الحزب الشيوعي يؤكد للسفير الروسي رفضه للقواعد العسكرية الروسية وتدريب “فاغنر” للدعم السريع
الخرطوم – الميدان
جدد الحزب الشيوعي رفضه القاطع لأي تسوية سياسية، تعتزم الآلية الثلاثية إجراءها، وأغلق باب الحوار حولها، وذلك خلال جمع قيادات في الحزب الشيوعي مع سفير جمهورية روسيا الاتحادية فلاديمير جيلتوف، الذي طلب لقاءً مع الشيوعي في مركز الحزب.
وشارك في اللقاء الزملاء صديق يوسف، صالح محمود، علي سعيد، وحسن عثمان.
وقال الناطق الرسمي للحزب الشيوعي حسن عثمان إن اللقاء تطرق إلى الانحياز الروسي للنظام المباد، وكذلك للسلطة الانقلابية، هذا إلى جانب المواقف السلبية حيال الإبادة الجماعية في دارفور، وانتقد الموقف الروسي أثناء جلسات مجلس الأمن، حين صرحت بأن ما يجري في دارفور شأن داخلي.
وأبدى الشيوعي رفضه القاطع لإقامة قواعد عسكرية في السودان، وانتقد بشده مشاركة قوات فاغنر في تدريب قوات ومليشيات الدعم السريع، وبدوره نفى السفير الروسي فقط وجود ما يسمي بقوات فاغنر في السودان خلال العامين المنصرمين.
مسكين السفير الروسي ما عارف انو السودانيين قرروا حسم خلافهم بالضربة القاضية فقط حتى لو يتفرتك السودان.
ابو الزفت الجماعة بقو يظهرو على حقيقتهم
ما تخدعو الشعب السوداني
الحزب الشيوعي و الجنجويد كفيلهم واحد
قال تدريب الدعم السريع
طيب ليه ما طلبتم أو انتقدتم نهب الروس و فاغنر لذهب السودان
العالم كله يعرف ان الجنجويد و فاغنر ينهبو في ذهب السودان
شويه شويه ه تكشفو نفسكم
مشكلة السودان هي الاحزاب الا وطنية العابرة للحدود
معقول ك سودانين محتاجين لعفن الاسلامين و البعثين و الشيوعين
بلد بدون وجيع
اكثر ما يستفزني كلمة عابرة للحدود وكان في شيء في العالم الآن غير عابر للحدود ولا حدود للاديان والتبشير والدعوة في كل مكان ولا حدود للفكر ولا حدود للعلم ولا وطن للفنون يا بابا العالم اصبح قرية الظاهر عليك عايش في الخلاء تأكل من ما تزرع وتلبس من ما تصنع هههههههههه
يا تور الله الانطح
كلامي عن احزاب راسها برة السودان و تلعب ب زيلها في السودان
التنظيمات السياسية العابرة للحدود ليست مثل العلم و التجارة و
وهذه التنظيمات ولاءاتهم ل اسيادهم و ليس السودان
الخم ما حبابو
مافي دولة وطنية تسمح ب احزاب تدار من الخارج ان تدير شؤون الدولة الامنية و الاقتصادية و السياسية
دا الكلام الجد ولا يصح الا الصحيح !!
والله والحق يقال ناس الحزب الكلس ديل عندهم وطنية اكثر من العسكر الواجبهم حماية الارض والحدود !!
الكلس ولا شارع واحد هههههه قال كلس قال
ياخ روسيا بلد الشيوعية تركتها وبقت راسمالية لان الشيوعية فكر بائد وتجاوزه العقل البشري ودهسته عجلات التطور والتقدم الانساني وانتو ياحزب شيوعي لاعندكم تجديد وولامراجعة ولا اضافة لهذه الفكره الهرمه اصلا السفير الروسي حيشربكم شاي او عصير ويمشيكم ولا حيشتغل بيكم لاهو ولابوتين روسيا في سباق مع الزمن وعايزة تكسب دول واراضي جديدة لصفها هل حتسمع كلامكم الحيرجعها للوراء صاحب العقل يميز عودتونا على تشابيكم ومحاولاتكم العبيطة للعب ادوار اكبر من حجم حزبكم العجوز الاشمط شمطكم مورني ود عم صابون
انتا بتقول فى شنو يا مورنى
لغتك فيها ريحة قوش
انا قوش ذااااتو يقشك مورني ود عم صابون ههههههههههههه
الشعب السوداني لا يريد قواعد عسكرية على ارض السودان
كان روسية كان تركية كان مصرية كان سعودية كان اماراتية كان امريكية كان صينية
و يا روس خليكم بعيدين من السودان
و الفاغنر يطلعوا بره السودان او يلقوا نفس مصير العسكر لما تنتصر الثورة
حزب مجهري يتفاصح علي اسياده ينطبق عليه المثل السوداني هي غلفاء وشايلة موسها وتطهر
نحن نطالب بدخول السودان للاتحاد الروسي زي ناس دونسيك و خيرسون ديل فرقهم مننا شنو ؟
تحيه للحزب الشيوعي علي هذا الموقف الوطني
ابلك انت الشيوعيون بتاعنك….يعيش حميدتي
عاش السودان حرا مستقلا
عاش الحزب الشيوعي السوداني
وطنيا جسورا ، وعاش نضال الشعب السوداني.
(الشيوعي) و (قوش) و(هلال) ..التأمر على الثورة
بقلم : خالد فضل
https://sudanlive.net/5761/amp