قيادي بحزب البشير: التجربة السودانية في الحرية أصبحت مثالاً للشعوب العربية

ههههههههههههههههههههههههههه
ههههههههههههههههههههههههههه
حلوه هذه الديمقراطية والحرية

ياخوانا انتو ماتتعبو نفسكم تمشو دنقلا او المسكيت ياخ انتو فايزين فايزين انا مرحوم وبطلع من القبر اصوتليكم ده كلام انتو ترتاحو بس وتفوزو ب 99 معليش ماتمت 100 لكن الله غالب ياكيزان وشدونا واسخلونا ومرمطونا واطردونا من بيوتنا وشيلو العوائد وشيلو دمنا ياخ بس ماتتعبو نفسكم الشعب يجيكم مخل ماقاعدين بس عليكم الله ماتتعبو نفسكم

ابشركم ايها المرتزقة دنقلا خالية من اهلها وجميعنا مغتربون لاجيال والغالبية قد استبدلت جنسية السوءدان بجنسيات اخرى بعد ان دمرتم مصادر الدخل واغرقتم المحاصيل واهملتم الشعب واوقفتم البوابير

فتبا لكم والى ماتدعونا اليه انتم ومشروعكم الحصاري وليس الحضاري …

صرخت المرأة في وجه صاحب البقالة
– ووب علي … ووب علي …يا راجل ما تَخجل … الزبادي أمس بالليل .. ءاشتريتو منك بي خمسة جنيه ..حسه الصباح تقول لي .. بي ستة جنيه ونص
– نعمل شنو ؟ .. زادوهو
– ( يعلو صوتها أكثر ) .. زادوهو مع آذان الصُبُح
– العربية حسه جابت الزبادي الجديد .. أدونا ليهو بالزيادة .. قالوا سعر جديد
– سعر جديد ؟ جنيه ونص زيادة .. من أمبارح بالليل .. لي صباح الليلة ؟
– ( ساخراً ) تعالي بعد صلاة الضُهر .. تلقيهو بقي بي سبعة
– ( وكأنها تهتف ) عشان الناس ساكتين … ومبلمين .. وما دايرة تقول بِغِم … وما دايرين يحتجوا
( تتلفت نحو زبائن آخرين من رجال ونساء يقفون أمام البقالة )
– يا ناس انتو ساكتين لي متين .. العيشة دي بقت صعبة خلاص … وكلو يوم الحال ماشي أصعب
( تدنو أكثر من بعض الرجال الذين ينظرون اليها في بله )
– ( تصرخ في وجههم ) .. البلد دي بقي ما فيها رجال .. ما فيها رجال يمرقوا يظاهرو ؟! .. نمرق نحنا النسوان . .. الرجال وينهم ؟
عندها خرج صوت امرأة مبحوحاً بعد أن سعلت بصوت مكتوم
– حليل الرجال .. البمرقو مظاهرات
ردت ءامرأة عجوز متساقطة الأسنان وكأنها تحدث نفسها
– ياااا … حليل الرجاااال .. الكانوا بكسّروا العناقريب
انفجر الرجال بالضحك مما ضاعف من غضب المرأة المحتجة
– ( غاضبة ) ياها دي فلاحتكم ؟! .. العناقريب .. وكسّير العناقريب ؟! .. وكمان تضحكوا؟!… والبلد كلو يوم ماشه لي ورا … ودايرين ننقرض من الجوع والمرض .. وما لاقين حق الدوا ( تصرخ ) .. أمرقو … أهتفوا
ارتفع صوت رجل متهكماً
– نقول شنو ؟ .. أدونا زبادي ؟!
– ( يعلو صوتها أكثر ) آآي .. قولوها .. وكمان بالصوت العالي … السكر غالي .. حرااام ياوالي .. ( تهتف ) وقولو .. الشعب يريد تغيير النظام .. الشعب يريد تغيير النظام
عندها خرج صوت المرأة متساقطة الأسنان متقطعاً.. ومحتجاً
– أجي يا بتي .. نبقي كمان متل المصريين … واليمانيين ؟!
– يا ريت لو بقينا زيهم
– لا لا .. يا بتي ( تستدير للرجال ) قولو يا رجال … يسقط … يسقط ابراهيم عبود
انفجر الرجال بالضحك .. وخاطبها أحدهم من بين ضحكه
– انتي يا حاجه .. من زمن عبود ؟! .. عبود ده .. مشي زماااان
– ( مندهشة ) أجي ولدي … عليك الرسول ؟!!
– والله يا حاجة
– ووب علي .. ووب علي … نان اللابس عسكر .. وشايل عصايتو .. ينقز .. ويعرض بيها في التلفزيون ..ده منو ؟!
– ده يا حاجه .. سيد الدكااان … ذاتو
( تصرخ فزعة وهي تنظر الي صاحب البقالة )
– سجمي … سيد الدكان ده ؟
انفجر الرجال بالضحك .. وارتفع صوت صاحب البقالة مرعوباً
– يا جماعة انتو عاوزين تودونا في ستين داهية .. مع العجوز المخرفة دي ؟!
( ينظر بغضب الي المرأة التي كانت تحتج علي الزيادة )
– ده كلو منك ءانتي .. أديك الزبادي وتمشي .. ولا ما دايراهو وتفوتي ؟!
– وحاة الله ما بشتريهو بي سته جنيه ونص … خليتو … أديني بيض
– كم ؟!
– دسته
ثم متوجسة
– ما تقول لي كمان البيض زادوهو ؟!
– زادووهو
– كم ؟
– الدسته زادوها جنيه
خرج صوت المرأة العجوز متهكماً
– أجي .. الجداد كمان .. ببيض بالبنزين …ولا بالدولار ؟!
رد صاحب البقالة ساخراً
– لا.. بالكهربا
( ثم عاد ملتفتاً نحو المرة الغاضبة )
– أها .. أديك دستة البيض .. ولا كمان ما عايزه ؟
– ( صاغرة … وكأنها تبكي ) أديني نص دسته ( تزفر في حرقة ) .. نعمل شنو ؟! .. نموت بالجوع ؟!
( وعاد صوت المرأة العجوز ليرتفع وكأنها تواسيها )
– والله يا بتي .. زمن عبود .. خلِي البيض … الجدادة كلها كانت بي خمسه قروش
( ترتفع أصوات الرجال علي التوالي وتتداخل )
– يا حليل زمن عبود
– يا حليل زمن الخروف الكبير بي تلاته جنيه بالقديم
– يا حليل زمن رطل السكر بي عشرة مليم
_ يا حليل زمن كنا بناكل باسطه … ما بناكل نيم
_ يا حليل زمن الغنم ما بتاكل أكياس نايلون .. بتاكل برسيم
– يا حليل الترماج
– جنينة الجيوانات
– السينما .. لبني عبد العزيز .. وعبد الحليم
– يا حليل البيرة … أبو جمل
– وبار حليم
– يا حليل زمن المزّه جبنة رومي
– وسمك البلطي عند بيومي
– ويا خرطوم ما بتنومي
( ينفجر صاحب البقالة غاضباَ )
– انتو البقالة دي مكتوب عليها بقالة ( يا حليل ) ؟!
( يرتفع صوت المرأة الغاضبة وهي تأخذ البيض من يد صاحب البقالة .. وتعطيه المبلغ)
– هو غير يا حليل دي .. الخلاكم بركتو في الواطة شنو يا رجال ؟! … قولو كمان .. ياحليل زمان الرجال ظاهرين
( تستدير خارجة من باحة السوق وهي تهتف )
– الشعب يريد تغيير النظام .. الشعب يريد تغيير النظام .. السكر غالي ..استقيل يا والي .. يا خرطوم ثوري … ثوري .. أغلي وأهتفي .. صوتك عالي
( المرأة العجوز تتابعها بنظرها بانبهار واعجاب )
– أريتك بتي .. لاك مصريه .. لايمانيه .. الا سودانيه .. أصليييية ( تلتفت الي الرجال غاضبة ) وانتو …يااا خسااارة الراجل فيكم .. بقي لا بودي .. لابجيب . لا بملا عين …
لا بكسّر عناقريب .

كوابيس ورؤي هاشم صديق

التجربة السودانية اصبحت مثالا للشعوب العربية التي انتفضت تبغي الحرية والديمقراطية والشفافية والعدل والحلاااااال البلال وووووووووووو
طيب، هل الذي يقول مثل هذا منهم ابوالعفين وغيرو، هل تنتابهم هنيهة ضحكات وتباسيم ، ام يضحكون ملء فيهم في خلواتهم مع بعضهم البعض كتلك الضحكات الواسعة التي اتصف بها علي عثمان وابوالجاز ومصطفي ومندور