتنا المهلهلة من السقوط ويا بخت من فاد واستفاد


#654141 Saudi Arabia [magdi]
05-02-2013 07:51 PM
يا اخوتي منذ متي كان عندنا زلزال اطاحه بالقصر الجمهوري واطاحه بالوزارات الحكوميه نحن عندنا زلزال اسمه السرقات التي اعدمت الشعب السوداني نحن عندنا زلزال اسمه الجوع والفقر هذه هطرقه هذه سرقه نحن نعاني من الاساسيات ويطلعوا لينا بالثانويات اذا بحث عن هذا الموضوع ستجد عليه مليون علامة استفهام اذا كان لايهمكم الشعب ان يموت من الجوع معقوله ان يهمكم الشعب ان يموت من الزلزال هذه مهازال يا زمانك اضحكي


#654014 Saudi Arabia [سمارا]
05-02-2013 05:14 PM
هههههههههههههههههاي !!!!
معقولة حكومتنا حريصة شديد بامننا؟؟؟
لا اطمئني يا حكومتنا المواطن خارج المدينة البهمك دا
ساكن لية تحت راكوبة قش لو جاء الزلزال ورماها عادي
الواحد بقوم من تحت القش وبتحتحت من القش الفوق راسو دا وبيمشي عادي

قال اجهزة رصد قال؟؟؟
والله زلزال واحد مهتمين بيه مافي غير الحركات الشعبية الزلزلت وارعبت كرسيكم
دا يا،ملقطين !!!
خلاص النشوفو اهتمامك دا في الضربات القادمة واقدرو ارصدو ضربات الحركات البسيطة
دي طبعا اسرائيل غلبتكم والحاجة السمحة انو اسرائيل بتعرف تضرب وين

نقول الله يرحم الشعب الفضل


#653985 United States [الفاتح مقبول]
05-02-2013 04:26 PM
«7» محطات
مرة واحدة الله لا طوركم
تمنها كم وكيف تم تمويلها
ومن الذى استوردها واستفاد
من ورائها..ثم هل يقع
السودان فى حزام زلزال
خطير .. ومتى كانت اخر
هزة وما تاثيرها
وايهما الاهم محطات رادار
لرصد الاعداء


#653959 Uganda [Petro]
05-02-2013 03:55 PM
الرادارات خليتوها !!


#653951 Saudi Arabia [دامدرمان]
05-02-2013 03:48 PM
كدي يا اخوانا وااااااحده واااااحده
اسه الاجهزه دي كان ادتكم اشعار بانو في زلزال جاي حاتعملو شنو؟؟؟؟
بس نظام انكم عارفين وكدا ولا بتقدرو تعملو شئ؟؟
بعدين القروش دي ماكان تجيبوا بيها رادارات عشان نعرف اسرائيل دي تاني بتخش بي وين







تخريمة:
ليه يا اهلنا للبيناتنا ما بتراعو
القال راسي بيوجعني تربطولو كراعو


#653948 Sudan [سودانية]
05-02-2013 03:45 PM
الله يهون من الانفتاح المصري علي السودان الايام دي كل مرة مشروع جديد.... الله يستر.


#653826 Russian Federation [الغاضبة]
05-02-2013 01:44 PM
رصدحركات الزلازل بالسودان،

بس دي الفلحتوا فيها، ان شاء الله الزلزال اليزلزلكم يا الكيزان..... قال زلازل، كدي نظفوا الشوارع ووفروا لينا موية صالحة للشرب بعدين ارصدوا الزلازل..... زلزال يهدكم يا رب....


#653813 Russian Federation [osaman]
05-02-2013 01:37 PM
انا لم ارى في حياتى حكومة مثل حكومتنا .غباء وسوء تخطيط وعدم وجود اولويات.
ركبوا كمرات مراقبة في الخرطوم .ليراقبوا من ؟لا ادرى.ثم الان اجهزة مراقبة زلازل.ااموال تهدر في غير اولويات.وكانما خلت البلاد من الاحتياجات الضرورية للاكل والشرب والان كله تمام ولانحناج الا لكمرات مراقبة واجهزة مراقبة الزلازل؟؟؟؟؟؟؟؟؟يااخى زلزل الله الارض من تحت اقدامكم ايها الخنازير السفلة من المؤتمر الوطنى والحيوان البشير وعلى شيطان محمد عثمان قبح الله زجوهكم.الناس تحتاج الى لقمة العيش وحقنة الملاريا ومياه صحية ووووووغيره من اولميلت العيش وانتم وي؟؟؟؟؟؟؟


ردود على osaman
Saudi Arabia [دامدرمان] 05-02-2013 08:39 PM
انت ياضل الدليب ولا ضل الدبيب
حكومتك دي كان عرفت انو في زلازال جاي حتعمل شنو؟؟؟

[ضل الدليب] 05-02-2013 05:11 PM
عندما حدثت زلازل بالسودان قبل خمس وسنوات ونيف رصد الهزة مرصد حلوان بمصر؟؟؟؟ أثارت هذه المسألة عاصفة من الاحتجاج والضيق لدى كافة المواطنيين السودانيين، ولاموا الحكومة التي تملك مراكز لرصد الزلازل............ آها بعد الحكومة ما سوتها زعلانين ليه....... يا خي نحنا شعب جدلي لذا حكم الله علينا بالتيه كما حكم على بني إسرائيل..............


#653781 Russian Federation [Sabir]
05-02-2013 01:01 PM
استجلبت وزارة المعادن «7» محطات ، لرصد حركات الزلازل بالسودان،


لزلازل انواع,,, ياتو منها الخايفو منو الحكومة,,, زلازل الشارع,,, ولا زلزال الإنتفاضة



Powered by Dimofinf cms Version 3.0.0
Copyright© Dimensions Of Information Inc.