شاهد الفيديو — قناة الجزيرة : تدخل سلطات نظام البشير تعتبر اليوم هي الاعنف منذ بداية المظاهرات .

تحدثت قناة الجزيرة عن المظاهرات التي تجري اليوم ووصف مراسل الجزيرة الطاهر المرضي ان تدخل سلطات نظام البشير هي الاعنف منذ بداية المظاهرات السابقة.

[SITECODE=”youtube YsgtAPAovv4″]مظاهرات جمعة لحس الكوع[/SITECODE]

تعليق واحد

  1. قال قائل من الدكتاتوريين : لحذر ثلاث
    الجزيرة……….. الجمعة………….. الشعب يريد اسقاط النظام

  2. الصادق المهدى الميرغنى الترابى هو ثالوث الفشل بعينه اقترح لو مافى قاده للثورة اننا نتعاقد مه مهاتير محمد ليكون رئيس الوزراء فى المرحلة القادمة لكن حبا فى الله ليس الصادق والترابى والميرغنى كلاكيت للمرة الثالثة

  3. أفو أفو أفو ? يا مولانا المرغني .. النظام يضرب ويقتل المواطنين السودانيين العزل في المساجد وأنت مشارك فيه?

    هذا لا يليق يبكم ولا بتاريخ الحزب الاتحادي ولا بكيان الختمية?

    ? عليكم بالخروج الفوري من النظام والا سيلحق بكم العار الى الأبد !!!!!

  4. يا أخ ود الرفاعي هذا ليس وقت التخزبل هذا وقت الثوره والعمل من اجل ان يتحرر الوطن . اخوتي الكرام شرفاء الراكوبه فلنتعاهد علي عدم اثارة العراقيل امام الثوره بالتعليق واثارة الخلافات لان الثوره تحتاج لكل سوداني شريف فالمرحله لا تحتمل اثاره الخلافات فلنركز علي اط النظام اولاً.

  5. وطني شريف -رجل ، امرأة ، شيخ أو شاب فقد دنت ساعة الخلاص

    شعر الرائع هاشم صديق

    قصيدة صالح عام
    ************
    هديمك يا وليدمقدود
    و صابحنا الفقر
    و الجوع
    صبح باب التكل
    مسدود
    كمل حتي الملح
    في البيت
    وشن همّ
    الملح في البيت
    وكت ملح
    الدموع موجود؟!
    دحين يا وليد
    هو ديل
    موُ قالوا ناس
    إنجاز ؟!!
    وشن سّولنا
    مما جونا
    غير حرقو
    الفضل بالجاز ؟
    كّل شيتا
    صعب في السوق
    من الكبريتة
    للطايوق
    و كان جانا
    البخت تموين
    رطيل سكر
    و صابونتين
    نجيب من وين ؟
    و اخوك مرفود
    و عدمان الشهر
    ملين ؟
    أمس زازيت
    اكوس الدين
    مشيت لسمية
    بت مامون
    لقيت جابولها
    تلفزيون
    سمح بالحيل
    تشوف الصورة
    بى كم لون
    وكت في نشرة
    ألأخبار
    ظهر مك البلد
    يضحك
    جضومو كبار
    مزرر الكرش
    بزرار
    لا مهموم
    لا مغموم
    لا زعلان
    و شيهو
    يراري بالألوان..
    وقّد في حشايا
    تباق نار
    طريت رفد
    الوليد و الجوع
    و سال
    دمع الغبينة الحار
    اريتك يا ملك
    فد يوم
    يخلى الجوع
    عينيك ما تنوم
    أريتك يا ملك
    فد يوم
    تحس بي غصة المظلوم
    دحين يا وليد
    هو ديل ما لهم
    و مال الدين
    وكت قولهم
    كلام الله
    و فعالهم
    ما فعال صالحين
    كتير فيهم
    عديل حقار
    و بالقرآن
    كمان تجار
    و كضابين
    أكان بنزين
    عدم .. أو جاز
    وتعبوُ الناس
    و ضاقو خلاص
    صفوف واقفين
    يقولولك
    إرادة الله
    وكان عدم الرخيص
    و الغالى
    في التموين
    يقولولك
    ده . غضب الله
    و كان الموية
    صبحت طين
    يقولولك
    ده من امريكا
    والعملا
    حمونا الشب
    ولاد الكـــــــــــلب

    عشان الشعب
    يحرن تب
    يقبّل
    من صراط الدين
    دحين يا وليد
    هو ديل
    ما لهم
    و مال الدين
    أكان كنزو
    الدهب و المال
    بلايينهم
    تسوى جبال
    وعرباتهم تخطف
    العين
    و بناياتم قصور
    في قصور
    وحاة الله
    و كتاب الله
    أكان ادونا
    طوب فد سور
    كان سوينا
    الف أويضة
    لي مسكين
    فترنا من الخطب
    يا وليد
    و من طيش العقيد
    و عميد
    و من قل القرش
    في الايد
    و من تعب الوقوف
    في الصف
    ومن غبن الرصع
    بالكف
    و من حفر الدروب
    و اللف
    و من خت الحلم
    في الرف
    كل يوماَ
    نقيحنا يزيد
    دحين يا وليد
    هو كم دغشاَ
    عشان نلقاهو
    دافرنا
    و تعبنا شديد؟
    و كم حولا
    صيامنا صبر
    عشان يشرق
    هلال العيد ؟!
    اح ح يا وليد
    لا حتى الخبيز
    إنضاق
    و لا هدما
    كسانا جديد
    و شوف المغسة
    يا وليد
    سموُ شقانا
    صالح عام
    و كل دمعاَ
    نزل من عين
    و كل جوعاَ
    سكت بالدين
    و كل زيناَ
    محاهو الشين
    ختو وقعيتو
    في الإسلام
    حرامهم يا وليدي
    حلال
    وا نحنا حلالنا
    كلو حرام
    يقلبو الدين
    نصّل سكين
    و ناسين
    الحساب قدام
    اخر زمن
    يا وليد
    نشوف كل البشاتن
    لون
    يفوت هولاكو
    دوب نرتاح
    ينط في الكرسي
    نابليون
    اريتك يا أمير
    حالي
    جعيص في الكرسي
    في الخرتوم
    و ساويلك
    الف والي
    نبايعك للظلم و الجوع
    نبايعك
    وكل ضيم مشروع
    نبايعك
    و جيتنا جيش
    و دروع
    نبايعك و الحكم
    مقلوع
    نبايعك
    و القسم مخدوع
    نبايعك
    من سجن عالى
    أخر زمن يا وليد
    حصيف العين
    يلاقى و يشوف
    زمان
    ظلم السلف
    بالسيف
    و حسه السيف
    كلاشينكوف
    غير زمن
    الهوان و الجوع
    كمان طالع
    زمان الخوف
    ديل ما برتو
    لى إنسان
    كم ولداَ
    وقع نشفان
    وكم زهراَ
    كِتل و اتحت
    في رمضان
    لا شهراَ حرام
    إتصان
    لا كفنا ستر صبيان
    لا شاهد
    قبر معروف
    لا اماَ
    برد نارها
    سكت و إرتاح
    نزيف الجوف
    دحين يا وليد
    أ كان حسع
    ده ديش مصعب
    و أكان بيرق
    علي الكرار
    منو الكفار ؟!!!
    منو القاصدينو
    بالتكبير
    و بالتهليل
    و ضرب النار؟
    اخاف نحنا
    و أكان نحنا
    أخير نضحك
    كتير سبب
    الضحك بخته
    شوف المغسة
    يا وليدي
    ديل ما حسه
    ناس حُقار؟
    ده ذى دق الطبول
    للموت
    وذي وقد البلد
    بالنار
    * *
    إلا نشوف
    أ كان ساهرين
    معاك يا جوع
    و أ كان ضيقنا
    إتحفر في ضلوع
    و أكان صابرين
    علي الفجار
    وحاة الله
    و كتاب الله
    وكت نغلي
    و نكوس التار
    لا سوراَ
    بقيف في وش
    و لا لهب الغبن
    بترش
    و لا صفاَ
    يميل بالقش
    كل ظالماَ
    يقع و يندش
    و سيل دمع البلد
    ينقش
    لا بحبس حلقنا
    الخوف
    و لا بترجع
    اكان لعلع
    كلاشينكوف
    هديمك يا وليد
    مقدود
    و صابحنا الفقر
    و الجوع
    صبح جلد البطن
    مشدود
    شن بتسو
    و أخيك
    من شهر مرفود
    قالو صالح عام
    عشان قال
    العوج في العود
    * *
    نان ما يقول
    أريت يقول
    عديل يا زول
    هديك
    البغلة في الابريق
    ما هامينا
    -صالح عام-
    وديش مصعب
    و لا الحجاج
    و لا بكتل
    قلبنا الجوع
    و موت منقذنا
    ولا الضاج
    خلي الضيق
    يزيد يا وليد
    بكرة الضيق
    يخلى الناس
    تبقى عُصّار
    علي الحقار
    و تبقي حريق
    * *
    قريب يا وليد
    صيامنا يتم
    و يهل و يشرق
    هلال العيد
    نحس طعم الخبيز
    و يتبدل هدمنا
    جديد

  6. غرقان بيرقص منتشي ..
    ووطنا مقطوع من خلاف ..
    وبأسم الله ما خلالنا شي ..
    وفصلنا في آخر المطاف ..
    يا ناسي أقدار الرجال ..
    ما تخشى غدر الله وتخاف ..
    كتر عوج الكلام والميل ..
    وتحت الجزمة مليون ميل ..
    تحت الأزمة طاحونة حوافر الخيل ..
    سقط تلت البلد عفوا ..
    سقط نص البلد لهوا ..
    سقط كل البلد سهوا ..
    فهل صحاك ضمير الأمة في هجعة هوايد الليل ..
    على زبد الغنا الممحوق؟ ..
    شنو الخلاك تنوم تحلم على على خرطة وطن مسروق؟ ..
    وطن في السوق .. وطن أشتر ..
    مرق من ذمة التاريخ على ذمة كلاب الحر ..
    ينوم في جبة الدرويش ..
    يقوم بي بدلة العسكر ..
    .. فيا ويلك في يوم الويل ..
    ويا ويلك .. تقوم تحتك قيامة الناس ..
    أفواج الضحايا ..
    ستات الكجيك والشاي ..
    والناس البعرفو شليل ..
    حشود الطلبة والعمال ..
    وبنوت الغياب والليل ..
    طفولة مشردة ونازحين ..
    وكم حجاج .. يجيك من ديل يجيك من وين ..
    أولاد الشوارع عووك .. المعدمة ومعدومة ..
    قطامة وقرضمة وراندوك ..
    لماضة وطرقت حلقوما ..
    من كل حتة يجوك .. يوم التسود يوما ..
    ناسات حكومة الجن .. وناس جنها الحيكومة ..
    ما طالا الشوارع في .. في ولاد بعرفوا القوما ..
    ولاد راقدين .. وأولاد اسمها المايقوما ..
    ديل أولاد شريعة قوش .. المستضعفين في الأرض ..
    يبنوا ويهدوا عروش ..
    لا بتخون البعض لابتشتريها قروش ..
    في كل حته وراك تمرق تلاقي جيوش ..
    أصدق لسان الحال من نضمك المهبوش ..
    نفس الولاد جايين من طينة حضارة كوش ..
    حافظين شعر حميد ..
    فاهمين قصايد الدوش ..
    ما تمشي يا محجوب دايرين نظبط بوش ..
    يا داب عرفنا الصاح ..
    دخل الكلام الحوش ..
    وشكرا .. شكرا سيدي الحجاج

  7. التحيه للمناضل القوني ادريس القوني المعتقل من قبل جهاز الامن وباقي الافراد الذين معه من معتقلين الي ان يبان شفق الصباح الباهي وتظهر حقيقه الكيزان ويغورو في ستين داهيه

  8. ياقناة الجزيرة شكرا ولكن ماز لنا نطلب كشف المزيد من استهداف مرتزقة النظام مناجهوة الشرطة ومليشيات المؤتمر الوطنى و رباطة وما يسمى بالمجاهدين – الطاهر المر ضى لايكفى ارسلوا اطقما اخرى لتجوب مدن وقرى السودان لكشف العديد من الانتهاكات وما تقوم به كتائب المجاهدين كما بشر بهم المشير الراقص وزبانيته كالطبيب خالد الذى اكد بصفحته بالفيس بك انه ادى التمام ل 2000 مجاهد للنزول للشارع وقمع المتظاهرين ونسى هذا الاسير كيف ان قوات الجتوب اسروهم كالجزدان وهم مختبئين فى جحورهم فى هجليج
    النصر لججماهير شعبنا الذى خرج مطالبا بأسقاط النظام ومحاكمة المتأسلمين من شرزمة المؤتمر الوطنى
    ياليتنى كنت معكم وياليتنى كنت قد انخرطت فى صفوفكم لاعاود الكرة مرة اخرى لدك هذه الدكتاتورية البغيضة كما كنت فى اكتوبر وابريل ولكن استمحيكم العذر فانا فى غربة عن الوطن

  9. والله يا شباب ما تهتموا بقناه الجزيره دي قناه بتاعت مرتزقه والله عنصريين اكثر مما تتخيلوا مانرجي منهم اي شي ديل واقفين مع النظام عديل كده الثوره دي قامت ليها كم يوم سمعتوا عن الحيقه شي اول شي خبر السودان لم يزكر من ضمن عناوين الاخبار وعندما ينتهوا من كل المواضيع يزكر خبر السودان في ثواني كان لاشي لم يحصل في السودان مع انه الحقيقه الثوره في كل مدن السودان ناس الجزيره مهتمين بمشاكل العرب اما نحن نموت نحرق ما يهمهم لاننا افارقه وكلمه عرب الا في جامعه السجم العربيه دي الله ينتقم منهم

  10. قناة الجزيرة مازالت تكيل بمكيالين كالعادة بالرغم من وجود مذيعين شرفاء فيها….ياجماعة اي واحد شايل كاميرا او كاميرا موبايل او حتي مسجل يصور ويسجل ويرسل العندو لبقية القنوات كالبي بي سي والفرنسية وغيرها والي قناة العربية لانها الوحيدة التي تغطي ومعها سكاي نيوز….يامصور صور صور …صوروا اي رباطي اي امنجي اي انتهاك صوروا كلوا حاجة بتحصل

  11. وعند التصوير ارجو التصوير من مكان امن ولاتصوروا انفسكم او زملائكم اطلاقا…وانها لثورة حتي النصر

  12. لحسنا الكوع ومافى رجوع
    لحسنا الكوع ومافى رجوع
    لحسنا الكوع ومافى رجوع
    لحسنا الكوع ومافى رجوع
    لحسنا الكوع ومافى رجوع

    لحسنا الكوع ومافى رجوع
    لحسنا الكوع ومافى رجوع
    لحسنا الكوع ومافى رجوع
    لحسنا الكوع ومافى رجوع
    لحسنا الكوع ومافى رجوع

    لحسنا الكوع ومافى رجوع
    لحسنا الكوع ومافى رجوع
    لحسنا الكوع ومافى رجوع
    لحسنا الكوع ومافى رجوع
    لحسنا الكوع ومافى رجوع

  13. احذروا قناة الجزيرة… فهي تبث الخبر بطريقة خبيثة لتظهر حزب الترابي انهم ابطال

  14. بالمناسبة الطاهر المرضي حميدتي هو من ربايب الانقاذ وكل طاقم الجزيرة خاصة مدير المكتب المسلمي الكباشي ، بالاضافة ان النظام صديق لدولة قطر ولها استثمارات كبيرة ستحاول اطالة عمر النظام للحفاظ عليها ، ضف الي ذلك قيام ثورة على النظام في الخرطوم يعني بالضرورة فشل الاسلام السياسي وهو مؤشر لفشل الانظمة التي جاء بها الربيع العربي وربما لقيت الخرطوم دعما لهذا السبب

  15. دعني أعيش..هذا مثل ينطبق على كل مراسلي
    القنوات العربية بالسودان من الجنسية السودانية..
    الدفع بالدولار..والدولار تركه حااااااااااااااااار..
    لذلك تأتي تقاريرهم على شاكلة تقارير الفضائية السودانية..

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..