جماهير المريخ تنظم وقفة احتجاجية صامتة امام اتحاد الكرة
نظم جمهور المريخ الان وقف احتجاجية صامتة امام مباني الاتحاد العام المنعقد الان على مباني اتحاد الكرة احتجاجا على قرارات اتحاد الكرة بخصوص الشكوتيم لتي تقدم بهما مجلس إدارة نادي المريخ ضد ناديي الأمل عطبرة وهلال كادوقلي واللتان رفضتهما اللجنة المنظمة لناغسات الإتحاد السوداني في إجتماعها أمس.
هذا وقد ندخلت قوة من الشرطة وقامت بفض الإعتصام وإعتقال عدد من المعتصمين وفتح بلاغات جنائية في مواجهتهم بقسم شرطة إمتداد الدرجة الأولى بالعمارات.
[CENTER]
[/CENTER]
الشعب السوداني العظيم على بكرة ابيه مشغول بشكاوي الاندية ويا بلد ما فيك الإ الكورة واريت لو في كورة … تف
الشعب السوداني العظيم على بكرة ابيه مشغول بشكاوي الاندية ويا بلد ما فيك الإ الكورة واريت لو في كورة … تف
دحين في كورة قدر دا عشان الناس تخلي مشاكل البلد كلها وتقيف احتجاجا عليها.. فعلا صدق من قال (الفايق يهمز امو) !!!!!!!
عمروها كان تبقى نواة الثورة جايز
انسحبوا من الممتاز اصلو الكاس طار منكم عشان تسجلوا موقف
دى رجالتكم وفلاحتكم ياوهم ياعواليق ياعديمى الشغلة
تفوا عليكم
ناس انصرافيه بصوره خرافيه .
ها يا إدارة الراكوبة انتو عايزين ترفعوا ضغط الناس
مريخ شنو كمان عشان يعملو ليهو وقفات احتجاجية
اذا كنا مجموعه من الخراف كيف لاتحكمنا مجموعه من الذئاب
الدكتاتورية هي اسعد جهة بما يحدث فالكورة (الفارغة) الان توفر مصاريف هائلة تصرف لصرف الانظار عن الازمات التي تحيط وتحيق بالبلاد .هل يعقل ان ياتي مسئول ويقول (الامر الان في ايدي جماهير المريخ) بدلا من توضيح طبيعة الاجراءات اللاحقة لرفض الشكوتين من استئناف وخلافه . ما يحدث في الشار الرياضي خلقته الدكتاتورية منذ 15 عاما كرافد من روافد البقاء في السلطة .
يغلبوكم في الميدان تفتشوا للشكاوي يا وهم
علينا مقاطعة الاتحاد بان نمتنع من دخول اي مباراة لم المريخ طرف فيها وعلي مجلس المريخ رفض المواصلة في البطولة .ويتحمل الاتحاد المسؤلية الكاملة جراء قراراته المجحفة.
هههههههههه ههههههههههه واي واي يا البكاء… حالتكم تحنن الكافر
دايرين تلقطوا النقاط بالشكاوي.. شفتو لما التحكيم بيكون نزيه بيكون شكلكم كيف؟؟!!!
قال ينفجر.. تنفجروا كيف يعني ما فهمنا؟؟ الطوب وبتجدعوا والقوارير الفاضية وبترموها والحكم وضربتوه لمان راسو اتفتح..
الدوري الممتاز دا تشموا قدحة وكاس السودان تلحسوا كوعكم ومارقين مارقين من البطولة الافريقية.
قال اعتصام اعتصام بتاع شنو.
قالوا ليك واحد بتاع مرور ادى الصفارة لواحد مستجد جديد قال ليهو انت موقعك في الحتة الفلانية وبعد ساعة اقشى بتاع السمك جيب ليك ثلاث كيلو سمك وبيبي وسلطات وكدا.. قام العسكري المستجد قال لي الضباط القروش يا جنابو؟
الضابط قال ليهو وطيب الصفارة دي انا اديتك ليها عشان تحسب للمريخ بلنتي..
خلوا روحكم رياضية يا مريخاب و زمان قالوا الكورة لعبة رياضية شعبية من الدرجة الاولي يعني شنو لو المريخ اتغلب !!انتهت الدنيا!! مازال هناك فرص التعويض و التركيز علي الجوانب الايجابية في النواحي المتاحة من اللاعبين الممتازيين لدي المريخ و التركيز علي دوري ابطال افريقيا يعني ما في جديد معروف كأس الممتاز في السودان مرة للمريخ او الهلال منذ تغيير اسمه لدوري الممتاز لكن الجديد سيكون لو تمكن المريخ من الفوز بكأس ابطال افريقيا ،، امر اخر هناك هموم اكبر واكثر اهمية من الوقوف امام مكاتب اتحاد الكرة ،، اصحو يا عالم ولا للانصراف للقضايا الكمالية بعيدة عن واقع اليوم هناك من لا يجد لقمة عيش يأكله وهناك من يفترش الارض وهناك من يعيش ظروف قاهة بسبب الحروب والامراض وغيرها هؤلاء يحتاجوا تقديم يد العون و المساعدة وليس كما تفعلون اليوم !!!!!
قلنا السياسة خربانة فى السودان كل العاقلين خرجوا من جهنم السودان بسبب النظام القاهر الان دخل النظام فى الرياضة فما على جماهير المريخ وهى الاغلب فى السوادن اما التظاهر او الخروج من هذا الوطن الحبيب وهذا لجماهير تشكل 70 % من الشعب السودانى
ياريتها وقفتكم لو بقت امام القصر الجمهوري من اجل استقالة البشير ونظامه !!!
دي وقفة احتجاجية ،،،،،؟
يا ولد جيب حبة الضغط ،،،،،،،،،،،
ههههههههههههاااااا هاكم النقاط دى
ههههههههههههاااااا هاكم النقاط دى