الأخبار
أخبار إقليمية
الشرطة تلقي القبض على شقيق المتعافي وتصادر معداته الزراعية



05-14-2013 12:05 PM

ألقت شرطة محلية الدندر أمس القبض على سليمان المتعافي شقيق وزير الزراعة، وأودعته حراسة قسم الشرطة لعدة ساعات قبل الإفراج عنه بالضمان.. وتعود تفاصيل القضية إلى أن الإدارة العامة لشرطة الحياة البرية بمحلية الدندر كانت قد دوَّنت بلاغًا في مواجهة المواطن سليمان إسماعيل محمد الجزولي المتعافي بالرقم «115» بتاريخ 11/5/2013 رقم الأحوال «22» بتهمة التعدي على محمية الدندر بقطع الأشجار، وممارسة النشاط الزراعي داخل المحمية، وكانت الشرطة قد صادرت عددًا من الآليات الزراعية الخاصة بمشروع المتعافي، من بينها «3» تراكتورات، وتانكر ماء وألقت القبض على «22» من العمال الموجودين خارج حدود الحظيرة بحسب إفادات أحد المفرج عنهم بالضمان.
الإنتباهة





تعليقات 36 | إهداء 0 | زيارات 14434

التعليقات
#665647 [حرقة وألم]
5.00/5 (2 صوت)

05-15-2013 10:25 AM
غلطانين يا ناس الدندر وعيب عليكم ولا يجوز ولا يصح كان تخلوا يزرع بعدين تجوا تحصدوه وما تدوه قنطار واحد ... طبعاً الزول ده سمع بأن شوال السمسم بقى بمليون جنيه وماصدق خبر جاب الاليات وهاك يا نضافة وقطع اشجار لا عارف حدود حظيرة ولا مشاريع اهلية المهم بس عايز يكاور اكبر مساحة ممكنة... وانا متاكد المستثمر ده ما عارف السمسم ده من الاشجار ولا من النباتات... قادر يا كريم يهجم عليه اسد من اسود الحظيرة الضارية يخلى ريحته طير طير.
ناس الدندر كان القضية دي مرت زي اخواتها ما عافي منكم تب تصادروا الحديد ده زي ما بتصادروا بهائم العرب الرعاة لما يدخلوا الحظيرة.
كسرة.
مرة من المرات مشينا للحظيرة دي قاصدين نقعد فيها ثلاثة أيام ومعانا ثلاثة خرفان (يعني كل يوم بي خروف)الغريب في الأمر قعدنا أربعة يوم ورجعنا ومعانا أربعة خرفان (يا ناس الراكوبة الفهم حاجة يرفع اصبعه).

كسرة تانية.
قبل كم سنة كدة واحد من بيت كلاوي الكيزان قطع أشجار من الحظيرة دي وباعها لمصلحته الخاصة ولما فاحت ريحة العفنة والموضوع وصل الشرطة وقبضوا على الكوز قلنا خلاص ارتحنا منه فاذا بالمفاجأة أن خرج منها زي الشعرة من العجين وقال ايه قال الاشجار كانت سواقط أي أن الاشجار كانت واقعة على الارض وجافة ومتكسرة (يعني فحم جاهز)ولا فائدة للغطاء النباتي منها قلنا أبو الزفت والله الجماعة ديل (بقنبلوها قنبيلة).. أرجو ألا يتكرر نفس السيناريو ويضيع عرق الجباه الشم شمار في مرقة.ويبقى الموضوع بندق في بحر ولا كبير على القانون ولو القوانين في السودان وضعت ليتم قطعها عفواً أقصد ليتم خرقها.


#665586 [على كرار]
0.00/5 (0 صوت)

05-15-2013 09:02 AM
والله من كثرة البلع و السرقات و ألإختلاسات و الكوميشن الوصل %15 ما قادرين نتابع الحاصل و قعدنا نتلفت يمين شمال-شمال يمين زى مروحة التربيزة, و جماعة الؤتمر اللاوطنى يلعبوا بينا,يدوسو زر التشغيل نقوم ندور, يدوسو زر التوقيف نوقف, خلاص يعنى ختينا الحنة و لبسنا الطرح والله الواحد بقى ما يقدر يعاين فى عيون مرته و لا بناته من الخياسة النحن فيها دى. اصحو يا قوم, هبة واحده و إلى القصر حتى النصر.


#665468 [ولهان بالدندر]
5.00/5 (2 صوت)

05-15-2013 04:33 AM
يا اخوانا صبركم شويه !! يمكن الزول ده كان بيزرع الغام عشان متمردي النيل الازرق ما يدخلو محمية الدندر .. او داير يعمل حديقة حضاريه لعرب الخليج .. او مركز ابحاث لمزارع اخوه وشركاءه المستثمرون في النيل الازرق .. ويمكن كان بينقب في بترول او الدهب او كان مطارد فلول المتمردين او كان بيحفر قبور للخونه والطابور الخامس او كان بينصب كمين للاسرائليين .. يعني ببساطه التبريرات والمسرحيات والافلام علي قفا من يشيل !!!!!!


ردود على ولهان بالدندر
[حتتشبسوت] 05-15-2013 08:50 AM
هههههههههه فعلا دا الحيصل بالظبت


#665451 [مواطن]
5.00/5 (2 صوت)

05-15-2013 02:50 AM
بكرة اذا سالنا الحصل شنو في القضية ما حنلقا الملف ؟؟؟؟؟؟؟


#665425 [عبده الطاهر]
5.00/5 (1 صوت)

05-15-2013 01:19 AM
محمية الدندر بعد غابات الامازون مباشرة من حيث درجة الرطوبة لهذا هى محل اهتمام العالم اجمع وخاصة المهتمين بالبئة وبها انواع نادرة من الحيوانات البرية وتمثل غطاء نباتى هام يعمل على حماية الزحف الصحراوى ويساعد على هطول الامطار بمعدلات كبيرة وبالتالى توفير مياه الشرب لانسان هذه المناطق لبسيط وتعينه على ممارسة حرفتى الزراعة والرعى خارج حدود المحمية لعلمه باهميتها بالفطرة والتجربة لهذا تجده يشارك فى حمايتها مع قوات حماية الحياة البرية فقد كان شيخ العرب الناظر محمد المنصور العجب رحمه الله وابن احيه الدكتور منصور يوسف نائب دائرة الدندر اطال الله عمره لايجاملون قط فى المساس بهذه المحمية الطبيعة لما لها من مزايا لاتحصى ولاتعد فلا تاخذنكم رافة بهذه الفاسد المتعافن الذى لايفكر الا فىى نفسه فقط لاغير


ردود على عبده الطاهر
Hong Kong [زهرة] 05-15-2013 03:30 PM
كلمنا خالي محمود زعزوع كثيرا عن هذه الحظيرة ومحاولات الهجوم المتكررة عليها، وأذكر مما قاله إن ضباطا شرفاء تصدوا لأحد محالات خرق قوانين الحفاظ على الحيوانات فيها، التحية لمواطني الدندر التي أتشوق لزيارتها


#665400 [المندهش]
5.00/5 (1 صوت)

05-15-2013 12:00 AM
تمثيلية بااااااااااااااااااااااااايخة بكونو ناوين لي ناس تانين يعملو التمثيلية دي بعدين يطلعوهو براءة ويلمو في الناس الاصلهم قاصدنهم
يا ناس كيزان شنو البحاكمو كيزن اصحو يا عالم بكرة شوفو كلامي دا


#665399 [عنقالي من معسكر كلمه]
0.00/5 (0 صوت)

05-14-2013 11:58 PM
الكيشه ما استشار اخوه .. يستاهل


#665343 [الحقيقة مرة]
5.00/5 (1 صوت)

05-14-2013 09:44 PM
المتعافن الكيزان هم الاطلقو عليهو اللقب دا لانو من هو كويز بحب ياكل والغف براهو عندو عقارات واستثمارات في ماليزيا ويملك حصة كبيرة في بنك اسلاموي هناك يعتبر جنة لغسيل اموال الشعب المنهوبة انتزع اراضي المزارعين في النيل الازرق بالتحايل والترهيب والبلطجة التعذيب الموثقة واقام عليها مع شركاء اجانب مشاريع زراعية هدفا التصدير لاسواق الخارج حتى لو السوق المحلي معدوم وليس تحقيق الاكتفاء الغذائي الداخلي للشعب الفقير الجعان وعينو على مشروع الجزيرة من زمن يعتبر انموذج مميز لبشاعة لاسلاموي الطفيلي الما بشبع من السلطة والاموال المسروقة من قوت المساكين


#665321 [نوارة]
5.00/5 (1 صوت)

05-14-2013 08:30 PM
وانتو ماسمعتو بشركة الاستثمار العملته مرة المتعافي واخدت القريشات من النسوان وقالت تشتري بيها سمسم واظن كان عندها غرض في قريشات النواس وبعد سنة رجعت القروش وقالت ليهم المشروع خسر وعيلة كلهم حرامية


#665319 [طارق الباز]
1.00/5 (1 صوت)

05-14-2013 08:19 PM
المفروض يدخلو حديقة الدندر كحيوان مميز بدل الحراسة


#665287 [سنا سيكو]
0.00/5 (0 صوت)

05-14-2013 07:32 PM
ما على السيد/ عمر الكضاب ان يذهب الى محلية الدندر ويستفسر عن البلاغ «115» بتاريخ 11/5/2013
حتى لا يطل علينا بكذبه المعهود فى انه لا توجد ادله او مستندات .. وحقا صدق من سماه بعمر الكضاب ..


#665272 [الشفيع إبراهيم]
0.00/5 (0 صوت)

05-14-2013 07:14 PM
المتعافي ( الما) (كيشة) الوزير (الحريف) أستولى على ألوف الأفدنة بالنيل الأزرق (الصعيد) وهي أراض كانت (حكر) (وحيازة) لأهلنا هناك يزرعوها (بلدات) ... الآن أصبحت مشاريع تتبع للمتعافي وأشقاؤه ، محل تمشي تلقى أملاكهم أمامك ، ليه يا المتعافين تتعدون على حرم حديقة الدندر؟ ألا يكفي تعديات مؤسسة الجيش منذ 1989 وهم يقطعون الأشجار ويحرقون ويتاجرون بالفحم ؟
فعلا لا أحد يستطيع متابعة هذا البلاغ (الزوبعة) ستنهي أو تموت الإجراءات وتعاد المعروضات ، وعفوا أيها المتعافي سامحنا هذه المرة الشرطة في خدمة الشيوخ ...
تحياتي
الشفيع إبراهيم


#665238 [كاظم الغيظ]
3.94/5 (5 صوت)

05-14-2013 05:58 PM
من أسوأ الأمراض تلك الناتجة عن عقد مركبات النقص Inferiority Complex وعلى سبيل المثال لا الحصر عقدة الحرمان وينبغي على المرء ألا يخلط بين الحرمان والفقر وكم من فقراء عاشوا شرفاء بنفوس شماء تعانق السماء لكن المتعافي وأخيه كانا يعانيان عقدة حرمان جعلتهما شرهين نهمين لا يشبعان البتة ولا يملأ التراب عينيهما لماذا؟؟
نشأ المتعافي في أسرة قصابين بالدويم حالها أقل من متوسطة وكان هو يسترزق من بيع "الطايوق" ولمن لا يعرفه أي الطايوق فقد كانت ربات البيوت تستعمله في "عواسة الكسرة" التى نصح بها وزير المالية الفاشل من قبل.
لم يكن المتعافي مهتما بالدراسة والتحصيل في صباه إلا أن أحد أقربائه هو الذي شجعه (وليته لم يفعل)
لذلك كلما تلوح له خواطر ماضيه المليئة بالحرمان تزداد شهيته للسرقة في دم بارد وبسمته الأفعوانية لا تفارق شفتيه.
في هذا الوقت يكون اللص أخ اللص قد أخليّ سبيله وأعيدت له ممتلكاته


ردود على كاظم الغيظ
[الخمجان] 05-14-2013 08:13 PM
هذا صحيح لان عقدة الحرمان مرض عضال يصيب النفوس المتهمة للمولى عز وجل فى قضائه وهذا ما كان يطلقه مبارك الفاضل على ناس الانقاذ ويصفهم بانهم ابناء فقراء ولا يقصد مبارك ان الفقر عيب ولكنه يقصد عقدة الفقر التى لازمتهم طيل حياتهم وستظل عقدة الحرمان تلازمهم حتى الموت ولا يملا عيونهم الا التراب


#665230 [aboidris]
0.00/5 (0 صوت)

05-14-2013 05:45 PM
كلهم طينه واحده بس الاصلي ده ما كيشــــــه


#665214 [radona]
0.00/5 (0 صوت)

05-14-2013 05:31 PM
عرفنا التقاوي والمبيدات الفاسدة اصبحت جريمة بدون مجرم
اها دي ثابته لافيها شق ولا طق
وحذاري من تكوين لجنة لطي الموضوع وايداعه عالم النسيان


#665213 [جركان فاضى]
3.00/5 (1 صوت)

05-14-2013 05:30 PM
تمويه الله اكبر -كل القصة فبركة عشان يظهروا للناس البسطاء والسذج ان القانون يطال الحاكم والمحكوم -بعد شوية تثبت براءته وترجع له المعدات ومعاها دقشة قروش تعويض اكبر من قيمة المعدات -لقد تكررت مثل هذه القصة كثيرا لجماعة الانقاذ وفى النهاية يطلع البطل هو المنتصر - تمويه الله اكبر- تدجيل الله اكبر -تتطشيش للعيون الله اكبر


#665211 [BIKRAH SAJMAN]
0.00/5 (0 صوت)

05-14-2013 05:24 PM
عقبال كبار مجرمي المؤتمر ال...........، الذين لا يرحمون ولا يتركون رحمة الله تنزل على عبيده من باقي الشعب السوداني الفضّل!!!


ردود على BIKRAH SAJMAN
United States [واحد] 05-14-2013 09:28 PM
أتق الله يارجل ,كيف تتجرأ وتقول لا يتركون رحمة الله تنزل ؟.ألا تعلم أن الرحمة من عند الله؟.


#665170 [أبوالكجص]
0.00/5 (0 صوت)

05-14-2013 04:31 PM
بسيطة ... يتصل المتعافي إياه بأقرب نافذ (وليس البشير لأن البشير قراره مابيُنفّذ عيني بقى صورة ساكت) ويفك حظر المعدات المصادرة وتُشطب القضية ماهم كبار على القانون.


#665124 [بت الخرطوم]
5.00/5 (1 صوت)

05-14-2013 03:44 PM
عقبال بقية الاخوة امييييييييييييييييييييييييييييييييييييييييييييييين


#665101 [Shah]
0.00/5 (0 صوت)

05-14-2013 03:13 PM
عينهم فى الفيل ... يطعنوا فى ضلو.


ردود على Shah
United States [MAHMOUDJADEED] 05-14-2013 05:26 PM
ده ما ضل , ده الفيل ذاتو !!!.


#665088 [غريبة والله]
1.00/5 (1 صوت)

05-14-2013 02:59 PM
متعلمة !!!!!!!! ماذا عن أسرة مستشفى أمبدة سوق ليبيا والتى تم استيرادها غير مطابقة لمواصفات المستشفى وبأسعار خيالية / على ما أذكر المطلوب وقتها ربما ثمانية بمواصفات خاصة واجبرت المستشفى بعد تدخل الوالى وقتها على استلام 80 أو نحو ذلك بمواصفات أسرة مرضى عادية . ما هو أخوى .!!!
الأسوأالمهم المستشفى اغلقت قبل عدة سنوات لتصدعها وبدون محاسبة .
تطورنا الآن فى محاسبة لحين تدخل معالى الوزير. ما هو أخوو ى!!!!!!
غايتو غريبة والله !


#665081 [سوداني ممكون و زهجاااااااان و قرفاااااااان]
5.00/5 (1 صوت)

05-14-2013 02:51 PM
لا حياة لمن تنادى!!!!!!!!!!!!!!!!


#665063 [برعي حسن برعي]
0.00/5 (0 صوت)

05-14-2013 02:37 PM
وكل دا بس عشان 3 تركتر ؟ وتنكر موية ؟ ما كان تخلوها لي صدقة ما من حقنا لي يعنى مضخمين الميضوع كدا ؟


ردود على برعي حسن برعي
[عباس] 05-14-2013 05:22 PM
ده القدرم ربنا عليه اكتر من كده صعب عليهم .


#665055 [محمد احمد]
3.50/5 (3 صوت)

05-14-2013 02:30 PM
يا سلام يا سلام ... حاجة تمام ... جوز الحمام ... المزيد من الإهتمام ... لذر الرماد في العيون ونشر الأوهام ... بهذه المسرحيات الهزلية ليكون مصير المواطن التصديق والعيش في الاوهام.
بإختصار الناس ديل من اول يوم حكموا فيهو البلد اشتهروا بالتمثيل على الناس
اذهب الى السجن وأنا إلى القصر ... السودان ما حا ينفصل ... فقدان بترول الجنوب ما حا يأثر على الاقتصاد ... والكثير المثير ... ليكم يوم يا أولاد الذين ... مافي وهم بعد كده بيصدقكم


#665044 [Tariq]
3.00/5 (2 صوت)

05-14-2013 02:17 PM
These people have been stealing for more than 23 years .Why the Intibaha talk about them ?now


ردود على Tariq
United States [عنبر عمر الطيب] 05-14-2013 11:03 PM
? Why the Intibaha is talking about them now


#665021 [alsudani]
0.00/5 (0 صوت)

05-14-2013 01:50 PM
ديل دواهم الأنضمام للجبهة الثورية


#665019 [أبودجانة]
4.88/5 (7 صوت)

05-14-2013 01:47 PM
كبيرهم الذي علمهم السحر د. المتعافي قالها بوضوح انه ليس عوير حتي يمارس الاستثمار باسمه !!! وليس عيبآ ان يشارك اخوته الاستثمار .. منتهي العباطة و استعباط الآخرين في عصر الدهشة واللامعقول.. فلماذا لا يتشظي السودان الي دويلات وهذه عقلية من يحكموننا ؟ ؟ و يا روحي مافي غيرك و ليذهب السودان الي الجحيم .


ردود على أبودجانة
[nagatabuzaid] 05-14-2013 03:58 PM
لطشت الحكمة دى من النت يا ابو دجانة لانها تعبر عن هذه المخلوقات :


( العلاقة بين العقل واللسان علاقة عكسية فكلما كان العقل صغير كان اللسان طويل ) التقول

قائلها قاصد الناس ديل ولا عايش معاهم


#665017 [محمد احمد وداعة الله]
3.00/5 (2 صوت)

05-14-2013 01:47 PM
ونحن خلصنا من فساد الوزير كما يجينا اخوه؟؟ دي مصيبة شنو دي يا جماعة؟؟ والله الاختشوا ماتو .. انتو جماعة الحكومة دي ما فيهم واحد يقولوا عليه دا الزول. كلهم فاسدون ومفسدون .. حسبنا الله ونعم الوكيل .


ردود على محمد احمد وداعة الله
[معاوية] 05-15-2013 06:04 AM
أصحي يا معاوية .. دا الوزير ذاتو في قميص أخوه .. ما شايف قاليك انا مشارك اخواني !!!


#665014 [وحيد]
5.00/5 (1 صوت)

05-14-2013 01:42 PM
ياجماعة دى عائلة تورثت السلب والنهب يعنى المتعافى كان شغال شنو دكتور فى مستوصف فى السعودية هووزوجته اليوم هل تعلم كم حجم ممتلكات المتعافى فى السودان


ردود على وحيد
United States [مكتول كمد] 05-14-2013 06:12 PM
يا nagatabuzaid
مأمون بحيري الله يرحمه كان عقلية اقتصادية لا يشق لها غبار وكا شريفا عفيفا ومدرسة قائمة لحالها لم يتعلم منه وزير المالية الحالي العواس حرفا واحدا في الاقتصاد وادارة الأموال.

[nagatabuzaid] 05-14-2013 04:10 PM
زوجته بنت مامون بحيرى بنت عز ابوها من اكبر الؤوس الاقتصادية ومن اسرة كبيرة وكان

وزير وكان محافظ بنك السودان اما هو اتربى تحت تربيزة كيمان اللحم فى الدويم علشان كدة

يعانى من عقدة الاحساس بالدونية وعايز يطير يتفوق على اسرتها مع انها اختارتوا ورضيانة

به والفقر ما عيب والتحية لكل مكافح نظيف حتى لو كان ملطخ بدم اللحمة وحقيقة كل

مكافح يستحق تعظيم سلام البعض لا يكون راضيا بواقعه فيسرق وينهب وتظهر لنا الطبقة الطفيلية امثال هؤلاء


#665004 [karib]
2.00/5 (1 صوت)

05-14-2013 01:36 PM
البد بلد متعافى على كيفو ياكل واهله ياكلوا .....حرامية اولاد ال****....


#664961 [بيكانتو]
4.00/5 (1 صوت)

05-14-2013 12:38 PM
اشمعنا يعنى جوه حديقة الدندر - ولا انت عشان اخو العريس


#664952 [وطني غيور]
5.00/5 (7 صوت)

05-14-2013 12:24 PM
لصوص بالوراثة

اسرق ياسليمان المتعافي البلد خربت تب وشكلك انت جيت في الزمن الضايع عموما انت عندك حصانة من الحرامي الكبير المتعافي الاصل

لكن الحساب قرب يا كلاب


#664951 [علي سليمان البرجو]
5.00/5 (2 صوت)

05-14-2013 12:23 PM
يا أخي دي نقطة في محيط الفساد والافساد!!!!!!
the NPC regime's corruption is caused the imbalance of development, ridiculous disobedience to the demands of the apportionment of wealth, power and social justice hypothesis.
قوموا الى انتفاضتكم والثورية تحميكم يرحمكم الله


#664950 [جعفر]
5.00/5 (2 صوت)

05-14-2013 12:23 PM
اكبر حرامي في الشرق الاوسط


#664938 [سودانى]
4.92/5 (8 صوت)

05-14-2013 12:15 PM
البلد بلدهم انشاءالله يكسر القصر الجمهورى ويعمل مزرعة دجاج عشان يظبط احوه ونفسه ويعرف اشتغل ليكم يابجم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
4.50/10 (4 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة