الامم المتحدة : قوات حفظ سلام وجنود سودانيون يتعرضون لهجوم في ابيي..جيش الحكومة : تعرضنا لكمين نصبته قوات الجيش الشعبي استخدمت فيه الأسلحة الثقيلة ،خسائر كبيرة في الأرواح وسنحتفظ بحق الرد.
الخرطوم (رويترز) – قالت الامم المتحدة يوم الجمعة ان اشخاصا مجهولين هاجموا قافلة تقل جنودا سودانيين شماليين وقوات حفظ سلام تابعة للامم المتحدة في منطقة ابيي الساخنة بالسودان فاصابوا اثنين بجراح.
وصوت الجنوب باغلبية ساحقة بالموافقة على اعلان الاستقلال عن الشمال الذي يغلب عليه المسلمون في استفتاء اجري في يناير كانون الثاني لكن التوترات تزايدت في ابيي وهي منطقة حدودية منتجة للنفط يتنازع عليها الجانبان.
وقال المتحدث باسم بعثة الامم المتحدة في السودان ان قافلة من جنود سودانيين شماليين يرافقها قوات حفظ سلام تابعة للامم المتحدة تعرضت لاطلاق النار وهم في طريقهم الى منطقة قولي الى الشمال من بلدة ابيي في وقت متأخر يوم الخميس واضاف ان المهاجمين مجهولون.
وقال ان قوات حفظ السلام كانت ترافق سريتين من الجيش السوداني كجزء من اتفاق بين الشمال والجنوب لسحب جميع القوات غير المرخص لها من الجانبين ما عدا قوة مشتركة.
[COLOR=blue]اتهم قوات الجيش الشعبي بنصبهكمين للجيش السوداني قرب أبيي [/COLOR]
أعلن الجيش السوداني أن قواته وقوات أممية تعرضت إلى كمين نصبته قوات الجيش الشعبي التابع للحركة الشعبية لتحرير السودان على بعد 7 كلم شمال مدينة أبيي الواقعة على الحدود بين شمال السودان وجنوبه.
وقال الناطق الرسمي باسم القوات المسلحة السودانية المقدم الصوارمي خالد سعد في بيان إن الكمين الذي استخدمت فيه الأسلحة الثقيلة ضد القوات المسلحة السودانية وقوات من الأمم المتحدة، أدى إلى حدوث خسائر كبيرة في الأرواح لا يزال حصرها جاريا حتى الآن.
وشدد الصوارمي على أن القوات المسلحة السودانية تحتفظ بحقها في الرد. ولم يرد تأكيد أو نفي من الجيش الشعبي لهذه الأنباء.
وكانت أبيي قد شهدت اشتباكات عنيفة مطلع الشهر الجاري بين جنود من الجيش السوداني وقوات جنوبية أسفرت -بحسب الأمم المتحدة- عن مقتل 14 شخصا.
يذكر أن منطقة أبيي الغنية بالنفط شهدت تصعيدا في أعمال العنف منذ استفتاء تقرير مصير جنوب السودان في يناير/كانون الثاني الماضي والذي أسفرت نتائجه عن تأييد ساحق لصالح انفصال الجنوب الذي سيصبح دولة مستقلة في يوليو/تموز المقبل.
وكان من المقرر إجراء استفتاء خاص بمنطقة أبيي لتحديد تبعيتها للشمال أو للجنوب بالتزامن مع استفتاء الجنوب، لكنه أرجئ إلى أجل غير مسمى بسبب خلاف على من يحق له التصويت في استفتاء المنطقة التي تتقاسم النفوذ فيها قبيلة دينكا نقوك الجنوبية وقبيلة المسيرية البدوية العربية.
المصدر: الجزيرة
أبيي : خميس كات
[email protected]
فى إنتهاك صريح للإتفاقيات الموقعة بين الشمال والجنوب هاجمت القوات المسلحة أفراد الجيش الشعبى التابعة للقوات المشتركة فى المنطقة مساء الأمس الخميس حسب إفادة مصدر أمنى مسؤل فضل حجب إسمه وأضاف ان القوات المشتركة التابعة للقوات المسلحة إنسحبت من أبيي اليوم بصورة مفاجأة أذهلنا جميعاً حسب قوله وتابع ان عربات الامم المتحدة حاولت تنقل القوات المشتركة التابعة لقوات ساف ولكن فى طريقهم اعتدوا على افراد الجيش الشعبى التابع للمشتركة فى قرية دوكرة شمالى أبيي مما أدت الى وقوع ضحايا بين الجانبين . فيما شاهد شهود عيان عربات الامم المتحدة وهى عائدة من شمال ابيي تحمل بعض الأمتعة يعتقد للقوات المسلحة وانهم فروا فى اشتباك وتركوا امتعتهم فى ناقلات الامم المتحدة .
فيما اتهم الاستاذ/ ديفيد كير سكرتير الحركة الشعبية للشئون السياسية والتعبئة منطقة أبيي المؤتمر الوطنى تدبير الواقعة بغية جعل المنطقة غير مستقرة أمنياً حتى لا تذور اعضاء مجلس الامن الدولى المنطقة ليتفقدوا الأحوال على ارض الواقع كما طالب مجلس الأمن الدولى بحسم القضية نهائياً عند زيارتهم المرتقبة فى الاثنين القادم كما طالب بتفعيل البند السابع لحماية المدنيين من الهجمات البربرية التى تنفذها القوات المسلحة والمليشيات المنسوبة لها واضاف لابد من نشر قوات دولية فى حدود لاهاى .
وقال ان هذا السلوك ليس بغريب وهو ديدن المؤتمر الوطنى لقطع الطريق أمام الزيارة التاريخية لأعضاء مجلس الأمن الدولى للمنطقة لإظهار عدم استقرارها وتوفر الأمن وإكتشاف الحقيقة الديموغرافية السكانية واضاف ان سياسات المؤتمر الوطنى تعمل على إعادة التركيبة السكانية للمنطقة منذ فترة بإحتلالهم المناطق الشمالية عبر مليشيات الدفاع الشعبى ووجود القوات المسلحة وهذا يتنافى مع برتكول أبيي وقرار محكمة لاهاى التى حددت المناطق التابعة لمشائخ الدينكا نقوك التسع وتابع لذلك يرون انهم من الهرج ان يلتقى أعضاء مجلس الأمن مع مسيرية فى كادقلى وليس أبيي وبعد فشل محاولاتهم لجلب المسيرية الى المنطقة ليلتقوا اعضاء مجلس الامن ويثبتوا زيفهم بان المنطقة مشتركة بين الدينكا والمسيرية .
وأدان السيد ديفيد الهجوم الارهابى الذى قام بها عناصر القوات المشتركة التابعة للقوات المسلحة وحملهم المسؤلية لأنهم البادئون حسب قوله
الجيش السوداني الذي لايقهر والذي سمعته ضاربة في كل انحاء العالم بالشجاعة والبسالة والذي شارك في قهر اسرائيل والذي ظل يقاتل في احراش الجنوب وكل الجبهات التي فتحتها دول الجوار كيدا للنظام ظل هو الجيش السوداني لم تنكسر له شوكة حتي توقيع اتفاقية السلام ولكن ماهذا الضعف والخوار الذي اصاب قواتنا الباسلة التي تئن الارض من تحتها واصبحت ملطشة لعصابات مايسمي بالجيش الشعبي الذي لم يستطع حماية مدنني الجنوب من ضربات المنشقين ,,,,,, اين سلاح القوات المسلحة اين الطيران اين واين واين…… ولماذا الاحتفاظ بحق الرد لماذا لا يكون الرد في حينه وموجعا يلقن العدو درسا ويجبره علي عدم التفكير في المواجهة وحقيقة مفردة الاحتفاظ بحق الرد عند الكثيرين تشير لضعف او عدم قدرة علي اخذ الحق ,,,,,,,,,, علي القوات المسلحة القيام بدورها كاملا وفك ارتباطها بالسياسيه حين ماتتعارض مع امن الوطن والمخطط القادم كبير في ابيي لابد من الاستعداد له والتعامل معه بالمثل طلقة بطلقة ……. والحركة الشعبية تهدف لاضعاف الشمال حقدا منها اذن لابد من الرد الرد الرد الرد الرد الرد الرد ويكون بالسد يكون بلغة تعرفها الحركة جيدا
الإحتفاظ بحق الرد !؟ رد ضد من ؟ إذا كان المهاجمون (مجهولون) !؟ والخسائر ,جاري حصرها ؟ وقوات الأمم المتحدة (تحرس) قوات شمالية ! بإختصار ما يحدث في البلد مهزلة , لا أول لها ولا آخر ,العسكر فشلو في حكم البلد , وهم في طريقهم للقضاء على ما تبقى منها , إن بقي شيئا فعلا ! تمثيليات يفبركونها ثم يصدقونها , لكي يشغلوا بها (الغبش) الذين مصوا دمهم , ويرفلوا هم في المال الحرام الذي ينهبونه ليلا ونهارا . فشلوا في الحفاظ على وحدة وطن ,إغتصبوا سلطته بليل ,و احتكروه لحزبهم اللص , واليوم يتباكون , ويتوعدون بالرد ! هذا ما كنزتم لأنفسكم , لن تنعموا به ,ولن يغمض للناس في بلد ي جفن حتى ترحلوا عنه .
(وشدد الصوارمي على أن القوات المسلحة السودانية تحتفظ بحقها في الرد)
ااح يا جانبو … مش الرد بالترتيب؟……….. يعنى نرد للمصريين ….. يلا اثيوبيا …….. و …. و ………ولاسرائيل ….. وبعد داك نجى للشفاع دول ……… ولا كيف؟ ……… اكرة الحروب واكرة ان يموت ابناء هذا البلد سنبلا ساكت فى البلد الكان ممكن يشيلنا كلنا ……….. بس المرة دى اتمنى ان تنضربو زيادة لو دى الطريقة الوحيدة البيعلمكم توقفو الحروب……….. موتو كلكم بالكثرة ……. ولمن تحتاجو للحياة …….. براكم اح ترفضو اوامر المنتفعيين من حروبنا مع بعض.
برضو محتفظين بحقكم في الرد!!!!!!!!!:lool: :cool:
وشدد الصوارمي على أن القوات المسلحة السودانية (تحتفظ بحقها في الرد)
الكلام ده زي السمعتو قبل كدة لكن وين ما عارف إحتمال كبير يكون سمعتو يوم
إسرائيل عملت هجم النمر علي بورتسودان
حتي الجيش انتمي للكيزان الله يكون في عون الشعب
ما ارتكبتة الحركة الشعبية عمل خطير جدآ غير محسوب العواقب وعلي مراء من عيون الامم المتحدة وهذا كافيآ لتقوم قواتنا المسلحة برد قاسي وسريع ,الحركة قامت بهذا العمل بعد ان اوقف الشمال تصدير البضائع لجنوب السودان سابقآ الحركة الشعبية فاشلة وعليها ان تتحمل العواقب
الردسريع ياالصوارمي عاجل عاجل عاجل
لازم لازم لازم
من قتل جنديان من الأمم المتحدة هل هي قوات الحركة الشعبية الإسبوع الماضي؟أم اشخاص مجهولون؟والكمين الذي وقع فيه القوات الشمالية المنسحب حسب قول الصوارمي نصبته الحركة الشعبية.دليلك شنو يا صوارمي يا صرصور.ما عندكم جن علي الكورة الأرضية إلا الحركة الشعبية حذارى ثم حذارى بطل التهديدات بالحرب لأن حزبكم هو الخاسر لأنكم ستفقدون السلطة عندما تفضلون الحرب علي السلام…………….:cool: :cool: :cool: :cool: :cool:
وزير الدفاع ده لسة قاعد ماعندوا دم المفروض استقيل
بلاقوات مسلحه بلاضحك على الدقون … القوات المسلحه دى غير الحروب الأهليه ضد شعبها خاضت ياتى حرب منذ تأسيسها ..! حتى الإستقلال ماكان فى قوات مسلحه عشان نقول حررتوا السودان … وين القوات (…..) دى لمن إسرائيل ضربتنا مرتين !! ولاوين القوات (….) دى من حلايب القلعوها المصريين قوة عين ولاالفشقه الشالوها الأثيوبيين رجاله ! الرجال ماتوا فى كررى .. وإنتوا راكبين أحسن عربات وكروشكم كبيره من أموال الشعب وقاعدين فى المكيفات وتكتلوا الأبرياء فى دارفور وتحرقوا قراهم … وتحرقوا القرى فى الجنوب … ولمن خليل يجى لحدى أمدرمان نندسوا مع النسوان … القوات المسلحه وبال على السودان وشعبه … لم تقدم لهذا الوطن شئ منذ الإستقلال غير الحروب الأهليه وتقتيل اشعب والإنقلابات على الحكومات الشرعيه … يجب حل القوات المسمى زورا وبهتانا بقوات الشعب المسلحه وهى فى الواقع العدو الأول للشعب وتكوينها على أسس جديده ومفاهيم جديده وأى عسكرى بليد يحاول الإستيلاء على السلطه يشنق ويصلب فى وسط الخرطوم ليكون عبره لأى عسكرى تسول له نفسه الإستيلاء على سلطة الشعب .. لأنه العساكر أبلد من يحكم وثلاثه تجارب من حكم العسكر وصلتنا اليوم للحضيض ولو عشنا فترات العسكر فى حكم الديمقراطيه لكنا اليوم فى مصاف الدول المتطوره لأن الديمقراطيه ميزنها أنها تصلح من أخطاءها وتطور من نفسها ويتعلم الناس فيها أفضل السبل لحكم أنفسهم .. أما أنظمة العسكر البليده فهى الدمار الشامل والتاريخ والتجارب تثبت صحة ذلك .
خسرنا الوحدة ولم نكسب السلام
خسرنا الوحدة وخسرنا السلام
هكذا هي الإنقاذ التي أغرقت السودان في الدماء والدموع. الإنقاذ التي فتت البلاد وجوعت العباد وقننت الفساد والإفساد ولم تزل تتشبث بأن لها مشروع حضاري.
الخلاص هو كنس الإنقاذ ومحاسبة رموزها ومن أتوا بها وفاسديها ومفسديها وناهبي قوت الشعب ومغتصبي حرائرنا.
يرونه بعيدا ونراه قريبا
شوفو خبث الامم المتحدة وموالاتها للحركة الشعبية قالت جنود مجهولون ؟؟ يعني حا يكون مين غير الحركة الشعبية ؟؟
حليل الجيش السوداني الذي لقن الحركة الشعبية في الماضي دروسا في فن الجندية .. ويكفي انه قتل في كمين واحد في هجوم الحركة الشهير على جوبا خمسة الاف جندي .. واليوم الجيش تحت رحمة الكيزان اصبح لا يهش ولا ينش .. والعوير الاسمو عبد الرحيم قاعد يدمر ما تبقي من الجيش ..
اذا كنت رئيسا وللاسف لست رئيسا كنت اغلقت انابيب النفط القادمة من الجنوب وقلت للحركة الشعبية شوفو ليكم طريقة تصدروا بيها نفطكم .. متاكد 24 ساعة حا يركوا تحت اقدامي وينفذو كل طلباتي لان لا امريكا ولا غيرها مستعدة لدفع 7 مليار دولار للحركة سنويا ؟؟؟؟ بس للاسف قادتنا حرامية ولصوص وجبناء واغبياء وهبل .. كان الله في عونك يا شعب السودان ..
بلا حق رد بلا كلام فارغ
دا اسمه جبن
ما دايرين نيفاشا ولا سلام ولا انفصال
السودان يا للشماليين او للجنوبيين
والحشاش يملا شبكتو
‘طالما وزير دفاعنا واحد أهبل ( خرنق ) أسمه غبدالرحيم محمد حسين فسوف نكون ملطشة للجميع 00
يالسيف والدرقة الجيش وينو هو بالله لو كان فى جيش ابوريالة ده يكون وزير دفاع والله لن يردوا على البعوض لو هجم عليهم الناس ديل مطلوبين للمحاكم الدولي وهسه العالم كايس ليهو اى سبب عشان يتدخل هم ما قاعدين يعاينو ل سوريا كيف التدخل حيتم فيها وليش السبب هم عارفين والله الحركة لو اخدت كوستى الليلة هم ما يردوا ديل خايفين على الاموال السرقوها وهربوها لكن ممكن يهربوا فى اى لحظة لانو الارض تتحرك الان من تحت اقدامهم والامريكان نفستن طويل كيف كانو لابدين ل بشار الاسد لمان لقو الفرصة فيهو والان منقضين عليهو بهدوء سيسقوه ويحرقوا دموا وتاريخو السيى لكن ديل مش لو سكتوا القصة فى الطريق ليهن ولاد الكلب ..
حق الرد مثل ردكم على حادثة بورتسودان
السودان اصبح بلد ذليل فى عهدكم لانكم كنتم تنظرو لى الحور العين عندما كنتم فقراء معدمين لكن بعد ان انتفخت جضومكم وكروشكم قلتم الحياة حلوة
ناس الحركة جاهذين للحرب شدو حيلكم ودايرين ناس نفع واولادة فى الصفوب الاولى وابنتة نسيبة صاحبة القصر تداوى الجرحى
ان ماقام به الجيش الشعبي يجب ان لايمر مرور الكرام اولا الامم المتحده لن تدين هذا الاعتداء وان كان تم علي بعض من جنودها يجب علي الجيش السوداني اجتياح المنطقه باسرها ان لم يفغلوا ذالك ستكون هناك الاف الاعتداءات:eek: :cool: :rolleyes: ;( :D :confused: :crazy: ( )
هذا يؤكد ان لجؤ الكيزان للسلام كان دون ايمان به بل بضغط
سياسي وعسكري علي الارض
وكان واضح لاجهل الساسه ان ابيي بتجيب خبرنا كلنا
الكيزان فصلو الجنوب عشان يستمتعوا بالقريشات بدون مصروفات حرب
ههههههههه هههههههه ههههههههه ههههههههه ههههههه
المعروف ايضا ان الامن من شر الجنوب هو الاحتفاظ به وجعله محكوما ببوصلة
التحكم الخرطومي لكن عباد اللحظات والماده باعوهو حتي دون تامين البيع
بحسم الحدود وابيي
اها يا بتاعين الكلمات السمجه المخفين وراها الجبن قبل الضعف مثل الاحتفاظ
بحق الرد اها ردو نحنا متصنتين وانا متاكد انو ردكم سيحكم بحبكم للدنيا ولن
يصل لقامة السودانيين القزمتوهم يا اضعف حلقات الوطن يا اذاه يا من ندعو الله
فيهم ان يرينا فيكم يوما قريبا يفرحنا ويفرح الاحرار
القوات المسلحة في كل الدول العربية واسلحتها الثقيلة كلها فقط توجه في صدور شعوبهم العزل , ما سمعنا عن نظام دكتاتوري وجه اسلحته ضد عدو من الاعداء الخارجية , والسودان ليس مثتثني من كل الانظمة القمعية. قواتنا المسلحة دي سوف تستخدم ضد الشعب السوداني الاعزل لم يهب ضدهم . لكن اذا استعدي الامر لكي يدافعوا عن الوطن , يكتفوا بالقول ( تحتفظ بحقها في الرد). في راي ان نظام الكيزان ديل ما يقدروا يردوا ولا علي عصابة مسلحه ناهيك عن جيش نظامي او دول زي اسرائيل ومصر واثيوبيا . وحتي اذا ارادوا ان يردوا ! من هو الذي سيحمل لهم بندقية عشان يدافع عنهم ويموت فطيس ؟
الخسارة دئما مع البادى لا تتلبسون القوات حفظ السلام كى يقولو ان الجيش الشعبى هم الذين ضربو القوات المسلحة هذا كذب فادح هؤلا الناس يخافون الله و يقولون الحق دون تردد
هذا غير عادل ان اردتم شعب ابيى كما تقولون لما خدمتم ابيى مثل اى مدينة فى شمال السودان هذا مجرد كذب على لستن المؤتمر الوطنى انكم تريدون الحرب وهذا ما من صالحكم ان البترول فى ابيى لجنوب السودان (الدولة الوليدة)مافى طريقه شوفو مشكلة قوش فى الاول
اتعجب من حال اخوتنا الذين يقاتلون في صفوف الجيش السوداني من اجل حماية شيوخ المؤتمر المنعمين والمترفين في قصور الخرطوم و المهمومين بجمع الثروات واكتنازها …..
اما من احد يحدث هؤلاء الشباب ليحكموا عقولهم ….. هل شاهدوا في صفوفهم المقاتلة ( الامامية ) احد ابناء شيوخ المؤتمر ….. هل من بينهم ابناء معتصم عبد الرحيم صاحب الحوافز المليونية … او صاحب الراتب الملياري مدير سوق الخرطوم للاوراق المالية ….. هل من بين صفوفهم اشقاء الرئيس او ابناء اشقاء الرئيس ام ان هؤلاء منعمين مترفين بين جدر قصور حوش بانقا بكافوري …. هل سمعوا ان بين من قتلوا احد ابناء مستثمر المؤتمر جمال الوالي ………
يا هؤلاء عودوا الى رشدكم …. فالقاتل سوداني والمقتول كذلك …… يدفع الاثنان معا فاتورة ان يظل شيوخ المؤتمر ومحاسيبهم في امان مترفين …
عودوا الى رشدكم واتقوا الله في انفسكم وفي اهليكم … وفي اوطانكم …….
هداكم الله واصلح حالكم …..
انتم دئما فاشلين المؤيمر يقتل ابرئا و يتسبق ان هم الذين هجموهم هذا وهم من قبل المؤتر الوطنى و البادى اظلم ;) ;) :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool:
بعثة الأمم المتحدة قالت أشخاص مجهولون هم من قاموا بالهجوم وأصابوا أثنين بجراح والحكومة قالت قوات الحركة من قامت بالهجوم مما سبب خسائر كبيرة في الأرواح لايزال حصرها جارياً حتى الآن مما يعني أن أعداد القتلى كثيرون ونصدق منو نحن والحركة أكيد حا تنفي وتقول أن رجالاً هبطوا من أحدى كواكب المجموعة الشمسية هم من بادروا بالهجوم أو ستقول أن الهجوم رد من قواتها الوديعة على القوات الحكومية على العموم الرحمة والمغفرة لكل الذين لقوا حتفهم في هذا الهجوم الغادر واللهم أحفظ دماء السودانيين فإنها غالية وطاهرة والسلام السلام يا حكومة ويا حركة كفاية كراهية وخصام .
والله الواحد بقي يشك هل عندنا جيش في الشمال ولا ما عندنا مجوعه متمرده في دارفور وشويه عساكر في ابيي يلعبوا في البلد بالطول والعرض والجيش كل شوية طالع لينا بكلمة نحنفظ بحق الرد ياخي كفاية زل وانبطاح بلا اتفاقية سلام بالا بطيخ احتلوا الجنوب بالكامل ورجعوه واي جنوبي يرفع عينوا املوه نار كرهتونا الحياة بلد كلها مصايب والله الواحد بتمني يعيش ليه يومين بسلام قبل القيامه ما تقوم
دير عاوزين يعملوا موضوع عشان ناس الامم المتحده زائرين السودان- لابد من الرد السريع العاجل وعدم الشكوى واطاعة اوامر ناس الامم المتحده بالصبر- خوفتوهم وقت الانتخابات وعملوا حسابهم عندما وريتوهم العين الحمراء وما قالوا بغم- الان تتركوهم وتشتكوا لمنو- قولوا الله اكبر وشوفوهم لو وقفوا-
ضربوكم جوا ام درمان وفي بورسودان وحلايب والفشقة وابيي وانتو تحت الكوندشنات وبمال الشعب وقسمتم البلاد وتضربوا في المساكين بقري شمال دارفور وجوعتم الوسط والشرق وبرضوا نحتفظ بحق الرد ………طز فيكم
الحكومة تعرف الضربو منو والله انت جاهل ياساتي تعال انت اضرب انت قايل الجنوبين زى زمان ووالله العظيم تخلي اولادك وتجرى جنوب شنو يرجع تاني
الواحد مستمتع بالتعليقات حتي الثمالة:D :D :D :D :D
ولا تعليق:lool: :lool: :lool: :lool: :lool: :lool: :lool:
سوداني من الشطر الجـــــــــــــــــــــــــــــــنوبي
اتمنى انالا يفقد جيشنا السودانى هيبته فى المنطقة تعددت الضربات والاحتفاظ بحق الرد كلام فاضى ! بعد شوية كلو حايضرب كلو حايضرب واحنا نتفرج !!!!
واخر كلام بقولو حلايب حتكون منطقة مشتركة بين مصر و السودان …
حــلايب ســـودانية مية فى المية.
يا قرنق انت عارف ناس الحركه استفزازيين وبعد ما فقدوا جنوب كردفان راسهم سخن والجن ركبهم وقايلنها زي النيل الازرق لكن ناس المؤتمر ادوا الحركه مقلب وشاتوهم ضفارى واصبحوا كالمجانين والحلو بقى مر والحركه كالعاده ح تديهوا شلوت لانو اصبح كرت محروق وحيشوفوا بديل وبكره تسمع تصريحات الحركه تكون لصالح المؤتمر ضد الحلو و ح يطلعوا اى كلام او يلفقوا ليهو اى تهمه–و البترول الفرحان بيهو ده يا قرنق بتصدروا بى وين ومن بكره شوفوا ليكم مخرج او اعملوا ليكم صهاريج كبيره واحفظوا فيها او بيعوا بالجركانه نحن ما عاوزنو حلال عليكم الله اداكم ونحن نقول الله يزيدكم ويدينا وخط الانابيب نملاهوا مويه لاهلنا فى بورتسودان- وفكر يا قرنق فى موضوع تصريف البترول الفرحان بيهو —
خسائر كبيرة في الأرواح وسنحتفظ بحق الرد………..
——————–
نتحداكم ردوا عليهم …. توالت عليكم مصائب الدنيا من كل إتجاه – فساد – وأزمة مياه – وضرب بالطائرات – وغيرها من المحن .
هذه هي نهياتكم …
اكون جاهل فعلا لورديت علي……زيك :lool: :lool: :lool:
دي ملطشه اكثر من اللازم وكفايه كدا على الجيش السوداني الرد بقوه واجتياح الجنوب وطرد هولاء الخونة من كل الجنوب واعادة الوضع على ما كان عليه قبل اتفاقية الشؤم ونحنا جاهزين للقتال والله اكبر والعزة للسودان
فاض الكيل ايها الجيش السودانى.. كنا نعرفكم بقول : كلام كتير مافى. العيال دول اى ناس الحركة الشغبية.. دايرين العين الحمرا.. اذا رقدتو ليهم الكلام بقول نحتفظ بحق الرد بتعودو على حاجة زي دى وكل مرة بعملو حاجة.. والغريب في الامر انو الامم المتحدة تعرف من المعتدى الا وهو الحركة الشغبية ومع ده كلو ساكتين ليش مامعروف. لابد من الغلظة عليهم ومافي حاجة اسمها ضبط النفس وكده لازم الجبخانة تقوم وطوالي وتانى اتفاقيات مافى الا يرفعو الراية البيضاء.. وين الاسلحة القالو صنعوها داسنها لى وين.. بكره امريكا تطلع علينا وتقول يجب على حكومة السودان ان تحافظ علي السلام ..بكل هدوء.. اها لمتين الحركة الشغبية تغتل وتنتهك ونحنا نتفرج.. يرجعو ساحات الفداء تانى والضرب من حديد وبقوة مش لو جات امريكا لو جا العالم كلو مايوقف الشعب السودانى عن الدفاع عن نفسه والله اكبر والعزة للسودان:lool:
اين تعليقات المرجفين في المدينة والعلمانيين والطابور الخامس اخوانا في قوات الشعب المسلحة بقض النظر عن الحكومات هذا جيشنا يتعرض لهذة المهازل وظهرة مكشوف ونحن نتفرج ونتريق مايحدث عندنا من استهتار بالوطن ومقدراتة لايحدث في اي مكان في الدنيا هولاء الابطال هم اخواننا واخوالنا وعمامنا يدافعون عن الارض والعرض وللاسف الخونة داخلنا يتربصون بهم من الداخل متي نصحو اللة اعلم
ده عوسك اكليه يا الرفلة !
ما عندنا عداوة مع الجنوبيين والعنده عداوة معاهم يمشي يضاربهم وكان دقوه ما يجينا راجع
القوات المسلحة تحتفظ بحقها فى الرد فى الزمان والمكان المناسب هاهاهاهاها يوم القيامة العصر :eek: :eek: :eek: ( ) ( ) ( )
طبعا حق الرد زى الزول المدين لى دين وما قادر يسددوا
اه نحنا منتظرين حق الرد دا الى يوم يبعثون
ديل الامبارح كنتو دايرين ترفعو منهم الحظر الشبهم الرويبضة ياسر بالمحاصرين فى غزة!الغدارين الخونة .
لكن العيب مننا نحن الماسمعنا وصية اهلنا زمان(لاتخاوى…… لاتبول فى الشق الشق حساى و………….. نساى)
الرحمة والخلود لجنودنا البواسل
الكلب البنبح ما بعضي يا الصوارمي علمتو القوات المسلحه التفكير مليون مره والنبيح القوات المسلحه لا تستطيع الدفاع عن نفسها كيف تدافع عن الوطن (من يهن
يسهل الهوان عليه يا الصوارمي) خليتو بنت الخرطوم تتطاول علي القوات المسلحة
والله بالعقل كدة أنا بفتكر انو الحركة الشعبية شغلها الشاغل هو بناء دولتهم الجديدة لأنو راجيها عمل كتير جدا وما أظن تعمل حرب ضد الشمال وهذا الهجوم هو فبركةمن المؤتمر الوطنى لأنو متعود على صنع الأكاذيب وخلق الأزمات لكسب تعاطف الشعب المسكين والمغلوب على أمره وهو يدير الدولة بصنع وخلق الأزمات وهذا أصبح واضحا وجليا لكل المتابعين للشأن السودانى وناس المؤتمر اللاوطنى الفساد أعمى بصيرتهم وأصبحوا غير قادرين على أدارة الدولة وماعندهم حاجة يقولوها غير الأحتفاظ بحق الرد
رائيس الغفلة سمع عن الضربة دي ولا مشغول في حفل راقص كالعادة الحمد للة الاهبل ما قال ( نستدرجهم حتي امدرمان ) ( يا اسحق ) ما جاتك تارره و حارة ماتسل سيفك ولا الشيوعي الاهبل ما قال ليك متي يسل السيف ام منتظر ( ,,,,,,,,,,,,,,,,,,,, ,واحد من عطبرة ) حتى تسل السيف
التسوى بى ايدك يغلب اجاويدك
تحتفظوا بحق الرد زي ما رديتو على الاسرائيليين صح؟؟؟؟
بلا يخمكم قال قوات شعب مسلحة قال
الكيزان دايرين يولعوا الحرب لانهم مزنوقين وخايفيين من الثورة وعايزيين يشغلو الشعب , ليس من مصلحة الجنوب اشعال الحرب لانهم على بعد شهرين من الانفصال كما ان التحكيم الدولى اعطاهم الحق فى ابيى , لايوجد جبش وطنى انما مليشيات وكتائب تابعه للمؤتمر الوطنى اذا دارت الحرب فان الهزيمه لاشك لاحقه بالمؤتمر الوطنى لان المجتمع الدولى سبعتبر ذلك نكوص عن السلام وابيى سوف تقسم ويعطى الجنوب الجزء الاكبر وجزء صغير لارضاء المسيرية ولن ترفع العقوبات عن الشمال بل ربما يتم اعتقال البشبر كما حدث لباغبو , نافع وابجاعوره وابورياله زنو على خرابهم . اللهم ابعد الحروب عن الشعب واجعل كيد الكيزان فى نحرهم وخلصنا منهم يارحمن السموات والارض.
الجيش الشعبي يتهم الشمال بقصف أبيي
الجمعة, 20 مايو 2011 21:47 التحديث الأخير ( الجمعة, 20 مايو 2011 21:48 )
.
المتحدث باسم الجيش الشعبي لتحرير السودان؛ فيليب أقوير طالب بفتح تحقيق في أحداث أبيي
اتهم المتحدث باسم الجيش الشعبي لتحرير السودان؛ فيليب أقوير، الجيش السوداني بالهجوم على منطقة أبيي المتنازع عليها بطائرات الأنتنوف والمدافع طويلة المدى. وقال أقوير في تصريح للشروق، إن أربع مناطق بالمنطقة تم حرقها نتيجة للقصف.
وفي أول تعليق له على حادث الكمين الذي تعرضت له القوات المسلحة السودانية وقوات (يوناميس) قال المتحدث باسم الجيش الشعبي لتحرير السودان إن الهجوم وقع بسبب إطلاق نار من قبل مجهول على القوات المسلحة السودانية والتي ردت بدورها على الهجوم، مما أوقع الاشتباكات في أبيي.
وطالب المتحدث باسم الجيش الشعبي لتحرير السودان الأمم المتحدة بفتح تحقيق في الحادث.
من جانبه قال وزير الإعلام المتحدث باسم حكومة جنوب السودان؛ برنابا بنجامين، إن الاشتباكات التي حصلت بأبيي هي داخل القوات المشتركة التي تتكون من الجيش الشعبي والقوات المسلحة السودانية، داعياً لفتح تحقيق في الحادثة وعدم الاستعجال في توجيه الاتهامات.
وندد بنجامين بما سماه القصف الحكومي على مناطق في أبيي وقال إنه شيء مؤسف.