الأخبار
أخبار السودان
" ود إبراهيم " يلتقي أسامة عبد الله ويقول : تحرير أبو كرشولا يحتاج الى تخطيط وزمن

صورة من الارشيف


تحدث عن الفيديو الذي ظهر فيه وهو يسلح القبائل
05-21-2013 02:12 PM
كشفت مصادر واسعة الإطلاع عن لقاء مغلق استمر نحو ثلاثة ساعات في الأسبوع الماضي بين محمد إبراهيم عبد الجليل المعروف بـ " ود إبراهيم " وكل من أسامة عبد الله وزير الكهرباء وعبد القادر محمد زين أمين عام الحركة الإسلامية ولاية الخرطوم ، وقالت المصادر أن الاجتماع تطرق إلى مشكلات البلاد وقضايا الحركة الإسلامية وان ثلاثتهم بحثوا ضرورة إيحاد حلول حقيقية عبر توافق بين الجميع ، وذكرت المصادر أن " ود إبراهيم " يرفض تماماً أي مساومات أو إغراءات في الوقت الراهن يمكن أن تعيده إلى حضن الحكومة ، ولم تستبعد المصادر أن يكون الغرض من اللقاء تقديم محفزات لـ " ود إبراهيم " تمهيداً لخطوات مقبلة تخطط لها الحكومة في إطار احتواء الرجل ومجموعته .

ومن جهته اعتبر " ود إبراهيم " أن قضية أبو كرشولا هي قضية وطن لا علاقة لها بالسياسة ، وقال أن الجيش قادر على استرداد ابو كرشولا قريباً ، موضحاً أن طبيعة المنطقة الجبلية تحتاج إلى تخطيط وزمن ، معرباً عن أمله في أن يأخذ الجيش زمام المبادرة ليتمكن من تحريرها .

وعلى صعيد متصل نوه إلى أن الفيديو الذي ينتشر على النت ويظهر فيه " ود إبراهيم " وهو يسلح القبائل يبث لأغراض تخص من قاموا ببثه ، مشدداً على انه لم يسلح القبائل وقال أن من ظهروا بالفيديو هم أفراد من قوات الدفاع الشعبي وشاركوا مع الجيش في تحرير هجليج والجميع يشهد على ذلك .

صحيفة اليوم التالي






تعليقات 23 | إهداء 0 | زيارات 16282

التعليقات
#673249 [ساميه]
0.00/5 (0 صوت)

05-22-2013 12:56 PM
خبر عجيب ..ود ابراهيم .. اسامه سدود.. تحرير ابو كرشولا .. طيب ياجماعة الخير انحنا الحاكمنا منوا عابزين نعرف .. وقادة القوات المسلحه رايهم شنوا فى الاخبار المثل دى .. لو فيهم واحد راجل ود رجال يحمل اى رتبه عسكريه فى اى قوه فى السودان عايزاه يرد على .. وعندى اربع وعشرين ساعه فقط منتظره ردكم .. وبعدها لكل حادث حديث


#673049 [على كمير]
0.00/5 (0 صوت)

05-22-2013 11:07 AM
الشعب السودانى يرفض المؤتمر الوطنى ولن يقبل بمن يرهن نفسه لإسرائيل . نحن نريدها ثورة شعبية مثل أكتوبر , وبعدها نحدد من يحكمنا . وكما نرفض الطغمة الفاسدة التى تحكمنا الآن أيضا نرفض الجبهة الثورية التى تقاتل من أجل السلطة . وأكرر نريدها ثورة شعبية مثل أكتوبر العظيم .


