الأخبار
أخبار إقليمية
فلكى سودانى يترشح لـ"رحلة بلا عودة" إلى كوكب المريخ
فلكى سودانى يترشح لـ
الدكتور أنور أحمد عثمان الخرطوم


سأقوم بتنظيم حفل كبير لوداع أصدقائى ووداع السودان
05-19-2013 03:32 PM
قامت شركة هولندية ضخمة تعمل في مجال أبحاث العلوم والفضاء بإطلاق مشروع علمي فضائي بتكلفة أكثر من ستة مليارات دولار يسمى مارس ون ويهدف المشروع إلى إرسال متطوعين إلى كوكب المريخ من نساء ورجال ليستوطنوا هناك ويعيشوا ويتزاوجوا ليبدأوا في تأسيس حضارة حتى يتسنى لباقي سكان الأرض الحضور إلى كوكب المريخ إذا حدثت أي كارثة، ويشترط في المتطوعين أولاً التدريب لمدة 8 سنوات في هولندا وأوربا، ثانياً أن يكون صحيح الجسم لا يعاني من أي أمراض ولا يشترط العمر، وأيضاً أن يتسم بالذكاء الحاد حيث هناك اختبارات ذكاء والثقافة العامة خاصة في مجال الفلك.

وقد تقدم الآن نحو ثمانية وسبعين ألف متطوع لهذا البرنامج من جميع أنحاء العالم كارهين ورافضين للكرة الأرضية.

ومن ضمن المترشحين الذين لديهم فرص عالية في الفوز الفلكي السوداني المعروف دكتور أنور أحمد عثمان والذي تنطبق عليه تقريباً جميع الشروط، وفي تصريح خاص كشف دكتور أنور لـ«آخر لحظة» أن الرحلة ستكون في العام 2023م وأنه مطمئن جداً لاحتمال الفوز والاختيار كمرشح للذهاب لكوكب المريخ بلا عودة بتاتاً، حيث إن الأرض تمتليء بالحروب والدمار والهلاك وإن البشرية أصابها التمزق والحقد والشرور وما يمارسه البعض من انتهاكات صارخة لحقوق الإنسان والأفضل له العيش في المريخ. ويواصل حديثه لابد للإنسان البحث عن الشيء الأفضل والصالح.

وفي ختام حديثه يشير الدكتور إلى أنه سوف يقيم حفلاً كبيراً لوداع أصدقائه ووداع السودان.

آخر لحظة


تعليقات 84 | إهداء 0 | زيارات 12280

صفحة 1 من 212>
التعليقات
#671329 [فخرالدين كرار]
0.00/5 (0 صوت)

05-21-2013 06:55 AM
يا جماعة الزول دا فاهم الأوضاع هناك كويس، ومنذ أن كان طالبا معنا في جامعة الخرطوم كان بيعمل وهمات عجيبة ولكن يحسب له أنه كان يقرأ ويثقف الناس عن الكون الخارجي هذا المجهول، دلوقت قال داير يتشبر ويمشي يجرب بنفسو، خلوا اليمشي وربنا يديهو طول العمر للوقت داك والله يسهل علينا وعليك ياخ وإذا ما نفعت معاك ممكن تعمل خروج وعودة نهائية وكدا عجايب آخر الزمن....


#671176 [ناصح]
0.00/5 (0 صوت)

05-20-2013 11:48 PM
يا حظ المريخاب والهلالاب راحو في شربة ميه


#670913 [naser abirh]
2.00/5 (1 صوت)

05-20-2013 06:03 PM
ناس الأنقاذ مايعتبروك متمرد ...وكده ستفقد المريخ والهلال وتنزل كوبر مع صلاح قوش ولاتلقي الأرض

ولا.....المريخ وخليك سوداني أحسن ؟؟؟؟؟؟


#670903 [سوداني والسلام]
0.00/5 (0 صوت)

05-20-2013 05:52 PM
لا دا ما انتحار عديل كده !!!!!!!!!!


#670852 [أم رفاء]
0.00/5 (0 صوت)

05-20-2013 04:33 PM
والضمنك شنو انك حاتعيش ل٢٠٢٣ !؟


#670827 [someone]
5.00/5 (1 صوت)

05-20-2013 04:00 PM
Please take Musa Allzoomah & Ballah Jabar with you and i will pay the tickets...


