رفضنا رفضنا
رفضنا رفضنا
لم وعينا عرفنا مرضنا
لا زول حرشنا
لا زول حرضنا
الا الجوع الالموا قرضنا
و نحن الليلة
رفضنا رفضنا
قالوا شريعة و طلعوا عصابة
طبقوا فينا شريعة الغابة
نهبوا بلدنا و سرقوا ترابه
ذلوا كباره و كتلوا شبابه
و بعد اتمكن فينا طردنا
ز نحن الليلة
رفضنا رفضنا
خسارة خسارة
صنع الفتنة و ولع نارا
ديلاك نوبة و ديل بقارة
بدون اسباب حاربنا بعضنا
و نحن عشانو الليلة رفضنا
التمكين بقى اصل العلة
و المهووس السكن الفلة
حالف ابدا ما بتخلى
قوم يا شباب نحارب الذلة
و باسم الله رفضنا رفضنا
ما بتلموا الدين و السرقة
و لا حوار محروس بالطلقة
اثبت راجل و واجه الزنقة
نحن خلاص حددنا غرضنا
و نحن الليلة
رفضنا رفضنا
[email][email protected][/email]