#672814 [مدحت عروة]
4.50/5 (4 صوت)

05-22-2013 08:48 AM
قضية ابو كرشولا قضية وطنية وليست سياسية!!!!!!!!!!!!!
طيب قضية حلايب التى اختلت بالقوة والفشقة التى يستغلها الاحباش وحبشوها اليست وطنية؟؟؟؟؟؟
ود ابراهيم عكس الكلام ابوكرشولا هى قضية سياسية بالدرجة الاولى من خلال حكومة قومية ومؤتمر دستورى لكيف يحكم السودان وبالتراضى والوفاق الوطنى وبعد داك فعلا تبقى قضية وطنية لانه البيحمل السلاح على اجماع اهل السودان فعلا يستحق الضرب بلا رحمة يعنى يبقى مجرم ويعامل بالقانون!!!!!!
يا جماعة ده كلام شنو ده محتلى حلايب والفشفة نعاملهم بالحنية والسياسة والاخوة والتكامل وهلم جرا وابناء الوطن نعاملهم كانهم اعداء وليس بالحوار والتراضى وان البلد دى ماحقت زول او حزب او تنظيم او قبيلة؟؟؟؟
خاصة الحركة الاسلاموية اللى هى ماسودانية بل تنظيم اجنبى الهوى وهى فرع للحركة الاسلاموية العالمية التى تدعمها سياسيا ويمكن ماديا!!!!
عملاء ويرموا السودانيين بالعمالة!!!!
السودان ده حق السودانيين الشينين المشلخين مسلمين او غير مسلمين عربا وافارقة ونوبيين وليس للحركة الاسلاموية العالمية بت الكلب وبت الحرام اى شان فيه او علاقة!!!!!


#672560 [ناديه فضل المولي ادريس]
5.00/5 (1 صوت)

05-22-2013 02:06 AM
حقوا تكلفوا ناس الدفاع المدني اللي طلعوا الزول ميت من البير بعد 18 ساعه و 4 خطط يحرروا ليكم ابكرشولا ...واضح بأنو ود ابراهيم دا طلع ماسوره!!!!!!!!!!!


#672543 [ابن السودان]
0.00/5 (0 صوت)

05-22-2013 01:13 AM
إنتو يا أخوانا ود إبراهيم ده منو ، طالع لينا في الكرتله ، ما كان حا يكرر نفس سيناريو البشير لو نجح انقلابو. شابكننا سائحون و جامدون و نائمون و شنو ما بعرف. يا عالم ، يا ناس ، أصحوا البلد اتلحست.


#672440 [DR SAMI ALI]
5.00/5 (2 صوت)

05-21-2013 09:18 PM
كذاب انت تاجر دين ياااااخي انتو دايرين شنو مننا ياعالم اتقوا الله سيبونا نعيش الله ينتقم منكم


#672358 [عصمتووف]
5.00/5 (2 صوت)

05-21-2013 07:31 PM
ومن جهته اعتبر " ود إبراهيم " أن قضية أبو كرشولا هي قضية وطن لا علاقة لها بالسياسة ، وقال أن الجيش قادر على استرداد ابو كرشولا قريباً ، موضحاً أن طبيعة المنطقة الجبلية تحتاج إلى تخطيط وزمن ، معرباً عن أمله في أن يأخذ الجيش زمام المبادرة ليتمكن من تحريرها .

ورقك انكشف ومراكبك احترقت عسكري مسيس حتي لو كنت امام الحرم المكي الشريف لا علاقة لك بالجيش بعد الاسترحام والجرسة وتركت شركاء لك في السجون اختلفنا او اتفقنا اصبحت مواطن عادي حاليا ومرتزق لا يهمنا كثيرا استعادتك للمدن الساقطة حتي لو كانت الخرطوم نحترم الضابط والجندي العسكري المحترف اسلامك واسلاميتك هناك في البيت وهو موضع يخص ربك وشخصك تريد الدخول بالجحر بعد ان تم قذفك عبر الحائط ولا يغرنك نصر هجليلج انت واحد من الرعية والحركات هم الملوك


ردود على عصمتووف
United States [AburishA] 05-22-2013 01:20 AM
Well said, keep the good work UPPPP


#672350 [مقنع الكاشفات]
1.00/5 (2 صوت)

