قانون يحظر ممارسة المهن الحرة إلا بعد اجتياز امتحان قدرات

ياخى اى قانون واى بطيخ ؟ ياخى هى اسمها اعمال حره ؟ يعنى من اسمها تعلم بانها ليست لديها قيود ؟ بعدين ياخى يعنى خلاص بس وقفت على المساكين ؟ الذين يبحثون فى الكوش لوجود قطعه حديد لكى يعمل منها شىء مفيد يستفيد منه غيره ويستفيد هو ؟ بالله انتو يعنى حكايتكم شنو ؟ ياخى امشو شوفو الناس اليخموها ؟ والبلموا فيها ؟ والعملوا منها عمارات ؟ وعملوا منها ما عملوا فى فتره لم تتعدى الخمس ولاالست سنين ؟ ياخى خلو الناس فى حالها ؟ بعدين انتو ماعندكم شغله الا بالمساكين اصحاب قوت اليوم باليوم ؟ خافوا الله ؟ لاحوله ولاقوه الابالله ؟ امشوا شوفوا ناس الثراء الحرام ؟ وجددوا وحددوا ليهم وحدثوا ليهم القانون ؟ وشوفوا كم من كم ؟ بقى صاحب ملايين بمختلف العملات المتداوله فى العالم ؟ امشوا شوفوا ديل وعاقبوهم ؟ واعرفوا من اين اتوا بهذا المال ؟ يذهب الحرام من حيث اتى ؟ لانو السودان ده الناس العندهم حلال وقروش واصحاب مال كانوا معروفين عند الشعب السودانى كلوا ؟ البرير ؟ النفيدى ؟ اولاد ملاح ؟ بابكر ود الجبل؟ الكاردنال ؟ ويوجد غيرهم ؟ بس الان ملايين ملايين الاثرياء بس السؤال من وين ؟؟؟؟؟؟؟؟؟؟؟؟؟ خلوا المساكين ياكلوا عيشهم وانتوا اعملوا فى البتعملوا فيهو بعيدا عن المساكين ديل ؟ قال تعديل قانون الاعمال الحره ؟ بالله شوف ؟

طبعا الامتحان ده فيه رسوم حيدفعها الممتحن. والله الاختشوا ماتوا يعني بدل ما الدولة تدربهم مجانا عشان يعيشوا ويبقوا قوة منتجة!!!

ولا زالت الحكومة تواصل نزفها على المواطنين ……الى متى …. بعد الانفصال على الحكومة التريث وكسب ود المواطنين بدلا عن تنفريهم يوما بعد يوم….
اولا على الحكومة تدريب العمال مجانا واستخدامهم لمصلحتهم اولا ولمصحلة الدولة ثانيا بتوفير فرص عمل …
ثانيا: على الحكومة التخلى عن الضرائب التى تلاحق بها المواطنين . وكسر الجبايات التى بفرضها زوى النفوس الضعيفة عل اصحاب الدخل المحدود واصحاب المحال التجارية
ثالثا: فلتلتفت الحكومة الاراضى الشاسعة الخالية والاستفاده لمصحلة المواطن والدولة لاستثمارها بدلا عن وجوده خالية…واذا لم يكون باستطاعتها… فلتاجاء الى الشركات الخيرية العربية مثلا قطر الخيرية ..شريطة ان تكون العمالة سودانية خالصة لتوفير الفرص..
… ولكن هيهات … هذا هو نظام الحكم الجبهجى المتعجرف على البسطاء…

وردا على كل العالم … كان اولى للحكومة ان تسعى لراحة المواطن والانتقال بة الى مرحلة الرفاهية وان لم تستطع فالتتركة فى حالة ….

اااااااااااااااه يا بلد
من اعمال حرة بقت اعمال غير حرة ، الحكومة بقت دايرة قروش بى اى سبب ما معروف يمكن بعد كم يقولو دايرين يقننو مهنة الدعارة وكل داعرة وكل قواد لازم يسجل اسمو فى هيئة علوم الدعارة واستخراج بطاقة للموضوع

اااااااااااه يا بلد اكلوك الكيزان وقسمك البشير و زرع الكراهية فى الناس خال البشير وضرب خلق الله نافع الما نافع و ضحك عليك على عثمان ااااااااااااااه يا بلد
حرام يا ناس حرام حرااااااااااام
يا رب ندعوك بأسمك الاعظم الذى ما سئلت به اعطيت ان تنجلى هذه الحكومة ومن تابعها وابنائهم بحلول ظلام اليوم ويطلع فجر جديد علينا ،،،،،، امين ،،،،،،،
قولو امين
لله درك يا وطن
ابــــــــوعـــــــــــــمـــــر

اتفق مع الاخوة المعلقين في أن هذه المسرحية وكما جرت العادة الغاية منها تحصيل مزيد من الرسوم من الفقراء متى نرتاح من تزايد الضرائب والجمارك والرسوم والجبايات والنفايات والزكاوات والأتاوات والهنايات والوزراء والوزارات والنواب والنائبات وما يتبع ذلك من مخصصات وفق بند الإنتماءات والترضيات وغض الطرف عن نهب المال العام الذي تسرب ليكون رأسمال شركات وفيلات في كافوري والعمارات ودعايات ومهرجانات يمتزج فيها الرقص بالتكبيرات لإفتتاح المشروعات الفاقدة لأدنى المواصفات والتي (دفع وسيدفع) المواطن حقها بالمضاعفات أو التي لن يستفيد منها إلا بعد أن يدفع المليونات في الشبابيك والخزينات لينال مرتبة القرف في اللهث خلف الفتات ومن يسأل (غاية المشروع الانهياري شنو)؟ فالإجابة … شنينة أم قرينات