الأخبار
أخبار إقليمية
بعد معارك عنيفة..الجبهة الثورية تطارد القوات الحكومية و مليشيات حزب البشير حتى الحي الشرقي لبابنوسة.
بعد معارك عنيفة..الجبهة الثورية تطارد القوات الحكومية و مليشيات حزب البشير حتى الحي الشرقي لبابنوسة.



05-25-2013 06:50 PM
ود البشاري

اشتبكت قوات الجبهة الثورية مع القوات الحكومية ومليشيات نظام البشير علي بعد أربعة عشر كيلو من بابنوسة بالقرب من محطة السكة حديد (بوطة), ودار قتال عنيف تكبدت على اثره القوات الحكومية خسائر فادحة حسب ما افادت مصادر موثوقة بسقوط عدد كبير من القتلى وتم مطاردة القوات الحكومية ومليشيات الدفاع الشعبي التي إنسحبت من المعركة حتى الحي الشرقي لمدينة بابنوسة ثم عادت قوات الجبهة الثورية ادراجها، وافاد المصدر ان الجبهة الثورية استلمت 12 عربات عسكرية ودمرت 3 .

الجدير بالذكر ان هذه المعارك تأتي بعد المعركة التي التي دارت أمس بمنطقة أم جاك والتي تم فيها تشتيت القوات الحكومية الى القرب من مدينة غبيش.

وعاشت مدينة بابنوسة اليوم حالة من التوتر اثر هذه المعارك وتوفي داخل المدينة رجل شرطة يدعى ( الطيب حبيب ) اثر سقوطه من عربة شرطة كانت تسير بسرعة.


تعليقات 29 | إهداء 0 | زيارات 16519

التعليقات
#677181 [ابوشوك]
0.00/5 (0 صوت)

05-26-2013 12:54 PM
كلو وسخ و عفن


#676528 [Haba kamba]
0.00/5 (0 صوت)

05-26-2013 12:41 AM
بعض دى ماااافى مجااااملة على الاطلاق أما معااااانا او مع الخيانة \\\ لانو اصلآ الحرب الدائر حااااليآ دى مع الشعب والحكومة الخائن المنااااافق الفااااااسد الاكل أموااال الشعب ب{52 سنة } والان قوات الجبهة الثورية قريبة من الخرطوم على بعد كيلو مترات اى واحد لو ما واسخ من نفسه خلى يشوف ليه مكان عيشتو قبل وصول الجماعة ديل \\\ لانو هذه مرة داخليين عبر كل المحاور عبر كل البوابااااات بدون اثتسناء والله }}}


ردود على Haba kamba
European Union [semmm] 05-26-2013 11:55 AM
الخرطوم خرطوم الفيل


#676505 [معاوية]
0.00/5 (0 صوت)

05-26-2013 12:22 AM
ليه الشعب لازم يرفض اولاد المؤتمرجية موجودون فى اوروبا وابناء الغبش يموتوا دفاعا عنهم وليس دفاعا عن الشعب السودانى المفروض كل الشعب يعرف الكلام ده وتانى البمشى يموت خليهو يموت دفاعا عن نظام الحرامية الارزقية المتاسلمين كذبا وزورا
التحية لكل مناضل رفع الراية ضد هذه العصابة التى تحكم السودان والخزى والعار للكيزان واعضاء المؤتمر الوثنى وازياله من المتسودنين الزنادقه تربية الدجال شيخهم الترابى .................


#676488 [kordofani]
0.00/5 (0 صوت)

05-26-2013 12:06 AM
as usual taking off .flee and run away terms you find in NCP military vocabulary.


#676482 [Haba kamba]
0.00/5 (0 صوت)

05-25-2013 11:56 PM
الله أكبر ولا نااااااااااامت أعيون الجبناء كل القوة الى الخرطوووووووم جوة \\\ ليس لهم مكاااااااان اصلآ بما يسمى بالمؤتمرالوسخى \\\\ ارمؤ قدام ورا مؤامن \\\ زبحوهم وأكلوهم ني !!!!


ردود على Haba kamba
European Union [كمال كوكو] 05-26-2013 01:26 AM
يا ود البشاري الكضب شنو اتصالنا بي بابنوسة البتقولو دة ما حصل ،، ما تحمس الناس ساكت وتخليهم يتعاوروا ويقنبو يهللو ويكبرو ري أخونا
Haba Kamba دة صدق الخبر الفرنك دة ،، وحكاية ال 12 عربة دي ناس الحكومة بقولو استولى عليهم امس وآت تقول الليلة وكمان عادت قوات الجبهة إدراجها والطيران مالي السماء؟
يا جماعة حيرتونا. ،، نصدق منو؟.
ناس الحكومة يقولوا استولينا علي 12 عربة ودمرتها 25 وبنطارد في الباقي. ،،،ومافي دليل نشوفو بي عينينا،،،
وناس الجبهة يقول ود البشاري من مصادر موثوقة. وطاردت قوات الجبهة القوات الحكومية حتي مشارف بابنوسة،،، وبرضو مافي دليل ويقول موثوقة،، وناس المنطقة. الواحد ما بصدقهم. لا ديل. ولا ديل. كل طرف عايز الناس تقول هو الاقوي،،،
والله فقدنا الأمل في الجانبين. ،، شبعونا مرجلة علي الفاضي،، معقول يا ناس تصدقوا. قوات الجبهة تواجه جيش بي حالو؟.
ومن الجهة التانية برضو مش قادرين نقتنع بي انو الحكومة عندها الإمكانية الهائلة التي يهلل بها الجميع. ،، وفضلنا محتارين مين القوي ومين الضعيف ؟. والاتنين قاعدين يتفرجوا علي بعض
ونحن أعصابنا المحروقة،،،. لا ديل دايرين يجو يريحونا من ديل الكاتمين علي نفسنا العمر كلو. ،، ولا ديل دايرين يورونا رجالتهم مع ديلك عشان نعرف النهاية شنو،،،
يا ناس ديل وديلك. ،، هرمناااااااااا. لقد هرمنا،،،. عووووووووك. يا جماعة هرمنا،،،،،وووووووووو. بكفينا. حلوها بقي يا كدة. يا كدة
عشان نبقي علي بصيرة ،،، غايتو ضعنا وانتهينا والبلد ضاعت


#676470 [radona]
0.00/5 (0 صوت)

05-25-2013 11:20 PM
اوقفوا هذا الفتال فورا
اهون علينا ان تتفاوضوا وتحصلوا على مناصب دستورية برواتب ومخصصات مليارية
نعم ماذا يضير الشعب اذا تضور جوعا وفقرا ومرضا اكثر مما هم عليه
نناشد الحكومة ان تمنح هؤلاء المتمردين مناصب ولامانع لدينا نحن الشغب ان تزيدوا اسعار المحروقات والسكر والدفيف وكاقة الجبايات والمكوس للوفاء برواتب ومخصصات المستوعبين الجدد وكالعادة نحن الشعب نحمل هذه الحكومة المترهلة على كتوفنا وماذا لو ترهلت الحكومة اكثر من ذلك سنسال الله القوة لنستطيع ان نحمل مع احمالنا حمل هؤلاء ايضا وهذا اهون علينا من نرى الحكومة ومعارضيها يتصارعون من اجل السلطة والمال .. السودان كبير والشعب السوداني كبير وعطيم ورحيم اهون عليه ان تعيشوا ولو على حساب جوعه ومرضه وفقره من ان يراكم تفتلون بعضكم ويدعو بعضكم الاخر بالعدو .. انتم لستم اعداء انتم اخوة واشفاء ولكنكم تحبون الدنيا بشراهة غير مسبوقه


ردود على radona
United States [ALIIIIIIIIIIIIIIIIIIIIIIIIIIII] 05-25-2013 11:58 PM
انت شكلك نعسان امشي نوم احسن ليك....كفاية ذلة ومهانة ل24 سنة يابني ادم انت جادي في الخزعبلات اللي بتقولها دي هي البلد دي اصلها بتاعة ابو عمر البشير والحيوان الاسمو البشير ده وررثها منو وراثة عشان تقول للناس يستحملوا التفاهات دي والله اذا ناس الجبهة الثورية عملوا الكلام الفارغ اللي بتقولو ده مناصب وكلام فارغ خليهم يلحقوا الكيزان غير ماسوف عليهم الليلة قبال بكرة...الجبهة الثورية عندها قضية لاببتعلق بعرق ةلا بلون ولاغيرو اصحي يابريش اذا انت مستحمل الذلة والاهانة انحنا خلاص ملينا وزهجنا وان شاء الله الكيزان يغوروا في اسفل السافلين وربنا ينصر الجبهة الثورية


#676454 [انصاري]
0.00/5 (0 صوت)

05-25-2013 10:49 PM
وعاشت مدينة بابنوسة اليوم حالة من التوتر اثر هذه المعارك وتوفي داخل المدينة رجل شرطة يدعى ( الطيب حبيب ) اثر سقوطه من عربة شرطة كانت تسير بسرعة.

**** الفينا مشهودة.... الجري دا ما حقي هع ... هع ما قلتوا نوبة!!


#676443 [انصاري]
0.00/5 (0 صوت)

05-25-2013 10:31 PM
كتمت!!! يا كيزان!!؟


#676441 [ود سوري]
5.00/5 (2 صوت)

05-25-2013 10:30 PM
التحية للجبهة الثورية!
قوة قوة الخرطوم جوه
يا نافع المانافع.............(الحلو)


#676440 [ALIIIIIIIIIIIIIIIIIIIIIIIIIIII]
5.00/5 (1 صوت)

05-25-2013 10:28 PM
ربنا ينصركم نصر مؤزر علي كلاب المؤتمر العفني ورحمة الله علي الطيب حبيب رحمة واسعة وحسبي الله ونعم الوكيل علي الكيزان


#676411 [عاصم]
5.00/5 (1 صوت)

05-25-2013 09:58 PM
يبدو ان نهاية الكيزان اقتربت و الويل لهم اما مليشيات الدفاع الشعبي خليهم يموتوا وكل من يدافع عن هذا النظام الحقير الموت له ليه الهبل ديل مشوا نيابة عن البشير و علي عثمان و عبد الرحيم و مصطفى عثمان اسماعيل و نافع و اولاده لو بيدافعوا عن ديل اتمنى ما يرجع واحد فيهم و الجبهة الثورية لكل السودانيين الشرفاء اللذين ارادوا الوطن للجميع و الحقوق و الواجبات متساوية بدون عرق او دين وطن كبير و حنون لجميع السودانيين نريد هيبة دولة و لا دولة ارهاب (ياكيزان عهد الثأر اقترب اين المفر كلكم كيزان مؤتمر وطني و لا مؤتمر شعبي )يعني ما فرق كوز باطان ولا كوز بدون اطان كله كوز


#676409 [المشتهى السخينه]
4.50/5 (3 صوت)

05-25-2013 09:56 PM
كل هذه المآسى تنتهى بالتوافق والرضا بكلمتين .. المواطنه المتساويه .. يعنى اسحق فضل الله سليل قبيلة قريش الحجازيه يتساوى مع القائد ارنو نقوتلو لودو ..ولكن دستور هيئة علماء السودان يمنع ذلك استنادا على الدين الوهابى .. فحمل الناس السلاح للدفاع عن كرامتهم وعزتهم وثقافتهم ..


ردود على المشتهى السخينه
[alsudani] 05-26-2013 05:09 AM
فى السعودية متساوين
وهابيه قال
وباقى الغنم دين المصرين
أخخخخخخخخخخخخخخخ


#676408 [مرشود الجمعان]
5.00/5 (1 صوت)

05-25-2013 09:56 PM
قلناها المحرش ما بكاتل والدواس منغير غبينة ما ببقى وأبطال الجبهة الثورية عندهم قضية هذا فوق أنهم مظلومين ويبدو أن مظالم المؤتمر الوطني وماارتكبه من مجازر في دارفور والنيل الازرق وجبال النوبة وفي حق الشعب عامة بدأت هذه المظالم ترتد على مرتكبيها المغضوب عليهم من الله والشعب ولذلك يامعشر أبناء المساكين إياكم أن تكونوا وقوداً لهذه الحرب ودروعاً بشرية لهذه العصابة المفسدة


#676406 [خالد حسن]
5.00/5 (2 صوت)

05-25-2013 09:50 PM
الخذي والعار علي مليشيات الكيزان ومن يحارب عنهم ولهم
والنصر للشعب باذن الله


ردود على خالد حسن
European Union [خالد حسن] 05-26-2013 12:43 PM
انا عارف الرد عليك ضياع زمن .. لكن ارد امكن اكسب فيك اجر
مش في كل كبد رطب اجر ... يعني حتي بهيمة الانعام فيها اجر ....
انت زعلان من شنو ؟ انت مش كتبت ( توفوا علي الكيزان)
انا قلت الخذي والعار علي مليشيات الكيزان ؟وطيب ... حلال عليك وحرام علي؟
ولا انت من مليشيات الكيزان عشان كده زعلان؟
وانت هسع في ردك ده ناقشت الوضع الحاصل واقترحت حلول ؟ يابهلول !!!
ماردك كل شتايم ونبذ وعامل فيها بتنقد الناس البتشتم !!
لاتنهي عن منكر وتأتي بمثله عار عليك ان فعلت كبير...

European Union [Kandora] 05-26-2013 02:25 AM
يا خالد حسن والله آت ما ناقش اي حاجة ،،وغير كلامك الا جايب حقو ما عندك ابو النوم،،،،
الناس في شنو وآت في شنو،،، سيب الهبل دة عامل فيها يعني فاهم الوضع؟
قوم لف ياخ ،، تفوو علي المعرضة وعلي الكيزان،،، إها. يعني شنو؟. ولا جايبين خبر. وصولا هاميهم
مفروض نناقش الوضع الحاصل والحل شنو؟. بدل اي واحد نازل يتفلسف ويسب ويلعن هنا وهناك،،، امرقوا الشارع عشان تفهموا الحاصل شنو؟
الشعب مرق معاكم معناها عايز تغيير وإذا ما مرق معناها ما مقتنع بي زول نهائي ،،، وحيطلع براهو في ساعة الصفر ويكنس الجميع ويخلص من الهم
والله المعلقين كلهم فارغين غير الشتائم ما عندهم التكتح،،، بالله دي أمة الصادق يلف ليها عمة والترابي يربي ليها دقن ويتجلع؟. وكمان الميرغني يتكحل ليها ويتبسم؟


#676400 [عثمان خلف الله]
0.00/5 (0 صوت)

05-25-2013 09:41 PM
مبروك تدمير السودان


ردود على عثمان خلف الله
[alsudani] 05-26-2013 05:13 AM
كل سودانى صغير وكبير عندو مفروض
10000 جنيه بالجديد يعنى 10 مليون
بالقديم من المال المسروق فقط
فى تدمير اكتر من كده


#676379 [جبل عامر]
4.50/5 (4 صوت)

05-25-2013 09:15 PM
وين بابنوسة عديل كدة ..راجع رد الصوارمى ؟؟؟ افضل اسم لة الصحاف ... كل القوة .... جوة ... هيع كلك حلو ...


#676355 [أمبده أمبدة]
4.88/5 (5 صوت)

05-25-2013 08:53 PM
عربية الشرطة دي مسرعة كدة مالها كانت هاربة من الميدان ولا شنو ؟ ما في مشكلة الحرب كر وفر لكن ناس الشرطة عودونا دائماً هم في حالة فر دون كر . قال شرطة قال !! يا إخوان الحكاية بقت أكبر من الشرطة . الله يجيب العواقب سليمة .


#676354 [جركان فاضى]
4.82/5 (6 صوت)

05-25-2013 08:52 PM
كنا نتمنى ان يكون قتلى مليشيات النظام من ابناء المؤتمر الوطنى - ولكن صدقونى سوف تزرف كثير من الاسر السودانية الدموع على قتلاها ما عدا اسر المؤتمرجية - واتمنى ان اسمع فى الاخبار ابن مؤتمر وطنى مات فى المعارك - لماذا هذه السذاجة يا شعبنا الطيب؟لماذا تقاتلون فى سبيل عصابة استأثرت بكل شئ فى البلد حتى الوظائف الدنيا؟ماذا تكسبون من الحرب ؟اتكسبون نصرة الدين بعد ان سحب كثير من افراد العصابة بيعتهم عن البشير؟


#676348 [سامي]
5.00/5 (2 صوت)

05-25-2013 08:44 PM
لﻻسف يتجه السودان بكل مكوناته نحو الهاوية بوتيرة متسارعة ، و النتيجة ،،،،لن يكون هناك رابح ﻻننا في النهاية سوف نخسر وطن و ﻻ ربح مع خسارة وطن ،،


ردود على سامي
[alsudani] 05-26-2013 05:15 AM
اما ان يكون قد هان عليك استعباد
حرامية الخرطوم للشعب السودان
او تكون احد الحرامية


#676345 [elfatih]
4.75/5 (3 صوت)

05-25-2013 08:41 PM
ديل صعاليق يدافعوا عن مصالح الحزب الجاكم ان شاء الله المرة الجايه الجريه للخرطوم


لا تبكى على من مات ولكن ابكيى على من ضاع عقله

مساكين مصدقين كلام نافع اسرائيل وامريكا وما عارف واعداء الدين تدافع عنهم انت مسلم تقيف ضدهم انت كافر وعدو الدين حسبنا الله ونعم الوكيل منهم


#676341 [الخرطومي]
4.88/5 (5 صوت)

05-25-2013 08:39 PM
ايامك قربت يا بشبوش انت وجمعتك الله يستور ما نشوفكم لبسين تياب


#676325 [أحمد المحسي]
5.00/5 (4 صوت)

05-25-2013 08:17 PM
التحية للجبهة الثورية
و الخزي و العار لمليشيات عمر البشير
أنا على يقين أن فتح عدة جبهات سيسقط هذه الحكومة اللعينة التي ارتنا صنوف العذاب

اللهم دمرهم يارب العالمين وارنا فيهم عجائب قدرتك

قولو آمين -- لعل الله يستجيب من أحدنا


ردود على أحمد المحسي
United States [النيل] 05-25-2013 10:39 PM
امييييييين يا محسسى ستسقط سقوطا داويا ان شاء الله


#676319 [الكاشف]
5.00/5 (3 صوت)

05-25-2013 08:14 PM
شكلو كده الحلو بجي قبل الحلومر


#676277 [سليمان محمد سليمان أرباب]
5.00/5 (1 صوت)

05-25-2013 07:27 PM
‏ ‏ وين استعدادات الحكومه


ردود على سليمان محمد سليمان أرباب
United States [cour] 05-25-2013 08:47 PM
فى ابو كرشولة يا حلو انت


#676271 [krkr]
5.00/5 (2 صوت)

05-25-2013 07:17 PM
الله اكبر


#676261 [الضكر]
5.00/5 (14 صوت)

05-25-2013 07:04 PM
ياجماعة بتاع شرطة سقط من عربية ومات نحن المواطنين خوف ساكت نموت الله يلعن الكيزان ويلعن الحرب الاججوها في السودان وكمان الحركة الشعبية شريك رسمي في الحرب لعنة الله تغشاهم الاثنين الى يوم الدين


ردود على الضكر
European Union [خالد حسن] 05-25-2013 09:55 PM
انت كمن يجعل الضحيه كالجلاد!
الجبهه الثوريه وكل من رفع السلاح لم يرفعه الا إضطرارا بعد تعنت الكيزان وممايعتهم لقضايا الناس
وتشبثهم بالحكم 24 عاما ورفضهم اعادة الحكم للشعب .. فكيف تجعل من حمل السلاح مضطرا كمن يؤجج الحروب ليبقي في الحكم؟
حكم عقلك وفكر صاح .. لماذا تشعل الحكومه الحروب وبعد ذلك نلوم من يدافع عن اهله وشعبه ضد قذف طائرات الانتنوف وقذائف الدبابات؟

United States [شروم الكدمبوس] 05-25-2013 09:47 PM
قلتة اسمك الضكر؟؟؟ههههههههه الا كان تكون ضكر بط يااخوي

European Union [ابو كلام ساكت ساي] 05-25-2013 09:19 PM
انت (ضكر )فوق كم اذا كان خوف ساكت داير تموت ؟؟؟؟؟؟

European Union [معقوله بسسسس] 05-25-2013 09:13 PM
أجي يا الضكر؟؟!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.22/10 (8 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة