الخرطوم:آيات فضل
أكد ثلاثة شهود دفاع، عن ضابط بالدعم السريع اتهم بقتل الشهيد حنفي عبد الشكور في 3 يونيو من العام الماضي، أمام قاضي المحكمة، أكدوا تواجد المتهم في قرية (دوكة) بالقضارف محددين للمحكمة الفترة التي عاد فيها المتهم إلى ولاية الخرطوم بعد عيد الفطر المبارك بحوالى (16) يوما.
وتواصلت بمهعد التدريب القضائي بالخرطوم أمس برئاسة قاضي المحكمة العليا صلاح محجوب، جلسات محاكمة رائد بقوات الدعم السريع اتهم بدهس الشهيد حنفي بسيارة يقودها الضابط .
وتمت مناقشة شهود الدفاع الثلاثة من قبل هيئة الدفاع والاتهام في القضية بالاضافة إلى قاضى المحكمة، وحددت المحكمة جلسة الاثنين القادم لمواصلة سماع شهود الدفاع في القضية.
وقُتل الشهيد حنفي في 3 يونيو من العام الماضي، بحي الدوحة بأم درمان أثناء حراسته لـ”المتاريس”، وتسلّمت السلطة القضائية منتصف يونيو الماضي، ملف بلاغ الشهيد حنفي عبد الشكور من النيابة متضمنا اتهام الضابط بارتكاب الجريمة.
السوداني
طبعا اكيد شهود زور ، الدعم السريع فبرك الشهادة مع الشهود ، ديل مفروض يتحاكموا كلهم بالشهادة الزور ،،، يعنى الشهيد حنفى دهستو الكائنات الفضائية ولا شنو ،، العربية عربية دعم سريع المفروض يلزمو الدعم السريع منو الكان سايق العربية وقتها بالساعة والدقيقة ،
قضية الشهيد حنفي تضاف لاخفاقات وفضائح النيابة العامة ما مفروض يقدمو قضية ما متينة للمحكمة بدون اكتمال تحريات ، اذا المتهم برئ باقوال الشهود وتعذر ثبوت تزويرهم ، واذا النيابة ما قادرة تواجه الدعم السريع بثبوت القوة افرادها المنفذة للجريمة والعربة بلوحاتها ما تصرف زمن الناس والمحكمة بقضية خاسرة وبكل هذا الاستفزاز ، نظام قدمو الرائد كمتهم وبعد شهور من القضية مدو للناس لسانكم باثبات عدم وجوده بالخرطوم ، طيب زولكم الارتكب الجريمة الحقيقي وينو ؟ ما بنوريكم ليه اعرفو براكم وبعد كم شهر تاني حا نثبت ليكم براته برضو وكضبا كاضب ….
بالللي شوفو البلد دي بعد بشه واعوانه في الجيش سمحو بان يكون (الموت) قصدي الدعم السريع ان يكون في المشهد .. هل تعرفون اخوتي غاب الامن بتاتا في السودان … امسك اي جريمه في السودان ككل تجد فيها ايادي الدعم السريع … وطوالي يطلعو ليك بقصه انو في ناس متهمه بانتمائها للدعم السريع هم الذين يثيرون المشاكل …. وما قصة السفاره الاوكرانيه الا مسلسل من مسلسلات الكذب والافك منهم .. قالو قبضو علي ناس متلبسين او يدعون انهم من الدعم السريع … اذا خرج الدعم السريع من المشهد السوداني لن تجد اي جريمه .. لكن من امن العقوبه اساءه الادب عشان كده هم لهم تغطيه من كبيرهم وهم فوق القانون ….. لك الله يا سودان …