في



الأخبار
أخبار السودان
لدي مخاطبتها قافلة النفرة النسوية .. اشراقة : لا صوت يعلو الآن فوق صوت البندقية
لدي مخاطبتها قافلة النفرة النسوية .. اشراقة : لا صوت يعلو الآن فوق صوت البندقية
 لدي مخاطبتها قافلة النفرة النسوية .. اشراقة : لا صوت يعلو الآن فوق صوت البندقية


05-10-2013 01:39 PM


الخرطوم(سونا) - سيرت لجنة المراة العليا المنبثقة من اللجنة العليا للتعبئة والاستنفار صباح اليوم قافلة النفرة النسوية الكبري والتي انطلقت من عريش المجاهدين بمنسقية الدفاع الشعبي تحت شعار ( معا لتجديد العطاء في سوح الفداء ) بحضور وزيرة العمل وتنمية الموارد البشرية اشراقة سيد محمود ووزيرة الرعاية والضمان الاجتماعي مشاعر الدولب والمنسق العام للدفاع الشعبي ومنسقية الدفاع الشعبي بالمراة .

وقالت الأستاذه اشراقة (لا صوت يعلو الآن فوق صوت البندقية) وستمضي مسيرة الجهاد حتي الدخول الي كاودا ويعود للوطن عزته وكرامته وينال التمرد درسا في الاخلاق ودعت الي وقفة جادة لتحرير ابوكرشولا وارجاع النازحين وحسم المعركة من فلول العمالة والمرتزقة ابولاية شمال كردفان .

واعلنت الوزيرة استمرار قوافل الدعم والمؤازرة للمجاهدين والنازحين عبر القوافل الانسانية وقوافل دعم المجاهدين . ووصفت الوزيرة العدوان علي ام روابة وابوكرشولا بانه رسالة ضعيفة من فئة خائفة وهاربه سنرد عليها برسالة واحدة فقط وحدة الصف النسائي ضد هذا الاستهداف الغاشم .

من ناحيتها اشادت الأستاذه مشاعر الدولب بكل القطاعات النسائية التي شاركت وتشارك في هذه الملحمة الكبري التي انطلقت صباح اليوم وتستمر في كل ولايات السودان للتصدي لهذاا العدوان الجبان الذي سعي لتفتيت وتمزيق وحدة السودان.

من ناحيته اشاد المنسق العام للدفاع الشعبي عبالله الشيخ بقافلة زاد المجاهد لمنسقية المراة بالدفاع الشعبي وبعريش المجاهدين الذي يمثل ثورة لكل الشعب السوداني مشيدا بمجاهدات اخوات نسيبة .

ومن جانبها اكدت امينة امانة المراة الدكتورة اقبال جعفر جاهزية المراة للذود عن الوطن والبلاد ووصفت العدوان علي ابوكرشولا وام روابه بانه عمل جبان لا يتنافي مع تعاليم الاسلام مؤكدة ان هذا العدوان قصد منه تمزيق وحدة السودان .

واشادت امينة المراة بالمؤتمر الوطني انتصار ابوناجمه بمنسقية المراة للدفاع الشعبي ومؤكدة بان المراة السودانية لن تنجلي وراء هذا المخطط والاستهداف الذي اراد ضرب النسيج الاجتماعي وبث الرعب في النفوس وهي حرب نفسية لن تثنينا عن المضي قدما في مسيرة الجهاد والاستشهاد .

الي ذلك خاطبت النفرة اميرة الطويل معتمدة برئاسة الولاية رئيسة منبر نساء السودان مشيدة بكل المجاهدين والمرابطين وادنة العدوان الغاشم علي مدينة ام روابة وابكرشولا والذي يتنافي مع كل الاعراف والقوانين .ودعت الي المضي قدما في مسيرة السلام والدفاع عن الوطن ومكتسباته وتوحيد الصفوف .

