أخبار السودان
(5) آلاف مخبز غير مطابق للمعايير الصحية بالخرطوم
الخرطوم: سلوى حمزة
كشفت حملة لجمعية حماية المستهلك والجهات المختصة للمخابز بولاية الخرطوم عن عدم مطابقة (5) آلاف مخبز للمعايير الصحية بجانب مخالفتها للأوزان وعدم وجود (قطاعة) جاهزة للخبز سوى بمخبز واحد بشارع العرضة، ودعت لبيع الخبز بـ(الكيلو) .
وكشف رئيس اتحاد المخابز الطيب عثمان في ملتقى المستهلك أمس، عن وجود خلل في منح التصاديق والرخص للمخابز وان التصاديق في الفترة الاخيرة تمنح بواسطة وزارة الاستثمار، لاسيما عدم تقيد المخابز بالوزن.
السوداني
معظم المحابز في الخرطوم غير صحية وبالاخص مخابز السامراب شرق في بحري اغلبية العمال من الاحباش المقيمين بطريقة غير شرعية وهم يحملون امراض معدية للذلك نجد السامراب موبوءة بلالاسهالات والالتهابات المعوية . وربنا يستر من الجاي
المخبز الوحيد ده أكيد مخبز سلامة التركي جوار الرباطابي بعد مستشفى التجاني الماحي وده طبعاً من افضل المخابز في السودان التزاماً بالمواصفات والأوزان نسأل الله له دوام التقدم
من يحمي مستهلكوا الولايات هل السودان الخرطوم فقط؟
وضباط الصحة ومهندسى المحليات يعيشوا من وين من غيرالرشاوى واكل السحت
بيع الخبز بالكليلو دي الطريقة الوحيدة لضبط وزن الخبز من تلاعب أصحاب المخابز بالأوزان
يا اخوانا ده كلو هيييين ومتعودين نسمع حاجات زى دي بس انشاء الله برموتات البوتاسيوم بعيدمن القصة.
ومتى كان عندنا المخابز والا المطاعم مطابقة للمعايير والمقاييس ؟؟؟
كشفت حملة لجمعية حماية المستهلك والجهات المختصة للمخابز بولاية الخرطوم عن عدم مطابقة (5) آلاف مخبز للمعايير الصحية :-
صح النوم !!!!!
كل الناس الشغالين في مجال الأغذية بلا استثناء أوسخ بشر في السودان لا بيهتموا بنظافة أجسادهم ولا بملابسهم ولا بمظهرهم العام تلقاه سافي صعود وشعره منكوش ويخدم في مطعم أما الجزارين فحدث ولا حرج تقول عليهم بتوعين تغيير زيوت العربات أو الفحامين ، ثقافة نظافة العاملين في التغذية عموما معدومة نهائيا ومافي حاجة في السودان اسمها صلاحية منتهية والناس عايشين على البركة خضار مجدع في الأرض والذباب ملموم عليه ومافي زول حاسي بيه …
نحن نفتقد للمعايير في نواحي الحياة ابتداء من قمة هرم السلطة وانتهاء بغفيرها ولا جدال في دلك ..،،..،،