للتمعن

بتشوف ربك ما بتشوفني انا ، الا اذا ناوي تجي تسئ للانبياء قدامي، وانا ذاتي حا اشوف معاك لكن ان شاء الله الاقيه مسلم ما رافع دقني فوق ناس غير وصلوا رسالة ربهم ما عملوا شي لا قالوا ليك اكلنا لا قالوا ليك عاوزين عرش دهب ، الناس افترقت مثلها مثل الانعام ، يعني هنا جماعة بقر وهناك جماعة بقر ، لكن هم في النهايه امه واحده امة البقر ، تمسك من “Genetic Adam” “ودا ما ادم ابونا لكن ادم الجيني بمعنى الذريته هي فضلت بعد الحدث الما مفهوم علميا” الناس يا تنقسم لمؤمن او كافر ، وبعد داك يجي موسى يبقو يا مؤمن بالرساله الاولى كافر بموسى او مؤمن بيهم كلهم او كافر بيهم كلهم ، ويجي عيسى يزيدوا امه ، ويجي نبينا نبقى نحن اخر امه ، فالكفار ديل تقسيمهم الجغرافي ما بيفرق لانهم ما زايدين شي على كوكب الارض ، سواء كانت ميامي او ايطاليا التاريخيه او قرى قوم لوط ، في النهايه اتحرقوا ، النبي الكريم الحديث دا مستحيل يكون قاله لانه نحن منهيين عن التفرقه والاختلاف ، نحن منهيين عن اننا “نتنازع ” خليك من نتفرق عديل ، والحديث دا وسيله من دعاة السوء انهم يفرقوا المسلمين لصوفيه وكيزان وكلام فارغ , وانا ضد انه زول من برا يتكلم فينا لكن كيف ما سفاحين ؟ العيلفون دي قتلهم الماني ؟ القياده العامه ؟ اسا حاليا البيضبحوا في بعض ديل جنسهم شنو ؟ حا نزعل من شنو ناس حتى ربنا ما دايرين يخافوا منه ؟ دارفور دي القتلوهم مش سودانيين ؟ انا اول مره اقول لزول يا كافر دي ، جدي من قدامى الحزب الشيوعي ما قلتها له لكن انت مالك الانبياء سالوك ؟ كان ما بتحترمهم ايمانا ما ممكن تلزم حدك بتمشي لزول في الشارع تسئ له وهو ما سألك ؟ امشي اتفضل اعملها بعد داك تعال اتكلم في انبياء ، ناس ناصروا المستضعفين ووقفوا في وش ناس انت ما بتقيف في وشهم ستين سنه ، فرعون وابي جهل. تجي تقول انبياء

الافتراق بيجي من تصرفاتكم ، انت الان امامك خيار انك تسلم او تكفر ، هن امتين حاليا القدامك بما انك ما حا تبقى يهودي او مسيحي ، ولاني طبيعي ما حا اكون امه معاك لاختلاف افكارنا اذا انت كفرت ، فهنا انت البتختار انك تتفرق ، الانبياء جابوا لينا العلم والادب والرجاله ، كون انك تقاتل في سبيل الله والمستضعفين وتكون طاهر وما تخش في حق الناس سواء مال او عرض او دم دي كلها ما تعاليم بتاعة سحرة ، ولا النبي كان مجنون ، ولا كان متكبر جبار ، ولا كان فرح ولا كان بتاع لهو ، ماف زول مثله وماف زول اصلا بيقدر يعمل الحاجات دي ، وعلميا الا اذا انت ضال دي حاجه لكن وجود ربنا ما فيه شك ، فكون اننا حا نتفرق لمسلم وكافر دي حاجه حتميه لاني ما حا اتابعك فيها ، واذا انت مصر على رايك فقول الداير تقوله كلامك لا بينقص من ربنا لا بينقص مني ، لكن انت البتشوف دربك نهايته شنو

والاسلام وجوده محرف في السودان ، يعني زي ايران يخلطوا الاسلام بالمجوسيه ، ويطلع ياهو التشيع ، هنا برضو يعبدوا الشيوخ ويطلعوا لينا بالصوفيه ، الاسلام برئ من تعاليم الشيعه والصوفيه ، والسودانيين رامين ربنا ورا ضهورهم الا من رحم . لا رحمه لا صبر لا ايمان لا جهاد لا عمل وحب الدنيا في قلوبهم ورياء وفواحش وقتل وغيره ، وانا ما مؤمن اصلا بكون انه في مهدي ، كل الديانات عطلت الجهاد والقتال في انتظار “الامام -الفتى المنتظر-المهدي المنتظر” دي حيلة من الشيطان انه الناس ترقد في سرايرها وقدر ما يقولوا جهاد يقولوا لا انتظروا المهدي ، ودا خامس زول يوهم الناس انه المهدي على حسب الحاجات القريتها انا ناهيك من الما قريتها ، واسا في واحد جديد لمن عامل موقع في الانترنت كرهونا ظهور المهدي وبايعوا المهدي ، مهدي كان حال الدنيا يكون كدا ؟