رفض المواطن عبد المجيد جبريل عبد المجيد، عرضًا مغريًا من مصريين بمبلغ”500″ مليار جنيه لبيع”نيزك” عثر عليه بمنطقة المناصير بولاية نهر النيل، ليقوموا بتهريبه إلى مصر والعمل على استخراج شهادة منشأ بأنهم عثروا عليه في مصر.
وقال عبد المجيد بحسب صحيفة الحراك السياسي الصادرة، الأثنين، إنّه رفض العروض المصرية وقام بتسليمه للحكومة السودانية عبر القنوات الرسمية لأخذ نصيبها ونصيبه.
وكشف عن وجود ما سماه بـ”المماطلة” من السلطات في عهد النظام البائد بعدم انصافها وإعطائه نصيبه من”النيزك”.
وأعلن عن تخصيص وزير المعادن الكاروري مزادًا للنيزك داخل مكتبه لبيع”النيزك”.
وكشف جبريل عن رفضه لعروض تلقاها من شخصين أحدهم دفع مبلغ 200 مليون دولار، وآخر روسي دفع مبلغ 250 مليون دولار بعد تسليمه النيزك لحكومة النظام البائد.
والله انت ي جبريل راجل طيب ووطني في بلد ما فيهو وطنية .الان ي جبريل ح يصادرو منك جبريل لدعم اهالي دارفور وانت تقعد تقشر بصل
يا عصام سلامة اهالي دارفور دخلهم شنو و علاقتهم شنو بجبريل؟ ديل تجار حرب و شغالين لانفسهم و ناس دارفور الاصيلين ضحايا مثلهم مثل ناس السودان الطيبين في كل بقاعه لذا ارجوك نبذ الجهوية و الكراهية و الانتباه لعدو الوطن الحقيقي و كيفية التصدي له بدلا من نشر بذور التفرقة بيننا و ترك المجال لمزيد من الانتهازيين و الخونة لينهبوا بلادنا و يهدوا اركانه و يوطدوا جزورهم.
الناس اتعلمت تنهب وتسرق المال العام كيف ومين كان جاثم على صدر السودان منذ الاستقلال حتى الان ؟
حلال ناس تسرق حرام ناس تانية تسرق ؟؟؟؟!!!!!!
حاكموا بالصف الاول ثم الثاني وبعد داااااااااك الطيش المسكين
كلام مايدخل العقل كيف ٢٥٠مليون دولار زمن النظام الفات كانت ميزانية السودان عديل كده ورفضت تبيع ليه الموضوع ده اتفتح الان منك والنظام انتهي ليه كم سنة
ماهي الجهة التي حددت إن هذه الصخرة هي نيزك (سقطت على الأرص من الفضاء) !؟
الخبر مجوبك وأنا ما فهمته حاجة, هل النيزك لا يزال فى حوزة صاحبه المدعو عبد المجيد أم شفطوهو منه الكيزان, بعدين حكاية مصريين و متين و خمسين مليون دولار دى فيها شوية مبالغة!!!