من جانبها اعربت اشراقة عثمان منسق المراة بالدفاع الشعبي رئيسة اللجنة النسوية العليا للتعبئة والاستنفار بالتدافع الكبير للمراة السودانية ومجاهداتها ودعمها للمجاهدين مؤكدة علي استمرارية قوافل الدعم للمجاهدين والمرابطين في مناطق الثغور.






تعليقات 21 | إهداء 0 | زيارات 4100

التعليقات
#662509 [مستغرب]
0.00/5 (0 صوت)

05-11-2013 09:03 PM
المعروف كل نساء العالم حسب تركيبتهم النفسية و الاجتماعية, هم ضد الحروب و سفك الدماء طبعا ما عدا نساء الكيزان نفس طينة رجالهم مجردين من كل القيم الانسانية ربما فقط من أجل تكديس مزيد من الذهب و حب حياة الترف , فهم أشباه نساء كما رجالهم أشباه رجال.


#661852 [معقوله بسسسس]
5.00/5 (2 صوت)

05-11-2013 01:58 AM
اسمعي اسمعي هوي!!! جهاد شنو ده؟ جهاد جهاد لمن يجيكم الجهاد الجد... قبيل بحضر في تلفزيون النظام جابوا نسوان من كادوقلي قالوا أمريكا بنجيبها بالحبال .. كدي اسي قول جهزتوا الدوبارة و العصب!! اها يجاهدوا ليكم منو؟ أخوات عوضيه يا إشراقة؟ ولا إخوان محمد عبد الباقي ود ام دوم؟ يكون اخوان طلبة دارفور القتلوهم في جامعة الجزيرة؟ أهل مجدي الاعدموه؟ ولا زملا الفتحوا فيهم النار في معسكر السليت للطلبه؟ أهل ماجدولين يا وسخين؟ ولا منو؟؟ منو!!؟؟ انطقي!! منو؟؟؟ بجي اليوم البخنقوك و يسألوك السؤال ده ...


#661838 [لابسى جلاليب الرجالة ملحوقة]
5.00/5 (2 صوت)

05-11-2013 01:04 AM
"اللجنة العليا للتعبئة والاستنفار .. قافلة النفرة النسوية الكبري .. عريش المجاهدين بمنسقية الدفاع الشعبي .. معا لتجديد العطاء في سوح الفداء .. لا صوت يعلو فوق صوت البندقية ..."
ياهو ده الكلام يابلاش - مش الجقة البيجبو فى الدعايات لمحلات بلاش-
نحن فى اللجنة السفلى المنبسقة عن اللجنة العليا للرجال البيلبسوا جلاليب الرجالة ملحوقة نؤيدك ونشد من ازرك ياخت نسيبة المتعطشة للدماء حتى دم الطمث
عن اللجنتين العليا والسفلى
الهندى عزالدين وراشد دياب واسحق فضل -مع انو اصلو مابيلبس جلابية بس سروال لزوم النوم- وحسين خوجلى واللحو
كسرة:
نوعد كل الغلمان المتطوعين للجهاد فى سبيل ابوجاعورة وبنى كوز مقدود بعرض خاص للافلام التالية:
كاتش مى ايف يو كان
والفلم الفرنسى الخطير والرهيب: " لو سركل ديه تابيت ديسباروا"


#661816 [ركابي]
5.00/5 (5 صوت)

05-11-2013 12:02 AM
ياساتر من اناث عشيرة الكيزان ديل مزعجات خلاص .....الناس ديل كتار خلاص ماعارف بعد سقوط دولتهم اللعينة حنوديهم وين؟؟؟؟؟


ردود على ركابي
[isic] 05-11-2013 11:36 PM
حنوديهم وين كيف يعني ؟نتقاسمهم أربعة أربعة.


#661779 [isic]
5.00/5 (1 صوت)

05-10-2013 10:37 PM
صوت البندقية اليصل مكتبك ويفرقع رأسك ، هسع في أم بتدعوا لﻹقتتال كما نساء الزمن ده الواحدة همهما منصب ، عربية، بيت ورصيد ببنك وإنشاء الله تاني باقي الشعب حطب نار.


#661767 [ودالبلد]
3.00/5 (2 صوت)

05-10-2013 10:22 PM
أمشوا براااااااااكم يا الكوزات عشان تنقرضوا وتفرح مهيرة بزوال نظام الإنقاذ والمشروع الحضاري الزائف .


#661691 [عبدالرحمن]
4.25/5 (5 صوت)

05-10-2013 08:09 PM
الظاهر الأستاذه اشراقة تدعو النساء إلى جـهـاد (النكاح).


#661683 [بومدين]
4.00/5 (4 صوت)

05-10-2013 07:48 PM
اللجنة العليا للتعبئة والاستنفار .. قافلة النفرة النسوية الكبري .. عريش المجاهدين بمنسقية الدفاع الشعبي .. معا لتجديد العطاء في سوح الفداء .. لا صوت يعلو فوق صوت البندقية ..
.. الساقية لسة مدورة .. سـاقيتنا لســه مــدوره ، لسـه لـسـه مــدوره .. الجهاد ، الاستشهاد ، الاجندة الاجنبية ، الطابور الخامس ، العملاء ، الخونة ، المتربصين .. إلخ .. إلخ !!.
الاسطوانة المشروخة ..
ما أشبه الليلة ، بليالي الانقاذ منذ أربعة وعشرين سنة !! .. منذ إنقلاب تجار الدين والدنيا المشؤوم في يونيو 89 ، والبلاد والعباد في حالة حرب ابدية سرمدية مستمرة دون توقف !! ، سلسلة جهنمية من الحروب العبثية مزقت البلاد وأفنت العباد .. أصبحنا بقايا شعب من مخلفات الحروب ، المعاقين جسديا ونفسيا وألارامل والايتام والمشردين !!.
هكذا بدأت ( ثورة الانقاذ ) حروبها منذ الميلاد ، بإعلان الجهاد المقدس علي المواطنين السودانيين بالجنوب ، وما صاحبها من أعراس الشهيد ، وبنات الحور ، وزاد المجاهد ، والقرود المسلمة المقاتلة ، والاشجار المكبرة المؤذنة .. إلخ .. إلخ .. إنتهاء ببتر نصف الوطن ، وتمزيق البلاد ، وطرد الشهداء من الجنة ، وإحالتهم فطايس متعفنة !!!.
ثم النار ولعت وبي قلبي بطفيها .. دورت الساقية مرة أخري في إتجاه الغرب .. وبدأت محرقة ومجازر دارفور المأساوية بنفس الاسطوانة .. الجهاد ، الاجندة الاجنبية ، زاد المجاهد ، الطابور الخامس ، الخونة ، العملاء ، المتربصين ، المرتزقة ، الحور العين .. إلخ .. إلخ ..
وافرزت هذة الغزوة مئات الالآف من الموتي ، ومئات الالآف من المعاقين جسديا ونفسيا ، وقوافل من الارآمل واليتامي والايامي وأبناء السبيل المشردين !!!.
النار ولعت .. ودارة عجلة الساقية شرقا .. وكانت غزوة الشرق ، قصفت خلاوي همشكوريب بنفس الاسطوانة المشروخة .. الجهاد ، الاستشهاد ، الاجندة الاجنبية ، الطابور الخامس ، العملاء ، الخونة ، المتربصين .. إلخ .. إلخ !! ..
وإنتهت غزوة الشرق بمئات الالآف من الموتي ، ومئات الالآف من المعاقين جسديا ونفسيا ، وقوافل من الارآمل واليتامي والايامي وأبناء السبيل المشردين !!!.
النار ولعت .. وفقدت الساقية عقلها ، ودورت منشار دائري هذة المرة !! بعد أن أقنعونا إن تمزيق السودان ، وتفتيته ، وبتر الجنوب هو آخر الحروب ؟؟؟.
إذا بالساقية تبدأ الدوران من أبيي ، وجنوب كردفان ، والنيل الازرق + دارفور + هجليج + ام روابة + ابو كرشولا + ام برمبيطـه .. لتـعـود كـما سـنري جميـعـا ، فـي غـضـون الأيام الـقليلة الـقـادمة إلـي أبيي مـرة اخــري ؟؟؟؟.
الغريب في الأمر نفس الاسطوانة الـمشـروخـه ، الجهاد ، الاستشهاد ، عـريش الـمجـاهـدين ، الاجندة الاجنبية ، الطابور الخامس ، العملاء ، الخونة ، المتربصين .. أعراس الشهيد ، بنات الحور ، زاد المجاهد ، والقرود المسلمة المقاتلة ، والاشجار المكبرة المؤذنة .
بينما يتضور الشعب الفضل جوعا ، ومــرض ، وتشــرد بالـداخـل والخـارج ..
وفـي كـل مـطـلـع شمس ، حـرب جــديده ، وقـوافـل جـديدة مـن النازحـين ، وقوافل جــديدة مـن المـعـاقين جســديا ، وقوافل جـديدة مـن الأيتام ،ولأيامـي ، وابناء الشــارع !!!!؟؟؟ .
النيران المولعه في طول البلاد وعرضها ، ما هي الاّ زر رماد في العيون ، كلما دخل النظام في ( ورطه ) وما اكثرها ، دعوا للجهاد ، ما مهم على من ، بس المهم الهاء الناس وحشد السذّج ، والنطيحـه وما أكـل الكلــب خلفهم .. هذا ما حدث في هجليج ، عندما اختنق النظام وبدأ العد التنازلي لانهيار اقتصاد البلاد ، افتعلوا مـعـارك جـنوب كـردفـان ، والنيل الأزرق ، وقـريبا مـعـارك الشــرق ..

الـسـاقيه لســه مــــدوره .. والساقيَهْ طاحونة الأنين طُول الليالى مدوِّرَهْ تحت الهجير تحت الظلام تحت المطر الساقيَهْ لا زِم تستمر .. الساقيَهْ لسَّهْ مدوِّرَهْ وأحمد ورا التيران يَخُب أسيان يفكّر مُنْغَلِب ..


#661659 [انصاري]
4.94/5 (5 صوت)

05-10-2013 06:43 PM
تاني للموال دة.. الدور دة لازم تتصلوا بالملآئكة القلتوا كان بحاربوا معاكم زمان، ويجوا معاهم كم حورية، بالدلوكة عشان، يشجعوا المجاهدين ويحمشوهم.. تبت يداكم بما كسبت ظلماً سرقة... ياضيقي الافق، وعديمي التجربة، ومتوسطي الخبرة، وفقيري الاخلاق، ومنعدمي الخلق، ومتسولي الكرامة، فاقدي الشهامة


#661657 [Hamid Bargo]
5.00/5 (2 صوت)

05-10-2013 06:39 PM
قالت عمل جبان و لا يتنافى مع تعاليم الاسلام

هاهاها

والله يا كيزان مرمطوا الاسلام
الله يدمركم دمارا هائلا


#661628 [حليم - براغ]
5.00/5 (2 صوت)

05-10-2013 05:46 PM
شاطرة يا أمورة يا شروقة يا بتاعت البندقية..لعنة الله عليك الظاهر أبوك مارباك كويس!!


#661588 [مشوت Machut]
4.82/5 (6 صوت)

05-10-2013 04:27 PM
انتو الجهاد دا موش كان ضد الجنوبيين عشان قالو بمشو الكنيسة ؟ ..... طيب ... قرينا فى تاريخ السودان الواحد دا انو اهل الغرب دول كانو كساة الكعبة وحراس الحجاج .....حتى كان عندهم رواق فى الازهر الشريف معروف برواق الدارفور ...... طيب بجهادو ليهم كيف وبياتو حجة ؟ .....واللة الرجالة ساكت دى كان غلبتكم المفروض تقولو للشعب المسكين دا انو دا بقت ماركة كوراراكم ساكت .... جهادكم فاقد معنى ..... وبطلو تخربو سمعة الدين


ردود على مشوت Machut
European Union [عصمتووف] 05-10-2013 09:28 PM
والله يا مشوت يا اخوي نحن احترنا فيهم هؤلاء القوم الزنا عنهم جهاد لا فرق طفلة شابة مربربة غلام ما عندهم مانع هؤلاء هم جوقة الصفويين يعني عندهم فرق بين المسلم والاسلامي (الاخ) الباقين طظ فيهم مسلم مسيحي وانا ما قلت اللون ده كلام تاني الله غالب في النهاية


#661579 [ود كركوج]
4.00/5 (2 صوت)

05-10-2013 04:04 PM
مش ياهن ديل الكوزات الكانن بيشيولو السيخ في الجامعة؟


#661557 [المصحح العصري]
4.50/5 (4 صوت)

05-10-2013 03:39 PM
يا إخواننا الحريم ديل ماشات مع محارم ولا ام فكو ساكت؟!!!!!!!


#661547 [المتجهجه بسبب الانفصال]
5.00/5 (3 صوت)

05-10-2013 03:20 PM
صوت البندقية متين سكت في البلد المنكوبة دي منذ 1989


#661540 [Abdelkerim]
5.00/5 (1 صوت)

05-10-2013 03:10 PM
ومن جانبها اكدت امينة امانة المراة الدكتورة اقبال جعفر جاهزية المراة للذود عن الوطن والبلاد ووصفت العدوان علي ابوكرشولا وام روابه بانه عمل جبان لا يتنافي مع تعاليم الاسلام مؤكدة ان هذا العدوان قصد منه تمزيق وحدة السودان .


#661535 [بت الخرطوم]
5.00/5 (1 صوت)

05-10-2013 03:00 PM
سيبى تكسير التلج ياوزيرة الاعلانات الفاسقة وكريسى جهدك فى مواجهات نقابة وزارتك ولا عايزة تكسرى الثلج لسادتكم لعلهم ينصروك على النقابة والله تطلعتى اى كلام ما عارفة الجماعة ديل ما عندهم عشرة اذا استنفذتى اعراضهم فلا تستبعدى ان يقوموا بيك زى ما قال استاذ ساتى فمن الافضل ان لاترفعى البندقية ارضاءلسادتك فهؤلاء لايعجبهم العجب ولا الصيام فى رجب اقعدى فى مكتبك وبلى شعرك وشوف الضحية الجاية منو احتمال تكونى انت حتى لو بقيتى من الدبابين البدرين المصلين قال |(لا صوت يعلو على صوت البندقية )نشوف اخرتا يابت سيد


ردود على بت الخرطوم
[تماضر باناقا] 05-10-2013 06:55 PM
يابت الخرطوم لو ماخجلانات لسموا النفره بأسمها وغرضا ياختي دى نفرة النسوان الكبرى الماشات جهاد النكاح وكلهن شايلات دلكتن وكبريتن ولبانم وحاجات تانيه لزوم الجهاد لزيادة الأجر والثواب
آل بندقيه آل!!!!!!!!!!!!!!!


#661520 [adilnugud]
5.00/5 (1 صوت)

05-10-2013 02:30 PM
ومتى الافتاء بنكاح الجهاد؟؟؟؟؟؟؟؟؟؟؟؟؟؟؟؟؟؟


#661508 [adil a omer]
5.00/5 (2 صوت)

05-10-2013 02:08 PM
قصدك البندقيه البندقيه ولا البندقيه .............................

معليش يا اخوانا غلطت قصدها صوت الدلوكه


#661505 [adil a omer]
5.00/5 (1 صوت)

05-10-2013 02:03 PM
معليش يا اخوانا غلطت قصدها صوت الدلوكه


#661500 [ابولو]
5.00/5 (1 صوت)

05-10-2013 01:57 PM
لا حول ولاقوة الإبالله. بندقية في .......خلاص دايرين تكتلوا الباقيين.يامنافقين



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة