الأخبار
أخبار إقليمية
وزير الدفاع: جنوب دارفور "آمنة "
وزير الدفاع: جنوب دارفور "آمنة "
وزير الدفاع: جنوب دارفور


05-21-2013 05:59 AM

قال وزير الدفاع السوداني؛ الفريق مهندس عبدالرحيم محمد حسين إن أوضاع ولاية جنوب دارفور آمنة، وإن القوات النظامية تعمل بتنسيق تام، وتنفذ خططها الأمنية بصورة دقيقة، مما فرض واقعاً أمنياً حسناً بنيالا وغيرها من المدن.


واطمأن الوزير حسين، ومدير جهاز الأمن والمخابرات، الفريق محمد عطا، يوم الإثنين، على الأوضاع الأمنية بمدينة نيالا؛ حاضرة ولاية جنوب دارفور، وما حولها من مناطق.


وقال وزير الدفاع إنهم وقفوا -خلال زيارتهم لجنوب دارفور- على الترتيبات التي اتخذت في تأمين مدينة نيالا وما حولها، مما انعكس بصورة إيجابية على الأوضاع بالمنطقة.


ونوّه إلى عقد جلسة مثمرة مع والى الولاية؛ اللواء الركن آدم محمود جارالنبي، ولجنة أمن الولاية، تم فيها عرض قراءة كاملة للأوضاع الأمنية.


وأشار إلى أن الجلسة اطمأنت على الترتيب والتنسيق الكامل، بين الجيش، والشرطة، وجهاز الأمن والمخابرات لترتيب الأوضاع داخل نيالا.


ولفت وزير الدفاع الفريق؛ عبدالرحيم محمد حسين إلى أن الأوضاع داخل المدينة مستقرة، وأن حركة المواطنين تسير بصورة مطمئنة، والأوضاع الأمنية فى الولاية تسير في تحسن مستمر.


شبكة الشروق


تعليقات 7 | إهداء 0 | زيارات 1868

التعليقات
#672641 [ابومحمد]
5.00/5 (1 صوت)

05-22-2013 07:15 AM
يا ابو رياله الناس في شنو والحسانيه في شنو وين تحرير ابكرشولا انت لو اهبل الناس واعيه


#672334 [سوداني]
5.00/5 (1 صوت)

05-21-2013 08:00 PM
يا جماعة الزيارة كانت من اجل جلب جنجويد من جنوب دارفور لكن لم ولن يتحقق لهم امر ورجعوا ومن هنا يجب على ابناء الغرب ان يفهموا ان المؤتمر الوطني يستخدم اهل دارفور من اجل ان يستمر في كرسي الحكم ولا يريد ان تنتهي الحرب في دارفور


#672102 [أبو مريام]
0.00/5 (0 صوت)

05-21-2013 03:41 PM
الزول دا يا جماعة جاء لي نيالا عشان داير جيش وجنجويد بس الأجمل كان رد من جاء ليهم قعد مع الفلاتة قل : أنحنا بنعرف إنو الفلاتة مجاهدين من زمان وهم من دخل الدين الإسلامي السودان ومجاهداتهم ماضية إلي قيام الساعة عشان كدا أنحنا الليلة جينا عشان دايرين المجاهدين لتحرير السودان من الخونة وعملاء إسرائيل وبندي الناس العربات والسلاح وليهم ماهيتهم لغاية ما يتم تحرير البلد إنتهي كلامو فقام لواء بالمعاش قال ليهو : من زمان الفلاتة ديل قاعدين ما سمعنا منكم إنو هم من أدخل الإسلام للسودان ولا عن مجاهداتهم تجي الليلة تقول لينا هم مجاهدين أنحنا ما عندنا زول بمشي بحارب معاكم ولا دايرين سلاحكم ولا قروشكم .الناظر قال : أنحنا ما طالعين نحارب للحكومة ولا دايرين سلاحكم ولا قروشكم ولو في فلاتي طلع بقي بحارب مع الحكومة يكون دي مسؤليتو وأنحنا متبرين منو لا عند مشكلة مع الحركات ولا مع أي زول . في واحد تاني من الأعيان قال : ما عند مشكلة مع الحركات عشان نحاربم ولو دايرين يجوي تلس بشرط ما يعتدو علي أموالنا ولا أعراضنا. كدا يكون الأبله دا فشل في جانب كبير لانو الفلاتة كان آخر قبيلة ما داخلة هس في صراع إثني ببقي علي الحكومة تشوف ليها صرفة تانية لانو كل قبايل جنوب دارفور في حروبات مع بعضها البعض حتي حميدتي وعلي كوشيب ما في ليهم طريقة لأبو كرشولا .
تحذيري لناظر الفلاتة من إنو الحكومة تدخلهم في حرب عبثية مع الهبانية وجهاز الأمن قادر يسوي الشغلانة دي وخاصة بعد ما تم من رفع تقارير تفيد بأن كابتن ماجد ( الوالي الجديد ) إستدعوه في الخرطوم لانو هدد مصالح جهاز الأمن بمطارداتو للجنجويد في نيالا بيبقي الوعي ضروري وتلافي السقوط في حروبات مع أي طرف من الأطراف .


#671810 [سودان وأفتخر وأعتز بسودانيتي]
0.00/5 (0 صوت)

05-21-2013 12:00 PM
يا جماعه من الصوره دي ... شفتوا الناس ديل شكلهم غلط صح ..


#671773 [سودانية]
0.00/5 (0 صوت)

05-21-2013 11:33 AM
هسي الراجل دا في توقيت زي دا المفروض يكون في ابو كرشولة قال نيالا قال سبحان الله حكومة غريبة و فاشلة الا لو وراء الزيارة دي اجندة واكيد جاي يخم الجنجويد ويرسلهم ابو كرشولة برضو احسن يستفيدوا منهم بدل مكرهننا بالنهب والقتل ونحرم من النوم بصوت راجمات وحاجات كتيرة


#671659 [المحتار]
0.00/5 (0 صوت)

05-21-2013 10:23 AM
امنة بنت وهب


#671576 [التجـــــاني]
0.00/5 (0 صوت)

05-21-2013 09:38 AM
ولفت وزير الدفاع الفريق؛ عبدالرحيم محمد حسين إلى أن الأوضاع داخل المدينة مستقرة، وأن حركة المواطنين تسير بصورة مطمئنة، والأوضاع الأمنية فى الولاية تسير في تحسن مستمر

لاحول ولاقوة إلابالله العلي العظيم, شهادتي لله, داخل مدينة نيالا, لاأمن لاكهرباء لاماء ولاحياة أيضا.
جابوا مليشيات عشان تقوم بنهب المواطن البسيط ( قروش, تلفون ريبيكا, صيني, قلم, ساعة, خاتم, اي حاجة) والكارثة مستمرة.


ردود على التجـــــاني
[nasr] 05-21-2013 01:18 PM
هى الان المشكلة فى نيالا ولا فى ابو كورشولا ؟؟؟؟؟؟؟الراجل دا أحوص.؟؟؟؟؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة