جهاز الأمن : القتال يدور الآن داخل الارضي السودانية..نأمل ألا تتحول الاشتباكات الى حرب شاملة .. السودان لا ينوي سوى تحرير أراضيه.

طيب لو بقيتو دايرين تطلعوا بى حقكم من قبيل الشلاقة شنو ؟ قلنا ليكم لعبة الحريق دى دايرة حرفنة مش تنزلوا على اى اسكور استدرجوكم يا هبل لحدى حدودهم ورجعوها منكم ومعاها باقى البترول المعتمدين عليهو والله فشلتونا….هييييييه ديل اولاد قرنق

والله زي ما قال بروف جبرا دي محتاجه فهامة .. الصوارمي قال دحرناهم واعدناهم داخل حدود دولة الجنوب ومدير عام جهاز الامن والمخابرات بقول القتال مستمر يومين داخل حدود السودان وانو القوات السودانية لا تريد سوي تحرير اراضيها…. ياخي الناس دي كضابة جنس كضب ..
هي الحكومة دي اصلا ما عندها سيد كل واحد ينضم زي ما هو داير ..
بالله جيشنا ذنبو شنو يدخلوهوا في جنس ده وعشان روح واحدة تروح الف روح ياخي خايف تمشي الجنوب قول ما ماشي الداير يجبرك منو عشان تفتعلوا حاجة زي دي ..

ولله يا كيزان حيرتونا معكم مر يقول الضوارمي تمت دهر الجيش الشعبي و الفلول المتمردة خارج هجليج و تم تديمر تبابتين و الاستيلا علي ستة عربات ومر الجيش السوداني يقاتل الان داخل الحدود السودانية برغم من تعسفي علي ما يحدث بين البلدين لكن نرجو منكوم تمليك الحقاق لراي العام

if the government really restore Hegileg ..they will celebrate as usual .but I think what has happend was that south sudan army has defeated the NCP Militia ..in retialiation the government is bombing randomly ..left no choice to south sudan army to evacuate the area ..and the government is claiming victory now …but in fact there is no NCP militia in the ground .
read the conflicting report may give you a pretty idea ..
soon the truth will be revealed

علي الشعب السوداني بكل شرائحه ان يعي تماما مايجري في الساحة دون ان يبلع الطعم الذي رموهو له الكيزان…..
لا توجد حرب ولا يحزنون….قوات المؤتمر الوطني قامت بقصف مناطق جنوبية حتي ترد حكومة الجنوب بصورة اعنف وحينها فقط…وهو ما يحدث الان يعلن الاستنفار العام وتسميم الاجواء برائحة الحرب وشغل الناس عن الازمات الاقتصادية الطاحنة وغلاء الاسعار واشاعة جو من الوطنية الزائفة ومحاولة استمالة الشعب الناقم علي الحكم وتسليط سيف الخيانة علي اي مواطن لا يدعم المؤتمر الوطني….كما لا ننسي نتيجة لحالة الاستنفار تلك تلغي الاتفاقية الاطارية للحريات الاربع وبذلك يكون الطيب مصطفي وزمرته قد اصطادوا عدة عصافير بحجر وااحد وبعدها تعود الامور الي الهدوء وتبدا الوفود بالتفاوض….يعني كلو علي بعضو ماهو الا مسرحية بايخة وسيئة الاخراج…..

اقتبس
مضيفا أن السودان لا ينوي سوى تحرير أراضيه.

التعديل (السودان لاينوى سوى الدفاع عن اراضيه )

كيف سلفاكير يقول نحن الجيش السودانى هاجمنا فى داخل حدودنا وفى نفس اللحظة يقول احتلينا هجليج جيبوا لينا فهامة يكون هجليج جرة ليهو ولا كيف