العروس رشا الرشيد..!ا

الباكيييييييييييييييين يموتوا كمد—-

الف مبروك للعروسين وبيت مال وعيال—-والزمي بيتك—-عشان ما بكره نسمع بيك خرب بيتك

تعرف يا الاسمك اسامة انو البت دي حقتنا كلنا ، انت صاح بقيت راجلها بس لكن هي بتاعتنا انحن مشاهدي قناة النيل الازرق وأوعى يوم نسمع انك زعلتها ، حرم عكاكيزنا تشتغل .

ياقلبى المقتول كمد… الف الف الف الف مبروووووووووووووووووووك ياجميلة الجميلات

بس العريس ما إكون من الجماعه البسبسبو شعيراتن ديل

بعدين خليه أبعد من شرب مياه التحليه

وصفه!!

جك موص الصباح (عكاره )

مديده حلبه مع فنجانين سمن بلدى

واّاّاّسفاى

ألف مبروك وربنا اسعدك. لقد كنت خير مثال للمذيعه الواثقة والمتمكنة والذى بدأ واضحاً فى برنامج مافى مشكلة.نتمنى لكى التوفيق فى حياتك الزوجية.

نصيحة ليك يا اسامه عبد الجليل اسوا وسط هو الوسط الفني عشان تحفظ زوجتك خارجه من الكلام الفرغ ده ,

مبروك لرشا ومبروك لأسامة الذي فاذ بهذه الدرة الغالية من القلب اتمنى لهم التوفيق

الف مبرووك الاعلامية المتميزة وصاحبة الاطلالة الساحرة الاخت رشا والاخ اسامة وبيت مال وعيال 0000000000000000000000000

آه… ثم آه.. ثم آآآآه..والله العظيم حلمت بيك يا رشا يا كحيل وانت في ثوب الزفاف..الله يسعدك في حياتك مع عبد العظيم..! لكن يا عبد العظيم ما عذبتنااا..نقول شنو..الف مبروك و عليك الله ما تطولي الغيبة.اصلو النيل الازرق من غيرك..بتبقي زي نقر الاصابع لما ترتاح للموسيقي.!!بسم الله! ولا حول ولا قوة إلا بالله..انا جنيت ولا شنو؟

والله العظيم يا ناس الراكوبة..ما طالبيني حليفة..لكن البنت دي من اول لحظة شفتها ارتحت ليها..وبقيت لمن ما القاها علي الشاشة زي الناقصة لي حاجة واليوم التاني في الشغل بكون متوتر وما مركز وما برتاح الا لما ارجع واشوفها متألقة ومتلألئة محاطة بهالة من شنو كده ما عارف.!ربنا يسعدك وبيت مال وعيال ويا عبد الجليل ما نوصيك علي هذه الجوهرة..الف مبروك

ألف مبروك يارشا إنشاء الله بيت مال وعيال …تعرفوا أنا والله من فترة بتسآئل :ياربي البت الجميلة المتألقة اللبقة دي فاتت وين؟ أنا من برنامج مساء جديد يجي تلقاني قاعد جنب التلفزيون عشان اشوفك بجدوحافظ كمان اليوم البتجي فيهو (السبت) والزول السعيد الحظ ده من وين؟ معاهم في التيلفزيون ولا من العامه حظّو والله أدب وجمال وأخلاق وكل شئ
أمنياتنا لكم يحياة زوجيه سعيدة

ود الحلاوي لك التحية

اسامة ده محسي حمش، وما من الي ذكرتهم باصحاب الشعر المسبسب، ولو ما بيستاهلها ما كانت وافقت عليه.

كل الامنيات لاسامه ورشا بالتوفيق..

يا بت بلدي انتي زيك وين رشا الرشيد ملكة الرزانة والذوق والادب الجم وعدم التكلف في الاناقة الف مبروك وربنا يتم علي خير

الف مبروك وبيت مال وعيال;) (؟)

مبروك مقدماً يا رشا بصراحة إنتي ألمع نجمات القنوات السودانية !!!

حسناء ومؤدبة

مؤدبة جداً وتستاهل كل خير

حياة زوجية سعيدة يا بت يا محترمة

congratulation I wish you all happyness live

رشا يا كحيل
الف مبروك
ولا عزاء للمكسرين
يا ود عبد الجليل
خلي بالك
شكيتك لي الله

بس انشاالله اسامة يكون زول حار ماذي المايعين البجلطوا شعرهم و يشيلوا وشهم وافلفلوا انشاالله يكون جنا نجيض ومبروك ليكم وربنا يسعدكم

اشكركم يا شباب علي شعوركم الطيب وعقبال الما متزوجين وأطمئنكم رشا حتكون في عيوني ،،،
طبعاً انا ما اسامه الزوج لكن كنت بتمنى اكون كده ( يعني مشوكش بالعربي )

الف الف مبروك بيت مال وعيال انتي تستاهلي كل خير لانو اطلالتك محترمه و مؤدبه

يا اخوانا رشا دي الداير يعرسها دا منو دا؟ ود ابليس ولا شنو؟ ليه ما مكتوب اسم العريس

ايووووووووووووي كدا تنفع

والله يا رشوية ربنا يسعدك لكن كنا نتوقع ان سعد الدين سيكون صاحب النصيب ويفوز بتلك النجفة لكن خخخخخخخخخ الكيزان عينهم ما تقع على حاجة الا وجففوها اعوذ بالله

ايوة يا عريس اسمع كلام عادل طه تعليقه بالاسفل

وركز كويس
انت ما تقصر وانا ما بفسر

الف مبروك وبالهناء

أحتمال يكون العريس ود عبد الجليل النذير الكاروى

لست من المتابعين للتلفزيون لكني أحياناً أجد نفسي مجبراً على مشاهدة بعض البرامج خاصة في النيل الأزرق وإحدى زوجاتي متخصصة في المذيعات تحفظ فايل معلومات لكل منهن وعرفت منها أن معظمهن غير متزوجات برغم كل هذا الجمال والثقافة فتجدني متحسراً ومعللاً ذلك بعزوف الرجال عن الزواج فتتهمني زوجتي بالعين الطائرة وأمازحههاأني مستعد أن أتلت بأي واحدة منهن بحجة قلة الرجال.
نقولك مبروك يارشا وعقبال زميلاتك وأكرر نصيحة الأخوان أوعك يكون كوز فالكوز مبرمج بحيث يكون عدو نفسو أولاً والثقافة والحضارة ثانياً.

برضو انا مصر طلع مرتك من الوسط الفني دي نصيحه مني ليك العيار الما بصيب بدوش والشهره

رشا مليون مبروك بس عليك الللة علمي زميلاتك عدم التكلف في الاناقة ما عارف مساحيق وعدسات لاصقة ياخي انتو حلوين ما شا اللة عليكم ما محتاجين لي هيك العدسات بالاخص تسابيح طبعا نحن مشاهدينكم وبنحبكم شديد ودي فرصة ننبهكم فيها يا اخواتي العزيزات اقبلن مني دي عقب الغريق قدام

الف مبرك يا رشا وربنا يسعدك انت انسانه تستاهل كل خير عااااااااااااااقله ورزينه

انتو ياجماعه المذيعه دي كلكم مجهجهكم كدا.ربنا يسعده

انتو ياجماع الزول العارض ده جاي من وين قاصي لينا كده ولله رشوية دي انا كنت قافل
عليها ولاكين انتو زي ماعارفين الشباب اليومين دى اياديهم مالاحقه علشان كده قلت اعمل لي حركه مسلحة وعلشان ادخل مفاوضات ويحققو لي مطالبي وهي:
1/ رشا مقابل السلام
2/يعملو لي قناة تلفزيونية عشان رشا تشتغل فيهو
3/البيت جوه مقر التلفزيون
4/مافي زول يشتغل معانا
5/رشا لازم تتحجب
6/البث لازم يكون أرضي علشان ناس السعودية مايتغزلو فيها
7/وفي البث الارضي ميشاهدو البرنامج الا المتزوجون ولا اقوليكم الرجال المتزوجين مامضمونين نساوين بس والاطفال
8/وعندي اصحابي كده لما كنا طلبة بنذاكر لمن يعاينو ليها اليوم داك مافي مذاكره ديل لازم يغشو المعتقل ( شوف نهي)

ياجماعه ماتقولوا الزول ده حاسدو ولله 9مليون دولار مبرووووووووووك ياعريس وانا حاجز البت لولدي

ربنا يبارك لها في زواجها .. تستاهل كل خير .. قمة الأدب والزوق والوقار وأكثر ما يعجبني فيها ملازمتها ولبسها لثوبها السوداني الأصيل >> نكرر تهانينا لها بالتوفيق في الحياة الزوجيه

العروس جهجهت الجماعة ;)

i hope to u nice time
يعني بس استغفر الله العظيم
انت وكت جهلول و انجليزيك قاطعو من …… ببتفلسف مالك؟

الف مبروك العروس رشا رشيد المذيعة المتالقة العاجبني فيك لبسك المحتشم والاناقة
والله والله انت كنز يفتخر بيهو كل السودانيين الله يحفظك من العين الحاسدين واتمنى ليك حياة سعيدة