الأخبار
أخبار إقليمية
تجدد الصراع في وزارة الموارد البشرية ومطالبة باقالة الوزيرة اشراقة
تجدد الصراع في وزارة الموارد البشرية ومطالبة باقالة الوزيرة اشراقة
تجدد الصراع في وزارة الموارد البشرية ومطالبة باقالة الوزيرة اشراقة


قالوا أساءت لحرائر السودان باعلان الجنس اللطيف المثيرللجدل
05-08-2013 02:08 PM

الخرطوم: مزدلفة دكام

طالبت النقابة العامة لعمال الادارة والخدمات بالسودان الرئيس عمر البشير اقالة وزيرة الموارد البشرية والعمل اشراقة سيد محمود وحثت النقابة وزارة العدل بالنظر بالشكوى التي رفعتها النقابة ضد الوزيرة وسحب الحصانة عنها تحقيقا للعدالة .وجهت النقابة انتقادات قاسية للوزيرة اشراقة واتهمتها بالانحراف عن مهام واختصاصات منصبها واضافت :" لقد ثبت بالادلة القاطعة ان الوزيرة انحرفت عن مهامها واختصاصاتها"، وضربت مثلا باصدار منشور مالي من اختصاص ديوان شؤون الخدمة بجانب اصرارها على ادارة شؤون الوزارة الداخلية عبر التصعيد الاعلامي والاساءة لحرائر السودان باعلان الجنس اللطيف المثيرللجدل. واتهمت النقابة الوزيرة من جديد بالتصرف في اموال العاملين المخصصة لبند الخدمات الاجتماعية، واضاف البيان ان الوزيرة استبقت لجان التحقيق باشانة السمعة وتعطيل بند الحوافذ المصدقة بالميزانية للعاملين بالوزاره.

الاهرام اليوم


تعليقات 18 | إهداء 0 | زيارات 7072

التعليقات
#661196 [اتحادي]
0.00/5 (0 صوت)

05-10-2013 01:10 AM
البت الوزيرة... جات جيعانه!!!

في شان القروش قفزت اكيد بالزانه!!!

وخلت الاصل هاربة... من حيرانه!!

وقالت خكومة اللبع .دي.الاكيد تريانه!!!

نفخت جيبوبه وجهزت من قبيل جزلانه!!

وقالت ياللخو اياكه السند.. اسرع تعال ابرانه!!!

خلينا من الفلس وشعار البطنو ماشبعانه!!
!
نركب في الحكم ونلحق القطر الفات خلاص خلانه!!
!
وشوف ابكضوم الطول سبقنه مكانه!!!

كترانات قروشه وكرشتو تب مليانه!!!!

عاينت يمين و شمال لقيت الداره تب زحمانه!!!
قالت اخير اكورك يمكن الحكومة تسمع وتخلي لي طرشانه!!

وكان مامليت سعني خليني النقول خربانه!!!

يمكن في الحكم الجديد مولانه ماينسانه!!!

ونقول للشعب انا من زمان.. زمان ..كت بس زعلانه!!!


#660807 [freedomfighter]
0.00/5 (0 صوت)

05-09-2013 05:20 PM
الله ينصرك يا اشراقة انتى الوداك للعفن ده شنو!
بالمناسبه اين ابن الكرام يوسف ود الهندى الرجاء الوقوف الى جانب هذه المناضلة الشريفة
حرامية ولاد الكلب

واحد دفعتكم فى الجامعة


#660663 [8855]
0.00/5 (0 صوت)

05-09-2013 10:52 AM
يعن خلاص النقابه قلبها علي بنات السودان ههههههههههههها ياخي ديل يقتلو القتيل ويمشو في جنازتو


#660576 [شكاك]
0.00/5 (0 صوت)

05-09-2013 06:20 AM
علمت من مصدر موثوق به وهى موظفة بنفس الوزارة أن الوزيرة كشفت الفساد
وظلت تحارب صرف المكافءات التى كانت غير مقننة
ولذلك يشنون عليها الحرب
والله اعلم


#660557 [اوتاشو الحلفاوي]
5.00/5 (1 صوت)

05-09-2013 05:11 AM
يا شباب اشراقة ضحية مافيا خطيرة لانها كشفت اوكارهم واي وزير للأسف تابع لكبار المافيا ولذلك تخرج احيانا قرارات وتحصل حاجات لا يكون الوزير المعنى يعلم ما يحصل في وزارته ولذلك حصلت حاجات زي حضور الايرانيين بميناء بورت سودان بدون علم وزارة الخارجية وتلك الحادثة الرهيبة يا شباب اشراقة ضحية لهؤلاء وتقريبا خرج قرار بتحطيمها قبل طردها من الوزارة ...الايام جاية بتكون في مفاجات انتظروا بسس


#660507 [محمود محمد محمود]
0.00/5 (0 صوت)

05-08-2013 09:37 PM
إشراقة
يا سلام كان ما خانتني الذاكرة بعرف البت دي
انا كنت زعلان منها اشتغلت مع الكيزان لكن بعد كلام الفساد بقيت اكبر مؤيد ليها لازم تواصل لحد نسف بؤر الفساد لو في ناس يقولوا عينت اخوها .. دة منطق ضعيف ... زي اشراقة ذاتها محاسبتها ممكنة .. خلوها تفرتق لينا الفساد ودة بيشفع ليها في فساد تعيين اخوهالو هو فساد حسب القانون ..
لكن الاهم هو الفساد المحمي لازم يا اشراقة لازم تصمدي الثعالب ديل لازم يتأدبو حسابك معانا بعدين لو انجزت هو العفو من شعب يقدر معني محاربة الفساد المقنن .
اياكي والاستقالة لانو دة نصر للصوص دايرين حاجة تشرف من الاحزاب المشاركة الانقاذ موقف مشرف واحد يرفع راس الحزب حقك.. الصمود بس وفي رعاية الله .. ولعلمك والله ما انضممت ليوم واحد لحزبك .. بس عجبني موقف انو يتجرأ وزير غير انقاذي ويحاول وقف الا عيبهم اما بقي بشرف او غادر بشرف ..


#660399 [كلحية]
3.00/5 (1 صوت)

05-08-2013 06:57 PM
هل هذه "الإشراقة" هى نفسها التى كانت وزيرة الإستثمار وعينت شقيقها " محرماً " ومديراً لمكتبها ليرافقها في رحلاتها خارج وداخل السودان !طيب إذا كانت هى فعلا " سلفية " هكذا كان يجب عليها أن تبقى في بيتها ولا تختلط بالرجال وتوفر على "حمد احمد" المسكين دافع الضرائب مرتبها كوزيرة ومخصصاتها بالإضافة الى مرتب " محرمها " مدير المكتب .لكن لأننا فى زمن السقوط والفساد كل شىء جائز ومقبول. كان ينبغى عليها أن تستقيل بعد هذه الحادثة ، ولكن هاهى تشغل حقيبة وزارية جديدة وبعض السذج يصفق لها . ربما تركت الإستثمار ليأتى مكانها التمساح الخطير مصطفى عثمان إسماعيل الذي إمتلك تقريباً شارع عبيد ختم وما حواليه، لكن فى السودان ما من وزير يستقيل ! عبد الرحيم حسين بعدحادث إنهيار البناية الشهير وإرتباط صهره بالحادث ، الرئيس البشير منحه إستراحة محارب ثم أصبح وزيرا للدفاع وتمت ترقيته وبدا يمارس رذائل الفساد في تشييد المبانى كأنما هو وزير إسكان ! غريب أمر هذا النظام ، أن تكون وزيراً للداخلية وتكون عندك جامعة تتبع للوزارة " جامعة الرباط " طيب أين دور وزير التعليم العالى !ونفس وزير الداخلية يبيع " قشلاقات البوليس " في الأحياء الشعبية ويحولها الى عمارات شاهقات لانعرف أين ذهب عائدها! طيب أين دور وزير الإسكان !عندما يصفنا المصريون بأننا ( شعب طيب ) فعلا نحن كذلك .


#660359 [زرياب]
5.00/5 (1 صوت)

05-08-2013 06:16 PM
يا جماعة الخير معروف ان أي نقابة الآن في السودان هى نقابة جبهجية 1000000% وبالتالي الحكاية وما فيها انو ناس النقابة ما لاقين الكيكة الكانوا مبسوطين بيها بسبب القرارات التي يقولون انهاقامت (باصدار منشور مالي من اختصاص ديوان شؤون الخدمة بجانب اصرارها على ادارة شؤون الوزارة الداخلية ) يعني النقاطة وقفت والحكاية باظت عليهم وتاني بيقولوا (قامت الوزيرة من جديد بالتصرف في اموال العاملين المخصصة لبند الخدمات الاجتماعية) يعني العمال كانوا لاقين شيء ما كل الاموال كانت في بطونكم والآن جاء وقت البكاء عل وعسي تعود أيام الهبر ...بلا يخمكم نقابة فاسدة كنتو وين من زمان ولا راس السوط لحقكم وخايفين علي حقوقكم انتو مش العاملين .


#660314 [الموجوع]
5.00/5 (1 صوت)

05-08-2013 05:34 PM
النقابات زمان كانت واقفة للحكومة شوكة حوت ومع حقوق العمال
الآن مراتع للفساد والإفساد ووجوه معينة لا بتموت ولابتفوت


#660306 [radona]
5.00/5 (1 صوت)

05-08-2013 05:27 PM
يجب اقالة هذه الهيئة النقابية فورا ودون ابطاء وذلك لسبب رئيس هل لولا كشفت الوزيرة المقدامة اشراقة الفساد والتزوير هل كانت ستواجه مثل هذه الحملة غير المبررة .. وهل عكذا يتم تصفية كل من يشير الى الفساد باصبعه ..
طريقة الهجمة المرتدة هذه لن تزيد الوزيرة اشراقة الا قوة وصلابه والمواطن السوداني سيظل يراقب هذا الوضع بصورة قلقة جدا .. وهذه معركة ضد الفساد قادتها الوزيرة اشراقة باقتدار فهل يا ترى سينتصر الحق ام الباطل في هذه المعركة دعونا نتامل ذلك جيدا !!!!!


#660267 [حسين]
0.00/5 (0 صوت)

05-08-2013 04:51 PM
كل القصة - الحوافز - حوافز على ايه ما نعرف !!!!!!!!!!!!ومن مين / يبدو من المتعاقدين للخارج .
لعب × لعب
قال - عمال الادارة والخدمات -!!!!!


#660260 [nagatabuzaid]
4.00/5 (2 صوت)

05-08-2013 04:43 PM
اى حزب يشارك فى حكومة الانتكاس يستاهل الضرب بال........... قناعتى الشخصية لا يشارك

مع الحرامى الا حرامى وتستاهل مليون خبطة ب..... على راسها ولاحظوا قذارة الناس ديل سلطوا

عليها ذلك المدعو ابو قرون وناس ابو قرون نكروه يعنى لا اصل له ولما فشل سلطوا عليها

النقابة يا حليل النقابات لمن كانت بتشيل الحكومات الان هى نقابة قلاع الضروس


(غندور مش دكتور اسنان زى مصطفى عثمان ) الحكومة دى بتجيب بتاعين الاسنان الماشاطرين

علشان يخلخلوا ويعذبوا الناس اها سلطوا عليها النقابة علشان تخلخله اشراقة اللهم لا شماته

اول ما شطحت نطحت عينت اخوها وشبهت نفسها بنبى الله موسى واخوها بهرون اها اركزى


#660204 [mansour]
0.00/5 (0 صوت)

05-08-2013 03:40 PM
ولسه ياما حنشوف


#660186 [ابراهيم]
5.00/5 (2 صوت)

05-08-2013 03:27 PM
انتوا الحصل شنو فى برنامج استضافة الوزيرة فى برنامج المحطة الوسطى (قناة الشروق) والوزيرة قالت (على حسب القناة) عندها ملفات فساد خطيرة ستكشفها؟
وال اثار الموضوع ثانى شنو ما نسيناهو ذى اى معضلة ثانية من معضلات بلدنا بالاسمو كتبنا ورطنا!! لك الرحمة والمغفرة يا وردى


ردود على ابراهيم
[مدني الحبيبة] 05-08-2013 04:28 PM
ملف خط هثروا الواضح والمعروف السرقوا منو وكذلك النهب المصلح في شركة الاقطان ادلة دامغة وتوقيعات عينك ياتاجر , النتيجة مافي اي حدي بي حاسبوا على حاجة فقط محاسبة الشعب السوداني بزيادة الاسعار والضرائب وتجويعه


#660166 [جيمى قانون]
0.00/5 (0 صوت)

05-08-2013 03:06 PM
مشكلة اشراقة انو وقعت وسط عدد هائل من اللصوص وهى دايرة تنضف الوسخ دا ... قاموا الجماعة الحرامية حفروا ليها.... الله يعينك ويساعدك ....


#660160 [ابوعكاز]
0.00/5 (0 صوت)

05-08-2013 03:00 PM
كاتلاني كاتلاني كاتلاني قبال يومي ادوه جامع الخليفة ذاتو من بعدك انتي مين تاني يتمني اهى


#660126 [ادم ضو]
5.00/5 (1 صوت)

05-08-2013 02:25 PM
معقول اشراقة الشديدة تكون قاسية كده .. احي انا يا اشراقة ضرب نار عديل كده



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة