الأخبار
أخبار السودان
الجيش الحكومي : جاهزون لاستعادة بلدة أبوكرشولا
الجيش الحكومي : جاهزون لاستعادة بلدة أبوكرشولا
الجيش الحكومي : جاهزون لاستعادة بلدة أبوكرشولا


05-18-2013 09:51 AM
أعلنت القوات المسلحة، جاهزيتها التامة لاستعادة منطقة أبوكرشولا بجنوب كردفان، ودحر قوات الجبهة الثورية من أجل عودة الاستقرار للمواطنين، وأكدت اكتمال جميع الترتيبات وعزمها على خوض معركة فاصلة تقضي على القوات المتمردة في جنوب كردفان. وأكد قائد المتحرك المنتصر بالله 2 العميد عادل محمد علي الكناني جاهزية القوات المسلحة لاستعادة أبوكرشولا، ودحر قوات الجبهة الثورية قائلا، نحن بالبأس والعزم الشديد نرجع أبوكرشولا لحضن الوطن، وتابع، الرجال ثابتين ثبات جبل الدائر.

وأكد الكناني قدرتهم على حسم المرجفين والمخذلين حتى لايزعزعوا أمن المواطن.

وقال والي شمال كردفان معتصم ميرغني زاكي الدين نحن مطمئنين لتحقيق الجيش للنصر. وقال، الشعب السوداني كله ينتظر تحقيق النصر في أبوكرشولا والذي يضاف لانتصارات القوات المسلحة التي ماعودتنا الا على تحقيق النصر.


مساندة النصر

من جانبه قال نائب والي نهر النيل كمال الدين إبراهيم، إن الجيش السودان الذي يقاتل ما بين 50ـ 60 عاماً لم ينهزم، وما في واحد زي ديل بجي يهزمهم في إشارة لقوات الجبهة الثورية.


وأكد إبراهيم مساندة الشعب والدفاع الشعبي للقوات المسلحة حتى تحقيق النصر.


وعدد والي الجزيرة الزبير بشير طه مختلف الأدوار البطولية الكبيرة للجيش السوداني وقتاله لأكثر من نصف قرن، وقال هو جيش لا يعرف الركوع إلا لله.


وكانت قيادات ضمت واليي شمال كردفان والجزيرة ونائب والي نهر النيل، وقيادات سياسية وعسكرية تفقدت الخطوط الأمامية للقوات المسلحة بمناطق سدرة وجبل الداير التي تتأهب لاستعادة منطقة أبوكرشولا.


ووقف الوفد على آخر الترتيبات والاستعدادات والروح المعنوية للجنود بمتحرك المنتصر بالله 2.


شبكة الشروق






تعليقات 38 | إهداء 0 | زيارات 9426

التعليقات
#669986 [قوقور بي روابة]
0.00/5 (0 صوت)

05-19-2013 10:27 PM
يا تري الجيش السوداني دا كان بيحارب ما بين 50 إلي 60 سنة يا ربي كان بيحارب من؟؟؟هل حارب الجيش المصري (مثلا) أو الأثيوبي أوالأوغندي أو الليبي أو التشادي أو الأريتري أو أي جيش نظامي غير قوات الجبهات الداخلية (الحروب الأهلية)
إن الجيش السوداني لم يحارب _ منذ الحرب العالمية الثانية_ لم يخض أي حرب ضد أي جيش آخر سوي قوات المقاومة في الجنوب و إخيرا الحركات المسلحة في دارفور و جنوب كردفان و النيل الأزرق و أسود الشرق؟؟؟و هذه حروب بين جيش نظامي يتبع لدولة ضد شعبه؟؟؟ و هذا ليس بمقياس يجعل منه ثالث أو رابع جيش في أفريقيا؟؟؟؟
والله اليوم لو خاض حربا ضد جيش نظامي لدولة أخري أعتدت علينا أنا أكون أول من يدافع عن الوطن و بدون مقابل ؟؟ لكن جيش يحارب شعبه ليس له أي ميزة أو فضل لأحد؟؟؟؟
إسرائيل إعتدت علي أراضينا ثلاثة مرات و قتلت من قتلت و لم يحرك الجيش ساكنا؟؟؟
ضربت مصنع حربي (اليرموك) أيضا مر الأمر مرور الكرام؟؟ كينا إقتطعت أراضي سودانية و لم يستطع السودان أستردادها حتي ذهبت إلي الجنوب..
ليبيا إقتطعت مثلث سارة و ليس من يطالب به أو يسأل ؟؟ مصر إحتلت حلايب و شلاتين و الحكومة تبوس أيد المصريين علشان ياخدوا أراضي زراعية من أجود الأراضي ؟؟ و أثيوبيا ما شالت الفشقة و أراضي زراعية كبيرة ضمتها لأراضيها و قواتها موجودة في (أبيي ) تحت إمرة الأمم المتحدة؟؟؟؟ السودان بجلالة قدره به أكثر من أربعين ألف جندي أجنبي أكبر قوة مسلحة أجنبية موجودة خارج أراضيها هي تلك الموجودة في السودان ؟؟؟ يعني إحتلال رسمي و الغريبة أن تلك الجيوش لا تنصاع للسلطات السودانية بل للأمم المتحدة و برضو يتبجحوا بقولهم الجيش السوداني من أفضل 3 جيوش في لأفؤيقيا ؟؟؟ يوا عجبي؟؟؟؟
و الله لو عندي سلطه يوم واحد فقط لأهديت (ثوب أبو قجيجة)لكل ضابط جيش أو أمن أو أي نظامي مع تعليمات صارمة بإرتدائه 4 أيام في الأسبوع؟؟؟؟ بلا رائد بلا فريق بلا بطيخ؟؟؟؟؟؟؟؟

ما عذبتونا و كدا؟؟؟؟


#668782 [معاوية]
5.00/5 (3 صوت)

05-18-2013 07:02 PM
انا انصح العميد الكنانى ان ينضم لركب الجبهة الثورية حفاظا على كرامته وسف يكرمه الشعب يوما ما وسيظل بطل من ابطال الجيش السودانى الذين انضموا وانحازو لراى الشعب بدلا من ان ينافق ويدافع عن المجرمين واللصوص سارقى مال الشعب ونحن نعرف انك تعرف يالكنانى ننصحك بان تنضم لصوت الحق انت وجنودك
انت مش احسن من العمداء الذين احيلوا للصالح العام بدون اى سبب تنتهى مهمتك فى اى وقت يرونه مناسبا ولا تراه انت مناسبا سيلقوا بك فى الشارع العام كما القوا بالالوف غيرك وانت تعلم ذلك اعمل كما كنت وادخل انت وجنودك فى خندق الشعب ضد هذا النظام الهالك ستنا رضا الناس ورضاء الله رب العالمين لطرد الخونه والماجورين المطلوبين للعدالة الدولية وعدالة الشعب وعدالة السماء انت تعلم ان عبد الرحيم وبكككككرى حسن صالح والهالك شمس الدين اعدموا زملاء لك من خيرة الضباط وانت تعلم ذلك عليك بالانحياز للمواطن ضد هذه البطانه الفاسده وسترى الايام والتاريخ سيسجل لك باحرف من نور ...


#668761 [محمد صادق]
4.00/5 (3 صوت)

05-18-2013 06:22 PM
الجيش الحكومي : جاهزون لاستعادة بلدة أبوكرشولا
----------
ومتى سيتم استعادة حلايب والفشة ان شاء الله ؟


التحية لادارة الراكوبة لصورة الخارطة اعلاه

واللبيب بالاشارة يفهم


#668743 [الزعيم المُر]
5.00/5 (1 صوت)

05-18-2013 05:50 PM
ابو كرشولا دي جوة البلد وفيها سودانيين عندهم قضية لو طلعوا منها أو طلعتوهم لا يعني أن القضية انتهت ولكن يعني نقلها من أبو كرشولا الى منطقة أخرى كما حالهم متنقلين ومتوسعين جوة البلد!!, لكن لو عندكم فلاحة رجعوا لينا حلايب وشلاتين المسيطرة عليهم دولة الاستعمار الثنائي يا ظلمة


#668689 [عبده الطاهر]
0.00/5 (0 صوت)

05-18-2013 04:44 PM
ياربى ده العقيد عادل الكنانى ولا عادل الايرانى


#668662 [JOHN]
0.00/5 (0 صوت)

05-18-2013 04:19 PM
أمشوا ابوكرشولة.....وهناك "يبين الكوك عند المخاضة"......وان شاء اللـه يكون زودتو كل مجاهد بكفن، يا عفن.


#668573 [الرووووووووووووووووووووب]
4.00/5 (2 صوت)

05-18-2013 03:07 PM
نداء من اهل و سكان ابوكرشوله احنا كده مرتاحين ما عايزينكم تحررونا لانو احنا يادوبنا اتحررنا ..... لعنه الله على الفاسقين


ردود على الرووووووووووووووووووووب
[Rebel] 05-18-2013 08:00 PM
* طيب يا ناس ابو كرشولا فى ضيوف راسهم قوي مصرين قالوا لازم يصلوا و شيخم اسمه الكنانى, لازم تكرموهم زى ما اكرمتو ناس شيخ المنتصر بالله. و افيدونا اول باول, بعد تعشوهم و "تفسحوهم", و ما تخلوا واحد اطش بالجبال و الصحارى.


#668557 [SESE]
5.00/5 (3 صوت)

05-18-2013 02:54 PM
مجرد اسئلة حائرة تبحث عن اجابة.......

لماذا اختير "عادل محمد علي الكناني" ولد الغبش المساكين المهمشين لمهمة استعادة ابو كرشولا ولم يتم اختيار واحد من اولاد "الجماعة" اللابسين الدبابير للشو والمنجهة في شوارع الخرطوم للمهمة؟؟؟؟

لماذا ود الكناني وقد يكون هو الوحيد بين ناسه قد دخل الكلية الحربية ووصل الى رتبة العميد بين مئات الآلاف من أولاد كنانة الذين راحوا فاقد تعليمي في سلك الرعي والزراعة ؟؟

دائماً لديهم كباش جاهزة للمحرقة !!!


ردود على SESE
[SESE] 05-18-2013 04:26 PM
رد على (واحد)....

انت بتقول في شنو؟؟؟

European Union [واحد] 05-18-2013 03:42 PM
يا اخينا مالك ومال كنانة واولاد كنانة كل شخص مسئول من تصرفه ولا تسال قبيلته الا تعلم ان كنانة انجبت معلم البشرية محمد عليه الصلاة والسلام


#668497 [الحلفاوي]
5.00/5 (3 صوت)

05-18-2013 02:00 PM
عليكم الله خليكم شويه لسع بدررررري مستعجلييين كده مالكم ...... والله حاجه مخجله انو يكون عندك جيش بهذا المستوي المذ والمخذي والله انتو مابتشرفونا يازباله وياوسخ لانكم حنستو بالقسم بتاعكم بدل ماتحموا الوطنوالتراب بتاعو اصبحتوا تحموا النظام الترررراب الفي خشمكم ياعسكر من الجيش لحدي الشرطه


#668496 [Rebel]
5.00/5 (6 صوت)

05-18-2013 01:59 PM
* و ما هى اخبار متحرك المنتصر بالله الأصلى, نمره ( 1)؟

* و اين متحرك البنيان المرصوص بتاع المانافع؟

* و اين كتيبة الدبابين و المليشيات الكانت معاهم؟

* * قوات الجبهه الثوريه بقيادة الحلو يا وهم قالت ليكم " الجفلن خلهن اقرع الواقفات", يعني الخرطوم جوووه, تقوموا نفسكم لحدي ابو كرشولا؟


*** اللهم دمرهم و شتت شملهم بمثل ما ظلموا و قتلوا و شردوا و افسدوا فى الأرض, يا الله افعل بهم مثل ما فعلت بهم الأسبوع الماضى واكثر. اللهم لا تذر فيهم طافئ النار. اللهم اخذلهم فى الدنيا قبل الآخره.

و النصر للثوره السودانيه المسلحه و العزة و الحرية و الكرامة للشعب السودانى , يا رب يا الله.


#668482 [محمد حسن احمد]
5.00/5 (1 صوت)

05-18-2013 01:38 PM
إنتو إستعيدوا كرامتكم وعزتكم التي مرمقها ذلك الخنزير الخائب الرقاص الفاسد الحرامي المنحرف ووزير دفاعه الحرامي أبوريالة في الوحل وجعل منكم ملشيات لخنازير الجبهة يوجهونكم حسب أهوائهم وامزجتهم لقتل النساء والأطفال والعجزة والعزل
إستعيدوا كرامتكم من هؤلاء الخنازير الذين جعلوكم مصدر سخرية ومضحكة أمام جيوش العالم الاخرى يوم ان جعلوكم حلاقين لتهذيب شعر شباب عاصمة التوجه الانحطاطي
أستعيدوا كرامتكم وعزتكم بعد أن أصبحت قيادتكم تحت إمرة الخضر الحرامي وأبو العفين وخيش علي أبو تالولة مهندس التوجه الإنحطاطي الفاشل وبقية افراد القطيع وصرتم تتلقون التعليمات والتوجيهات منهم


#668480 [sudani]
0.00/5 (0 صوت)

05-18-2013 01:37 PM
وكانت قيادات ضمت واليي شمال كردفان والجزيرة ونائب والي نهر النيل، وقيادات سياسية وعسكرية تفقدت الخطوط الأمامية للقوات المسلحة بمناطق سدرة وجبل الداير التي تتأهب لاستعادة منطقة أبوكرشولا.هاهاها بالله شوف الوالى السكران ده قال نرجع ابكرشولا لحضن الوطن اين ذهبت ابوكرشولا ياجاهل هل تم ترحيلها الى الخارج وهل حدود السودان وقف عند ابكرشولا تصوروا تفكير وعقول مايسمون بالقادة والحكام والولاة كلام فارغ يا ناس ااول شهيد في معركة احتلال حلايب السودانية هو الملازم اول شرطة محمود سكرتير مالية من منطقة جبال النوبه الدلنج والمساعد شرطة ادروب حاج هذه المنطقة التى يجب ان تعود لحضن الوطن وليس ابكرشولا ياجزم


#668457 [Asmar]
4.00/5 (2 صوت)

05-18-2013 01:15 PM
اذا ارسلتم الجيش الى ابو كرشولا فسوف تدخل الجبهة الشعبيه الى الخرطوم


#668439 [هدهد]
0.00/5 (0 صوت)

05-18-2013 01:01 PM
اللهم شتت جنود الكيزان وفرق صفهم اللهم احصهم عددا واقتلهم بددا ولا تبقى منهم احدا فقد اذاقوا العباد الزل والقهر والظلم اللهم ولى علينا خيارنا واكفنا شر هؤلاء الاشرار عبدة الدرهم والدينار اللهم انصر ثوار السودان على جنود البغى والظلم اللهم اضرب لكيزان الظالمين ببعضهم وسلط عليهم بذنوبهم من لايرحمهم اللهم نسألك الا تقوم لهم راية بعد اليوم ولا تكون لهم ولاية على هذا الشعب الصابر . آمييييييين


#668415 [علي حجير]
4.00/5 (1 صوت)

05-18-2013 12:44 PM
ان بحيك يا سيد ناجى وبضم صوتى مع صوتك حلاااااااااااااايب اولا لان ابوكرشولا اصلا فى حضن الوطن
ما فى ضروره للاستعجال


#668398 [alsudani]
5.00/5 (3 صوت)

05-18-2013 12:19 PM
لو عندكم جيش نشوف ؟؟؟؟؟
لكن لو مجاهدين لازم أنتو
واولادكم قدام عشان تضوقوا حلو مر
الأموال السائبة و الهط غير المحدود


#668396 [أبوعلي]
4.50/5 (6 صوت)

05-18-2013 12:18 PM
أعلنت القوات المسلحة، جاهزيتها التامة لاستعادة منطقة أبوكرشولا بجنوب كردفان

تفضلوا أمشوا ، ان شاء الله قشّة ما تعتّر ليكم
كان في واحد منعكم أضربولي تلفون عشان اكلموا


#668393 [Osman]
3.50/5 (3 صوت)

05-18-2013 12:15 PM
والله يا جماعة الخير انا كنت فاكر انو ناس الجبهة الثورية ضربوا ابو كرشولا ورجعوا ما قايل الجماعة سكنوا فيها عدييييييييييييل.....والله يا ناس الحكومة حقوا تلبسوا طرح وقعدوا في البيوت


#668382 [ناجى]
4.50/5 (6 صوت)

05-18-2013 12:03 PM
حلايب اولا ابو كرشوله فى يد سودانيه ما دايره تحرير ها ها ها ها


#668380 [ود البلد]
0.00/5 (0 صوت)

05-18-2013 12:01 PM
يا ربي انصر جنود الحق واكسر شوكه المرتزقه والمرجفيين يا الله


#668378 [حليم - براغ]
5.00/5 (1 صوت)

05-18-2013 12:00 PM
العميد المتخلف قال سوف نعيد أبوكرشولا لحضن الوطن !! أرجع إنت لحضن الشعب السوداني !! بعدين إتكلم عن الوطن!! لعنة الله عليكم يا أخوان الشيطان.


#668375 [سوداني اصيل]
0.00/5 (0 صوت)

05-18-2013 11:59 AM
بالله ياجماعة ايه دخل الموضوع بالخريطة


ردود على سوداني اصيل
United States [عجيب] 05-18-2013 11:17 PM
لو كنت فعلاً سوداني اصيل كان فهمت انو ابوكرشولا متحررة الدور والباقي على حلايب يعني يا حكومة حرري حلايب اولاً


#668364 [خالد حسن]
4.63/5 (5 صوت)

05-18-2013 11:46 AM
ياعميد الخنا بعد ابوكرشولا بالله ببأسك وعزيمتك اغشي معاك الفشقتين وحلايب
بالله قوم لف بلابأس بلاعزم .. انت ياعميد ممادخلت الجيش حاربت وين غير جوه السودان وحاربت منو غير الشعب السوداني؟
انتو اسود علي الشعب ياجيش الخنا .. وعلي العدو نعامات
وانت وجنودك ليسو سوي جنود فرعون يستخدمكم في قهر شعبكم


#668361 [Adam]
5.00/5 (1 صوت)

05-18-2013 11:45 AM
أعلنت القوات المسلحة، جاهزيتها التامة لاستعادة منطقة أبوكرشولا بجنوب كردفان، ودحر قوات الجبهة الثورية من أجل عودة الاستقرار للمواطنين، وأكدت اكتمال جميع الترتيبات وعزمها على خوض معركة فاصلة تقضي على القوات المتمردة في جنوب كردفان. وأكد قائد المتحرك المنتصر بالله 2 العميد عادل محمد علي الكناني جاهزية القوات المسلحة لاستعادة أبوكرشولا، ودحر قوات الجبهة الثورية قائلا، نحن بالبأس والعزم الشديد نرجع أبوكرشولا لحضن الوطن، وتابع، الرجال ثابتين ثبات جبل الدائر.

اي جاهزية هذه والقوات المسلحة تعلم علم اليقين ان المعركة خاسرة من الاساس.و هاكم الاسباب الاتية:
1.القوات المسلحة قد دحرت بل ولت الادبار في الاسبوع المنصرم مخلفة وراءها قتلى وجرحى وعتاة عسكري
الشئ الذي انعكس سلبا على معنويات الجيش المدفوع دون ارادته.و هناك مقولة مشهورة في السودان ان"المحرش ما بقاتل".كيف يقاتل الجيش لحماية مجموعة لصوص شيدوا ناطحات السحاب داخل و خارج البلاد,وتئن البنوك الخارجية بحساباتهم,و تزوجوا من النساء مثنى وثلاث و رباع و ما خفي اعظم.و في الوقت الذي لا يستطيع من انتسب للقوات المسلحة دفع قيمة تذكرة المواصلات الداخلية, وهذا ليس من نسج الخيال وانما رأيت هذا بعيني هاتين .
2."وأكد الكناني قدرتهم على حسم المرجفين والمخذلين حتى لايزعزعوا أمن المواطن".هذه اشارة الى الجبهة الثورية.ان جيش الجبهة الثورية جيش انضم و انضوى تحت لوائها بارادته بعد ان شاهد ما ترتكبه حكومة المؤتمر الوطني في حق المواطنين العزل الذين اهملوا و لم ينالوا شيئاَ من مال النفط الذي جرى كالنيل قبل انفصال جزء عزيز علينا عننا.
3."وأكد إبراهيم مساندة الشعب والدفاع الشعبي للقوات المسلحة حتى تحقيق النصر".انهم واهمون الشعب في حالة جهاد منذ ان جثمت الانقاذ على صدره- الناس يجاهدون من اجل لقمة العيش,منهم من يسعى فى السوق بعد ان تم اقصاؤهم من وظائفهم بحكم انتمائهم الحزبي أو اثنيتهم,و العمل في الاسواق الجهاد بعينه حيث الكر والفر مما يسمى النظام العام.ومن الناس من جعل العمل في التعدين الاهلي خياراَ بالرغم من خطورته و كثير منهم فقد حياته.هل هناك جهاد اكبر من هذا؟


#668358 [koomba]
5.00/5 (2 صوت)

05-18-2013 11:41 AM
ALL THOSE WHO NEED SHAHAAAAAAAAAAAAAAAAAAAAAAADAAAAAAA TO ENTER PARDISE AND MARRY HOOOOOOOOOOOOOOOOOOOOOOOOOOR EIEEEEEEEEEEEEEEEEEN WELCOME TO KARSHOOOOOOOOOOOOLLLLLAAAAA ...
ATTENTION !!!!

THE CHANCES AND OPPORTUNITIES ARE LIMITED SO DO NOT HISITATE TO GAIN THE CHANCE ...


COME FIRST ON THE FRONT LINE BE THE WINNER !!!!!!
OF KARSHOOOOOOOOOOOOOOOLLLAAA SHAHAAAAAAAAAAAADAAAAA

LOOK !!!!!!!!!
EARLY BIRDS CATCH WORMS .

BEST WISHES



PARADISE COMMITTEE
ABUKARSHOOOOOOOOOOOOOOOOOOOOOOOOOLAAAA
THE STRUGLE CONTCONTINOU


#668353 [اللهم ألعن الانقاذ لعنا كبيرا]
0.00/5 (0 صوت)

05-18-2013 11:35 AM
اها العميد دا برضو زي ود ابراهيم فارس وكلس وشجاع وراجل ووووووووو , هسي تلقاه قاااعد في الابيض بوصف لاولاد المغشوشين امشو بي جاي واضربوا هناك ... أللهم ألعن الانقاذ لعنا كبيرا


#668338 [الـــســيــف الــــبــــتـــــار]
5.00/5 (3 صوت)

05-18-2013 11:19 AM
انتظر لحين عودة المسرحين من الخدمه و قدامى المحاربين الذين ركلهم النظام و هو فى عنفوانه و يتوسل اليهم و يترجاهم و هو منكسر وذليل بعد الهزائم التى لحقت بكم وهروبكم من ساحات الفداء تاركين خلفكم القتلى و المعدات و الاليات و التموينات التى اصبحت من نصيب الثوار .
ولا تنسى يا كنانى التمرد الحاصل فى القوات المسلحه و الانشقاقات بين اخوان الامس و اعداء اليوم و الاسلاميين منقسمين و السلفيه و التكفيرين منقسمين و ابناء القبيله الواحده ايضا منقسمين .
وولو فيك عقيل يا و ليد اركب مدرعتك و عليها علم ابيض و خذ الكتيبه و توجه الى الثوار اكيد سوف يرحبوا بيكم و يشيلوكم فى الرأس و تكون أول عسكرى ينحاز الى الشعب و تحظ لك فى صفحات التاريخ وتكتب بمداد من ذهب لانك انت بتقاتل فى اخوانك و مسلمين و ليهم قضية و مطالب و حقوق و عجزوا عن تحقيقها بالتى هى أحسن وما حملوا السلاح الا بعد ما الدم وصل الركب و الموت بقى بالجمله و سفك دماء الابرياء يحرمه الدين و الشريعه وحتى المواثيق الدوليه من جنيف و روما و غيرها كيف لك أن تحمل سلاحك و تقف مع الظالم و الطاغيه الذى سخركم لخدمته و حماية مملكته التى يعتقد انه اصبجا أميرا على السودان وملكا وخليفة من خلفاء العباببسه وسليل ابا جعفر المنصور لقد ضلللوكم و اضلوا الشعب بأسم الدين .
فوقوا و اوعوا و عودوا الى رشدكم واتركوا هذا النظام الفاشستى الماسونى المنهج وحرروا وطنكم و مواطنكم من الاستعباد و الاذلال و الاهانه و القتل والاستحواز على خيرات البلد .


#668332 [ودمدني]
3.00/5 (3 صوت)

05-18-2013 11:14 AM
متحرك المنتصر بالله 1 حصل عليه شنو


ردود على ودمدني
[Rebel] 05-18-2013 08:14 PM
* خرج و لم يعد, و معه المدعو البنيان المرصوص, و ما زال البحث جاري عنهما. لكن الأنباء تفيد ان احتمال العثور عليهما احياء ضعيف للغايه, و لربما يكونا هلكا عطشا و هلعا.

United States [ابو جهينة] 05-18-2013 12:46 PM
افهما براك ( الجماعة بقو يختشو من قول (زواج الحوريات فى جنات النعيم)


#668323 [البلولة]
5.00/5 (1 صوت)

05-18-2013 11:06 AM
لعنة الله عليكم يا كيزان السجم وان شاء الله مهزومين ومدحورين من ابلدنا قريبا ..
الجماعة الخوف والهلع راكبهم من اعلى راسهم لاسفل كرعينهم اولاد الهرمة ..
لا مفر لكم لا مفر لكم لا ملجأ لكم لا ملجأ لكم الموت قادم الموت قادم الانتقام قادم الانتقام قادم


#668319 [عثمان خلف الله]
0.00/5 (0 صوت)

05-18-2013 11:00 AM
موفقين


#668315 [الدندور أبو عوه]
5.00/5 (1 صوت)

05-18-2013 10:59 AM
هاهاي ضحكتني ياودزاكي الدين ترجعوا شنوا بعد الادبه والهزيمه النكراء لجيشكم والهروب المخزي لقواتكم وجيش شنو الذي تتحدث عنه بعدما أفرغتموه من المؤهلين واصبح نهبا للحراميه والفاسدين ولما تتكلم انتالوالي المدني الذي لا تعرف عن الجيش شيء وزميلك والي الخرطوم ولماذا خرس بشيركم والمسطول عبدالرحيم والحرامي المنتفع الصوارمي ؟ هربت قواتكم من ساحة المعركه وتركت عتادها وعرباتهم لقوات الحركه ويصرح والي الخرطوم شيخ الحرامية قواتنا خرجت من ابوكرشولا حفاظا علي الارواح ! ارواح من ؟؟؟؟؟ ارواج جنودكم المهزومه والمدحوره والمشرده في الخلاء والله لقد عدمتم الحياء والخجل !! وسترون قوات الجبهة الثورية في الخرطوم تجتثكم من جذوركم ولا سيما المنافقين من حزب الامه والاتحادي المرتشون من قبل المؤتمر الوطني .


#668288 [عباس بن عباس]
5.00/5 (2 صوت)

05-18-2013 10:39 AM
لنفترض انكم اعدتم او حررتم ابو كرشولا وام روابة وكل المدن المحتلة او المحاصرة..هل هذا هو الحل للمشكلة...
لماذا لا تجلسون مع من احتل هذه المدن لتروا لماذا قام بذلك...ليس هناك من يحب الحرب ولا يلجأ اليها الا البائس المهان فاقد الامل في الاصلاح..
تخلوا عن الكبرياء والنفاق..واجلسوا معهم..
طبقوا الاسلام الذي تتمشدقون بتعاليمه..ما تقومون به ليس جهادا..اهل كردفان ودارفور اشد منكم تمسكا بالدين..


#668282 [شهاب جعفر]
0.00/5 (0 صوت)

05-18-2013 10:36 AM
قال تعالى (ان تنصروا الله ينصركم ويثبت اقدامكم) صدق الله العظيم. المعركه ليست في ابكرشوله او جبل الدائر المعركه هنا في الخرطوم ضد الفساد والرشوه والمحسوبيه . انصروا الله باقامة دينه في البلاد والعباد وستنتهي كل هذه الفتن. والله من وراء القصد.


ردود على شهاب جعفر
[شهاب جعفر] 05-26-2013 02:28 PM
انا ما قلته انكم كفار او مجوس او بوذيين... افهم الكلام كويس!!! ثانيا الانفعال ما بحقق شئ من احلامكم. ثالثا وهو الاهم مين قال ليك اذا اسقطه النظام حا تقدروا تحكموا البلد ؟؟؟ (سؤال خارج النص- انته ما كنته مؤتمر وطني قبل كم سنه). والله من وراء القصد.

[الـــســيــف الــــبــــتـــــار] 05-18-2013 12:47 PM
وانت شايف نحن مجوس و لا بوذا و لا من عـبدة الابقار او القرود او الفيران ولا لشمس و رايك شنو فى ديننا وتمسكنا بالسلف الصالح و نتبع ما ورد فى محكم تنزيله وهدى الرسول عليه الصلاة و السلام و دين الجماعه ريك فيه شنو هو الدين الحنيف و لا التحريف .
ومن الذى يرتشى ما هم ناس النظام وكوادره و جنوده و امنه و كل المواقع الخميه تحت ادارتهم كدى قول واحد من اهلك او عشيرتك شغال فى موقع خدمى الا اذا كان من ناس هى لله هى للجيب و السرقه والرشوه و مسح الشنب ما عيب ؟


#668267 [كرار]
5.00/5 (2 صوت)

05-18-2013 10:25 AM
إقتباس:-
(من جانبه قال نائب والي نهر النيل كمال الدين إبراهيم، إن الجيش السودان الذي يقاتل ما بين 50ـ 60 عاماً لم ينهزم، وما في واحد زي ديل بجي يهزمهم في إشارة لقوات الجبهة الثورية.)

ياخى دا مابخجل ولا شنو؟؟؟ اين حارب الجيش السودانى؟؟؟ هل حارب عدو ودافع عن حدود؟ هل صد عدوان خارجى؟ الجيوش فى كل العالم معروف مهامها، الا عندكم انتم يا مصاصى دماء شعوبكم.....
قال الجيش لم يهم على مدار 60 سنه!!!!! ومتى انتصر اصلا؟


ردود على كرار
European Union [ابو كلام ساكت ساي] 05-18-2013 01:14 PM
بالاضافة لماذكرت ......وان كان هناك نصر للجيش السوداني علي ابناء شعبه في جنوب السودان سابقا او خلافه كان النصر بابناء الهامش من جنود ورتب صغيرة(غرب السودان,جبال النوبة ,النيل الازرق ودارفور) .والان هم من يقودون معركة النضال بالجبهة الثورية ,اكلة الثعابين والعقارب,فاين المفر ,جيبوا ليهم ناس ميمي ,وسوسو .وتيتي ,ابناؤكم المرطبين في المنتجعات الاوربيه عشان يحاربوا ليكم يا وهم ..قال جيش قال ....وعلي لسان وزير دفاعك ....البقية الباقية من الجنود ..كبت الزوقة ومشت مناجم تعدين الذهب .....يلا خم وصر ...وشيلوا شيلتكم براكم يا سجم .....


#668261 [ود شريف]
0.00/5 (0 صوت)

05-18-2013 10:20 AM
كفاية حرب كفاية دمار الى متى تظل النخبة السياسية السودانية في هذا الغباء وهل يعلمون النتائج لهذا التجيش وهذا التصعيد فليعلم كل سودانى بان هولاء الحاكمون لايهمهم السودان ولا وحدة السودان المهم فقط ان يبقو في السلطة ولو يحكمون الخرطوم فقط ويتفتت كل السودان هذه سياسة رعناء افيقو يا اهل السودان لماذا الصمت هل تنتظرون ان يحترق البلد وتبكون على الاطلال متى تعون خطورة ما نحن فيه نحن في مرحلة الخطر الكبير ونخبتنا فاشلة لاتعى خطورة الوضع اما يفهمون ولايعون مايفعلون واما يستغبون علينا الحل في التفاوض بين كافة اطراف السودان والوصول لصيغة كيف يحكم السودان مشكلتنا في كيف يحكم وليس من يحكم وهولاء يرفعون شعار الاسلام وهم ابعد الناس عن الاسلام يستخدمون الدين سلم لتحقيق اهدافهم البغيضة اين نحن الان بعد 24 سنة حكم هل انصلح حالنا ام اصبحنا في اسؤ حال الى متى هذا الفشل


#668253 [Petro]
5.00/5 (2 صوت)

05-18-2013 10:12 AM
طبعا متحرك المنتصر بالله 1 انقرض !! عشان كدة جابوا المنتصر بالله 2 وحينقرض برضوا
جيش يحارب نصف قرب في حروب داخلية !! بالمناسبة اول معركة خارجية لجيش السوداني كانت معركة هجليج ولم يثبتوا فية اكثر من 40 دقيقة امام دولة حديثة لم يتجاوز عمرها العام حينذاك
استغرب والله حين يعلن الجيش استعدادة لإعادة ابو كرشولا بعد ثلاثة أسابيع من تحريرها بواسطة اسود الغابة


#668251 [ابو كرشولا نفر]
5.00/5 (2 صوت)

05-18-2013 10:11 AM
لسان حال تجار الدين يقول

كرامة لله يا محسنين
مجندين لله نقاتل بيهم في ابو كرشولا
مش مشكلة لو كانوا مفصولين من الخدمة

كدي انتو ارجو الجاييكم وفكونا من ابو كرشولا


#668239 [كمال الدين الشيخ سالم]
3.00/5 (4 صوت)

05-18-2013 09:59 AM
باالله عليك شوف الفوضى بتاعة الحكومه المخستكه دى؟



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة