الخرطوم : محاسن أحمد عبدالله
أوصت الفنانة والحكامة شادن حسين الرجل الذي يريد الزواج علي زوجته والفتاة التي سيتزوجها :(عزيزي الرجل من حقك تتزوج مثنى وثلاث ورباع وبما يرضي الله دا شئ طبيعي ماحاجه جديده مهما كان حبك للبت مابديها الحق تقرر في مصير زوجتك الأولى وأولادك منها.
وصيتي ليك (ماتطلق ماتطلق) عشره مرات ياخ أولادك يعني حصادك في الدنيا وسندك، ماتطلق.
وأضافت ( أخواني لمن تدورو الدبل، اختارو البتبقى لأولى طبيقه واخت، البتسأل من صحة اولادك وتساندك وتربي أولادها على محنة أخوانهم الكبار وبتقول ليهم ديل أخوانكم وسندكم وإنت دم ولحم وعزوه بمحبتكم لبعض ومساندتكم ،وإتن يابنات أمي أمسكن رجالكن زين لانه الزمن دا شين وكلامي لخرابات بيوت الحلال
واختتمت شادن (ياجماعه بالمحنه كلو بسهل والدنيا جمالها بطيب الخواطر وسماحة الذات ،وصيتي ليكم الني للنار).
