د.عبد الحي يوسف يحذر من تنامي النشاط الشيعي في البلاد..الداعية يقول : التعامل مع المال العام في الدولة فيه كثير من الاسراف وعدم المسؤولية
دعا الداعية المعروف وأستاذ الثقافة الإسلامية بجامعة الخرطوم د. عبد الحي يوسف وزارة الإرشاد والأوقاف إلى وضع موجهات اخلاقية للدولة في التعامل مع المال العام وان تبدأ في ذلك بنفسها، مشيرا الي ان التعامل مع المال العام في الدولة فيه كثير من الاسراف وعدم المسؤولية في ظل الظروف التي تعيشها البلاد.
وشدد د. عبد الحي في كلمة امام الجلسة الثانية للمجلس الاستشاري لوزير الارشاد الاوقاف أمس علي ضرورة التصدي للنشاط الشيعي بالبلاد الذي له ميزانيات مرصودة وكتب توزع، داعيا الي وضع حد لتحركات وزيارات الملحق الثقافي الايراني في كل انحاء السودان للترويج للتشيع.
من جهته اعتبر البروفيسور عوض حاج علي عضو مجلس الولايات ومدير جامعة النيلين سابقا أن النشاط الشيعي يمثل مهدد أمني واجتماعي للبلاد وشبابها، مشيرا الي أن خطورة النشاط الشيعي ان يكثر في القري والريف بعيدا عن الاضواء والمناقشات
الصحافة
اول الغيث قطرة لأول مرة اسمع الشيخ عبدالحى يتكلم وبنقد الاسراف الكثير فى المال العام فى مرافق الدولة ولكن يا شيخنا هذا شيىء بديهى كلنا نتكلم عن الترشيد فى المال العام لكن ادخل شوية وافصح وتكلم عن هذه الاختلاسات الكبيرة والسرقات التى دمرت الاقتصاد وعين الحكومة طرشا ما تبقى الحكاية ديل جماعتى وديلك جماعتك هنالك مفاسد كثيرة وصرف بلا حدود من ضرائب هذا المواطن الغلبان والتماسيح كثرت والكروش انتفخت من كثرة النعم والاموال حلال حرام ما يهم المهم انك تتحصل على المال 0
انت يا عبد الحي اول حاجة ماتفهم الناس هل الشيعة ديل كفار ولا مسلمين !
ايران تريدان تصدر ثورتها الشيعية الاثني عشرية الي السودان عن طريق بعض البيوتات الصوفية في شرق النيل وغيرها . هل سنري نظاما رافضي يحكم السودان . انها مسالة خطيرة تلك التي يحذر منها العالم الجليل د. الحبر و البروفسير عوض حاج علي .
من فتح لهم الباب علي مصراعيه ؟ اليس هو نظام الانقاذ فبمقابل المال يمكن ان تفعل كل ما تريد في السودان ادفع تاخذ ماتريد…………………….
وضع موجهات اخلاقية للحد من الاسراف في المال العام,,,
انت من زمان كنت وين يا قائد علماء السلطان والكيزان,,,
يا مولانا—اول الغيث قطره—-كتر من الكلام الزي دا—فيهو صالح البلاد والعباد—-وخليك من الميتات والفتاوي الما في وقتها—-
انت شكلك اخذت في خاطرك من المكتوب عنك هنا في الراكوبه—–كل ما نشوفك في خبر الناس تليس ليك—الحمد لله جابت نتيجه—وشد حيلك معانا—-الناس الهنا دي قلبها علي البلد—وهو اضعف الايمان—-انت ربنا اداك مكان مقرب من السلطان—-اشتغل معانا في صالح البلد—-بالحكمه والموعظه الحسنه
اهو فضفضه وكدا—
مجلس الكهنه المسمى بهيئة علماء المسلمين السودانيين هو مجلس له امتيازاته وميزانيه ومخصصات وهذا المجلس يندرج تحت مسمى الصرف البذخى للدوله لانه يقدم خدماته التبريريه للحاكم بمقابل وبالتالى لا يخدم عامة المسلمين ولا داعى له .. يجب بدء وقف الاسراف الحكومى بحله … اما مسألة العلاقه مع شيعة ايران هذه الايام فالكلام ده كلام كبير فى السياسه غير موجود فى الكتب القديمه التى ينكب عليها عبد الحى ليل نهار … ارجو ان يبعد نفسه من الدخول فى هذه المنطقه الخطره وما تزعل الجماعه الفوق ..
كلامك صح ولكن المال العام مقصود به السائل ام الاراضي والمزارع– وبعدين الشيعة طالما سمحتم لهم يظهروا في التلفزيون في النيل الازرق وخلافةوتعملوا معاهم محبة وصداقة رغم سفاهتهم على ام المؤمنين ياللا خموا وصروا اشكموهم قبل مايعملوا زي ماعملوا في دول عربية خلونا فيدروشتنا وصوفيتنا وبلاش تشيع احنا ماناقصين
ياكتكوت لوعرفت عقيدة الشيعة وافكارهم لماسألت هذا السؤال
هؤلاء من سب الصحابة ولايزالون يحتفلون بموت عائشة بنت ابي بكر ووصفونها بأمراة لوط ووقذفو صحابة رسوال الله زاتهمو ابوبكر وعمر ( رضوان الله عليهم ) بحرمان فاطمة الزهراء من الميراث واتهموهم بضربها وسرقة مزرعة والدها النبي الاكرم وتحريفهم للقران اقرأ اية الكرسي عند الشيعة وانت تعرف المتعة بالساعات ممكن ساعة وساعتين ويوم عادي وتطلق فالخشية كل الخشية من هذا الفكر الضلالي الهدام وماخفى اعظم ……..
ماشاء الله عليك تتحدث فى المنابر عن السر قدور وتتحدث فى الاجتماعات المغلقة بحياء وتعميم عن الصرف الحكومى وانت القائل ان عمر البشير نعمة من الله وانت تراه يرقص فى المحافل كانه فى زهد عمر بن الخطاب وكانة عدل فرقص اما حرك ضميرك اطفال المايقوما وقد شاهدت لهم برنامج تلفزيونى وقد اجهش كل اهل بيتى بالبكاء عندما قالت احدى العاملات ان الحفاظ يتم تغييره بعد ثلاثة ايام وان الموت بينهم طبيعى اما حرك ضميرك الذين تركوا نساءهم عرضة للفتنة والضالين ليموتوا فى صحراء بيوضة هربا من الواقع المرير اما حرك ضميرك انتشار الجريمة وقتل الولد لوالده اما حرك ضميرك بنت الجاز تركب الهمر وتستعرض بها امام البطون الخاوية اما حرك ضميرك شارع عبيد ختف او الشرف مقابل الغذاء…… ندعوك ان تخرج عن صمتك المحزن لتكون لسان حال المسلمين الذين تخاف عليهم من التشيع وبعد نسمعك ونطيعك
ولكن اخشى ان تكون راكب همر زى الجماعة زيتنا فى بيتنا
ياشيخنا-هذه الملحقيات الإيرانيه الموجوده بالخرطوم شغاله تشييع وتجنيد للمذهب الشيعى من زمااااان-والحكومه شايفه كل شى وعامله طناش وكذا الحال بالنسبه لهيئات علماء السودان -تجنيد تقيل وسط للطلاب -السودان بلد هامل -ماشفتو الحكومه المغربيه شن سّوت؟طرد على طول -هذه الملحقيات هى أوكار لهذه المذاهب الشاذه رعايه وحضانه وتمويلا وتسفير جماعى لمدينه قم المقدسه ومرقد الخمينى-يعنى سياحه وحج شيعى وكدا-اللهم ألطف بالسودان.أكبر مركز للتشيع بالسودان هو -مدينه أم دم حاج أحمد -ولايه شمال كردفان-به حسينيات كمان عند اللزوم-
لماذا لا تقولها صراحة هذا فساد عدييييييييل كدى مش اسراف
الله موجود ود شهادة باطلة والك يعلم الحقيفة حتى حرامية الانقاذ
تجى انت وتجمل ايهم وتلطف ليهم السرقة ومعروف حكمها فى الدنيا قبل الاخرة
بس الحاصل يا شيخنا هل هو اسراف في المال ؟
الذي يحدث من قبل جماعة " الهبروا ملوا " هو سرقة ونهب لأموال الوطن
لو ما قادر تقول كدا ..عاين لاي واحد منهم كيف كان قبل الانقلاب وكيف هو حاله الآن
كل الكيزان المتحكمين هم الان أغنى اغنياء الوطن
هل تستطيع ان تسألهم من اين لكم هذا ؟
بعدين انت فاكر يا شيخنا انو الشريعة دي معناها اللابسة بنطلون تنجلد والسكران ينجلد ؟
عيب عليكم
انا لم استفيد من علمكم ابدا فما تقولونه درسناه في الابتدائي زمااااااااااان
هل عندكم شئ تعلمونا له خلاف الذي تعلمناه في الابتدائي ..
يا عبد الحى ناس الشيعة ديل دينهم اسلامى ولا عندهم دين تانى غير الاسلام
طيب ما الفرق بين اسلام الشيعة
و اسلام اصحاب الكروش و عصابة مافية الانقاذ الاجرامية ؟
و هل نظام الحكم الايرانى الشيعى سرق و قتل و نهب و اغتصب و شرد و دمر ايران
و الشعب الايرانى ؟
هل انت يا شيخ النقط نقط مؤمن بكتاب الله و شرعه ،
طيب الدجل و الكذب و البهتان و التضليل
و الغش و الكلام الفارغ الكتير بتاع ناس
بشو بشبش اب شبشب دا حكموا فى الدين شنوه
كلو زي بعضو… الشيعة وعصابة الإنقاذ… بس ماتنسو هنالك قواسم مشتركة بينهم: أولهاالمصالح وثانيهاالفساد …… وأشياء كثيرة…
بعض التعليقات يندى لها الجبين
اذا لم نعرف الفرق بين الخطر الشعي واسلام اصحاب الكروش صمت الخشم بكون احسن من الكحة
يكفي الشيعة بغضهم لاهل السنة وشتمهم افضل الخلق بعد رسول الله صلى الله عيه وسلم والنيل من عرضه بالنيل من احب زوجاته الى قلبه
وزير شيعي جلب المغول للدولة العباسية ودمر اكبر تراث اسلامي على نهر الفرات
الخطر الشيعي اكبر بكثير من خطر اليهود ناهيك عن اسلام الكروش
اسجل صوت شكر للشيخ عبد الحي وهو يجاهد هذا المد الفاسد
انا الذي اعرفه ان اغلب الشيعة يقولون ان القران محرف فهل يمكن اعتبار هؤلاء مسلمين . ويسبون ام المؤمنين الحصان الرزان الطاهرة العفيفة زوجة افضل البشر
وبنت خير اب .
نحن كفانا الصوفية و الدراويش
جايبين لينا الشيعة الروافض في بلدنا
انته يا شيخ ماشي بعيد ليه؟شايف الفيل وتطعن في ضل مسكين,خليك من الشيعه ديل نرجع ليهم بعد ما نسمع فتاويكم في البيحصل ده من نهب وسلب,,يا شيخ السكر بنصدرو وبنرجع نشتريهو دي كيف دي وكل شي اتباع لبلدان الجوار و بالرخيص ,,افتي لينا في الزيادات البدون سبب,,افتي لينا في الضرائب افتي لينا في انو بتاع دكان عندو عشره اطفال بيدرسو ممكن يدفع زكاه؟؟؟؟افتي لينا في كلامك البتقول فيهو ده زاتو
صح النوم يا شيخنا ما لسه بدري يادوب لبست النضاره وشفت الحاصل الناس لمن كانت
تكلمك في المناسبات كنت بتزعل مالك ما كنت تشوف الكلام حاصل ولا لا لكن مامشكله
قالوا الوصول متأخر ولا عدم الجيه أها من هنا وارحكا معاك للحد اول شي نطفش الشيعة
من البلد لانهم سبب البلاوي وهم الورو ناس الجبهة سكة القروش الكتيره بدون حساب
مقابل نشر المذهب الوسخ ده مذهب السب والشتم والخُمس للمراجع وتفخيذ الرضيعة
وتحريف القرآن بسورة كامله وآيات زيادة في بعض السور والفي نيتو يفجر حجاج بيت الله
وتفجير بيت الله عشان يكون النجف هو الأشرف موش الكعبه المشرفه بعملوا أي شي لان
مذهبهم
التقيه والتقيه دي طبعاً النفااااااااق بكل الوانو عشان المذهب احذرهم ياشيخ لانهم
ماعاداهم احد الا حفروا ليهو ورمو ….. الله يخفظك ولا تخاف في الله لومة لائم وانجوا
بنفسك وخلص ضميرك
سؤال لامام الجهل هل الشيخ ازرق طيبه مسلم ام كافر ام شيعي هل الاستاذ الصوفي الحاج وراق مسلم كافر ام شيعي هل الاستاذ ياسر سعيد عرمان مسلم ام كافر رغم مولاته للكفار هل تجوز رئاسه سلفاكير للسودان ماهو مصير ابنك هل هو موجود الان ام مع ابن بتاع انصار السنه داك ام في خليه براو انك احد ائمه السؤ والجهل يادووب عرفت انو في ناس لاعبين بالدين وفي ناس لاعبابا الامريكان ماف فرق في الوقت الراهن بين واشنطون والخرطوم
محاولة إيران المجوسية الفارسية عدوة الصحابة الحاقدة على الإسلام والمسلمين والعرب
تفجير الحجاج
http://www.youtube.com/watch?v=XfW7KNA_C2c
"وضع موجهات اخلاقية للحد من الاسراف في المال العام,,,
كده يا ورور؟
يادوب عرفت أخلاقيات الدولة؟ و مالو كلامك على إستحياء كده خايف على مرتبك المابتستحقه ده؟ هو مرتبك ده ذاتوا مش من الإسراف يدوك ليه؟
ياود ما تشد حيلك شوية.
بسم الله الرحمن الرحيم
(( التعامل مع المال العام في الدولة فيه كثير من الاسراف وعدم المسؤولية في ظل الظروف التي تعيشها البلاد. ))
كتر خيرك فى الكلمتين ديل
لكن ما كفايه يا شيخ .. وكذلك هذا كلا ناقص ومنمق و مائع
والمفترض أن تقول (( التعامل مع المال العام فى الدولة فيه نهب ,اكل بالباطل ولأصحاب الحظوة حمايه كافيه بحيث ينهبوا كيف يريدون .. أما الظروف التى تعيشها البلاد فهى الفقر والجوع والمرض .. والشعب المقهور لايجد قوت يومه .. وعلى الحكام أن يتنحوا عن السلطه وذلك للفشل الزريع بعد 21 عام أسود ..))
انت عارف ياشيخ متى سأحترمك ؟؟؟
عندما تقوم الحكومه بفصلك وابعادك وتصبح من المغضوب عليهم
هل تدرى لماذا ؟؟
لانك ستكون قد قلت كلمة الحق التى ترفعك عند المولى تعالى
اللهم ارفع غضبك عنا ..
يادااب البنج فك
دا كان نابم وين الشيخ ده ولا عشان خلاص جماعة الانقاذ دايرة تودع
زغرودة : أيوووووووووووي
اخيرا يا شيخنا ؟
بس خليك من الشيعة وامسك في المال العام
انتشار التشيع نتيجة لانو الحكومة مشغولة بنهب المال العام
وما بيهمها ينتشر التشيع ولا تنتشر حتى اليهودية في السودان
"مشيرا الي ان التعامل مع المال العام في الدولة فيه كثير من الاسراف وعدم المسؤولية في ظل الظروف التي تعيشها البلاد"
يعني هسي العمارات والشركات و زواج المثنى والثلاث والرباع لجماعة البشير لا يدعو أن يكون إلا إسرافاً يا شيخ؟
أليس ما يتم في بغاء في السودان وفي الخرطوم تحديداً ما هو إلا مظهر من مظاهر الفقر الناتج عن الإستئثار بالمال المدعوم بالإنفراد بالسلطة من فئة رفعوا شعار الاسلام زوراً وبهتانا !!
ثم أليست أنت يا شيخ عبد الحي يوسف القائل بأن عمر البشير هو هبة السماء لأرض السودان !!
أليس عمر البشير الذي هو هبة السماء لأرض السودان حسبما ما تتدعي هو من فتح الباب على مصراعية لإيران الشيعية بعد غزو العراق للكويت ومقاطعة دول الخليج لجميع دول الضد ومنهم السودان !!
هل تستطيع أن تنصح (هبة السماء لأرض السودان) بعدم التعاون مع إيران مع العلم أن أغلب التعاون ينحصر في الدورات الأمنية والتصنيع الحربي ؟
إن كنت لا تستطيع فحري بك أن تتوقف عن الكلام وذلك أضعف الإيمان حتى لا تخسر آخر ذرة من إحترامنا لك
مواصفات الأتقياء الأنقياء العلماء و الحكام آخر الزمن
1- كروش كبيرة تظهر من تحت الجلابية (قريبة الشبه بكرش المرة الحامل)
2-عربية ذات موديل جديد (ليلى علوي أو همر أو …الخ) ثمنها شيء و شويات يرفع الجوع عن 100 أسرة لمدة عام وكم عربية (أربع للزوجات الأربع و أخرى للولد و أخرى للبنت و أخرى لــ… الخ).
3- بيت (فيلا أو عمارة كم طابق) مجهز بسراميك إيطالي و عفش أمريكي و بساطات عجمية و ثريات انجليزية و به عطور فرنسية و يتوفر به الأكل من فراخ و لحوم و طيبات و فواكه تكفي 10 أسر لمدة شهر …
4 – مصلايات مستوردة و مصاحف و مكتبة تحتوي على أمهات الكتب من سيرة و حديث و فقه و ….
5 – أن تكون قبل اعتلائك المنصب من أهل بــــح (بابح يعني ميطي) و لذلك يجب الإكثار من الشكر و ضرب و جلد و شتم كل من يحسد نعم الله (أعوذ بالله من الحساد)
6- نسينا أشياء أخرى (مفيدة ) زي أحواض السباحة و الملابس التي تشتريها الزوجات في الإجازات من أوربا و بقية بلاد الكفار الأخرى ….
ملاحظة : النادي مغلق على العضوية .