#670738 [yoyo]
0.00/5 (0 صوت)

05-20-2013 02:44 PM
هههههههههه والله السودانيين الانقاذ خلتهم مشو اسرائيل وبلعناها دى لكن يمشو المريخ دى قوية والله ضحكتا لمن اتفنقلتا المريخ عديل .


#670618 [Rio]
5.00/5 (1 صوت)

05-20-2013 01:11 PM
عليك الله سوق معاك حسبوا شيرين .. اصلا" هو من كوكب اخر


ردود على Rio
[salih alrban] 05-20-2013 08:14 PM
ههههههههههههههههههههههههههههههههههههههه


#670611 [حرقة وألم]
0.00/5 (0 صوت)

05-20-2013 01:06 PM
غايتو عادي انك تسافر المريخ لكن بدون عودة دي قوية شوية وكان اهلك اتنازلوا عنك وخلوك يكون ما عندك اهل يا دكتور وما في اي رابط اسري بينك وبينهم


#670609 [مستعد]
0.00/5 (0 صوت)

05-20-2013 01:05 PM
انا مسنعد وبدون شروط.


#670545 [jac]
5.00/5 (1 صوت)

05-20-2013 12:25 PM
عليك الله لو لقيت هناك في ناس بعرفو ادخلو اقوان وحارس مرمى كارب رسل عناوينهم لي جمال الوالي


#670512 [الكجور]
0.00/5 (0 صوت)

05-20-2013 11:50 AM
يا جماعة جيبوا الجنازير.


#670483 [سوداني وبرجع]
0.00/5 (0 صوت)

05-20-2013 11:25 AM
جوازك الاخضر ولا الجديد
مامشكلة امشي وناس الجوازات بحصلوك وبغيرو
اي زمان اي مكان تغير........بس شيل معاك رسوم


#670461 [عمتي مسلره]
0.00/5 (0 صوت)

05-20-2013 11:08 AM
التحيه للدكتور أنور أحمد عثمان
لقد عاشرته طويلا بالمهجر وكنت من المحظوظين بالجلوس بالقرب منه وياله من زول فهو موسوعه لاتمل مسامرته فالي الامام دكتور
واحسن اختيار يادكتور علي الاقل بعيدا عن كل منغصات الحياة بدون استثناء
بس طلب وحيد يادكتور ان تذكرنا في ملا احسن من هذا الملا الذي كره الناس في الحياة بين اسرهم وبين ربوع الوطن
لاتنسي وان تضع ثيابك عند الظهيرة ان تذكر من كانوا بالامس وفي بيتكم العامر ببني عمران يسهرون معك وانت محدثهم وجليسهم
نستودع الله رافعين الاكف بالدعاء اليك
وان تجد شريكتا لحياتك السرمديه التي اخترتها
واتمني ان تقيم برنامجك الرائع من علي المريخ
الكون ذلك المجهول
وانور ذلك المسطول
تحياتي


ردود على عمتي مسلره
[omar] 05-20-2013 05:43 PM
الراجل دا لسع عندو قعده معاكم (حوالي عشره سنين)..


#670421 [محمد]
0.00/5 (0 صوت)

05-20-2013 10:28 AM
قال تعالي وَلَقَدْ مَكَّنَّاكُمْ فِي الْأَرْضِ وَجَعَلْنَا لَكُمْ فِيهَا مَعَايِشَ ۗ قَلِيلًا مَا تَشْكُرُونَ

ارضي بما قسم لك الله عالمنا الفلكي الجليل ولا تهرب من الواقع ساعدوطنك وابناءه وانت انسان صاحب علم ربناسوف يحاسبك عن هذه الامانه يوم العرض عليه لماذا نحن في السودان نظرتنا للحياة تشاؤمية انظر للعالم الهندي ابو الكلام الذي كان يبيع الجرايدكافح وبني نفسه حتي صنع القنبله النووية الهندية التي يهابها العالم اجمع


#670342 [algazaly]
4.50/5 (2 صوت)

05-20-2013 09:33 AM
والله يا دكتور خوفي عليك من كرار التهامي وزمرته من أسي مجهزين ليك الايصالات بتاعت الاتاوات وكده كان الله في عونك طبعاً جهاز المغتربين فرع المريخ


#670288 [زول]
3.00/5 (1 صوت)

05-20-2013 08:58 AM
يازول بالله شيل معاك (جلابية وسروال وجبه وسديري ومركوب وطاقية وسيف وسكين) يا سمح يازول وفي المريخ خليك زول وطبعاً حتكون أول رئيس للجالية السودانية في المريخ ،،،، هههه ،،، لأنك زول والله مش لو مشيت المريخ لو مشيت ،،،،،،،،،،،،،،،،


#670283 [ود الفاشر]
3.50/5 (2 صوت)

05-20-2013 08:54 AM
يا دكتور كنا محتاجين تفاصيل الطقس الجوي ,,, حتي نطمئن علي صيام شهر رمضان , واوصيك ان تكون اول من يرفع النداء للصلاةلتكون سيدنا بلال بالمريخ ... شكلك بس هارب من التعبئة والاستنفار لتحرير ابوكرشولا


#670222 [تفتيحة لمن فضيحة]
0.00/5 (0 صوت)

05-20-2013 08:12 AM
يافردة شوف لينا رمضان هناك كم سنة عشان نفكر في الموضوع....


#670184 [سوداني]
0.00/5 (0 صوت)

05-20-2013 07:28 AM
شيل مع تلفون اريبا ارخص في المكالمات الخارجية وماترد علي الميس كولات.


#670159 [sas]
0.00/5 (0 صوت)

05-20-2013 06:59 AM
اعظم تعليقات ضحكت لمن اتكيفت ها هااااااااااااااااااااااااااااااااه


#670158 [كوكو اللول]
5.00/5 (3 صوت)

05-20-2013 06:57 AM
ناس حضارة في الارض ما قدروا يعملوها ماشين يعملوها في المريخ ........... اينما وجد الانسان وجد الدمار


ردود على كوكو اللول
United States [isian] 05-20-2013 05:42 PM
فعلا من زمن استخلف فيها من يسفك الدماء ................ الخ


#670154 [karlos]
0.00/5 (0 صوت)

05-20-2013 06:52 AM
المصيبة نزلتك للمريخ تلاقى الثلاثى المرح الطيب مصطفى و امين حسن عمر و اسحق احمد فضل الله طوالى تنتحر و تكون اول حالة انتحار فى المريخ


#670141 [شفقان]
0.00/5 (0 صوت)

05-20-2013 06:25 AM
الزول ده سنة 2023 مفتكرها بعيدة. الله يحيينا ويحييه عشان بعدين نشوف الخرخرة أولادي حموني وزوجتي رافضة للفكرة واصدقاء نصحوني. السودانيين يعتبروا الأرض صاقطة التي تصل أحياناً 46ّّّّّدرجة بالنسبة للقبر وبيقولوا الميت (راح من الدنيا وصقطها)وبالله الزول ده لو كان من إخوان الشياطين أحسن تمسكوا لأنهم ديل خربوا الأرض وما بعيد يكونوا عايزين يخربوا السماء


#670137 [فنجاط]
0.00/5 (0 صوت)

05-20-2013 06:00 AM
كلو عرفناهو... اها التزاوج دا يتم كيف المريخ..؟


#670134 [omda]
5.00/5 (1 صوت)

05-20-2013 05:51 AM
الزول ده من هنا مطير عيونه لامن يصل المريخ يعمل شنو


#670127 [sudani]
4.50/5 (3 صوت)

05-20-2013 05:23 AM
يا مااااااان عمك حسبها صاح 8 سنه تدريب دي براها نهمه,, ماكل شارب نايم ومصاريف والشنو ما بعرفو داك,,, والله تفتيحه يا دوك. O_O


#670118 [الجنون فنون]
0.00/5 (0 صوت)

05-20-2013 04:39 AM
كدة يا انور استحقيت الشكينيبة لازم تشوف ليك طريقة تمشى ليها و لو رجعت منها و انت راع عرج على المريخ


#670109 [ahmmed]
0.00/5 (0 صوت)

05-20-2013 03:55 AM
ياانور انا ود عمة امك،عليك الله سريع ،رسل فيزا قبل اقفلوها،فيزة راعي ياانور،عشان ناس الضرائب.


ردود على ahmmed
United States [قرفان] 05-20-2013 07:57 AM
راعي يا راعي


#670107 [كركـــــــــــاب]
5.00/5 (2 صوت)

05-20-2013 03:53 AM
ههههههههه
الدكتور دا فط سطر
مريخ شنو؟؟؟؟؟ دى مكاوة للهلالاب
داير تفوت عليك انهيار الكيزان


#670101 [عيني عينك]
0.00/5 (0 صوت)

05-20-2013 03:17 AM
عشان كده شايف كل الناس المريخ المريخ حتى هيثم مصطفى مشى المريخ والله بكره ميسي وكرستيانو وشيراكوفا بتاعت التنس ومورينيو كلهم بجو المريخ حظنا نشيل كاس المريخ


#670097 [بيكا]
5.00/5 (1 صوت)

05-20-2013 02:43 AM
الزول ده سمع بي هيثم مصطفي مشي المريخ وقبض القروش عشان كده قال ماشي المريخ يا ناس وروهو هيثم مشي ياتو مريخ عشان ما يتورط ساي


#670095 [مجاهد التجاني]
0.00/5 (0 صوت)

05-20-2013 02:26 AM
ههههههههههههههه والله تعليقاتكم قطعت مصاريني من الضحك


#670086 [ودالارباب]
0.00/5 (0 صوت)

05-20-2013 02:04 AM
ده كان قعدته لى 2023 بنلحقك ناس المغتربين


#670082 [علي دينار]
0.00/5 (0 صوت)

05-20-2013 01:47 AM
يا دكتور الهولندا 42 الف كيلو متر مربع بي الموية و انت من المليون ميل مربع ماشي وين؟ يعني انت ناقصك المشاكل والا مليان بلمشاكل


#670081 [dindir]
0.00/5 (0 صوت)

05-20-2013 01:47 AM
اهم شئ عليك الله بس حاول زورنا واحكي لينا الحاصل امكن الوضع اعجبنا


#670067 [ABO ALKALAM]
0.00/5 (0 صوت)

05-20-2013 01:00 AM
لازم تاخذ تاشيرة من جهاز المغتربين اولا لانك ستكون مغترب واهم خاجة هل تحصل علي تاشيرة من السفارة الهولندية والأ تاشيرة من السفارة المريخية


#670060 [زول ساي]
0.00/5 (0 صوت)

05-20-2013 12:29 AM
اتذكر يا دكتور شيل معاك مصلاية وبوصلة اذا كنت بتصلي عشان اتجاه الكعبة اذا عددكم كبير ممكن تعملو مسجد هناك علي الاقل تسيب ذكري و تكون اول من بني مسجدعلي سطح المريخ من المريخ السوداني يا ناس الهلال مين فيك ماشي القمر كمان طبعا المنافسة شديدة اكيد بعد يومين بظهر لينا واحد


#669995 [gehan44]
0.00/5 (0 صوت)

05-19-2013 10:38 PM
انا الان عايشة فى المريخ نصيحتى ليك ما تجى لانو هنا حاجات حلوه


ردود على gehan44
United States [قرفان والقرف مطلع عيني] 05-20-2013 08:00 AM
بختك جاك عريس


#669985 [البعاتي]
3.50/5 (3 صوت)

05-19-2013 10:26 PM
اهم حاجة في بطيخ في المريخ ؟


#669984 [nasir]
4.50/5 (6 صوت)

05-19-2013 10:26 PM
انا خايف تمشى هناك ويلاقيك الترابى بالاحضان وخلفه لافتة مكتوب عليها منسقية الدفاع الشعبى


ردود على nasir
[علي دينار] 05-20-2013 02:00 AM
ههههههها وبعدين يجينا بكترات الوصف و يقول ماهاسيديني الهلالاب


#669982 [AburishA]
5.00/5 (2 صوت)

05-19-2013 10:23 PM
عليك الله أول ما توصل رسل لي جلابية وعمة توتل ومركوب نمر ! ما تنسى!!!!


#669980 [عجب]
1.00/5 (1 صوت)

05-19-2013 10:23 PM
يا دكتور نجمة ما تعتر ليك على العموم لا اعتقد انو حتقدر تعيش هناك دا لو وصلت طبعاً اسبوع ياخي نحن الشمس هنا ما قادرين عليها انت ماشي ليها دي عقلية شنو دا دكتور في اسبيس تون .


#669966 [amin]
5.00/5 (2 صوت)

05-19-2013 09:57 PM
اها وبعد ما صحيت من النوم والحلمه المرهقه دي حصل ليك شنو؟؟؟؟يارااااجل خليك واقعي مريخ شنو الفيهو حياة وسبعيني شنو البودوهو في رحله فضائيه....قوم قوم اغسل وشك وقول يالطيف وامشي شغلك سيبك من التخاريف دي.....وبالله تاني ما تنوم بالنهار عشان ما تحلم لينا تاني...قال مريخ


#669954 [عباس بن عباس]
5.00/5 (1 صوت)

05-19-2013 09:30 PM
وي وي التاشيرة كيف....جواز سوداني..ها ها احلم..


#669952 [Amin]
5.00/5 (2 صوت)

05-19-2013 09:28 PM
(وأيضاً أن يتسم بالذكاء الحاد حيث هناك اختبارات ذكاء والثقافة العامة خاصة في مجال الفلك.)

يعني الأرض دي كان جاتها مصيبة والفيها انقرضوا يقوم يرجع ( المريخيون) يعمروها بالاذكياء ؟؟
معقول تقدروا تعيشوا ..وانتم كلكم أذكياء .. ومقابلين بعض

ياخي دي تكون حياة جادة ومسيخة ومليئة بالحسد والتنافس .




طعموها انشاء الله ب كرتي


#669948 [طارق طه]
5.00/5 (1 صوت)

05-19-2013 09:15 PM
أنا ارشح الجبهة الثورية وكل الفصائل المسلحة بالسودان....


ردود على طارق طه
[المتفائلة جدا] 05-19-2013 11:53 PM
لا أحسن يمشى بشبش ومعاه كل جماعته خليهم يمشوا يستثمروا هناك ونكون كده إرتحنا منهم ومن خلقهم دى حتى صوتهم تانى ماينسمع واكيد ما فى إرسال بين المريخ والأرض ..لا صوت ولا صورة ..الله ويعيش الشعب السودانى فى هناء وسعادة..


#669941 [ابن السودان]
3.50/5 (3 صوت)

05-19-2013 08:49 PM
أوع من الكشات يا دكتور. .....


#669933 [كرازي]
5.00/5 (2 صوت)

05-19-2013 08:34 PM
ياعمي عايز تمشي المريخ الان في واحد اسمه هري السوداني (زغاوي) مقيم في السويد ميليارديرد دفع مقدم وحجز كل الدكاكين الناصيه هناك في المريخ الناس سجلت زمان ا صحي ياعم


#669925 [موردة حضارة]
0.00/5 (0 صوت)

05-19-2013 08:28 PM
better 4 u go ahead


#669911 [ركابي]
4.50/5 (3 صوت)

05-19-2013 08:14 PM
ياخسارة الواحد عندو مشاكل في الاذن الوسطي والجيوب الانفية


#669902 [واحد]
4.00/5 (2 صوت)

05-19-2013 07:55 PM
دايرييين نمشى عشان نرتاح من الكيزان لكن أنا خايف ألقاهم قدام.


#669886 [ابو النصر]
5.00/5 (1 صوت)

05-19-2013 07:33 PM
تحياتي لاهل المريخ فردا فردا من حسن ابو العائلة حتى فيصل العجب ((انتا يادكتور مش قلت ماشي نادي المريخ ولا كوكب المريخ ))


#669883 [safi]
5.00/5 (3 صوت)

05-19-2013 07:27 PM
غايتو يا دكتور عرفت ليك بلد.. السودان بقى لظى و الخليج زهج مننا . ربك يستر ما تلقى ناس جمال الوالي و مصطفى عثمان و شلة المريخاب ديل قدامك تقوم تفتش ليك كوكب تاني


#669876 [kakay]
4.50/5 (3 صوت)

05-19-2013 07:17 PM
ما تنسى اهلك يشيلوك زاد،، ويكه، وملاح ورق و ما شابهه وعشان تمخمخ شيل معاك صعود
و يا شيخنا انتو كان وصلتو المريخ .. الموضوع من اساسه فايدته شنو؟؟؟؟؟


#669874 [سادا]
5.00/5 (1 صوت)

05-19-2013 07:14 PM
كويس والله يادكتور حاتبقى مريخابي


#669868 [dougokoper]
5.00/5 (4 صوت)

05-19-2013 07:02 PM
هذا منهج في علم الفضاء يسمى بالإستهبال الفلكي!!!!!!!!


#669866 [الباحث عن الماضي]
5.00/5 (1 صوت)

05-19-2013 07:00 PM
لعمري ما ضاقت بلادَ بأهلها ولكنً أخلاق الرجال تضيق المريخ قال


#669860 [هبوب الليل]
4.50/5 (2 صوت)

05-19-2013 06:51 PM
سنريهم اياتنا في الافاق وفي انفسهم



شيل معاك موبايل ثريا عشان تورينا الحاصل شنو وشبكتكم هناك شنو والمشكلة السكن كيف ؟؟؟؟


#669852 [ارنب]
4.00/5 (3 صوت)

05-19-2013 06:40 PM
قشة ما تعتر ليك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
5.50/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة