الأخبار
أخبار السودان
الخضر : لعلهم سمعوا بأن قوات الشمالية آتية فرجعوا إلى مثواهم..نحرس الولاية ونحرس القوات المسلحة ونحرس ظهر أخونا عبد الرحيم محمد حسين وزير الدفاع
الخضر : لعلهم سمعوا بأن قوات الشمالية آتية فرجعوا إلى مثواهم..نحرس الولاية ونحرس القوات المسلحة ونحرس ظهر أخونا عبد الرحيم محمد حسين وزير الدفاع


الولاية الشمالية تضع تدابير أمنية وتنفذ استطلاعات بالصحراء
05-21-2013 09:37 AM
دنقلا: رقية الزاكي:

وضعت السلطات الأمنية بالولاية الشمالية، تدابير أمنية صارمة في مداخل المدن، ونفذت استطلاعات في الصحراء لإغلاق الباب أمام أية احتمالات لدخول المتمردين عبر البوابة الشمالية.

وأكد الوالي د. ابراهيم الخضر، أن الشمالية مستعدة ومتأهبة لكل الاحتمالات وتتناوب السلطات الأمنية هناك الحراسة في مداخل المدن وتجري استطلاعات في الصحراء، وقال الخضر للصحفيين عقب اجتماعات أمنية مغلقة عقدها وفد مولانا أحمد ابراهيم الطاهر رئيس البرلمان الذي سجل زيارة تعبوية للولاية، إن الاجتماع اطمأن على الترتيبات الأمنية بالولاية.

ونفى الخضر وجود أية تجمعات للتمرد في حدود الولاية مع شمال كردفان ودارفور، وقال: كانت هناك احتمالات بوجود متمردين في وادي هور، لكن بعثنا بطلائع وأرسلنا استطلاعات ولم يجدوا شيئاً، وأضاف: لعلهم سمعوا بأن قوات الشمالية آتية فرجعوا إلى مثواهم، وتابع: لكن ليس هنالك اي دليل بأن هناك تحضيرات للهجوم على الشمالية، وأشار إلى استعدادات عسكرية وأمنية وسياسية بكل محليات ولايته، ونوه لفتح معسكرات في كل المحليات.

وأكد وجود تنسيق كامل مع الأحزاب كافة في التحضيرات العسكرية وتحضيرات التشوين والاستعدادات وتدريب القوات، وقال: (نحرس الولاية ونحرس القوات المسلحة ونحرس ظهر أخونا عبد الرحيم محمد حسين وزير الدفاع).

الراي العام






تعليقات 26 | إهداء 0 | زيارات 6737

التعليقات
#672311 [ظلال النخيل]
0.00/5 (0 صوت)

05-21-2013 06:45 PM
حركة كوش متأهبة للانقضاض على أزلام الانقاذ وتشكل مع الجبهة الثورية قوة ستكنس بها حكومة الانقاذ من الولاية الشمالية.وبعد ده ياناس الشمالية ستعيشون في اطمئنان لا أحد يتهددكم بالاغراق ولا بالاهمال ولا بمحو تاريخكم وحضارتكم ...
تحيا الجبهة الثورية وتحيا حركة كوش


ردود على ظلال النخيل
European Union [ود الشرق] 05-21-2013 10:00 PM
حركه كوش من فصيله ابورياله والمقبور نميري

United States [عادل] 05-21-2013 08:34 PM
قلتذهبالإنفاذ كما ذهبت مايو. لكن الشمالية خط أحمر, دع ناس الغرب يخريون بيوتهم بأيديهم.


#672249 [nono]
0.00/5 (0 صوت)

05-21-2013 05:29 PM
حكومة المؤتمر الوطني دمرت الشمالية تدميرا شاملا هجرت وافقرت اهلها .. ماذاا تريدون من الولاية الشمالية... اتمني من العلي القدير ان يجعل عاليكم سافلكم ... ارجو من الجبهة الثورية الا تتلطخ يداها بدم المدنييين المقهوريين


#672231 [السر ود السرة]
5.00/5 (2 صوت)

05-21-2013 05:01 PM
ابراهيم الخضر الحسن سالم ازيرق والى الشماليه .. وعلى عثمان محمد طه ازيرق النائب الاول لرئيس الجمهورية .. ياناس الراكوبه اقيفوا بعيد واعملوا شخيط تحت (ازيرق)..


#672220 [NADIR]
2.00/5 (1 صوت)

05-21-2013 04:46 PM
والله خايفين ناس الجبهه الثورية ديل يطلعوا زى احزاب الامة والاتحاد يستخدموا الشعب ضد الانقاذ سنين والاخريصالحوا النظام بحفنة دولارات


#672162 [الحلو جاكم ياكيزان]
0.00/5 (0 صوت)

05-21-2013 03:44 PM
في واحد كوز اهبل مشي المناسبة جابو لية اموال اليتامي والمساكين اكل شبع قام من الصينة ماشي الجماعة قالو لية اقيف ارجي الحلو قام جاري قال انا ما داير


#672148 [شربكة]
0.00/5 (0 صوت)

05-21-2013 03:31 PM
نحن الان نعلم بان جنود الثورية وبكميات هايلة في منطقطة لاتخطر ببال احد


#672071 [ابو خالد]
5.00/5 (3 صوت)

05-21-2013 02:21 PM
ناس الشماليه معظمهم او الكتير منهم ف السعوديه وباقى دول الخليج بيكابسو فى العيشه مافاضين للخضر ولا عبد الرحيم؟؟؟؟؟والله كلامك يا الخضر السجم الا تقولو فى غبيره او البطحاء فى الرياض))


#672038 [nasr]
5.00/5 (2 صوت)

05-21-2013 01:55 PM
وقال: (نحرس الولاية ونحرس القوات المسلحة ونحرس ظهر أخونا عبد الرحيم محمد حسين وزير الدفاع).

وعبدالرحيم دامابيقدر يحمى ضهره كمان ؟؟؟؟؟؟شغال شنو هو؟؟؟


#672007 [um ahmed]
0.00/5 (0 صوت)

05-21-2013 01:31 PM
تسلم لى يا 00 ود دارفور 00 راجل ود رجال والله دائما تعليقاتك تعجبنى فيها وعى وفهم وتهذيب شديد وفوق هذا كله ما فيها ايى عنصريه كبعض الباقين . هذا هو السودان الذى نريده خااااااالى من العنصريه واساءات الاجنااااااااااس . ومره ثانيه تسلم اخى الكريم ويديك الف عافيه . ودمت


#671994 [الجندى المجهول]
0.00/5 (0 صوت)

05-21-2013 01:14 PM
يا ناس هسى فى خبر عاجل تفيد بوصول القوات التشادية الى الفاشر ومنها الى الخرطوم لحماية النظام فهل بامكان القوات التشادية حماية العاصمة السودانية من قوات الجبهة الثورية


#671969 [على كرار]
0.00/5 (0 صوت)

05-21-2013 12:56 PM
يا أوسمانا خليكى صاحية و ما يلعب بيكى مؤتمر وتنى, أنتم أهل السودان 100%, و لقد عانيتم من ألإهمال و التهميش الكثير, ما يجى ناس مؤتمر وتنى أولاد كديس فطيس و يقولوا ليكم أرسلو أولادكم للجهاد, مافى جهاد و لا يحزنون, انتم أهل الدين و القرآن و تعرفون ألإسلام أكثر من المؤتمر اللاوطنى.


#671965 [karlos]
5.00/5 (1 صوت)

05-21-2013 12:52 PM
امركم عجيب يا الخضر زمان بتتغالطوا فى الميل 14 و ابيى هسع بيقيتوا تتكلموا عن دنقلا و كريمة و كردفان هانت والله

زماااااااااااااان قلتوا شنو لو ما الانقاذ التمرد كان وصل مكان ما و لو ما الانقاذ الدولار كان وصل رقم كده انتوا 24 سنة ما عندكم كلمة طلعتوا شفع سسساااااااااااااااى

بمعنى كلامكم ده الميس فى كافورى بس حتى الكلاكلات و الحاج يوسف شكلهم راحوا


#671959 [حيرتونا]
5.00/5 (2 صوت)

05-21-2013 12:46 PM
وقال: كانت هناك احتمالات بوجود متمردين في وادي هور، لكن بعثنا بطلائع وأرسلنا استطلاعات ولم يجدوا شيئاً،

يعنى مافى طريقه تعرفو بيها الاترسلو ناس ياجوكم ياماتو ؟؟؟؟؟ طيب دى نفس ايام داحس والغبراء

مافى اى طريقه تانيه ؟؟؟؟ والعالم كله شغال كده؟؟؟؟؟؟؟ كلام الاستطلاعات دى للسيف والدرقه ما

للعربات التاتشر والصواريخ والراجمات والرماد كال حماد


#671914 [الجبهة الثوريه لتحرير السودان]
5.00/5 (6 صوت)

05-21-2013 12:18 PM
يااهل الشمال طريق الشماليه الي امدرمان هو طريق الحركات المسلحه نحن لانستهدفكم ولكن اذا حاولتم اعاقة طريقنا سوف تكونون هدف مشروع بالذات مناطق دنقلا- الدبة وضواحيها.


ردود على الجبهة الثوريه لتحرير السودان
United States [رماة الحدق] 05-22-2013 07:59 AM
بالذات مناطق دنقلا- الدبة وضواحيها.هههههههه ههههههههههههه والله ضحكتني وباين عليك كنت بليد في مادة التاريخ

European Union [ود الشرق] 05-21-2013 10:06 PM
جرب تعال ماتختشي عندنا عرقي صاح الصح نخليك تتخيل نفسك اوباما

United States [أبو محمد] 05-21-2013 06:46 PM
يا اضينى ناس دنقلا والدبة والشمايلة عامة لن تذوق منهم غير الوبال انت وقرودك.

[ابو كريم] 05-21-2013 06:43 PM
الطريق سالك كل القوة الخرطوم جوة

United States [صالح حسين احمد دسى] 05-21-2013 02:11 PM
نحن لكم يا اوغاد

United States [aldood] 05-21-2013 01:44 PM
try this way y mskin wallahi we will feed our dog human meat


#671897 [المتجهجه بسبب الانفصال]
5.00/5 (1 صوت)

05-21-2013 12:09 PM
وأكد الوالي د. ابراهيم الخضر، أن الشمالية مستعدة ،،،
__
ده الخضر والي الخرطوم ولا خضرا تاني،،،


ردود على المتجهجه بسبب الانفصال
United States [JOHN] 05-22-2013 12:10 PM
ماهم كلهم عاملين فيها أنبياء اللـه الخُضر.......


#671882 [معاويـــــــــــــــــــــــــــــــــــة]
4.50/5 (2 صوت)

05-21-2013 11:56 AM
ابراهيم الخضر عشان قريب على عثمان وكل واحد بقى يخت واحد والله اتنين من اهلوا يحرسو ونحنا لينا الله وعيشة السوق لكن والله الجاية جاية مش لو عملتوا استطلاع والحتجيكم بالنهار تانى بالليل مافى والرجالة فى الدارة ابش يالبشير جوك كل زمن ب رجالو انت معتمد لى على ابراهيم الخضر والله ابراهيم الخضر حمارتو ما يقدر يحرسه هو فاكر العساكر الجمبو ديل بحرسوهو والله لمان تسخن اول اوحد يقبضو ويجيبو للمحكمة هو طبعا بشوف الكلام ده بعيد المنال


#671852 [kartagi]
4.50/5 (4 صوت)

05-21-2013 11:34 AM
الله يكسر ظهرك وظهر عبدالرحيم يالكسرتو ظهر الشعب اللهم اقصم ظهر البشكير وعلى وعبدالرحيم وكل من شايعهم اللهم ارنافيهم يما اسودا !!!!!


#671835 [انصاري]
5.00/5 (2 صوت)

05-21-2013 11:25 AM
إنتو زمان مش كان في حاجة كدة إسماها الجيش بتقوم بالعمل بتاع الحماية دة،.... يا النبي الخضر، الشمالية برضو فيها خدر زي الخرتوم إنتو الخدور ديل قد يلقوهم في ياتو مكب نفايات!؟


#671798 [TIGERSHARK]
4.50/5 (5 صوت)

05-21-2013 10:54 AM
لو قياده الجبهه الثوريه شافت انو في فايده من تحرير اي مدينه او قريه في الشماليه, مافي شي بقيف في طريقهم, لانو ناس الشماليه زيهم وزي غيرهم بتمنو زوال "نظام البشير" الليله قبل بكره وانا واحد منهم.


#671796 [وليد دارفور]
5.00/5 (11 صوت)

05-21-2013 10:53 AM
ما تتسرعوا الدور جايكم ؟ الشمالية جزء من السودان و القوات التي بها قوات تابعة لنظام المؤتمر الوطني, وهذه القوات هي هدف مشروع للحركات المسلحة... المواطنون في دنقلا و غيرها من مدن الولابة الشمالية هم سودانيون لهم حق العيش بكرامة و دون اي تهديد.. هذه القوات ستتعامل مع اهلنا الشماليين كما تعاملت مع اهلنا في امدرمان ... النظام يسعي للتأليب القبلي و اللعب علي الوتر العرقي.. اهل الشمالية عانوا و يعانوا كبقية اهل السودان..لم ينعموا بخدمة افضل من باقي مناطق السودان. لذا علي الجميع ان يفهم ان زمن اللعب علي الوتر العنصري قد ولي.. نريد سودانا فيه الجميع سودانيون.


ردود على وليد دارفور
United States [Elmansoor] 05-21-2013 12:01 PM
أحسنت. وهذا هو المطلوب من كل سوداني غيور علي تراب وطنه الذي دنسته الانقاذ. لابد من سد الطريق والمنفذ الأخير لتجار الدين لأن وتر العنصرية هو خندقهم الأخير بعد أن استنذفوا كل معني جميل للدين وبوعي كافة قطاعات الشعب السوداني يقفل هذا الخندق للأبد ويعود السودان لكل السودانين.

European Union [سن ألفيل] 05-21-2013 11:47 AM
تسلم يا ويلو كلك فهم والله

United States [شمالي] 05-21-2013 11:30 AM
ناس الجبهة الثورية من الهامش وناس الشمالية الهامش زاتو ما لامين فيه وناس ابراهيم الطاهر والخضر مفتكرين ناس الشمالية مبسوطين منهم والله انا اعتقد الناس ديل لو دخلوا الشمالية ما يتعرضو للناس المساكين الا ناس الحكومة ابقو رجال وانتظروهم .


#671787 [تهارقا]
5.00/5 (1 صوت)

05-21-2013 10:42 AM
(نحرس الولاية ونحرس القوات المسلحة ونحرس ظهر أخونا عبد الرحيم محمد حسين وزير الدفاع).
عليك النبي...؟؟؟؟؟؟؟؟


#671755 [artukaatand]
5.00/5 (1 صوت)

05-21-2013 10:24 AM
يتحدثون عن جاهزية الاحزاب للقتال ولعمرى لم اسمع باحزاب تقاتل إلا اذا كانوا مليشيات وليس احزابا


#671735 [ماهر عابدين دياب]
5.00/5 (1 صوت)

05-21-2013 10:12 AM
مصايبنا في تصريحات مسؤولينا


#671703 [Show]
4.38/5 (5 صوت)

05-21-2013 09:53 AM
والله ناس الجبهة الثورية بقو للحكومة زي حكاية هجم النمر وإنت يابتاع الشمالية اقعد قول الوضع امن لمن تلقاهم جوه الجك


ردود على Show
United States [ماروووش] 05-21-2013 11:25 PM
يا show ياحليل زمن محمود الكذّاب زمان كان راعي غنم هسه دي بقى في الحكومة موظف كبير جداً



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة