الأخبار
أخبار السودان
رئيس حركة العدل والمساواة يسخر من تصريحات والي الخرطوم
رئيس حركة العدل والمساواة يسخر من تصريحات والي الخرطوم


05-18-2013 04:49 AM
سخر الدكتور جبريل ابراهيم رئيس حركة العدل والمساواه ونائب رئيس الجبهة الثورية سخر من تصريحات والي الخرطوم وكلامه بان الخرطوم امنه ولن تصلها قوات الجبهة الثورية وقال الدكتور جبريل ابراهيم في مقابلة مع راديو دبنقا من الميدان ، ان من حق والي الخرطوم ان يدعي ان الخرطوم امنة (لآن ليس هناك واليا يقول للناس انا لا استطيع تقديم الحماية لكم وعليكم بالهرب من الخرطوم ) . وتساءل الدكتور جبريل (اذا لم يكونو خائفين لماذا يقومون بتكوين هيئة شعبية لدعم القوات المسلحة ، ويجيشوا الناس وطالعين ونازلين.. . اذا كانت الحالة ارقدوا قفا ومالهم يحفروا في الوطا كلها ، ومقلقين الشعب مالهم ؟؟) واكد ان الحقيقة في الوقت الحاضر واضحة للشعب السوداني (كل شي) ، لأن الوضع كما يقول الدكتور جبريل مختلق تماما عن قبل (25) عاما الماضية . فاليوم ظهرت الاذاعات ووسائل الاتصال الاجتماعي ، والمعلومات كلها باتت متاحة للشعب ، فلا يستطيع الخضر ولا عبدالرحيم محمد حسين ان (يمشي كلامهم على الناس )

وكان د.عبد الرحمن الخضر والي الخرطوم قد قلل من تهديدات الجبهة الثورية بدخولها للخرطوم ، وقال الخضر لدى مخاطبته اللواء الإستراتيجي للشرطة الشعبية الذي احتشد بميدان المولد لتأمين العاصمة ، قال ان أنّ الخرطوم آمنة ، وتابع بقول (رسالتي لمواطني الولاية انهم يرقدوا قفا ، وينوموا نوم العافية . ونقول كمان للمخربين نحن جايّنكم في مواقعكم ، ولن ننتظركم فى الخرطوم )

وشهدت الخرطوم تحركات عسكرية لافتة ، حيث انتشر رجالات الشرطة والقوات النظامية في معظم تقاطعات العاصمة ، بجانب الاحياء الطرفية ، في وقت بث والى الولاية .د عبد الرجمن الخضر تطمينات للمواطنين . واعتبر النائب الاول لرئيس الجمهورية على عثمان طه الحرب الدائرة الأن فصلاً ثانياً من مخطط انفصال الجنوب ، وأكد طه أن الحرب التي تدور الآن ليست مسؤولية وزارة الدفاع وحدها بل مسؤولية الدولة ككل
راديو دبنقا






تعليقات 13 | إهداء 0 | زيارات 10851

التعليقات
#668967 [الصارم المسلول]
0.00/5 (0 صوت)

05-18-2013 11:18 PM
المصيبة انو تانى مافى اى زول عنده استعداد للجهاد وهو شايف انتشار الفساد فى كل اجهزة الدولة حتى الجنود فقدوا قناعتهم بالقضية ويبدو ان شعارهم اصبح لن احمل البندقية لادافع عن الحرامية وده سبب رمى الجنود لبنادقهم كما ورد بالصور والمخارجة من ارض المعركة


#668560 [Rebel]
5.00/5 (1 صوت)

05-18-2013 01:56 PM
* و رب الكعبه انت كاذب و مخادع و ضليل ايها الوالى. وإلآ, قولوا لى بربكم كيف تكون العاصمه آمنه و الحروب منتشره فى كل مكان من حولها؟ و هل تركتم امن البلاد ليبقى همكم الأول و الأخير هو حماية العاصمه لحماية انفسكم؟

* قلنا لكم ان الله يمهل و لا يهمل, و لكنكم قوم لا تعقلون. فتبا" لكم أيها القتلة المجرمين الفاسدين , تبا" لكم إلى يوم الدين.


#668539 [المشتهى السخينه]
0.00/5 (0 صوت)

05-18-2013 01:43 PM
تقسيم السودان هو ما يتمناه الاخوان المسلمين ويعمولن عليه لتبقى لهم امارة يحكموها .. ونقول لهم ان الجبهة الثورية عاصمتها ستكون فى حلفا دغيم ..ولن ترضى تقسيم السودان الفضل البته .. فماذا انتم فاعلون ؟


#668474 [نوبى كوبى]
4.50/5 (3 صوت)

05-18-2013 12:32 PM
وأكد طه أن الحرب التي تدور الآن ليست مسؤولية وزارة الدفاع وحدها بل مسؤولية الدولة ككل !!!!!!

"هاك ككل دى !"


على قول ادروب ,,,,, اب كروشولا تسوقونا معاكم ماليزيا تمشو براكم ؟


#668442 [نوارة]
0.00/5 (0 صوت)

05-18-2013 12:02 PM
جبريل خلينا من دخول الخرطوم كلمنا عنىاخبار مريومة القبضوك معاها في فضيحة جنسية مصورة بالفديو ونزلوها في اليتيوب في فرنسا وهل صحي هي زوجة سكرتير مكتبك عجبي من ساقطي الاخلاق قالوا دايرين يحمونا


ردود على نوارة
[isic] 05-18-2013 09:27 PM
مريومة خليها إنت شدي حليك بعدين

[nagatabuzaid] 05-18-2013 06:14 PM
انا ما معاهم لكن بنصحك ما تطولى لسانك اها كان حكمكم تقبلى وين ؟؟ بعدين افتكر انك زولة فاهمة وعارفة الفيديو واليتيوب ممكن يكون ملصق وملتق يعنى ما نزل اول امس وامس عن ابنة رئيس وزراء قطر ولية نعمتك صحيح ؟؟ ارجعى للمواقع والفيس بوك لا ادافع عن جبريل او غيرهم لكن يا بت ارقين خليك تمام لانه المحس تماااام التما م الا لو كانت فيك خلطة حلب وماك نوبية نقية انتقدى وعارضى وقولى اى كلام لكن ما يمس الاعراض او الاشكال خلقة ربنا او الشماته بالمرض دى خطوط حمراء هناك مثل او عبارة تقول ( العلاقة بين العقل واللسات الطويل علاقة عكسية وكلما كان العقل صغير كان اللسان طويل ) كما قلت لك من حقك تناقشى وتشاكسى وتنتقدى وتعلقى وتعترضى وتدافعى مثل اى فرد فى الراكوبة بس ابعدى عن الخطوط الحمراء كما ارى فى اسلوبك سذاجة وسطحية انصحك ثقفى نفسك بالقراءة والاطلاع وابعدى عن ثقافة اليتيوب ونصيحة اخرى ابحثى عن ما ذكر عن فضبحة ابنة رئيس وزراء قطر وفكرى هل ماذكر صحيح ام سلبطة ؟ وشكرا على رحابة صدرك


#668363 [Goodman]
0.00/5 (0 صوت)

05-18-2013 10:46 AM
God blesses hero Hillu,Agar,Mini,Dr Aberhim and many hero whom are killing an evil regim in the greater African land Sudan gun them all down and let them out from reality African native land God with good people not evil people i mean not with NCP people.


#668348 [Heron]
4.63/5 (4 صوت)

05-18-2013 10:29 AM
خلاص يا عمك خضر نام قفا واتغطى كويس.بس لمن يجوك الجماعة اعمل فيها حلمان واصل نومتك


ردود على Heron
United States [الطيب ادم رحمة اللة] 05-18-2013 12:26 PM
ههههههههههههههههه واللة حلمان دى اجمل واروع نكتة ى زول الزول دا حتى فى الحلم زاتو ما بكون نايم حلمو هو صاحى دايمن واللة انوم لمن احلم لمن اصحى كان تجيب ليهو شى الصباح اسرائلية القا نفسو جوة تلابيب وهاك ى جرى وهاك ى هترشة


#668281 [hadi]
0.00/5 (0 صوت)

05-18-2013 09:35 AM
الله ينصر قوات الجبهه الثورية على مليشيات المؤتمر الوثني. انا المحيرني انوا الجبهه الثورية ذاتوهم ما عندهم برامج اعلامية حتى يتمكن الناس من معرفة اهدافهم وبرنامجهم المستقبلية تجاه الشعب السوداني. و اذا كان هناك اخطاء كيف يستطيع الشعب انتقاد او تصحيح تلك الاخطاء بما انها كثيرة جداً.ام اننا نتظر فترة اخرى مثل حكومة الانقاذ.مثلاً رئيس الجبهه لديه نواب اكثر من رئيس الانقاذ في حين لا وجود لخبراء استراتجين ومفكرينن وفنيين لوضع خطط مستقبلية ل(امن واستقرار البلاد) العادالة الاقتصاد ;التعليم الصحه وضع القوات المسلحة والشرطة البنا التحية.المصلحات بين المجتمع بث روح المحبة والاخوة .وكيفية إدارة مواد البلاد العلاقات الخارجية مع دول الجوار والمجتمع الدولي وا وووووووووالخ. كله لا بد من التفكير فيه قبل بلوغ الهدف.بدلاً من تسمية كل رئيس حركة بنائب رئيس الجبهة الثورية ان يعمل كلٍ في مجاله لإرثاء معنى الديمقراطية.والعشب السوداني كل ستكون من خلفكم.والله الموفق.


#668247 [اللهم ألعن الانقاذ لعنا كبيرا]
5.00/5 (1 صوت)

05-18-2013 09:08 AM
اللهم ألعن الانقاذ لعنا كبيرا


#668142 [الصادق عبد الله داؤد]
3.50/5 (2 صوت)

05-18-2013 07:35 AM
ننوم قفا كيف يا والينا
وين حق الرغيف والفول يا والينا
وبن حق قفة الملاح يا الخضر لا
دايرين سلاح بس حق الملاح
هل وفيت حقنا ونحن جياع يا والي
الماسورة قاطعة من اول الصباح
وبتاع الايجار واقف وطردوني من عملي
والشفع جياع دايرين حق البوش
اخلف الله فينا يا والي


#668141 [Show]
4.00/5 (3 صوت)

05-18-2013 07:33 AM
والله بتاع اللحام ده بضيع الحكومة بتصريحاتو المخستكة دي وهي اصلا ضايعه . انتظر الجماعة قربو والله نحن ماعلينا غير تجهيز العود لكل واحد موتمر وثني . كل القوة خرطوم جوه مافي حل غير البل


ردود على Show
[كاره الكيزان] 05-18-2013 08:24 AM
بلهن يبلهن البلا اليبنلهن


#668117 [عنبر عمر الطيب]
4.50/5 (2 صوت)

05-18-2013 07:06 AM
انتو واولادكم تاكلو الاكلات الفندقية وبقية الشعب موية فول واطفال تموت كحة وسعال ...طلعوا شوية من النهبتو للشعب وتدوا اهل دارفور والنيل الازرق وكردفان والشمالية وبطلو البتعملو فينا حتن نسكت والله حرام عليكم البتعملو فينا والا (..........) على الركب ويومها الهروب ما منو فايدة لان حنكون عليكم بالمرصاد وحتبقو اكعب من غيركم حريتكم بفلوسكم ما بتلقوها واولادكم السجمانين البيتمتعوا بحق المساكين ومقضنها ترطيب يحملوا السلاح وكفاية حنكشة !!!


#668056 [بنت الريــف]
5.00/5 (1 صوت)

05-18-2013 05:52 AM
الخرطوم آمنة....زي مصنع اليرموك...مش كدة يا بتاع اللحام ؟
قال آمنة قال


ردود على بنت الريــف
United States [mohamedfageeri] 05-18-2013 01:21 PM
كلامك ما صح ..بس ما غلط ...بالله هو طلع بتاع لحيم والله أنا ماكنت عارفوا ..طلع لحام مواسير كبيرة...إنتي منو قال ليكي الكلام دا .... أكيد أبوكي ... مش كدة



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة