أسفر عنها إصابة الممثل جمال حسن سعيد ..فى اغرب حادثة : أهالي همشكوريب يطاردون طاقم مسرحية (الزوجة نمرة اثنين) بالحجارة …!!
طارد أهالي منطقة (همشكوريب) بالقرب من مدينة كسلا بالحجارة ممثلين كانوا يقومون بتقديم عرض مسرحي بالمدينة , و هو الأمر الذي أسفر عن إصابة الممثل جمال حسن سعيد الذي كان مشاركا فى المسرحية مع عدد من الممثلين .
و تعود التفاصيل التي روتها : الممثلة نفيسة محمد محمود الي ان طاقم مسرحية (الزوجة نمرة اثنين) كان يعتزم تقديم احد عروضه بمنطقة (همشكوريب) التي تشتهر بانتشار خلاوي القران فيها بكثرة , إلا ان بعض الأهالي عارضوا إقامة العرض المسرحي فيها , و بعد مشاورات ماراثونية وافقوا على إقامة العرض , لكن بعد نهايته تفاجأوا بهجوم عنيف من أهالي المنطقة بالحجارة على طاقم المسرحية .
الذين أطلقوا سيقانهم للريح للنجاة بأنفسهم من غضبة الأهالي , و هو الأمر الذي أسفر عن إصابة الممثل جمال حسن سعيد فى ركبته بحجر ضخم , إلا انه تماسك حتى وصل الى مكان وقوف سيارتهم الخاصة التي امتطوها و انطلقوا بها هاربين من جحيم الحجارة التي كانت تتنزل على رؤوسهم مثل المطر .
صحيفة فنون
هههههههههههههههههههههههه. نفسى كان اشوف جمال سعيد وهو جارى ههههههههه
يا جمال حسن سعيد والشلة المعاه يعني عاملين فيها فالحين وعايزين تكسروا الحواجز وتمشوا هناك لهمشكوريب وتعرضوا كمان فيها مسرحية واسمها الزوجة رقم (2)؟؟؟ الوداكن هناك شنو؟ والله فالحين جنس فلاحة، الناس ديل عندهم حتي الرادي ذاتو حرام خليك من تمشوا تتشخلعوا بي عرض مسرحي ديل كان جبت سيرة المرة في لسانك يقطعوه ليك من لغاليغوا خليك من يدقوكم وتقوموا صوف، وياتوا مسرح دا اللقيتوهو وعرضتو فيهو في همشكوريب؟ غايتو الحمد لله جات سليمة والبركة البقت في الدقة، والله عشنا وشفنا كم دقة، وآخرها دقة همشكوريب … ها ها ها ها 😎 😎 😎 تاني تجوا المولد
الله يرحمك يا السودان، لكن معليش يا سيد جمال المابعرف قدرك ما بقع فيك ضرب ويهردك ….واظنك عرفت من وين هابة عواصفك …. يا ربي يكون المسرحية ما عجبتهم ولا بكرة ح تطلع لينا وتقول لينا (المسألة كان فيها حاجز لغة) عجبني ليكم انتو التلاتة المصورين فوق ديل.
جمال سعيد دمو خفيف ما يستاهل الحصل ليهو ده00الناس مالها بقت عنيفه كده
والله الحصل ماتستاهلو يا استاز جمال لاكن دة بخليك تاخد فكرة عن المنطة بالرقم من انو دة ماراي كل الناس هناك
يا جمال سعيد يا شيخ المبدعين
ركبتك دي الليلة مالا بقت ركبتين
يا ود شليتيت و خلف الله المعذّبين
دا الفصل الحزين لقطة المهرولين
كلام غريب بس لم تذكرو لنا السبب (منطقة همشكوريب التى تشتهر بها خلاوى القران ) هل هذا سبب يعنى !
احمد الله انها ما جات في الصلعة
همشكوريب مدينة القرأن الحصينة بجبالها ورجالها – وفيها الامن والامان – والزائر اليها عليه الالمام بعادات وتقاليد السكان أولا – وتختلف اختلافا جوهريا عن أية منطقة في السودان مثل زريبة الشيخ البرعي وخلاوى كدباس – فالشريعة الاسلامية مطبقة فطريا فلا تجد أى حركة للنساء داخل الاسواق ولا يباع أو يستخدم السجائر والصعوط مطلقلا والناس يتركون متاجرهم مفتوحة ويذهبون الى الصلوات في المساجد – وكل الاهالى في المدينة يواظبون على صلواتهم جميعا . وفيها الكثير الكثير ……
يعنى كان ديل ناس اغانى واغانى كان ضربوهم رصاص ..قدر أخف من قدر
الحصل لهم دا ذاتو مسرحية حقو يشغلوا مواهبهم ويخرجوه كعمل مسرحى 😎 😉 😉 😉 😉 😉 😉 😉 😉 😉 😉 :lool: :lool: :lool: :lool: ياريت لو كان معاهم مصور كان يكون العملٌٌ هائل:cool: 😎 😎 😎 😉 😉 😉 😉 😉 😉 وبعدين ياناس ما تقولوا الحصل دا لانو ناس همشكوريب ناس قران …..الناس ديل ببساطة عبروا عن رايهم فى المسرحية:cool: 😎 😎 😎 😎
شوف عينى جريتوا جرى السواد وكسرتوا قصب البلدات . ألا توافقونى بأن بعض الممثلين قامت ليهم رويشات (الدجل السياسى)
تستاهلو انتو ما لقيتو محل غير همشكوريب المنطقة الوحيدة الناس متمسكة بي عاداتا وتقاليدها
كفاره للفرقه ده الحاصل واساسو الجهل الشامل فى المنطقه بعدين همش دى شان ما تبقوها القريه الغاضلة على وزن المدينه الفاضلة وتفتكروا انو اى زول شايل سبحه وماشى المسجد ابد اى شى دايره فى اى حاجه تخطر على بالك لكن التقاليد وافراد بعدد اصابع اليد متحكمين فيها يعنى راى الفليق ده اسالو منو الكبير الاهالى مجرد بشر عايشه وبس مع الجهل المرض الفقر ام قول انهم ناس قران القران مابفيد مع الجهل المتفشى كوباء مع المرض السل بالذات
لكن ناس الاستاذ جمال بقوليهم تانى تجوا المولد ههههههههههه عزانا فى انك قلبك نضيف لكن انا متاكد كون انك مسرحى قادر تماما الرد وقادر على النسيان وقادر على تحويل الواقع للناس اىنما كانوا
همشكورييب ما محتاجة لفلكسة ونكات علينا دي قلة ادب كان نقطع رؤؤسكم – نحن محتاجيين مدارس ومستشفيات وماء نقي وكهرباء وعلاج – ما محتاجيين لفلكسة الخرطوم
كنا نتمني أن يحدث ذلك للسياسيين عباقرة الكذب الذين يجمعون الناس ويشبعونهم كلاما … هذه الحجارة الأولي بها هؤلاء السياسيون .
وجمال حسن سعيد دا كان راكب التاكسى بتاعو وال مشى لهمشكوريب كدارى