05-21-2013 07:19 PM
ردي باسطة بكسره يا اخي العزيز اذا كان الناس فيها سودانين لماذا يذبحون الاطفال والشيوخ ويغتصبوا الناس اين السودان منهم واين الدين ارحمو انفسكم يا ناس خافو ربكم واللخ السودان والاسلام برئي من الافعال التي نشاهدها في ابو كرشولا وغيرها انسان علاقتو مع اسرائيل كويسه كيف يكون سوداني لعنة الله عليهم الي يوم الدين


#672345 [مجهول]
0.00/5 (0 صوت)

05-21-2013 07:10 PM
يا شباب متى الجيش يدخل ابو كرشولا
السؤال الثاني متى يدخل الجبهة الثورية الى الخرطوم ؟ هل تنفذوا الاعدام على هواء مباشرة في العالم ؟

رأيي ان لما تدخلوا الى الخرطوم مجموعة يدخل تلفزيون السودان و يعلن فيها إعلان الحرب على مؤتمر البطني وتمسكهم كلهم وخذ الإعدام كل نهب أو سرق حتى البشير
و يكون الرئيس ياسر عرمان الانه عنده فكر سياسي أما الحلو وزير الدفاع
هذا رأيي بصراحة أما الباقي عليكم بالجهاز
وبعد حرية الإعلام والمصداقية الخبر أولا
و يعود دولة الجنوب السودان الى شمال السودان
والصحة
والتنمية كل مناطق السودان حتى القرى و مدن النائية يبنوا عمارات و فلل و شوارع ، و جدد الشوارع مثل نفس الناس
و تصليح الباصات الى جديد
و إعادة المناهج الى مناهج جديدة و مقرراتها و المدارس الى الأحسن ( كمبيوترات ، إيبادات في المناهج ، السبورة أعالي تكنولوجيا ، و قاعات حديثة
أما الجامعات تكون حديثة مباني مستوى راقي .........
انا عندي أفكار خلي بدل يقولوا زمان الخرطوم جميلة والأنوار ها لا بالعكس نقول السودان هي الأولى في كل شى لكن خطوة خطوة
لقد طولت عليكم لكني هذه هي رؤيتي لمستقبل السودان بعد اضمحلال أو انعدام النظام الديكتاتورية
هذه الأفكار أرجو توصيلها الى عبد العزيز الحلو والميدان و أقول له السودان والشعب السوداني في الداخل والخارج ينتظرونك فائق الصبر
النصر النصر بإذن الله الى أمام دائماً


ردود على مجهول
European Union [karlos] 05-22-2013 06:17 AM
مجهول الابوين

[jomo] 05-21-2013 11:26 PM
دا اساليب كــــلاب الامن

[الانقاذ قد دنا عذابها] 05-21-2013 08:33 PM
والله انت فعلا مجهول,مجهول الهويه


#672336 [ابو قطر]
0.00/5 (0 صوت)

05-21-2013 07:03 PM
مشكلة ودابراهيم مع النظام مشكلة ليست وطنية وهم متفقون في سياسة التهميش ولايمكن هذا التفسير الفطير يا ودابراهيم فان ما قمت به هو تسليح لازيالكم من الجنجويداستمرارا لسياسة الارض المحروقه


#672315 [انصاري]
5.00/5 (1 صوت)

05-21-2013 06:49 PM
طيب لحنتها يا وليد ابراهيم الفرق شنو بين مليشيات القبائل والدفاع الشعبي، والشرطة الشعبية، والشرطة الظاعنة، حرس الحدود، بعدين شنوا جبلية وتخطيط عايز تشتغل راتب مقطوع وله يومية، ثم فسروا لينا زول قالوا قائد إنقلاب، وبجتمع بوزاء ورؤساء حركة اسلامية مكنة الحكومة المحركة اللعب من تحت، دة إنقلاب حناكيش في طاولة البلياردو ولة شنوا ود إبراهيم في السلاح الطبي،ولة الموسيقي


#672276 [ابوكرش]
0.00/5 (0 صوت)

05-21-2013 06:09 PM
وييييين يا ابوالشباب .. يا ودابرهيم الناس بتتكلم عن تحصين الخرطوم و انت جاي تتكلم لي عن ابوكرشولاالبعيده ديك .. ودايره وقت ودايره صبر !!!!


#672263 [ابوقنبورين]
4.00/5 (2 صوت)

05-21-2013 05:47 PM
ده جيش ، ولاّ ده وطن ، ولاّ دي حكومه ؟؟؟


#672256 [السمبرية]
5.00/5 (2 صوت)

05-21-2013 05:38 PM
وزير الكهرباء دا لزومه شنو عشان يكهربم مثلاً؟؟


#672209 [باسطه بكسره]
5.00/5 (2 صوت)

05-21-2013 04:37 PM
انتو ي عالم نحنا سامعين بتحرير ابوكرشولا وغيرها من ارض الوطن السؤال هنا هم عاوزين يحرروها من مين اليس الموجودين فيها هم سودانين وفيهم من ابناء المناطق المذكوره وما حصل سمعنا ببلد بحرروها من اصحابها ده لو عرفتو يعني شنو تحرير ي مؤتمر وثني العاوز تحرير بجد هم انتو ودوركم جاي خلو الهضربه


ردود على باسطه بكسره
United States [hamad abo samra] 05-21-2013 05:58 PM
مرحبا كسرة والله كلامك باسطة ،حقيقة البلد يحرروها من منه من أولاد البلد الحلو سودانى وعقار وعرمان وعبد الواحد وحتى مسألة الدين المرة دى مافى ليها مكان شوفوا ليكم تحرير آخر أحسن عديل قولوا القصر دا ما طالعين منو،وما بنقصر معاكم منكفيكم وبنجيب ليكم الحلو.


#672160 [جركان فاضى]
5.00/5 (3 صوت)

05-21-2013 03:44 PM
قال تحرير ابوكرشولا يحتاج الى تخطيط وزمن - يا اخى حرام عليك تقول هذا الكلام والجيش اسلحته كلها خردة فى خردة وهى موضوع مكشوف للجميع -فأولاد المساكين الذين تزجون بهم فى الحروب مع الاسلحة المهببة سوف يموت عدد كبير منهم بدون ذنب- الحلو حصل على اسلحة حديثة جدا وانت ماشى تحاربهم بعربات تتعطل فى الطريق عشرة مرات فى اليوم الواحد


#672121 [الماصع]
5.00/5 (3 صوت)

05-21-2013 03:02 PM
والله دلع *** ياحليل ال28 ضابط الذين دفنوا احياء*** له تحت المواجع تستعد


#672118 [شوك كتاد]
5.00/5 (4 صوت)

05-21-2013 02:55 PM
إللٌي إمضيٌع ذهب!!
بسوق الذهبْ يلقَاهْ
وإللي مفارق محبْ ...
يمكن سنهْ وينساهْ
بس إل مضيٌع وطــــــــــــــنْ
وين الوطن يلقـــــــاه؟

السودان اولا


ردود على شوك كتاد
United States [التــــــــــــــــــــــــــــــــــــائــــــــه] 05-22-2013 06:36 AM
مقطع حلو وجميل سمعتو وانا فى العراق 1984 ايام الحرب الايرانيه
زكريات وايام لاتنسى فى الباب الشرقى والتاجى .. شكرا ياشوك كتات


#672099 [محمد علي]
5.00/5 (1 صوت)

05-21-2013 02:38 PM
اركز ح يغتالوك في ابو كرشولا ايقى حعلي وامشي وبعدين نشوف


#672095 [جيب من جوة]
5.00/5 (2 صوت)

05-21-2013 02:37 PM
وكت ابو كرشولة قضية وطنية ليست لها علاقة بالسياسة اجتماعك مع نسيب البشير لشنو وبصفتك شنو



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة