الأخبار
أخبار إقليمية
خادم الحرمين يقدم 80 منحة للسودانيين للالتحاق بجامعات المملكة
خادم الحرمين يقدم 80 منحة للسودانيين للالتحاق بجامعات المملكة


05-24-2013 08:40 AM

الخرطوم - بليغ حسب الله

أعلن الملحق الثقافي لسفارة خادم الحرمين الشريفين في الخرطوم منيع بن مويس المطيري أن الملك عبدالله بن عبدالعزيز منح 80 فرصة للطلاب السودانيين للدراسة بالجامعات السعودية بالتركيز على طلاب درجتي الماجستير والدكتوراه.

وقال المطيري على هامش الاحتفال بمبنى الملحقية الجديد في ضاحية الرياض شرقي الخرطوم انه تم توزيع الفرص عبر سفارة المملكة التي قامت بتقديمها لوزارة التعليم العالي السودانية.

وشكر المطيري وزير التعليم العالي في السودان خميس كجو كندة على تعاونه مع الملحقية الثقافية ومع الطلبة السعوديين الدراسين في السودان، شاكرا كذلك مدراء الجامعات السودانية على حسن تعاملهم مع طلاب المملكة.

وأكد أن الملحقية تقوم شهريا بتوزيع الكتب والمطبوعات والدوريات للجامعات مما يعزز التبادل الثقافي بين البلدين الشقيقين.

وشكر المطيري وزير التعليم العالي الدكتور خالد بن محمد العنقري على دعمهم المستمر للملحقيات في الخارج.

كما أقامت الملحقية الثقافية لسفارة خادم الحرمين في الخرطوم حفل استقبال بمناسبة الانتقال وافتتاح مبناها الجديد رعاه السفير فيصل بن حامد معلا بحضور وزيري الإعلام والثقافية السودانيين احمد بلال والتعليم العالي خميس كجو كندة .

ويضم المبني الجديد الواقع في ضاحية الرياض شرقي الخرطوم مكتبة ضخمة تحوي 5 آلاف عنوان في جميع مجالات العلوم والآداب ورسائل جامعية لمساعدة الطلاب السعوديين الدارسين بالجامعات السودانية في دراستهم ومكتبة الكترونية لمواكبة تطورات العصر إلى جانب بيت الشعر الذي يجسد التراث الشعبي للمملكة.

ومن جانبه قال الملحق الثقافي للسفارة منيع بن مويس المطيري إن المبني الجديد سيشهد خلال المرحلة المقبلة نشاطاً متواصلاً من بينه منتدي ثقافي شهري يقام في بيت التراث الجديد.

وأوضح أن المبني الجديد يأتي لمواكبة التطور الكبير في العلاقات الثقافية السعودية السودانية بفضل اهتمام القيادتين الرشيدتين في البلدين الشقيقين والاهتمام الكبير الذي يوليه سعادة السفير معلا لهذا الجانب.

الرياض


تعليقات 15 | إهداء 0 | زيارات 14827

التعليقات
#675703 [ود الجمري]
0.00/5 (0 صوت)

05-25-2013 09:41 AM
يا أخوان انا مقيم في السعودية يعني ساوفر لدولتنا مصاريف السفر والطيران وكدة داير اقدم للمنحة دي رائكم شنو مش انا سوداني واستحقها وبعدين ساوفر تلتلة جواز وتاشيرة وخدمة وطنية ودمغة وضريبة و وو وو وو و


ردود على ود الجمري
United States [..... جعلتي من كبشتي .....] 05-25-2013 05:33 PM
لو ماك كوز مأصل, تشمها قدحة!

[Abu Areej] 05-25-2013 10:34 AM
تلقاها عند الغافل يا ود الجمري..

تحياتي


#675532 [هدهد]
0.00/5 (0 صوت)

05-25-2013 05:52 AM
الشكر لحكومة خادم الحرمين الشريفين لكن بل اسف تتحول هذه المكرمة الملكية الى ابناء الكيزان ولن يستفيد منها الشعب السودانى . يستفيد منها هؤلاء ابناء هؤلاء الكيزان الذين كانوا يشتمون بالامس ابان الحرب العراقية فى حكومة المملكة وعلى ملكها خادم الحريمين الشريفين والان يركضون سعيا لأرسال اولادهم للملكة .


#675513 [الكاشف]
0.00/5 (0 صوت)

05-25-2013 03:27 AM
المفروض اي دولة تقدم دعم مالي للتنمية او المساعدة او اي دولة تقدم منح زي دي يشرفو عليها بانفسهم لين ما تصل الي المستحقين ليها
لان ناس المؤتمر الوطني ديل لا برحمو لا بخلو رحمت ربنا تنزل علي الناس


كم من دعم مالي راح في عمارات وعربات لناس الكيزان
كم من منح وزعت للكيزان وابنائهم

كرهتوووووووووووووووووووووووونا


#675478 [ابو كريم]
0.00/5 (0 صوت)

05-25-2013 12:36 AM
والله كان منح دراسية كان قروش مافي زول حيستفيد منها والكيزان قاعدين


#675428 [jk]
0.00/5 (0 صوت)

05-24-2013 10:52 PM
يا ناس انتو مهبلسين ول شنو نحن ما ناقصاتننا جامعات - اكبر عدد للجامعات في الوطن العربي وفي افريقيا في السودان - يا ريت مساعدته لينا ده تكون في حاجات تانية ------ المصريين قبل الانفصال لما حبوا يساعدوا السودان قالوا حنعمل جامعة في الجنوب وطبعا ناس الومؤتمر الغبي وافقوا وفرحوا - خيبة الله عليكم يا بلداء يا بؤر الغباء يا معفنين - تفووووووووووووووووووووووووووو عليكم من البشير لاصغر غبي فيكم ---


#675289 [طارق الباز]
0.00/5 (0 صوت)

05-24-2013 07:40 PM
خادم الحرمين يقدم 80 منحة للسودانيين.... لمن لهم واسطة انقاذية او كوز كنافه


#675234 [عصمتووف]
4.00/5 (1 صوت)

05-24-2013 06:06 PM
بما ان الملك عبدالله رجل عصامي وعلي نياتة وانا متاكد بانة يريد الاسلام المعتدل وقد قام بمنحها للمتنافسين والمستحقين لكن بعيدة المنال علي ما اعتقد سوف تقسم بين انصار السنة والمؤتمر والطلاب الجدد عبدالحي والكاروري دفع الله عدو الحريم وغيرهم من الشواطين في الهيئات الماسونية

اقول لخادم الحرمين ونيابة عن شعب السودان الباقي الاصيل شكرا لمكرمتك وربنا يمد في عمرك ويجعلك خادما للشعوب المقهوره اعتبرها ضلت طريقها لذوي العمم والذقون وهم لا يشكروك لانهم لا يشكرون الله نحن الطيبون المناضلون بنقل شكرا ونرفع طواقينا لك اجلالا ومحبة لاننا بشكر ونحمد الله ليل نهار علي احوالنا البسيطة


#675224 [شمالي ضائع]
5.00/5 (1 صوت)

05-24-2013 05:56 PM
أنا بنتي امتحنت من السعودية جابت نسبة 99.09% ما لاقت طريقة تدرس في جامعات السعودية يقولو منحه للسودان وديل تاني بعملو ليهم معروف في إنسان كفاية بهدلة المغتربيييين والأسر السودانية والعذاب - طفاية عذاب يا ناس ...


ردود على شمالي ضائع
United States [المفروض تقرأ مجان في جامعة الخرطوم] 05-24-2013 10:30 PM
والله يا شيخنا لو كلامك صح المفروض تقرأ في جامعات الخرطوم مجان.. مع الاعاشة والسكن وكل ما يلزمها..

تعرف يا شيخنا الحكومة المصرية من السنة الفائتة قامت بفتح ما يزيد عن اربعة أو خمسة مدارس في الرياض منهج مصري.. نسبة لان المصريين كلما يريدون أن يسجلوا ابنائهم في المدارس يمشوا المدارس يقولو لهم سجلوا في برنامج نور.. وبرنامج نور فاتح فقط للسعوديين والاجانب يفتح خلاص بعد المدارس اللي تمتلي تمتلي ولمان يفضل بواقي يقوموا يدوها للاجانب.. المصريين اشتكوا في السفارة السفارة لرفعت الامر لوزارة الخارجية.. جاءوا في فتحوا مدارسهم وارتاحوا في رعايا لاقية اهتمام كبير من سفارتها ورعايا بالمداس.


#675143 [شقى ومجنون]
5.00/5 (1 صوت)

05-24-2013 03:49 PM
دى طبعاً حا يتم إحتكارها لأبناء كوادر الجبهه الللا إسلاميه..وحرامية المؤتمر الوطنى..ولن يطالها أى من أبناء الطبقة المسحوقه


#675030 [Dr. Digital]
3.00/5 (1 صوت)

05-24-2013 12:57 PM
دي حتكون موزعة بالتساوي للجماعة الطيبين بس...ودي هي المشكله.


#675021 [lahib]
0.00/5 (0 صوت)

05-24-2013 12:43 PM
حفظك الله ورعاك ..


#675007 [حسين البلوي]
0.00/5 (0 صوت)

05-24-2013 12:12 PM
اوع تكون منح الدين والتجنيد للمزهب الوهابى والتطرف الدينى الذى يفضى فى النهاية للعمالة للغرب وقيام دولة الحروبات الاهلية التى لا تنتهى ابدا


ردود على حسين البلوي
[مواطن] 05-24-2013 08:31 PM
غالبا ما تكون هذه المنحة للدراسات الاسلامية ... وليس للمجالات الأخرى ..


#675005 [Ivory]
5.00/5 (1 صوت)

05-24-2013 12:08 PM
طبعا سيتم حجز هذه الفرص لابناء ناس المؤتمر الوطني ومن شايعهم ومافي اي طريقة لاي طالب غيرهم وما بعيد تربط بالمجاهدين والدبابين


#674976 [ام الحسن]
5.00/5 (1 صوت)

05-24-2013 11:25 AM
السودان مفلس والناس قرضانة

الملك كان داير يساعد السودانييين يديهم قروش قروووووش وبس

بس القروش مايديها للكيزان فى يدهم 000القروش يعمل بيها منظمات انسانية لمساعدة ضحايا الحرب والنزوح فى دارفور 000هذا اقل شئ تقوم به المملكة كجزء من رد الجميل للسودان للسودانيين الذين كان لهم باع طويل فى النهضة بالتعليم فى المملكة وتخرجت على ايديهم اجيال واجيال بعضهم وصل الى اعلى المناصب وصار من النخب الواعية والمثقفة فى المملكة000

اظن آن الاوان لتقف المملكة مع السودان فى محنته


ردود على ام الحسن
European Union [عصمتووف] 05-24-2013 06:08 PM
ما قيمة القرش في يد الجاهل وعندك بالكوووووووووووووووووووم

United States [ســارى اللــيـــل] 05-24-2013 02:22 PM
يا بت العم كان قروش ما بتفيها و كان منح دراسيه ما بتشميها ديل ناس او كوز والراقص الارجوز يلعب بالبيضة و الحجر و يعرفزا كيف يأكلوها القروش وتعمر بيها الكروش ونحن نتعب و نشقى و ندور لمن رأسنا ادوش وما نلقى لا علام و سلام وخليها على الله بس اقيفى فى الصف حق الاعانه مالاغاثة و كان سمحوا ليهم بحرية التنقل و توزيع المعونات الى محتاجيه ...


#674972 [Dr.Norelden]
0.00/5 (0 صوت)

05-24-2013 11:24 AM
this is agood chance and gift from ksa but must be distributed equally by government



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
9.50/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة