قصيدة جديدة : كلمات أزهري محمد علي
قصيدة جديدة : كلمات أزهري محمد علي
ومشيت في الحاضر كلمات
ما قلناها في رحم الغيب
ياريت الزول لو غناها
وياريت أيامنا الجايات
لو قدر أيامنا العشناها
ياحاضر في كل الاوقات
مخضر في روحو البساتين
موجود في كل الحاجات
أطفال بتشكل في الطين
بتحاول ترسم لوحات
بصورتك قبل التكوين
وفراشة تجي فراشات
في شهقة نفس الياسمين
راجيك مترامي الاشواق
في الضل الشاتل رماي
نتناجى مناجاة العشاق
ونشد أوتار الغناي
في روضة قلبي الملتاع
بين جاي الليلة وما جاي
حاسيك في ريحة النعناع
في المغرب قنانة شاي
الاحداث
الحبيب ازهري
ارجاهو في المصلاية
اكيد بجيك
مع حبي
جميل اخي ازهري حفظك الله ومزيد من الابداع
قصيدة جميلة والي الامام بالمناسة انا من معجبي برامج سحر القوافي والله يا ريت لو يستمر ودا الشي الوحيد في تلفزيوننا الجميل وانشاء الله يلقي الدعم من الشركات الكبري في السودان
جميل ياريت لو يغنلها الهادل الجبل
تسلم يا الشفيف ازهري