الأخبار
منوعات
الشرطة تداهم فندقاً مشهوراً في الخرطوم وتضبط ممثلة وفتيات يدخنَّ الـ (شيشة)
الشرطة تداهم فندقاً مشهوراً في الخرطوم وتضبط ممثلة وفتيات يدخنَّ الـ (شيشة)
صورة تعبيرية


05-15-2013 04:05 AM
الخرطوم

داهمت قوة من شرطة أمن المجتمع فندقاً مشهوراً بالخرطوم وألقت القبض على (6) فتيات، ثلاث منهن يدخن الـ (شيشة)، وثلاث ترتدين أزياء فاضحة، ومن بينهن ممثلة معروفة. وقدمت الشرطة الموقوفات إلى محكمة النظام العام بالخرطوم شرق، فقضت على الفتيات بالغرامة (100) جنيه، وعلى (عامل الشيشة) في الفندق بالغرامة (500) جنيه، وفي حالة عدم الدفع السجن أسبوعاً.
وعلمت (المجهر) من مصدر قانوني أن شرطة أمن المجتمع سبق أن استدعت مدير الفندق ونبهته إلى أن الفندق تواجدت فيه فتيات لديهن ملفات فى جرائم الآداب، ويجب عليه طردهن، ألا أنه لم يستجب، مما دفع الشرطة إلى مداهمة الفندق وتوقيف المتهمات.

المجهر






تعليقات 22 | إهداء 0 | زيارات 12004

التعليقات
#667260 [Hamid]
0.00/5 (0 صوت)

05-16-2013 11:45 PM
مجموعة من الحثالة تحت مسمى وملابس الشرطة تحركهم مجموعة اخرى من تجار الدين يعانون عقد نفسية وصراع عميق من كل ما هو انثوى ومتمدن.هل الشيشه حرام على المرأه وحلال على الرجل.يا أخى حتى المدافع عن التقاليد كلوا نفاق فى نفاق.للاسف نحن محتاجين للجبهة الثورية كمرحلة فى تاريخ السودان الحديث


#666251 [musa]
3.00/5 (2 صوت)

05-15-2013 10:27 PM
وفيها اية ياشرطة مااغلب تجار المخدرات منكم خليكم جادين شنو مرة حلا قين ومرة مداهمة شيشة ومرة ست شاى اللة يرحم الشرطة والجيش بلد اة يابلد قال لبس فاضح افضحك وافضحم اللة هسى عليك اللة ايهما افضح السرقة ولا لبس البنطلون ناس الحكومة سرقوا البلد كلها وعاملين فيها عندكم دين العندو دين مابتاجر فى قوت المسلمين زى ماقال محجوب شريف


#666188 [عصمتووف]
4.88/5 (4 صوت)

05-15-2013 08:14 PM
منتخب البنات ال6 ****3 يلعبن الشيشة و3 يلعبن لعبة الزي فاضح *** هل معهن رجالة وانتم تحاكمون بشرع الله هل يجوز دخول الرجال**(فرقة حسب الله)** علي النساء في خلوتهن ومن قام بالمداهمة شرطة نسائية ام رجالية (فرقة حسب الله) عشان كده انا بطالب بعلمانية الدولة عدييييييييييييييل كده خوفا علي الدين من امثال هؤلاء نريد حكومة تسن قوانين تربية الدقن والزبيبة والجلباب القصير والعباية تكون مواد ثابته في الدستور والقانون جناية وطظ في حسب الله وغيره


#666159 [غبد الرحيم كامل]
2.75/5 (3 صوت)

05-15-2013 07:27 PM
بالله حمير النظام العام ديل ما يمشو ام روابة ولا يحرروا ام كرشولا و يبطلو المرجلة على الحريم هنا فى العاصمة


#666126 [ngaw]
3.00/5 (3 صوت)

05-15-2013 06:29 PM
الكلام دا اكيد في فندق المريديان , اصلو محل الشيشه هناك بيئه جيده لتجارة الدعاره منذ الف وخمسمائه عام.
لاكين موظف الفندق المسكين زنبو شنو ؟
ما كان يقبضو مدير المطاعم والله يعلقو من بيضو حتي ؟


#666111 [الحقيقة مرة]
4.00/5 (4 صوت)

05-15-2013 06:10 PM
الخبر دا ذكرني بحبوبتي كان بتقول لي انت بقيت تشرب سجاير بعد شوية حتسف كمان


#666061 [ناجى]
3.88/5 (4 صوت)

05-15-2013 04:55 PM
والله عجايب يعنى الواحد فى غرفتو او فى بيتو او فى فندقو ما يرتاح يعنى.اسوأ حاجة تكون مهجس وخايف جوه بيتك وسكنك.فعلا بلد معفنة.


#666000 [عمر]
3.96/5 (8 صوت)

05-15-2013 04:03 PM
البنات ديل كانوا قاعدين في الشارع بيشربوا شيشة ولابسين فاضح ديل قاعدين في غرفة داخل فندق يعملوا اي حاجة هما عاوزينها حتى لو مالابسين هدوم ...وناس النظام العام ديل ماعندهم موضوع الجرائم مالية البلد مخدرات ودعارة واحيانا عصابات منتصف النهار , ناس الشرطة بمختلف مسمياتها نظام عام ولا غيروا خلوا كل الاماكن التي تمارس فيها الجريمة و الرذيلة ويعرفها القاصي والداني وقبلوا على ناس الفنادق .


#665775 [المحتار]
4.50/5 (9 صوت)

05-15-2013 11:13 AM
في قانون بحرم التدخين للبنات ؟ ولو في بيسمحوا بدخول الشيشة والمعسل وباخدوا ضرايب ليه ؟ ولا كل واحد عنو قانون خاص به ؟ وشنو حكاية لبس فاضح دي ولا قلة شغلة وعدم موضوع بالنسبة للشرطة الماعندها شغلة غير متابعة البنات وفض المظاهرات ؟ يجب تغيير هذا النظام باي وسيلة كانت حتي يرتاح ماتبقي من الشعب السوداني .


#665763 [زول ساكت]
4.36/5 (8 صوت)

05-15-2013 10:58 AM
اها ناس الشرطة الانتهكو الخصوصية حقتهم وداهمتهم داخل الغرفة ديل حكمهم شنو فى الدين؟؟؟؟؟ يعنى شافوهم با اللباس والسوتيانة مثلا؟؟؟؟ والا حلال عليهم عشان هم شرطة؟؟؟؟؟ هى الشرطة حقتنا دى مهذبة فى نفسها؟؟ والاعارفة الدين؟؟؟؟ تف عليك يا دنيا..........


#665756 [مراقب]
1.00/5 (2 صوت)

05-15-2013 10:53 AM
الكوفيرات فيهابلاوى متلتله سجاير وشيشه وصعوض واشياء اخرى مافى داعى نقولامراعاه للقراء


#665738 [LeaveItBe]
5.00/5 (2 صوت)

05-15-2013 10:38 AM
These acts are for one purpose and one purpose only, since they were put in place the first time ever:

اذلال الانسان و ارساء عقدة الذنب لتمكين قلة قذرة منحطة من الحكم


#665736 [mansour]
4.00/5 (2 صوت)

05-15-2013 10:37 AM
سبق وقلنا ان مسأله اللبس دى ثقافه وزوق ويختلف من شخص الي آخر ومن الحضرى للقروي ومن جيل لي جيل فأنا مثلا والى عليه الرحمه لم يلبس بنطلونا في حياته ولو قلت ليه هاك البس البنطلون ده يعتبره من الكبائر ولايكن يغفرها لك
حبوبتى عليها الرحمه كانت لاتخرج من الحمام الا بعد ان تلبس الثوب السوداني فوق للجلابيه وهي اصلا حدها الكفوف وتستغرب كيف النسوان ديل حايمات داخل حيشانن بالفساتين
وزي ماقلتلكم المسأله بالمزاج ولاعلاقه لها


#665699 [كوكاب]
3.00/5 (1 صوت)

05-15-2013 10:09 AM
الغرامة على الفتيات الائي يدخن الشيشة مع اللبس الفاضح مية جنيه وعامل الشيشة خمسمية جنيه يا جماعة ده حكم شنو ده ؟


#665692 [مواطن سوداني]
3.50/5 (2 صوت)

05-15-2013 10:05 AM
البلد ضايعة و ناس امن الزفت في كلامم الفارغ ده

اللي اسمو امن مجتمع ده احسن يتلغي و يحال من فيه إلى الصالح العام ......

حتى نخلص من هكذا تفاهات


#665686 [مركوب نمر]
4.88/5 (11 صوت)

05-15-2013 10:03 AM
الفندق ده في الخرطوم ولا في أبوكرشولا؟ هيييييييي يكاااااا

عساكر باطلين فلاحتهم في البنات والطلبة العزّل بس!


#665658 [أبو عكاز]
4.25/5 (6 صوت)

05-15-2013 09:38 AM
لم تتعدى مخالفاتهن ( حسب منظوركم ) تدخين الشيشة و لبس ما تسمونه فاضح ... فهل الفضح و التشهير يأتى من المحاكمات و التشهير فى الصحف ، أم فى جلوس فتيات مع بعضهن على الحال الذى وصفتم ؟؟؟؟!! إن المحاكمة و التشهير فضحاً و إشانة للسمعة أكثر من فضح المفاتن بالزى ؟؟؟ أستروا الناس و لا تنسوا بلدوزركم .


#665614 [orootod]
0.00/5 (0 صوت)

05-15-2013 08:37 AM
china great wall
زين عالم جميل ( والبيب بلاشارة يفهم)


#665585 [عصمتووف]
4.75/5 (5 صوت)

05-15-2013 08:01 AM
وبتقولوا عاوزين سياحة *** والله امركم محير


#665584 [جركان فاضى]
4.63/5 (9 صوت)

05-15-2013 08:01 AM
بنات يشربن الشيشة ومالو؟ هل الشيشة حلال للرجال وحرام للنساء ؟وهل ورد ذلك فى الدين؟وان شرطة امن المجتمع طلبت من صاحب الفندق طرد بنات لديهن ملفات اجرام -طيب يطردهن لوين؟الى مكان اخر؟ والمكان يطردهن من مكان لمكان؟يا اخى الشخص المقترف جريمة يعاقب بالسجن او الجلد فاذا انتهت العقوبة فهو حر طليق ولاحجر لحريته-ثم ان البنات مهما تعرن فلن يصلن لجريمة اكل نساء المؤتمر الوطنى لاموال السحت والحرام والائى لايصل دعاءهن للسماء فى حين ان دعاء المتبرجات يصل السماء


ردود على جركان فاضى
[جركان فاضى] 05-15-2013 04:23 PM
اخى وحبيبى mahmoudjadeed اطيب تحياتى لشخصكم الكريم -انا اتكلم عن تناول النساء للشيشة من منطلق انه ليس جريمة يعاقب عليها القانون او يجرمها الشرع -اما من حيث العادات والتقاليد فهى حتما غير مقبولة ولم تكن معروفة فى مجتمعنا ولكن النظام التعليمى للانقاذ جعل مخرجات التعليم تضرب عرض الحائط بقيمنا الجميلة ويا ليت الحال وقف على شرب الشيشة -فانتشار المال الحرام فى المجتمع افسد اعدادا كبيرة من افراد الاسر التى جعلت المال الحرام مصدر رزق لها - والحكومة ما قصرت فهى حكومة فساد وافساد

United States [MAHMOUDJADEED] 05-15-2013 10:52 AM
بنات يشربن الشيشة ومالو؟

مالو كيف يعني ؟! بغض النظر عن القوانين هناك اعراف وتقاليد تمنع ذلك ثم انك مستحيل ترضى هذه الممارسة لامك او لاختك او زوجتك ( لا سمح الله ) وبعدين كراهيتك للحكومة ما تعميك عن الحق والصواب .


#665560 [عنبر عمر الطيب]
4.00/5 (2 صوت)

05-15-2013 07:37 AM
اولا لماذا اغلب الصحفيين يكتبون عن الجرائم والغريبة بعض الصحف السودانية متخصصة فى هذا المجال ومن المفترض الصحف فى المقام الاول تعكس الاحوال المعيشية والحياة اليومية للحكام وتعكس ردهم للشعب ومواضيع كثيرة وقصص وعبر فوائدها تربى الناس وووو بدل كل يوم اخبار عن ( اغتصاب - تحرش جنسى - قتل - ووو ) .
ثانيا ليس عيبا ان يسأل السادة كتاب المقالات اصاب الخبرة والمتضلعين فى اللغة بدل نشر مواضيعهم بأخطاء املائية ونحوية وهنا فى هذا المقال وردت كلمة ( ترتدين ) فلا تكتب هكذا وذلك لوجود تاء التأنيت فى بداية الكلمة وياء التأنيث فى نهاية الكلمة والصحيح ( يرتدين )


ردود على عنبر عمر الطيب
United States [الحريف] 05-15-2013 10:02 AM
هذا هو السؤال المهم هل كل ما يشغل الشعب السوداني هذا الهراء اليومي ؟؟؟؟ ولماذا تسمح الرقابه بصدور مثل هذه التفاهات وتحجب نشر القضايا التي يعيشها السودان ولماذا افردت صحيفة فنون وحكايات صفحاتها للغث من الاخبار التي لاتهم الشعب السوداني وكلها اشياء شخصيه ليس منها فائده غير تشتتيت تركيز الشعب الي قضايا انصرافيه وهل الحكومه هي التي تمول هذا النوع من الصحافة الصفراء اليس اسرة احمد البلال الطيب هي المسئوله عن ماوصل اليه المجتمع ونشر كل الغسيل من اجل جذب ضعاف النفوس للتلذذ بقراءة مثل هذه الاخبار التي نعتقد ان 90% منهامفبرك وحتي الباقي 10% تكون المعلومات التي به غير دقيقه بل الا تلاحظون ان بعض الاقلام في فنون وعلي رأسهم هيثم كابو يركزون في اخبارهم الي شخصيات فنيه معينه ومحاولة حرقها بكل ما اوتوا من قوة وسفاهة(حقد) وجميع صحفهم فنون - الدار- حكايات - صارت مستنقع لتصفيه حسابات مدفوعة الثمن وللأسف 90% من الصحفيات صرن يكتبن ضد بنات جنسهم بحقد يحير الانسان الفطن لماذا كل هذا ..لماذا زرع الحقد والكراهيه بين ابناء الشعب المضحون اصلا لماذا خلق صراعات جانيه لانستفيد منها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#665540 [سايكو]
4.47/5 (11 صوت)

05-15-2013 07:00 AM
ما يشربوا شيشه فيها شنو !!!!!
مالبلد دي ملانه محلات شيشه و لا حلال للرجأل و حرام علي النسوان ؟
بعدين يعني شنو لبس فاضح ؟
و علي اي مقياس بتم تحديد اللبس ألفاضح من الما فاضح ؟
و اهم حاجه منو البحدد اذأ كان دا لبس فاضح و لا لا ؟
فكونا من الكلام الفارغ دا البلد حتضيع و الكيزأن شأغلننا بالتفاهات .


ردود على سايكو
[نيوتن] 05-16-2013 11:14 PM
كرهت الناس يا محمود جديد ياخ الشيشة ما مقبولة كن لى ولد ولا بت واللبس الفاضح ده امشى حفلة كوز كبير فى فندق كبير وشوف اللبس الفاضح هناك

European Union [كارهة السودان] 05-16-2013 03:09 AM
عليك الله ياسايكو انت مش كنت سايكو لما كنت عايش في البلد دي وهي اللي بقتك سايكو

انا ح ابقى منها سايكو2 لانها دمرتنا شوف الاخبار التافهه دي دي بلد؟ وديل رجال كرهتك يابلد

United States [MAHMOUDJADEED] 05-15-2013 04:55 PM
انت مقيم في امريكا ومعاييرك مختلّة .. عد الي صوابك وفطرتك.



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة